By 芳姐 ( 18 2 月, 2011 at 7:50 上午)
· Filed under 小兒常見病
中醫有云:[小兒肝常有餘,脾常不足.]即是說小兒經常會出現肝火盛,容易扭計發忟憎;而脾胃功能往往不足,消化吸收力差,令體質虛弱,容易倦怠乏力,面黃肌瘦,自汗,盜汗等情況.所以要保護好小兒的脾是很重要的.
[鮮淮山沙參玉竹鵪鶉湯]有健脾益氣,養陰清肺,袪痰等功效.對小兒體質虛弱,容易傷風,感冒,咳嗽很有裨益.
用料是: 鮮淮山4兩,杞子4錢,沙參,玉竹各5錢,生薑3片,紅棗6粒,急凍鵪鶉2隻.
做法: 急凍鵪鶉劏洗淨,出水;鮮淮山皮,切塊,沙參,玉竹,杞子浸洗;將全部材料放入煲內,用8碗水煮約2小時成4碗即成.飲湯吃湯料.
~ 小貼士: 鵪鶉能補益五臟,不寒不燥,最合體弱小兒食用.急凍鵪鶉在大間超巿有售.此湯對糖尿病人及病後,手術後體虛,口渴煩躁人士都很適合.
Permalink
芳姐，
咁是否放咩肉類一起去煮比較適合呢？
joanna:
放瘦肉,鮮魚,雞胸肉都可以.
joanna:
有口氣可能胃熱,可以用茯苓4錢,薏米1兩,白朮3錢,扁豆衣2錢,紅棗6粒,5碗水煮成2碗服,有助消除口氣.或者滾些芫荽葱魚片水供服都有幫助.
芳姐，
我想問下，小朋友有口氣要煲咩湯最適合嘎！
鮮淮山沙參玉竹鵪鶉湯
呢個湯好好飲，飲完全家都好好瞓，但起身就好攰好攰，會有呢啲情況嗎？
係咪我哋身體唔好先會咁？
Odilia:
鮮淮山沙參玉竹鵪鶉湯有健脾益氣,滋陰潤燥作用,不會飲後睡醒神疲乏力的,一定是其它因素影響,例如睡時關了窗,氧氣不足等都會有影響.
芳姐：
您好!我囡囡之前咳嗽，痰是白色有時難咳出，之后試煲了龍利葉、羅漢果、南北杏石黃皮，喝完止咳了，前兩日感冒又咳返，流鼻水吃了西藥，現在鼻水有小黃色，可能吃了西藥后好意發脾氣，又不想飲水變得有口氣，沒胃口。好心急!請你幫忙指教!謝謝了!
豆豆:
你試用紅蘿蔔1個,北杏3錢,紅棗6粒,去核,4碗水煮成2碗供服,連服3天,看能否改善?
芳姐您好,
請問您所教的湯水可否唔用煲用燉的方法.
thanks
wai:
當然可以用燉的方法,燉的湯較清,味道更佳.
芳姐,
謝謝你, 等我試下煲呢個湯阿b飲, 我想問我可唔可以用黎溝奶俾阿b飲?因為阿b唔肯飲湯水架.
原來係因為糖果, 可能我近排真係俾多左少少羊奶片同提子乾佢食, 所以易惹痰. 咁係唔係新鮮提子都少食呀, 因為佢都好鐘意食新鮮提子.其實我都想搵0的健康0的既小食俾佢, 等佢唔使淨係食bb餅, 羊奶片同提子乾, 請問有邊0的健康既小食可以俾阿b食呀?
Ra:
羊奶片本來很有益,但早幾個月好像發現羊奶片含有[起雲劑]類東西,雖然很微量,但都建議不要給小b食啦!鮮提子本來很有益,但太甜都會惹痰,故只能給小量,可以烚些粟米,幼身的紅蘿蔔仔,或將蘋果,木瓜,火龍果,柚子等切粒粒供食會好些.那些湯可以溝奶,不過小b未必肯飲.
芳姐,
你好, 我又有事要請教你啦, 阿b 19 個月, 10月中佢有感冒同少少發燒, 其間唔知係因為有啖定係喊得犀利, 嘔左2次, 每次都嘔好多. 依家感冒已經好番.
10日前, 佢唔聽話俾爸爸教訓, 佢又係喊得好犀利, 跟住又嘔, 又係嘔好多.
