安神定志—石菖蒲遠志茯神五味子湯
有些小朋友身體或智力發育會較為遲鈍，例如語言發音不清楚，學習困難、精神渙散，注意力不集中、虛煩不安等。
同樣有些年老長者亦會出現一些認知障礙症狀，如精神渙散，注意力不集中，記憶力衰退等，當然無論小兒或老人一但出現類似症狀必須及早治理，合適的食療亦能起到一定的作用。
石菖蒲能開竅寧神，對中樞神經系統有鎮靜作用；遠志能寧心安神，對心腎不交引致的驚悸、失眠健忘有益；茯神能寧心安神；五味子能養肝、保護神經系統，助安眠；數物加上瑤柱煲湯，湯味鮮美，無論對發育遲緩小兒，或腦退化長者都十分有益。
用料是：石菖蒲3錢，遠志3錢，茯神5錢，五味子3錢，瑤柱4粒。
做法：材料分別浸洗；瑤柱連浸的水一齊，用8碗水煮個半鐘成3碗即成。
~ 小貼士：此湯微有藥味，老少可飲。此湯對神經衰弱及小兒多動症患兒亦甚為有益。
你好芳姐，上次同你講我個仔患咗骨腫瘤四歲
遲啲要喺醫院化。
除咗你上次講嘅小米， 陳皮瑤柱煲粥
有啲咩可以令到佢有多啲胃口？佢比較偏食 鍾意食肉
同埋想問有冇啲簡單嘅食物係對化療有幫助？
謝謝你，如果你知道的請幫我解答；）
陳小姐:
蘆筍是抗癌佳品,超巿有中條形的蘆筍,近尾處較老身,可以切下來,配南瓜,番茄,紅蘿蔔,無花果各適量煲瘦肉湯,全家可飲,有助排走毒素及抗癌.嫩的部分可以切粒炒飯或煮餸供食,配任何肉類煮都得,加些金針,雲耳煮更佳.可一星期3次.忌吃含糖量高的甜食及高脂肪食物.
芳姐 我4歲子偏食
上月小腿骨痛 懷疑骨腫瘤 跛行3星期
有點冇胃口
有什麼食物有助他有多氣力？或改善痛症🙏或什麼湯水有助？🙏
陳小姐:
骨腫瘤最緊要少吃高脂肪,肥膩,及含糖高的食物,如甜點,很甜的水果都要少吃.偏食可以多用小米煲粥供食,例如配瑤柱陳皮瘦肉來煲,有助健脾胃,助吸收,因為小米不黏稠,可以加1把煲粥米同煮,日日食都没關係,可配仔仔喜歡的食物.用田七3錢,雞血藤5錢煲瘦肉湯服,有助鎮痛,連服3劑,看能否改善?
芳姐你好!阿仔12歲，常常肚屙，較希。有時手指有水po 有時佢話陰囊附近多汗，似係濕重，有冇適合佢嘅茶水？謝謝!
jiu:
你可用炒扁豆1兩,芡實1兩,茯苓5錢,紅棗5粒煲瘦肉湯供服,有助健脾實便,全家飲可加淮山,蓮子各1兩同煮.另外可用鮮魚腥草3兩煲水15分鐘作外洗劑,對陰囊濕疹很有效,煲成的3碗水可一天分2次用,用藥棉沾藥汁塗患處,塗幾次用紙巾抹乾即可,連用4~5天可大大改善.