By 芳姐 ( 3 6 月, 2011 at 6:19 上午)
· Filed under 婦科病／產前，產後／不孕, 老人病/骨傷/關節病
在山草藥檔買了半斤新鮮牛大力,用鮮品煲湯藥味不重,有種特有的甘香.牛大力塊根肥厚,有點像蓮藕,故又名山蓮藕,味甘,性平,功能清熱潤肺,止咳,强筋活絡.
牛大力對腰肌勞損人士最為有益,可以配杜仲,栗子,紅棗,螺頭等煲湯,湯味香濃,有補腎固腰功效,中,老年人固然適合飲用,青少年,小朋友都適宜,因為有强筋健骨之效.
用料是: 鮮牛大力3兩,杜仲5錢,栗子乾2兩,紅棗8粒,螺頭(或螺咀)2兩,西施骨半斤.
做法: 螺頭,西施骨洗淨,出水;牛大力,杜仲浸洗;將全部材料放入煲內,用8碗水煮約3小時成4碗即成.
~ 小貼士: 此湯有安胎功效,故懷孕婦女都適合飲.可預防懷孕後期腰痠背痛,及舒緩各種筋骨疲勞.
Permalink
芳姐你好：
想請問牛大力是否等如牛蒡
謝謝
Eva:
牛大力是生草藥,牛蒡是菜巿塲常見的一種食用根莖蔬菜.
謝謝你，芳姐!
芳姐你好,父親係腰骨勞損,因做裝修,飲此湯是否有助改善,現在天氣可以飲嗎,謝謝
芳姐唔好意思，我有些混淆；想請問多次，如我用花膠，是否應配巴戟,杜仲,杞子和瘦肉，而不是配牛大力、杜仲、栗子和螺頭呢?
而且需要燉幾多小時呢??
謝謝!
Elaine sit:
兩款食療都可配花膠同燉.
謝謝芳姐！
芳姐︰
您好! 我先生最近骨裂，想請問此湯是否適合飲呢?
是否一定要用栗子乾? 還是街市買的新鮮栗子也可以呢?
再加花膠可以嗎?
Elaine:
你可以煲此湯給你先生飲.鮮栗子較乾品更佳,可加花膠,但一般花膠宜用燉的方法,可配巴戟,杜仲,杞子各3錢,瘦肉適量同燉.有助加快康復.忌吃太酸食物及梨子,以免妨礙康復.
芳姐：
您好！我老公工作量大，最近手腕痛，之前又話膝頭哥痛，是否該補充些骨膠原呢？謝謝！
豆豆:
你先生手腕痛,膝頭又痛,是否風濕呢?建議要看醫生,醫生可能會給一些補骨之保健品作調理.食療可用桑寄生1兩,牛大力1兩,栗子3兩,紅棗6粒,陳皮1塊煲豬骨湯服,有助補肝腎,强筋骨.8碗水煮2小時成4碗.
芳姐,
乾牛大力用甚麼量? Thank you.
Esther:
鮮牛大力用2兩,乾品1兩.
芳姐：
孕婦可吃乾或新鮮的牛大力嗎？牛旁也可以嗎？如果是素食者是否不落螺頭和西施骨便可呢？
Angel:
牛大力,牛蒡孕婦可服.素食者加多幾粒紅棗同煮就成.
秀:
乾牛大力浸洗片刻才用好些.
芳姐,忘記問,乾牛大力需要浸水後才煲嗎?
芳姐.見知識+有說牛大力即是牛蒡,是真的嗎?乾牛大力能否跟五指毛桃土茯苓三樣同煲嗎?謝謝
芳姐,
謝謝回覆！
芳姐,
妳好！請問：首烏, 黑豆,杞子,陳皮煲塘虱魚湯, 如果唔用塘虱魚, 可用甚麼來取代？
耳嗚已有6年了, 此湯可否有幫助？ 謝謝！
Bobby:
不用塘虱魚,用鯽魚或竹絲雞都得.對耳鳴有幫助.另外可以服[六味地黃丸]以補益肝腎.