到尋晚9點幾佢飲完支奶奶準備瞓,佢話要食包包, 就食左3啖排包, 但佢食食下又嘔, 嘔晒成支奶同之前食過既粥, 嘔到通地都係. 我想問下阿b個胃係咪有0的問題, 佢以前細過無乜嘔奶, 反而近呢個月就嘔左成4-5次, 仲次次都嘔得好勁, 但佢尋日嘔完又好精靈, 仲識玩. 佢隻眼有0的藍, 係咪多風呀?
Ra:
你家小b可能風重,可試用茯苓4錢,防風3錢,白朮3錢,陳皮1塊,扁豆衣3錢,5碗水煮成2碗供服,有助健脾袪痰及袪風.一星期可服2~3次,至症狀改善停止.平時切勿給糖果小b吃,或限制住盡量少吃,否則很易惹痰.
芳姐你好,
五味子同女貞子都好似係性涼, 可唔可以加幾片薑呀? 同要飲幾多日呀? 因為阿b唔會肯就咁飲, 所以我會用黎溝奶俾佢飲.
Ra:
你用來溝奶就不宜用五味子,女貞子啦!用回北茋,浮小麥,黑豆算了.五味子性温;女貞子性平少許偏涼,如果單用來煲湯飲,不用加薑的.小朋友流虛干不是一天兩天可馬上治愈的事.建議去看中醫.
芳姐你好,
阿B 19個月, 佢成日瞓覺時都流好多汗(無論係夜晚定午睡都係), 汗係無咸味; 好似尋日天氣都涼涼地, 但佢日間玩一陣都會成頭汗, 尋晚瞓覺都換成2,3次衫, 主要係膊頭, 頸同背脊濕. 其實3個星期前我已煲左浮小麥3錢,北芪3錢,黑豆(我隋手拿一執, 唔知有幾多), 連續煲4日, 但都無乜效, 咁我應該點好呀? 真係麻煩你…………..
Ra:
你試用浮小麥5錢,五味子,女貞子各1湯匙,5碗水煮成2碗供服,有助補益肺腎,止虛汗.
芳姐~~thanks~~
明白~~
有時都知自己太過緊張~~
芳姐~~thanks~~
蟲草花水可加入蜜糖嗎 ? 所有體質的小朋友都可以飲嗎 ?
其實蟲草花水有咩功效 ?
另外,太子蔘有咩功能 ? 係唔係小朋友多用太子蔘 ? 可以好似花旗蔘咁焗水飲嗎 ? 再拌蜜糖飲可以嗎 ?
昊朗ma:
其實小朋友最重要是飲食均衡,多做些戶外活動就成,無需特別服用保健品,我反而贊成透過日常天然蔬菜,水果,魚,肉,雞蛋等,針對小兒體質作調理.蟲草花補益肺腎;太子參健脾益氣,間中用來煲湯給小兒没問題,不宜當日常茶飲.人體的免疫系統不宜經常去刺激挑釁,有時會有反效果的.
芳姐~~請問~~蟲草花水要煲幾耐 ? ~~3歲小朋友要用幾多 ?~~~偏燥都可以飲嗎 ?
昊朗ma:
蟲草花水可以放入真空壼中,先用沸開水沖洗一遍,再沖入沸開水,焗5~7分鐘即可供飲,不燥的.3歲小朋友大約用2~3錢就夠.
Lcandy:
蟲草花可以每天煲水當茶飲.
芳姐 Thankyou very much !
蟲草花 可以 daily 煲水當水喝嗎 ?
I’ve look for 急凍鵪鶉 at so many place ( 大昌 & Taste )I still can’t find . Can u please tell me excetly where I can buy . Cuz my daughter ( 2.5 yrs ) was in Hospital for a week ( she caught the RSV and 手足口 from school need to take抗生素 & 消炎藥) she loose so many pound already after she get home she don’t eat that much 無謂口. What can I cook her to make her had more appetite ,强壯 & 增强體質. is it the 蟲草花 good for her . Is there anything I can cook for her to drink as a water that she could drink daily ? since she still have 3 meal that was milk .
Thankyou very much . I’ve so many question.
