By 芳姐 ( 1 12 月, 2010 at 7:34 上午)
· Filed under 家常食療
在惠康超巿見有新鮮羅漢果賣,一盒有四個,買了一盒回來試味,我怕鮮品太寒涼,加了幾片生薑同滾10分鐘,煲出來的茶味道雖然不及乾果香濃,但清甜可口,飲罷口有回甘,有興趣者不妨買來試試.
羅漢果含豐富維生素C,亦含有大量果糖,葡萄糖,蛋白質,脂質等.據講乾果要經48小時烘乾,故會令其中營養及有效成分降解,認為鮮品療效更佳.不過我仍然覺得乾果味道香濃些.
羅漢果近年頗被重視,因為它能清熱涼血,生津止咳,滑腸排毒,嫩膚養顏,潤肺化痰.更有研究指出:它能抗癌,對鼻咽癌,喉癌,肺癌患者有一定幫助.
羅漢果的甜度是蔗糖的300倍,而奇怪的是,它能降血糖,故可以作為糖尿病人的輔助食療品.
羅漢果在烘焙過程中如果火力過猛,品質就欠佳,故購買時用手輕摇,有響聲者為次品.以大個,皮深褐色,無破損,無焦黑者為佳.可單獨打碎焗茶飲,亦可配杮餅煎水供小兒服用,能治百日咳.
Permalink
Hi 芳姐,
請問羅漢果和無花果係咪兩樣好唔同嘅果?佢地嘅性質係咪好唔同?
謝謝!
Jan:
羅漢果生津利咽;無花果潤肺潤腸,是兩種完全不同的果實.
mandy:
如加了辛夷花仍未收鼻水,要看醫生了.一般服3劑左右應能收鼻水的.
其實已加辛宜花，但鼻水都係唔收
mandy:
你可以用辛夷花,紫蘇葉各3錢,甘草1錢,3碗水煮成2碗供仔仔服,連服3劑,有助收鼻水,止咳.
小兒夜咳多日，早上有白色鼻水，冇咳，惟一到夜晚熟睡就有痰咳，已睇西醫，亦煲過紫蘇葉蘇子水比佢飲，但鼻水總未清，夜咳仍有，雖不算嚴重，但仍困擾中，請幫幫忙
芳姐
你好，想問小兒（7歲）近日有小許痰和有眼 ‘屎’ ，請問有什麼簡單的湯水可以比小兒飲？
謝謝指教
周太
周太:
你試用羅漢果1/4個,菊花3錢,甘草3,4片,3碗水煮10分鐘供服,連服2劑,有助清肝熱,化痰止咳.
蛋媽媽:
羅漢果的果糖有調整血糖作用,當然果糖亦是糖,只不過不會馬上升血糖而已,可作代糖用,不宜用來作降血糖食療用.
芳姐，
請問一下羅漢果有大量果糖但了可以降血糖？
咁糖尿病患者可唔可以煲黎飲降血糖？
羅漢果大量果糖會唔會令糖尿病患者血糖不降反升呢？
多謝芳姐解答。
芳姐剛才忘了問，經期和晚上可以飲？
mary:
羅漢果偏寒,來經不要飲.最好早,午或黃昏飲,晚上不宜.
如果平時用羅漢果和果皮煲水飲是煲幾耐和加幾多水牙？
mary:
你可用羅漢果1/4個,桔梗,麥冬各3錢,甘草1錢,4碗水煮成2碗供服,連服3劑,有助清痰止咳.
我老公感冒看了醫生还是不停地咳，可飲羅漢果茶？
可以直接用水焗乾羅漢果，或是要用其他材料，要焗幾耐，份量？謝謝，芳姐
ALICE:
懷孕可以飲羅漢陳皮水,好過加薑,因為陳皮化痰,又性温.
懷孕可飲羅漢果( 加薑 )煲水？
多謝你呀!芳姐！
selina:
如痰白清稀,晚上咳多屬寒咳,可以用紫蘇葉3錢,生薑3片,紅糖少許,3碗水煮成2碗服,連服2劑,有助散寒止咳.紫蘇葉有助安胎.如痰黃稠可用川貝末蒸雪梨服,可加蜜糖.
芳姐，
我懷孕剛3個月，前日開始咳，無鼻水，而家喉嚨痕會咳唔停，請問可以飲咩湯水呢？煲川貝雪梨可以嗎？ 謝謝
你好芳姐姐
我仔仔3歲常常咳,帶痰咳,一咳起碼咳7-10日,有咩湯水可以常常飲預防咳?