芳姐，因為我已懷孕十六周，我想煲些湯水都適合一家大細飲用，請問牛大力杜仲栗子螺頭湯是否老人細路都適合飲？螺頭可否轉花膠？六人飲用份量又是多少？又或者你有否其他湯水介紹？謝謝
Yan:
牛大力杜仲栗子花膠湯適合你,全家可飲.鮮牛大力2兩,杜仲1兩,栗子4兩,浸發花膠3~4兩,加水煮2小時,成6碗即可供飲.平時可以用淮山,沙參,玉竹,麥冬,百合,蓮子,芡實杞子,紅棗,雪耳這類平補食材煲瘦肉或雞湯服,能健脾益氣,補血安神.
芳姐您好：我們打算生育，可惜一年還未成事，原來我先生的精子量吾係好夠，加上他又有
mimi:
你先生精子量不足,可以在日常飲食中多吃些花膠,海參,鹿茸,黑芝麻,核桃肉,蠔豉等.例如用淮山,蓮子,芡實各1兩,杞子5錢,燉海參或花膠食用.一星期服1~2次.另外用淫羊藿,花旗參,桂圓肉各1湯匙,放入真空壼中,沖入開水焗7分鐘,每天飲用,都有助改善症狀.
唔該晒芳姐詳細的解答.現在好多人都有呢個毛病.睇來自已以後都要留意下先得.
mo:
腦血管閉塞,主要是血脂高,膽固醇高引起,故平時要多菜少肉,以免血管瘀塞,或血管脆化爆裂,引致中風.除了少吃高脂肪食物,平時可泡些山楂菊花茶飲用,有助消脂降壓.
芳姐.之前曾問過你有關我個親戚雙腳無力一事.今日家姐話我知佢前日突然頭暈唔到半日就話有腦積水及腦部有1/3的血管已塞左啦.當日做手術.但醫生話可能會成世都好像植物人一樣了.好慘呀.佢先五十左右咋.想問下點解會有血管閉塞呢.我哋平時要怎樣去避免呢.
芳姐,
非常謝謝你詳細的回覆!
想清楚多一點, 就這個 [ 首烏1兩,黑豆2兩,杞子3錢,陳皮塊煲塘虱魚湯 ] 可以在作感冒頭痛時飲的嗎? 魚的份量多少? 需煲多小時? 一星期可以飲3數次, 對嗎? 再次勞煩哂! 謝謝你超寶貴的幫忙!
Pink:
首烏塘虱魚湯對耳鳴有幫助,感冒頭痛都可以服.塘虱1~2條(大條1條就夠),6碗水煲2小時成2~3碗,一星期飲3次,症狀好為止.
Pink:
巴戟狗脊杜仲湯很補益,感冒不宜服,以免病邪坐大.疲勞過度會耳鳴,長期感冒頭痛是體虛表現,耳鳴亦是,故需要改善體質.待外感好了,試用首烏1兩,黑豆2兩,杞子3錢,陳皮塊煲塘虱魚湯服,對治療耳鳴有良效,可連續飲一星期.不燥火的.耳鳴與腎病無關,與腎虛,腎氣不足有關,上述塘虱魚湯能補益腎氣.
芳姐,
早前瀏覽你介紹以下這個的湯水, 請問感冒可以飲的嗎?
巴cake, 狗脊 各5錢, 杜仲 1 兩, 牛膝 3錢,老霜枝 3錢, 西施骨
另想請教,如果疲勞過渡會否引發耳鳴, 加上長期作感冒頭痛,
每返工都會抵禦不到冷氣就感冒起來. 但又聽說, 腎病的徵兆都會有耳鳴. 真的嗎?
勞煩你幫忙, 可否介紹一些湯水來改善, 本人屬寒底, 但喉嚨又容易燥. 麻煩哂你!
唔該晒芳姐.我也覺得佢老人家是腎有些問題.曾想過買些六味地黃丸佢食.但還是問左你再買.唔知適唔適合老人家食.家中另有一位親戚也是上左年紀的一樣有這樣的問題.
mo:
六味地黃丸能補益肝腎,適合中,老年人食用.
mo:
老人家因肝腎不足,故容易腰膝無力.可以試用[腎氣丸],有助改善腰酸脚軟.但最好經中醫師診斷後才服用.[香砂養胃丸]較平和,一般脾胃虛弱,胃氣脹人士皆可服,故才作推介.其它中成藥宜經醫師推介才服較理想.
欣欣:
桑寄生都算藥材,但不含酸性,故可以用易潔煲來煮.