Lcandy:
急凍鵪鶉可以在崇光超巿買到,如無鵪鶉,用鷓鴣都可以.活雞檔有鮮鷓鴣賣.蟲草花可以配淮山,杞子,紅棗煲瘦肉湯服.待她出院後先煲些茅根竹蔗紅蘿蔔馬蹄糖水供服,以清內熱;可用合掌瓜1個,豆腐1磚,生薑3片煲鮮魚湯供服,有助加快身體康復.一周後可以隔天燉些牛肉茶供飲,牛肉3兩絞碎,隔晚用清水浸一晚,第二天牛肉連浸的水一齊蒸40分鐘,讓囡囡飲牛肉汁,可以有效健脾胃,益氣血,强體質.
唔該芳姐
想問 牛奶是指鮮奶嗎？
另請教，bb 本身唔鍾意飲水，我可以煲咩俾佢飲好？
gigi:
奶粉或鮮奶都得.兩餐之間要習慣bb飲水,每次都要給水飲,不然日後有外感時很難將痰沖走.可以煲些蘆根薏米雪梨水供飲,有助清熱氣.
芳姐,bb現10月大,剛病完，有淡汗,bb便便時成日要好大力同谷到面都紅曬但便便不硬，有咩問題？ ，le個湯ok嗎.？
gigi:
流淡汗可以用黑豆1兩,浮小麥3錢,南棗6粒,5碗水煮成2碗供服,能止虛汗.大便困難但不屬硬便,多屬虛秘.可以用牛奶1杯,葱白4條,蜂蜜1湯匙,先將葱白洗淨,搗爛,牛奶與蜂蜜煮滾,加入葱白蓉,煮3分鐘,隔渣,一天分2次服.有補虛,除熱,通便之效.
芳姐 ,
早晨 ! 萬分感謝妳的回覆!
宜媽咪 上
芳姐 ,
我的囡囡 , 現八歲半 , 細時有氣管敏感 , 有時會喘 . 有定期复診 ,今年初起醫生講不用再复診及嗅氣 . 她會經常會傷風 , 最近經常:
(1)覺得喉嚨痒及有痰粘著 , 咳幾聲話舒服點 , 咳好多聲後 , 有少少白中帶小黃的痰;
(2)噴嚏繁頻,鼻流清涕,,鼻塞 .
西醫話:以上病症是 鼻敏感所致 , 開了噴鼻藥水 及抗敏感 , 這二天以上 症狀似乎有好轉 ,性情暴躁,吵鬧無常 . 听說 :用西藥只能緩解目前情況並不能根治 ,且有副作用… ,
就上述我囡囡的情況 , 恳請芳姐指點醫治方法 ,
盼覆!! 謝謝 !
宜媽咪 上
宜媽咪:
你可以試用川貝3錢(研成末)燉雪梨1個(去芯)及冰糖服用,飲湯吃川貝末,有助化痰止咳.川貝能舒緩氣管敏感.紅棗亦能抗敏感,可以用紅蘿蔔1個,紅棗8粒,煲水代茶飲,至症狀改善為止.
芳姐,
bb差唔多17個月, 眼白藍, 有肚風, 可以用蟬蛻2錢,菊花3錢,2碗水煮成碗半服, 有助清熱袪風. 但蟬蛻係性寒, 如果再加埋菊花, 會唔會仲寒呢? 同可以加0的乜野一齊煲令到無咁寒涼呢? 仲有可唔可以加蘋果一齊煲架? thx
Ra:
可以加4粒南棗同煮,有助中和寒之性.
芳姐Clara
黑豆1兩,浮小麥5錢,南棗6粒,5碗水煮成2碗,連服數天見效
請問這條方對小兒有什麼功用,因為我大(2.5歲)細(10.5個月)眼白有藍,說是風
我都不知怎處理
謝謝
fanny:
黑豆浮子麥南棗湯有益心脾,止虛汗功效.亦能讓寳寳安睡.眼白藍是有風,可以用蟬蛻2錢,菊花3錢,2碗水煮成碗半服,有助清熱袪風.
芳姐,
bb15個月, 夜晚有流淡汗,你之前教可以用黑豆1兩,浮小麥5錢,南棗6粒,5碗水煮成2碗,連服數天見效,
請問可唔可以加蘋果一齊煲? bb眼白好藍,可唔可以加薑一齊煲呀?
thx………..
Clara:
浮小麥黑豆南棗湯可以加蘋果,生薑的,没問題.
