By 芳姐 ( 27 2 月, 2010 at 1:42 下午)
· Filed under 小兒常見病
這陣子很多讀幼稚園的小兒患上感冒,可能只是一般的感冒,已令家長們非常憂心! 小兒如果在發熱期間,往往會出現尿黃,没有胃口,心煩忟憎等情況.此時可以煲些[甘筍馬蹄淡竹葉湯]給他們飲,能清熱,利尿,退燒等功效.
用料是: 甘筍1條,馬蹄8粒,淡竹葉3錢,冰糖適量.
做法: 甘筍去皮,切薄片;馬蹄去皮,切片;淡竹葉洗淨;將全部材料放入煲內,用5碗水煮約1小時成2碗,調入冰糖煮溶即可供飲.
~ 小貼士: 此湯清甜,小兒都不會抗拒. 對咳嗽,尿黃,尿炎患者都適合.
各位網友:
[小兒常見病]及[婦科,不孕,產前/產後]兩個欄已移遷去[寳寳好]這個新開的網站,旨在提供多一個平台供各位媽咪,分享產婦食養及育兒心得.網址為:www.bobeboo.com
Permalink
芳姐您好,
小兒今年8歲. 這兩天斷斷續續發燒, 吃了藥4小時左右又再發燒至37.6-38度, 已看了醫生及吃藥. 請問這情況可以煲什麼湯水? 請幫忙告知.
謝謝.
Vicky:
你仔仔燒不退表示病邪趕不走,可用蘆根5錢,生薏米1兩,生石膏5錢,7碗水煮45分鐘後,取汁煲粥供服,有助清熱退燒,連服3劑.
芳姐妳好，我家有个小朋友
患了甲流 唔退燒，请問芳姐有什麽湯水煲呢，麻煩了芳姐🥰🙏
Yan:
你可用蘆根5錢,淡竹葉3錢,生薏米1兩,生石膏5錢,5碗水煮成2碗供1天分服,連服2劑,可退燒.
我個囡囡1歲半，晚上睡不穩，汗大，哩兩日開始打哈次留清鼻涕，請問有乜湯水可以煲俾距飲
kiwi:
你滾些芫荽葱生薑紅糖水供飲,用量隨意,滾7~8分鐘可飲,對初起傷風有幫助.睡時汗多可用黑豆1兩,浮小麥5錢,黑棗6粒,5碗水煮成2碗服,連服3劑.
請問芳姐 小朋友兩三歲大 感冒發燒食葯 可否食此湯水？ 謝謝
Katie:
小朋友感冒發燒可以飲此湯.
芳姐，我女上周流感甲型高燒几天往院，現在身熱，鼻塞，無胃口，怎樣办呢，什麼食療可以帮到佢？吾該
kitlai:
你可以用蘆根5錢,生薏米1兩,淡竹葉3錢,雪梨1個,去核,5碗水煮成2碗供服,連服3劑,有助清熱退燒,可加些少冰糖,好味些.
芳姐你好! 小兒現在四個半月大，全奶粉，平時都多眼屎，近日有口氣，脷仔好光滑有少少白脷苔，睡得不太安穩，半夜會醒來要抱抱安撫才能再次入睡，而且每餐都食剩奶，本來食到6安，但現在只食到4安，便便一直都是2至3日一次，質地軟身。請問BB是否熱氣或心火盛?其實咁細個bb可以飲開奶茶或用米水開奶嗎?因怕搞壞腸胃，一直只俾奶和水佢飲。
Bonnie:
你可以山楂,決明子,荷葉各買幾兩,白鑊炒5~7分鐘,待涼每樣執一撮入茶包袋,隔天拿包來沖泡作保健茶飲.可沖泡至淡.
Fung:
肝硬化必須看醫生,中醫都好,先退燒.可以試用蘆根5錢,生薏米1兩,淡竹葉3錢,石膏1兩,5碗水煮成2碗供服,有助清熱退燒.
芳姐
您好!請問可否提供山楂決明子荷葉茶的份量!這茶真的很適合我!
謝謝!
