皮膚乾燥—鮮淮山沙參玉竹水鴨湯
秋冬天氣乾燥，尤其是中、老年人，以及一些有皮膚舊患的人，要防皮膚乾燥爆拆及皮膚舊患發病，這種乾燥季節大家不妨多煲些滋陰潤燥的湯水。早前買了些没硫磺薰過的沙參、玉竹，沙參能養肺陰、清燥熱、養胃生津；玉竹能潤肺燥、清熱生津，兩物同用對肺燥咳嗽，皮膚粗糙多皮屑者甚為有益。
今天去街巿買了些鮮淮山及急凍水鴨，杞子家中常備，加兩小塊金華火腿同煮，湯味清潤得來非常鮮美，是滋潤皮膚的好湯水。
用料是：沙參5錢，玉竹5錢，鮮淮山6兩，杞子3錢，金華火腿2小塊，水鴨1隻。
做法：沙參、玉竹、杞子浸洗；鮮淮山去皮，切塊；水鴨劏洗淨、去尾部，斬大件後和金華火腿同出水；全部材料用8~9碗水煮個半鐘成4~5碗即成。
~ 小貼士：沙參以幼條的北沙參功效較粗壯的南沙參佳。玉竹也可以用海玉竹代替。此湯老少可飲，但有外感發燒就不宜服。
芳姐：
如果皮膚容易過敏、乾燥痕癢脫皮，但面部同時出油嚴重，有暗瘡問題。
面青唇黑，怕冷但又容易出汗。請問平時有什麼保健食譜適用？
YM:
你的情況最好看中醫作調理.面部出油可以勤些做清潔,然後用去皮的絲瓜切一小段,剖開對半按摩皮膚,有爽膚及消炎作用,一條絲瓜可以作多次用,放雪櫃存放,每次最一小段來按摩,汁少了削去一些再用,至用完整段絲瓜為止.汗多可用北茋3錢,浮小麥5錢,青仁黑豆1兩,南棗5粒,5碗水煮成2碗服,一星期飲2~3次.
小朋友咳左好耐，
尤其朝早起身同夜晚咳得特別嚴重，
有痰聲，但咳不出痰
玩得激動，飲凍飲都會咳
Maggie:
小朋友痰咳可用蘇子,萊菔子各3錢入茶包袋,用來煲陳皮瘦肉粥供食療效較佳.
我都分唔清佢係痰咳定氣管敏感
有無湯水可以同時改善呢兩樣？
maggie:
紅蘿蔔紅棗水能改善敏感咳,你加埋一齊煲湯就成.
多謝芳姐。請問係咪一定要煲粥、就咁煲水飲可以嗎？同埋女女尋晚夜間都有幾聲咳！佢可唔可以飲蘋果川貝陳皮水？
Shirley:
民間偏方是煲粥供小朋友服的,可以煲水飲,蘋果川貝陳皮水都化痰,可以先服2劑,看能否改善?
芳姐，您好
请问一下面瘫可以喝什么汤水有帮助？
Jissica:
面中風最好用針灸治療,我廿年前有次因為隌長輩入醫院做手術,陪了一晚,第二,三天因為要教全日陪月課,未能好好休息,結果在醫院惹到的病菌或病毒作怪,半邊臉歪斜了,後來我找針炙教授針好了,原來歪斜那邊是健康的,不歪斜那邊才是病側,要按摩不歪斜那邊.因為健側有力,病側冇力,所以才會健側好像歪斜了.可以看政府設有中醫部門的針炙科醫師.否則私家針炙醫師一般收費較貴.我覺得食療作用不大.
hello 、芳姐
我女女就黎5歲、佢咳左個幾月、依家變左支氣管炎、一開始輕微帶佢睇左中醫、之後咳得好犀利、半夜咳得好勁、之後我帶佢睇西醫睇左四次、食三次抗生素都係清唔到痰、醫生話佢有hehe聲、如果以後感冒咳都會有呢個hehe聲就怕下氣喘哮喘果隻、好擔心、依家夜間唔咳了！日頭有幾聲咳、但係氣管差左、訓覺有時聽到hehe聲咁、請問可以點調理🙏🙏
Shirley:
你先用蘇子,萊菔子各3錢入茶包袋中煲瘦肉粥供囡囡食,連服3劑,有助袪痰.另外平時可用白果15粒,去芯,核桃肉6個,南北杏1兩,無花果4粒煲鷓鴣或竹絲雞湯,9碗水煮成4碗,一星期2劑,能補益肺脾腎,改善囡囡體弱咳不停.最好讓囡囡吃些少湯料.
想問芳姐有咩湯水可以飲
同埋日常保健有咩湯水適合