芳姐:
十分多謝你幫忙指教,謝謝~~~~^0^
芳姐:多謝你幫忙指教,謝謝.
想再問問.(火麻仁)
(綠豆,薏米,海帶煲糖水)
(桑葉,菊花各3錢,北杏3錢,)
可以同一日食?兩個小朋友都可以一起食或兩個食不同的?食那種先??怎樣分配來食??
多謝你的解答……………^^
ADA媽:
先煲些桑葉杏仁茶清外感咳嗽,再煮火麻仁糖水,一天內可以服用,兩個小朋友都可以食.綠豆薏米海帶糖水等外感咳好了才煮,一齊服會太寒涼.
芳姐您好:本人大女兒,五歲,她食量幾大,但是大便長期只有一小(舊),又硬又黑又臭.她的皮膚長期有d肉色細細粒,十分痕癢,每晚睡覺都會癢醒.她的鼻和嘴的周圍都黑色.另外她每日都不定時有幾聲咳..
小女兒,三歲半,她食量一般,近半年開始隔1.2日先有大便,量比以前小很多,又是又硬又黑又臭.她的頸背(髮腳位),膊頭長了紅疹(似熱痱),同時其他皮膚也長有肉色細細粒,都很癢,睡覺會癢醒.近日她傷風了,食過西藥,現有咳,一咳就好大聲,(日有咳,訓覺有咳)冇痰咳出,仍有鼻水.(透明的),她瘦了很多,面色好白.
我覺得她們熱氣,但是又有咳,又唔識分是寒或熱咳,唔知煲咩湯或涼茶調理,無從入手.
多謝你幫忙指教,謝謝!!
ADA媽:
你試每天用番薯兩個煲粥供你的女兒服,有助排便.日間小食可以買些中東出的無花果當小食,餐頭餸要多些粗纖維如西芹,雲耳,金針,深綠色葉蔬菜等,而且必須要多飲水.可以買1兩火麻仁,白鑊炒香,搗碎去殼,加些鮮奶,糖煮成糖水供服,好味又富營養,更有潤腸排便之效,可隔日一服.
皮膚起粒粒,痕癢多數因排便不輰,身體積熱引起,用綠豆,薏米,海帶煲糖水供服,有良效.
先解決便秘問題,咳嗽可以用桑葉,菊花各3錢,北杏3錢,3碗水煮成碗半供服.
芳姐,
你好呀, 阿b依家14個半月, 近1個月唔肯食粥, 你之前教我用雞內金2錢,另加紅棗6粒,蘋果1個來煲湯助消積滯, 我試過都有少少苦, 所以阿b都唔係咁肯飲呀, 可唔可以俾少0的雞內金呀? 或者有無其他中藥可以代替雞內金, 又唔會咁苦架?
同阿b眼白好藍, 我阿媽話因為佢好多風, 所以無胃口, 我可唔可以飲吳德物次肚風水呀, 有無幫助架?
阿b近排生牙仔, 已經好多日(10日)反覆咁低燒, 耳探37.2-37.4度,有時又得36.8度, 但佢都幾精神, 不過有時忟憎0的, 使唔使睇醫生呀?
謝謝.
Clara:
你試用紅蘿蔔半個,紅棗6粒,山楂3錢煲粥或煲水代茶飲,有消積滯健脾功效.有少少酸味,不苦的.眼白藍有風,其實只要脾胃功能恢復,症狀就會消失.那隻肚風水我未聴過,抱歉不能作回應.
出牙仔滾些絲瓜豆腐魚尾湯就可以,升至38度不退燒就要看醫生.在家飲多些水,多休息應該没事.
芳姐,
阿b依家14個半月, 近1個月唔肯食粥, 我前幾日買左雞內金2錢,麥芽3錢諗住煲粥, 但我奶奶用左黎煲水,加左粟米, 但都係幾苦, 所以阿b唔飲, 我想問:
1) 有咩方法可以令雞內金,麥芽好飲0的? 可唔可以用蘋果2個+雞內金2錢+麥芽3錢煲當水飲呀? 因為我諗就算用雞內金2錢,麥芽3錢煲粥, 阿b都唔會食, 因為都幾苦. 或者有無其他好飲0的, 又可以消積滯0既食療呢?