芳姐，
你好，本人先生有肝硬化，這兩天還全身發熱，又不肯食退燒藥，請問有什麼湯水可以煲給他喝呢？謝謝
elaine:
你可以用蘆根5錢,薏米1兩,雪梨1個,去核,5碗水煮成碗半作開奶茶,或當水供服,連服3劑,看能否改善?此茶很平和,幼兒打預防針前後都可飲用.
想問我個仔5個幾月,條脷損,係唔係奶粉熱氣?可以飲咩?
JUDY:
此湯不能收鼻水,可在湯料中加5朵辛夷花同煮.有助收鼻水.
此湯可收鼻水嗎？小囡3歲上學後感冒一直唔清,鼻水加鼻塞,有啖，晚上呼吸唔到成日喊醒,請問可煲些什麼呢？
YUKI:
服西藥期間可以飲.隔1小時就成.
請問這甘荀馬蹄淡竹葉湯吃西藥期間可飲嗎？
wai:
你試用淮山,芡實,蓮子,茯苓,薏米各5錢,煲瘦肉湯服,有助健脾實便.連服3劑,最好吃些湯料.
芳姐你好，
小兒今日胃口不好，小便密但分量少，今早至現時常說要大便，總共去了四次，分量每次都不多，其中兩次是水狀的！請問有什麼食療容易入口、幫助醫治呢？謝謝
芳姐， 請問4個月大bb發燒流鼻水/咳/有d肚痾， 病後可否飲此湯水呢?
WIN:
如BB病後可以飲此湯,但如果大便稀薄就暫時不要用,宜用淮山,炒扁豆,芡實各5錢煲水作開奶茶.
芳姐:
謝謝妳
芳姐:
謝謝妳的解說，可以推薦那一款湯水可以日常飲用作增強身體的，謝謝
tung:
四神湯最適合小朋友.即淮山,蓮子,芡實,茯苓各5錢,可配其它適合小朋友的食療如紅蘿蔔,粟米或冬瓜等煲肉湯服,有助健脾益氣,强身健體.
tung:
幼兒上學後必定會感染上呼吸道疾病,待小朋友[儲夠]一定抗體,加上飲食營養均衡,多做戶外活動,很快就會減少感染.現時汗多,可以用北茋3錢,浮小麥5錢,紅棗6粒煲瘦肉湯供服,5碗水煮成2碗,連服3劑.此湯有助增强體質,可一星期1~2次.
芳姐:
您好，我個女兩歲半醫生話佢個呼吸道比較弱，細個到而家都好容易感冒同喉嚨發炎導致發高燒去到40度，就算睇左西醫都要食曬三日藥先退到，唔知係唔係因為食得多西藥經常流好多汗，汗是無臭味的，有無湯水或食咩食物令佢無咁容易打敗仗?真的好煩惱，謝謝。
.謝謝芳姐
mandy:
牛蒡乾在崇光,吉之島,永安超巿及花草茶店有售.
谢谢你芳姐！我明天就去試試！牛蒡乾在那裡買刭呢？
MANDY:
可用來開奶,連服3天.你可以用牛蒡乾1湯匙,羅漢果1/4個泡茶供你先生服,每日1劑,可沖泡至淡.
芳姐，你好！
剛剛我先生回家，醫生話佢有慢性咽喉炎，真使我頭痛，小朋友又有問題，我先生又吾舒服！請問芳姐有什麼湯水可以犎到我先生？我先生係乙型肝炎帶菌者！謝謝芳姐
芳姐，你好！
此湯可以連續服幾多天？可否用來開奶？
mandy:
囡囡低燒不退,表示體內有東西入浸趕不走,故長期打仗.試用茅根,蘆根各5錢,薏米1兩,淡竹葉2錢,雪梨1個,去核,5碗水煮成2碗服,有助清熱退燒.
芳姐，你好！
我囡囡15月大，因有高温自上月19曰到宜家都維持37.7-37.9,但沒有病徵，所以西醫要犎佢抽血揾原因囡囡只有D高温同夜晚常常哭醒，請問有什麼湯水可以㷛俾囡囡飲？見到佢被抽左成樽葮
血，真心都痛！謝謝你芳姐
謝謝芳姐!!!
Jobee:
你可以用淮山4片,雞內金3錢,紅棗6粒煲瘦肉湯供囡囡服,可隔天一服,用來煲粥亦可,飲湯吃淮山,紅棗,有助健脾益氣,補血,及助消化.