芳姐.請問老人家經常話對腳成日行路冇力.是不是年紀大左會有呢.請問有冇中成藥可以介紹呢.因要煲湯水佢話好麻煩.唔該芳姐.
那易潔煲用來煲＂桑寄生黑豆紅棗榮茶＂可以嗎？桑寄生算不算藥材？
請問可否用易潔煲煲藥？
欣欣:
有些中藥味酸澀,易潔鑊不宜.會起化學反應.
好彩沒有煲濃，下次我會小心煲了，謝謝
我剛剛煲了鼻敏感那藥方，煲了一個半鐘，發覺煲乾了水，我再加水煮多30分鐘便熄了。再加水後飲用有沒有問題？味道很苦呀。
欣欣:
一般煲藥應該先大滾後轉中慢火來煲,否則很易乾水.再加水煮没問題,只要不煲燶就成.
她檢查過，也沒有血壓高，醫生也找不到原因。
謝謝你提供的藥方，我叫我奶奶試試。
另外想幫我奶奶問, 佢十年來, 經常的覺得頭暈, 一個星期暈2-3日, 如感覺頭暈時, 她覺得行路會不稳的. 但她說只是覺得暈, 並沒有頭痛的感覺, 只要可以給他坐著便沒事. 看了很多西醫, 都說找不到原因, 亦不是耳水不平衡. 請問在中醫角度, 是否因為體虛而感覺暈 ? 有什麼食物可以對她有幫助 ? 謝謝!
欣欣:
你奶奶有没有高血壓呢?可能是肝風,或痰熱引起頭暈都未定.,可以試用法夏3錢,陳皮2錢,白朮4錢,茯苓4錢,生薑3片,烏梅1粒,5碗水煮成2碗供服.有助止眩暈.連服3劑,看能否改善症狀?
如用電子紫沙煲煮, 5碗水煮成2碗, 即大約要煲多少個鐘才適合 ? 謝謝!
欣欣:
電子瓦煲由於揮發的水份少,故只要用3碗半水來煮2~3小時便成.
你好, 我睇到上文提到辛夷花是可以醫治鼻敏感, 我老公有鼻敏感很多年.
可以點樣用呢, 可否用來煎水飲, 日常比我老公當水飲 ? 還要加什麼一起煲嗎 ?
一星期要飲多少次才有用 ? 謝謝~
欣欣:
辛夷花可單獨泡茶;亦可以用北茋3錢,辛夷花3錢,防風3錢,白芷3錢,紅棗6粒,5碗水煮成2碗,對防治鼻敏感有療效,一星期飲3次,至症狀改善為止.
芳姐,
好多謝的回覆.
Sue
芳姐,
你好.請問牛大力杜仲栗子湯坐月期間可否飲此湯呢？
Sue
Sue:
坐月期可以飲牛大力栗子湯,没問題.
我是否沒有加肉蓯蓉所以咁腥? 因為我買漏了? 是否在藥材店有得買?
KITTY:
不關加肉蓯蓉之事,好的鱷魚肉乾是很好味不腥的,鮮鱷魚肉煲湯更清甜好味,不會腥,故你用的魚乾很腥,應該和品質有關,加多幾片薑,加少許紹酒會好些吧!
芳姐. 我的丈夫說很腥, 有什麼方法? 加薑可以嗎?
我聽人說海馬湯對生育有幫助,尤其是對男性的性欲有幫助 對嗎? 我想知材料是如何?
kitty:
海馬含雄性激素,有助陽作用,對不育男士有益.用海馬1對,配淮山1兩,杞子3錢,肉蓯蓉5錢,瘦肉適量燉服,一星期服2次左右,有助孕作用.
芳姐
想問呢個湯唔落 螺頭得唔得?
有沒有其他可以代替?
JJB:
不放螺頭,改用瑤柱都得.
Thanks a lot
芳姐
好多謝你
另還想問我細b六个月, 你介紹的湯是否都可以飲, 佢經常頭, 身上流晒汗, 但手腳還冰冷
還有我父親的腸胃不是很好, 經常想去洗手間大便但又冇, 好辛苦, 請問有何湯水推介
thx
ahsi:
6個月都可以飲,宜飲半杯為限.小兒出虛汗,可用北茋3片,浮小麥5錢,紅棗6粒,5碗水煮成2碗供服.老人便秘多屬氣虛,可用當歸2錢,肉蓯蓉5錢煲豬肉湯服,有助滋液潤腸,助排便.
dear 芳姐
many thanks for your kindly reminder. But my dad only 60 years old and he always like that~~^-^
elle
ELLEYIN:
很多老人家自覺在家中地位越來越低,自卑心作怪,會採取不合作或無理態度對家人的.也真難為你,要耐心對待令尊才是.