2) 阿b眼白好藍, 係咪代表好多風呀, 我阿媽話因為佢好多風, 所以無胃口, 有咩方法可以驅風架?
3) 平日煲粥比阿b, 需唔需要加1,2塊薑片架? 咁樣會唔會無咁多風同涼架? 但怕唔怕燥熱呀?
4) 阿b平日係奶奶湊, 朝早奶奶會一早用高厭煲煲白粥一家人當早餐食, 所以朝早阿b都係食白粥+咸菜汁(即係鼓油), 無蔬菜. 但阿b係朝早呢餐粥最有胃口,食得最多, 我驚佢日日咁食白粥+咸菜汁會唔夠營養同食得太咸, 我想問我可唔可以朝早用奶奶煲好既白粥做粥底, 再加瘦肉蓉同菜蓉落去煮呀? 因奶奶話返煲既粥有好多風, 唔好, 係唔係架?
又有一大堆問題, 真係麻煩你啦………………^^
Clara:
你試去麥芽,單用雞內金,另加紅棗6粒,蘋果1個來煲湯都可,不苦的.
眼白藍是風重,日常可以多用生薑煮湯或放入粥料中.不會燥熱的.早上單吃白粥營養不夠,可以加其它肉類,蛋黃1個,加菜蓉同煮,不會有風的.
好多謝你呀, 芳姐, 你真係好好人呀, 等我返去試下煲雞內金2錢,麥芽3錢先,thx so much……………..
你好,
阿b14個月, 阿b平時食南瓜瘦肉粥 / 淡菜瘦肉菜蓉粥 / 三文魚菜蓉粥 / 粟米瘦肉淮山粉粥 / 節瓜瘦肉粥 / 番茄著仔瘦肉粥, 阿嫲嫲有時又會煲花膠豬展湯做粥底煲粥, 係咪太少種類, 阿b食厭左呢? 我試過整abc 粉但佢唔肯食.
阿嫲嫲差唔多日日都會整一隻蛋俾佢食, 日日食蛋得唔得架? .
有無0的乜食療可以令佢開胃0的同去奶積呢?
謝謝.
Clara:
bb14個月可以吃一隻蛋,没問題,雞蛋有助生長發育,尤其是有益腦細胞.你所說的餐單已經不錯,但小b不用吃花膠的,會滯胃.可以用雞內金2錢,麥芽3錢煲粥供服,有助消積滯.
芳姐,
謝謝你呀 ^^
阿b尋日又好似因為生牙仔所以有點發燒同肚呵 (1日3次爛便), 所以更加唔肯食粥, 奶就肯飲, 但又驚佢飲得多奶會更加肚呵, 所以好矛盾呢………..其實阿b 1個月前已經開始唔太肯食粥, 以前一碗粥好快就食晒,依家朝早8點幾0個餐粥仲ok, 但中午同夜晚0個兩餐粥要成1個鐘先食少少, 呢兩日生牙仔夜晚更加一啖都唔食, 一見到隻匙就走, 好擔心呀! 請問有無方法令佢開胃0的呢? 同煲0的乜佢會開胃0的呢?
佢呢兩日瞓得唔係咁好, 成日醒, 醒左又成日捽鼻, 同呢兩日有打”乞次”, 唔知係咪感冒呢………請問我可唔可以煲蔥白紅糖薑水俾佢飲,同蒜頭洋蔥粟米粥俾佢食呀? 但佢生牙仔有0的發燒, 係咪唔可以食蔥白,蒜頭同洋蔥架, 因我聽人講蔥白,蒜頭同洋蔥係性熱, 易上火, 發燒唔食得, 係唔係架?
我覺得佢好易感冒, 我可以煲0的乜令佢抵抗力同鼻鼻好0的呀? 因為佢成日都捽鼻…..飲牛初乳得唔得架?
真係唔好意思, 太多問題~~~~~~~~~~~~
Clara:
牛初乳適合6個月以上bb食用,太細就不適宜.你的bb幾大了?吃什麼粥令bb抗拒呢?可以試煲些蛋黃豆腐羹或將麵煮到爛供食.葱白紅糖薑水己有發汗解表作用,飲多兩杯有助退燒.蒜及洋葱有殺菌作用,如果bb有點肚瀉可以適量用些來滾瘦肉湯飲,或用來煮爛麵都可以.bb1歲之前都不宜用太多中藥.飲牛初乳可增強體質.