新鮮羅漢果我兒子可以飲嗎?
經期可飲羅漢果雪梨茶嗎
訪客:
來經可以飲羅漢果雪梨茶.
CY:
羅漢果壓碎後皮與核一齊放.無花果可切開,較出味.
芳姐, 我想煲羅漢果無花果水..
請問羅漢果壓碎後要去核嗎?
無花果一整粒放還是要剪開? 謝謝!!
candy:
羅漢果有利咽作用,手足口病小朋友口腔有潰瘍的都適合飲.
請問羅漢果適合有手足口病的小朋友飲嗎
請問著涼引致的週身骨痛, 有什麼食療可幫助 ?
袁小姐:
你可用紫蘇葉3錢,生薑4,5片,片糖適量,3碗水煮10分鐘,趁熱飲,飲後上床休息.另外可煲些粉葛湯,用半斤至1斤,赤小豆,薏米各1兩煲瘦肉湯服,有助舒緩周身痛.
Jennie:
服西藥可以飲羅漢果水,隔1小時飲.
芳姐您好，請問現在食緊西藥，可同時飲羅漢果水嗎？
芳姐，我囡囡十個月大，平時無事，可否俾羅漢果，無花果水煲水佢飲？
Holy:
羅漢果無花果水很平和,幼兒都可以飲,但飲1/3杯就夠,只要不是天天服,間中飲些少無妨的.
芳姐︰
謝謝您的解答，請問”白果15粒,去芯,芡實1兩,覆盆子5錢,南棗6粒煲瘦肉湯”，要連續服多久？可否每天也服？”六味地黃丸”又是否服用1瓶就夠？謝謝。
Lily
Lily:
白果粥可隔天一服,至症狀改善為止.六味地黃丸可以服用3幾個月的.
芳姐：
早晨，您好！
我姨媽50歲，夜尿頻密，未夠2小時就去1次，請問有什麼湯水食療可改善及調理？買“六味地黃丸”服適合嗎？謝謝。
Lily
Lily:
你可用白果15粒,去芯,芡實1兩,覆盆子5錢,南棗6粒煲瘦肉湯服,有助止夜尿.六味地黃丸可以服食一段時間.
請問我切開兩邊後放回雪櫃， 再存幾天會否熟呢？
CC Wong:
我未試過切開後將鮮羅漢果放雪櫃,所以不知會否熟.
芳姐， 今日再切一個， 聞過無異味， 有小小澀味， 是否未熟透呢？
CC Wong:
聞過無異味應可以用,可能未夠熟而已.
點樣係熟? 我買的跟你圖中的一樣綠色，有部份切開時裏面有小小黏液。
CC Wong:
大隻一點,肉裡應該没有黏液很乾的.是否變壞了?你聞聞應該很清香的,有異味就不要用.
芳姐你好，
我買了一盒鮮羅漢果， 用一個破開加姜用2公升水煲了15分鐘， 但只覺小許苦澀味完全沒有鮮甜味， 請問是否我買了假品? 還是有其他原因?
CC Wong:
鮮羅漢果很清甜,你買的是否太生呢?我煲過没苦澀味的呀!
請問媽吃糖尿病藥和止痛藥(骨刺)吃喝羅漢果水嗎?
真的好奇怪啊!鮮和乾的羅漢果，我都喝過，鮮的真的真的很甜。我媽”間中”咳，有時沒咳，但有時一咳就很厲害(乾咳)，因媽媽有糖尿病，所以不敢煲，今天看了糖尿病可以喝，我會煲給媽媽喝，謝謝!!!
Joan:
你試用蘇子,白芥子,萊菔子各1錢,用茶包袋入住,用4碗水煮成2碗供服.對痰多咳嗽有幫助.飲時可加些少蜂蜜.
芳姐…新年開始到現在我既身體未好過…9/2 無啦啦個胃好痛,連帶胃部既後背範圍都會同步地痛..夜晚就加埋頭痛潻…這天足足痛左成日,訓左一晚後胃雖然無痛.但一起身既時候就感覺個肺既位置有點唔係好順既感覺..又唔係痛,這天D痰是透明帶有點白色,較難吐出,但再到第二天就咳出大量白色既濃痰..而且仲病左..成個人好累.有時講野聲都變埋..KEEP 住食支氣管藥+抗生素都好像無乜用..休息多2天後..精神好返D…但就變左喉嚨痕,所以成日都咳.咳到我3個晚上都訓唔到,好慘.食左西醫D咳藥水同支氣管藥都無用.飲了幾天鮮羅漢果加姜都係唔得,尋日仲加埋蜜糖同放多D姜落去襯熱飲都係唔得…請問我而家要點先好可止到D喉嚨痕既問題呢?? THX SO MUCH !!