芳姐你好,
多謝回覆, 囡囡夜晚喊得好利害, 我帶她看醫生, 醫生說 她消化唔好, 肚仔有風聲, 所以令到佢好唔舒服. 想請問下點樣可以調理好佢腸胃, 令佢食得好d 長肉d, 因為我佢越黎越瘦啊． 唔該芳姐．
芳姐，早晨。 孫仔11個月大流清鼻涕，可以飲此茶加辛夷花嗎？ 另一種茶： 蘆根蘇葉茶 (蘆根5錢,紫蘇葉2錢,冰糖少許,2碗半水煮15分鐘供服,連服3劑) 也適合嗎？ 請您賜教湯水舒緩不適，感恩。
蘇太:
已經作私人回覆,請看電郵.
你好芳姐, 我個囡而家22 個月, 近日好扭計, 時不時有口氣, 便便要幾天才一次. 想問下如果出大牙會有此徵狀嗎 ?可以煲什麼湯水能減小她口氣和煩躁 ?
謝謝
jobee:
囡囡可能心胃火盛,你試用蘆根5錢,薏米1兩,蓮子(連)1兩,茯苓4錢,燈芯草3錢,5碗水煮成2碗供服,有助清心火,除煩熱,改善口氣.可連服3劑.
芳姐,
以下是否合有咳小朋友飲嗎
茅根竹蔗馬蹄紅蘿蔔煲水
TKS\EALINE
芳姐：
你好！我女兒前两天开始咳，后来看西醫生吃了藥，到了晚上就开始低燒第二天凌晨燒到100.7吃了退燒药抹身退了燒，今天反复发燒，手有发抖，又有流鼻水，睡时出好多汗有时发冷，便便有少爛有泡泡，不知是否吃了西藥个人好散或是她身体虚的原因，好想知道，請你幫忙謝謝！好心急啊!
豆豆:
你囡囡因為感冒發燒,加上吃了西藥,會出現發冷發熱,汗出,便爛等症狀,要繼續吃藥,多飲温開水,汗出用乾及柔軟毛巾抹乾汗水,以免受涼.可用薏米2兩,冰糖適量,6碗水煮成3碗,加入鮮檸檬片3片焗片刻供服,一天分3次服用,有助增强抗病能力,與西藥不相沖的.
芳姐, 您好!
唔好意思, 又要麻煩您, 小兒(三歲幾)外感未清, 有咳及發燒, 現食緊西藥, 請問要隔幾多小時才能飲此湯…??
Connie:
如仔仔尚有發燒,可以飲此湯,加1扎茅根同煮療效更佳.吃藥後隔2小時飲就成.
芳姐,
你好,我個女5歲熱底,中醫話佢體質雖熟但體質弱亦不能受太涼的東西,只能煲潤的湯水,我發現他醒來有乾的眼糞,請問這是否熱氣（因整個星期7點前便起牀樣子很累）,請問㷛D咩可以幫助他？謝謝！
cherrychan:
你可以用花旗參,杞子,菊花各1小撮泡茶供囡囡飲,有助滋陰清眼熱作用.又能益氣生津.平時可以煲些竹蔗馬蹄紅蘿蔔糖水飲,煲夠1小時,不寒涼的.
芳姐:
你好！呢兩天我地三母女都感冒，大女差不多2歲就白天打哈次流鼻水，鼻水有點清，夜晚有几聲干咳，好似咳到想嘔甘，但無痰，細女4個月大，都有流鼻水，但鼻水有D洁，有D綠色！都有D咳！這樣我該煲D乜湯俾她兩個飲？
yanfong88:
你可以滾些生薑芫荽葱魚片水供大家飲,另外用薏米2兩,冰糖適量加水煲45分鐘後,加入鮮檸檬片數片,供全家服,有助增强抵抗疾病能力.可用糖冬瓜代替冰糖,有消暑作用.
芳姐您好，小兒25個月，現在發燒，痰多咳，還有鼻塞，現在他食西藥中。請問有什麼湯水可以給他快些覆原？病後又煲什麽湯水增強返低抗力？還有他沒有便便可否食生果？Thanks !