芳姐, 好多謝你咁快就回覆我呀 ^^
咁即係我可以0係你教0既所有湯水入面, 加1-2個蘋果落去煲啦, 咁就太好啦, 希望阿b肯飲啦………..
但”小兒病後調理—蓮子百合麥冬茶” 可唔可以加蘋果? 可唔可以日日代水飲架??
同埋阿b 唔鐘意飲魚湯, 但我又成日想煲魚湯佢飲, 因為真係好有益, 請問有無0的比較清甜既魚湯可以教教我呀?
同我唔係太清楚新鮮淮山同乾淮生既功效? 阿b食新鮮淮山定乾淮山好0的呢? 我可唔可以每日都撈一次淮生粉落粥仔度呀? 日日食會唔會唔好? 同你話芡實健脾功效好過淮山, 咁我可唔可以去藥房打0的芡實粉撈落阿b 0的粥仔度呀?
唔好意思, 太多問題 ^^
Clara:
蓮子百合麥冬茶可以加蘋果的,没問題.一星期飲3次已足夠.
鯪魚煎香煲湯不會太腥,可以試煲湯供他飲.鮮淮山少化學品炮製,宜用鮮淮山.乾品要買脫水乾曬,没硫酸薰製那種,要近一百元1斤.
可以將芡實打粉煲粥,但不宜過多,會引起便秘.你不要太心急煲太多藥材給bb食用,要讓他自己身體適應和工作的.
芳姐, 阿B14個月, 剛剛病完 (現已沒有發燒, 感冒, 流鼻水,啖等等), 想煲返0的病後調理湯水俾佢, 我試過煲猴頭菇紅腰豆淮山粟米紅蘿蔔湯,但阿b唔肯飲, 飲一啖就推開佢, 我已經浸左0的猴頭菇好耐,同換左好多次水, 已經無乜猴頭菇味, 仲加埋2粒蜜棗落去, 但佢都唔肯飲. 其實佢都唔係好鐘意飲水架啦, 但如果整蜜棗南北杏煲蘋果, 佢又好鐘意飲, 請問有無其他病後調理,又易入口既湯水可以教教我呀? 你所有既湯水, 我可唔可以加1-2個蘋果落去煲呀? 因為清甜0的阿b可能會飲………….
仲有佢流淡汗好一段日子, 0的汗仲係有0的臭臭味, 應該係身體差所以汗臭, 之前用咖啡渣同佢沖左幾日涼, 好左好多, 但今次病後又流過, 唔知應該煲咩俾佢好呢………………………thx so much……………..
Clara:
你的小兒14個月,可以多用蘋果,雪梨,無花果,紅蘿蔔煲瘦肉湯供服.或煲些番茄薯仔豆腐鮮魚湯,淮山芡實紅棗鷓鴣湯,這類湯較合小b飲用.蘋果有益,但果皮含農藥,故煲湯也要去皮.汗有味應該不屬淡汗,是天氣悶熱,小兒體温高,加上病後脾虛引致,可以用黑豆1兩,浮小麥5錢,南棗6粒,5碗水煮成2碗,連服數天見效.
謝謝你芳姐~~~^,^”
芳姐你好!
我女兒9號開始發燒到而家, 食藥就退燒, 藥退就再燒, 請問那種湯水而家最有效???
唔該你~~~
Ocean Yeung:
你女兒體內的病邪袪不走,故發燒不退,由於現時的細菌,病毒很厲害,故必須一直看醫生.你試用石膏1兩,蘆根5錢,竹葉芯3錢煲粥供服,有清熱退燒功效.可先將藥加水煎煮半小時,取汁煲粥.連服3天,應能退燒.
我妹妹剛做完手術, 切除子宮外的肌瘤, 可有什麼要注意的嗎?
Elaine:
你妹妹剛做完手術,可以用北茋,黨參各3錢,紅棗8粒燉花膠供服,有助加快傷口愈合.要注意少吃含雌激素多的食物,如燕窩,雪蛤膏,胎盤,及用激素飼養的塘魚,竹絲雞等.平時可多用黑木耳,雪耳煲湯服,有助減少肌瘤發生.