芳姐,
乾羅漢困如果打碎焗茶飲會否寒冷呢? 因為煲就可以落薑一齊煲.
elaine:
羅漢果屬寒涼之品,焗茶飲亦可加無花果3,4粒,切片焗就可以.
芳姐, 我都在超市買了一盒, 除了煲水之外, 它可以乾的一樣煲湯嗎? 定係一定要生食?
芝芝:
鮮羅漢果可以用來煲水代茶飲,亦可以和乾品一樣煲湯.
芳姐你好
我想問下我已咳左一個月有多,日夜都咳,多白痰,有小小黏,有食過中藥,西藥,都止唔到咳同化唔到痰,但我現在剛剛有左bb,有人介紹我煲魚腥草,但我唔知可否飲或有冇其它可以止咳的,可否介紹,唔該晒
emily:
咳嗽的確是頗煩之事,如果感冒咳是受病毒感染的,中醫療效較佳.試看幾間大學的中醫門診,治理妥當為止.因為你剛懷孕,雖然藥書没有說魚腥草對孕婦不宜,但都不宜胡亂服任何藥材.用核桃仁,杏仁各1兩,陳皮1小塊,生薑3片煲水代茶飲就可以.都有止咳功效.
芳姐:
仔仔已退燒,但仍有一些鼻涕和咳嗽(沒有咳出來),是否仍可喝青蘿蔔,無花果,羅漢果瘦肉湯呢?
Cara
cara:
你仔仔可以飲這個湯.
芳姐,
請問感冒未清, 適合飲這羅漢果水?
梁B媽咪:
感冒未清都可以飲羅漢果水.
晚上好,芳姐.
有朋友比左合掌瓜同木瓜,还有青罗卜.请问可以煲D咩汤水啊?有左五个月都可以饮用吗?之前朋友同我讲佛手瓜同合掌瓜是一样的,我看您网页上的佛手同合掌瓜是不同的.
我前两个礼拜外出多,没有时间煲汤,现在感觉喉咙有点干,有点便秘.
仔仔就有少少眼屎,我都感觉眼睛有少少朦胧.是不是热气?
但是仔仔就有点便稀塘.每朝早上无咩胃口,一到晚上就胃口好好,又常话肚子痛.
我想请指教我们能否饮一样的汤水?
谢谢!
LUCY:
合掌瓜有些人叫佛手瓜,但真正像一隻手,金黃色那種才是佛手.合掌瓜湯你可以飲的,加青蘿蔔可以,木瓜就不要加了.因為木瓜有收縮子宮作用,木瓜核尤其厲害.產後吃就一流!能增加乳汁,收縮子宮.
你仔仔眼熱可能有些肝火,你們一齊飲就用雪耳3錢,杞子4錢,麥冬4錢,紅棗4粒煲響螺乾,瘦肉湯服,能滋陰潤燥,明目.便溏可以用扁豆煲粥服,煲湯都可以.加淮山,芡實更佳.
芳姐
你好, 小朋友一路都有少少痰但就咳唔出, 有無咩湯水可以化痰
謝謝
Elaine:
可以用川貝末1錢燉雪梨服.或用羅漢果半個,加生薑2片,用5碗水煮成3碗,隨量服用.有助化痰.
我第一次在這“看”到新鮮的羅漢果呢：）
Phoebe:
我都一樣.^^
芳姐:
我仔又因喉嚨發炎發燒了.下星期又要開始考試,有什麼可以預防他再生病呢?
總覺得每次考試測驗去旅行他就會發燒,真的不明白…
wyccara:
可以每天吃一片維他命C,增强免疫力,或煲些青蘿蔔,無花果,羅漢果瘦肉湯服.有助利咽,清熱.要煲夠2小時.
芳姐,
唔好意思未打完唔小心按了出去, 其實洛神花有什麼用的?
elaine:
洛神花含豐富維生素C,有瘦身,清涼,退火,潤肺,生津止渴等功效.
芳姐,
其實洛神花有什麼
你好芳姐
請問你上次介紹那些小朋友 止咳 湯水, 要連續飲多少天, (因我只是飲1次至2次), 因小朋友由1/9 開學到現在都是有咳.
謝謝!
amy:
其實我已經答了你,但却找不到那個回覆,奇怪!可以一星期飲3次.