芳姐, 你好
細女歲半仲未介人奶, 夜脕醒幾次食奶, 正餐食得好唔正經, 影响發育, 請問可以煲d咩湯可以令佢開胃, 或者多d營養,長肉, many thx!
糊塗媽:
歲半應該戒了夜奶,臨睡前那餐奶宜餵飽些,可以先將奶汁泵出,儲存,大約知道是多少安士奶,囡囡夠不夠飽?可能是奶水不足,讓她夜晚要醒幾次吃奶都未定.夜奶戒不了,母女都睡不好,且影響正餐,間接影響發育.必要時要心腸硬些夜間不餵人奶,哭鬧只餵水.日常可以用淮山4片煲瘦肉雜菜粥供服,有助增加營養.粥料中可加蛋黃一個,瘦肉亦可改用雞胸肉,魚肉代替.
9個月大bb尿味重，是否熱氣？要什麼湯水？謝謝
Ca:
可以用茅根竹蔗馬蹄紅蘿蔔煲水供bb飲,有清熱利尿功效.
謝謝芳姐.我叫朋友試試睇下.如果唔得就轉奶粉.佢帶bb去睇過醫生.開左些藥膏抺.但就冇咩效用.
mo:
現代可能食物或環境受污染,很多bb都對奶粉出現敏感,以前好像没有這麼多的.
芳姐.幫朋友問下兩個月大的bb臉上長满左奶鮮.好痒應用點去消它呢.佢是食奶粉的.是不是隻奶粉有唔啱佢食呢.煩麻芳姐.
mo:
你朋友的bb可能是對奶粉敏感都未定,必須要看醫生,了解一下是否對所有奶粉敏感?而要改吃豆奶,或價錢較貴的防敏奶粉.因為我認識不少bb都有這個情況.奶癬患處要保持清潔,同時要塗一些防敏感膏,經常滋潤住,否則症狀會加重.可以試用生的薯仔切片,輕輕按摩患處,幾分鐘後才清洗.生的薯仔汁液對濕疹有效,料對奶癬都有止癢作用的.
芳姐,
想問小朋友成日都會食D熱氣嘢, 有咩湯可以煲來清熱呢? 謝謝!
hoho:
小朋友喜歡食香口東西,容易造成熱氣,可以煲些綠豆薏米粥,西洋菜蜜棗瘦肉湯,或單用白菜煲老火湯,能有效清肺胃熱,及肝臟發,效果好又安全.只要煲夠2,3小時,就不寒涼,健康稍差人士都可以服用.
elly:
小朋友如果心經積熱都會難入睡,可用蓮子1兩(最好連芯),百合1兩,燈芯草6扎,用6碗水煮成2碗供服,連服幾天試試.
你好芳姐，
想請教，我囡就快5歲，上星期發燒左成星期，鼻涕一直有黄綠色，特別係早上瞓醒後，就發現好多，呢個黃綠鼻涕已經有1，2個月。
想問，發燒過後，脾胃變差，可以保乜湯水或者飲食方面可以點改善脾胃？
＊＊因為長期居住外國，材料有限
謝謝
Chan:
你可以用鮮薄荷葉15克左右,3碗水煮10分鐘成2碗,一天分服,飲時調入蜜糖,連服3~4天,看能否改善?你囡囡情況持續多天,可能會惡化成鼻竇炎,所以最好看醫生吃藥才成.脾胃差可以多煲些紅棗肉碎小米粥供食,黃色細細粒的小米最健脾胃.
我7歲的女兒每晚也很難入睡, 請問有什麼食療可以幫助?? thanks
Elaine:
訪客即芳姐.不好意思,暫時未找到方法刪除再改.要慢慢熟習網頁的運作.
Elaine:
你家小朋友出大牙煩躁,可以用綠豆30~50克,加些少臭草(花檔或山草藥檔有售),再加些片糖煲糖水服食.能清熱除煩,解毒消腫.日常可以煮些豆腐,或涼瓜等的餸菜,有助減輕症狀. [金銀花野菊花茶]都頗有效,但野菊花味苦,或改用普通杭菊代替都可以.此茶對胃熱牙痛,煩躁不適較有幫助.
你好芳姐.,
我小朋友出緊大牙,佢好唔舒服仲好燥,唔知有無咩湯水或涼茶可以煲比佢等佢好 d
謝謝