芳姐，
你好！ 我的小儿已五个月， 他是冬天出世，好怕热（英国天气15c以上，已热的要命），
手脚很冷，但头是很烫（不是发烧），
是不是有问题？？？
我也问过医生， 他说小孩手脚冷是正常的。
不知你有什么提意？？或有可汤水可建意？？
谢谢
Lilian:
小兒神經系統的發育尚未完善，負責管理血管舒張、收縮的植物神經易發生紊亂，遇到孩子額頭燙熱,手足發涼時，家長可用體溫表測量孩子的體溫，也可用手摸摸孩子的腋下，以判斷小兒是否發熱。假如小兒手足冰冷，而腋下、額部、口腔等部位灼熱，應及時採取退熱降溫措施。一般情況手脚冷是没有大礙的.頭很燙又怕熱,可以用蘆根3錢,薏米5錢,雪梨一個(去核)煲水供飲,有助清臟腑熱.
坊間話飲田七會高D?是嗎 ? 什麼配方 ?
cc:
没有什麼中藥可以令人增高的.田七有活血,通脈,止痛功效,對減肥及預防膽固醇過高有幫助.
芳姐，我人在紐西蘭，無新鮮淮山賣，可否用干淮山啊？！
amanda:
紐西蘭有乾淮山賣,當然可以代替鮮品.
芳姐牛蒡軟和牛蒡一樣嗎? 在那有得買?
Cora:
牛蒡根在菜檔及超巿有售.牛蒡乾是曬乾了的牛蒡切片,在大間中藥店有售.裕華及華潤堂都有.
芳姐，鵪鶉使唔使去皮？
ah ching:
鵪鶉很瘦,不用去皮.
芳姐, 小兒有慢性扁桃腺炎，因試過一次足燒一星期不退燒，故扁桃腺很敏感，現在2-3日左右早晚有幾聲咳及會有少少分泌物，咳出來是黃綠色的痰(2-3天左右一次)，請問日常什麼湯心適合他?
Angelmama:
你可以買些牛蒡軟,每次用5,6片沖泡茶給你囝囝飲,可加些純正蜂蜜供服.對改善症狀有幫助.有黃綠色痰表示有炎症,需要看醫生治理.
芳姐, 我個女3歲, 自重新年前戒左奶咀, 個人就開始好扭計發忟憎, 唔肯食野.又感冒.現在好瘦,得29磅.
成日都話”支力”. 飲哩個湯會唔會有幫左.
aliceKK:
你囡囡適合飲這個湯,但感冒期間就不宜飲.
芳姐: 此湯內鮮淮山是不是連皮一起煲呀.
anitachan:
淮山要去皮用.
謝謝芳姐! ^-^
芳姐,我昨天聲沙喉痛,今天失聲、咳及有黃痰,有何良方?
eva:
你試用銀花,板藍根各3錢,胖大海3粒,千層紙3錢,甘草1錢,用4碗水煮成2碗供服.連服2劑,有清熱解毒,利咽開聲之效.
芳姐, 如果買不到鵪鶉,用竹絲雞可以嗎? 或用瘦肉呢?
沙律:
可以用瘦肉或雞胸肉代替.
芳姐，朋友叫他用羚羊絲煲水開奶有用嗎？
Mabel:
羚羊角絲有平肝清熱作用,對小兒驚癎,發燒抽筋都有療效.可以煲水開奶以助退熱.
芳姐，朋友的兒子3歲，發燒已六天，初是咽喉炎，之後導致扁桃腺炎和少許中耳炎，看了醫生已加重藥，但喉嚨得痛也沒胃口還未原全退燒，可煮什麼給他吃有幫助呢？朋友叫她煲羚羊絲煲水開奶，可有用呢？
Mabel:
發燒不退,宜多飲水,可以用絲瓜1條,去皮切薄片,隔水蒸10分鐘,用茶匙壓榨,飲蒸熟的絲瓜汁,有助利咽止痛.另外用蘆根5錢,石膏1兩煲粥服,有助快些退燒.
我在市面買到的鮮淮山煲湯時很易煲爛/煲散, 聽人說淮山正品應該是硬身煲不爛的, 請問應怎樣去分辨鮮淮山是正品?
Wendy:
鮮淮山煲得時間長會煲爛的,乾品由於產地及炮製過程關係,一般不易煮爛.鮮品只要外皮有許多皮孔及鬚根,像圖中的鮮淮山一樣就是正貨.