芳姐,
今晚已煲了你的”八寶冬瓜瑤柱湯”, 個個都鍾意. 多謝!
我想問吓, 呢個”腰骨痠軟—牛大力杜仲栗子螺頭湯” >>>> 如果老人家佢本身每日食緊好多西藥, 可以飲此湯嗎?? 而我既腸胃又不好,亦可飲嗎??
透過芳姐既湯水, 能令我們的身體更加健康. 多謝!
chanmay:
牛大力湯老人家就算服西藥都可以飲,不相沖的.膠胃欠佳不吃湯料栗子就成,飲湯無妨.因栗子多吃滯胃.
好多謝芳姐的回復~辛苦噻~~
唔好意思~個個煙囪係我老豆，距脾氣好急躁架，邊個都話距唔掂~~唉，唯有在生活中照顧到啦~~多謝芳姐關心呀~
我好中意你哩個健康網站噶，會成日上來學習，我仲介紹埋給身邊D同事同朋友仔，距地都話好好用，成日來抄添~好多謝芳姐慷慨無私奉獻~~
ELLEYIN:
很多人老了會變得固執,脾氣不好,如果和以前性格差異很大,就要留意是否患上老年癡呆症?歡迎常來瀏覽!
Dear 芳姐，
你好呀~好耐無向芳姐請教過了~哩次有成三個問題想請教~，1:剛剛經期結束3日，但係個人好濕熱，舌苔白，又訓唔好，好容易疲勞請問可以連續飲D咩也湯水解救呢？2.啊仔成日朝早起身就打噴嚏，仲有好多青鼻涕，有D咩也可以減緩或斷尾湯水可以介紹？3，老豆係個煙囪，成日煙不離手，好啦哩排就牙痛啦，睡眠就更系差啦～所以體質真系麻麻了～我剛好買左D蟲草花返黎，請問可以點整呢？對於長期吃煙的人又有D咩湯水可以長期飲用減少身體毒素呢？
辛苦芳姐啦～請吓幫我
Elle
Elle:
舌苔白是濕重徵狀,可以用茯苓4錢,白朮4錢,扁豆衣3錢,加北茋,黨參各2錢煲湯服,5碗水成2碗.有助健脾袪濕,消除疲勞.你仔仔都可以飲此湯,在湯煮好後加辛夷花3錢同煮5分鐘就得,有抗鼻敏感功效.
你先生最好戒煙,否則老了容易患肺氣脹病,很辛苦的.你試用黨參3錢,魚腥草1兩,遠志3錢,5碗水煮成2碗供服,有助消除氣管廢物,强壯神經.一星期可服2~3次.蟲草花可配雪耳,杏仁,無花果,沙參,玉竹煲瘦肉湯.用量隨意,全家可飲.
芳姐
您好! 我的皮膚唔系咁好, 好似呢排天氣熱我的手及頸好容易覺得痕抓幾下就會起粒, 有咩方法可以處理。
LI:
你試用綠豆2兩,薏米1兩,海帶1小撮煲糖水服,有助減少皮膚癢.
芳姐:我女兒懷孕三個月,佢本身有鼻敏感,我想問吓你有咩湯水可以舒緩
Lin:
本來辛夷花是對鼻敏感很有用的,但會令子宮收縮,故孕婦不宜.可用北茋3錢,黨參3錢,白芷2錢,茯苓3錢,紅棗8粒,生薑2片,5碗水煮成2碗供服,一星期可服2~3次,有助減少發病.
芳姐你好
我細仔6个月, 到現在病着3次, 每次都是流鼻水加咳, 大仔現快5歲, 也是經常流鼻水咳, 每次醫生都說是氣管引起的(大仔), 有什麼湯水可以加強抵抗力(兩个都啱飲)
thanks
ashi:
你仔仔體弱容易病,建議用鵪鶉或鷓鴣煲湯作調理.鵪鶉有[動物人蔘]之稱,能補五臟,又不會燥,對小朋友特別有益,可惜現時没有鮮鵪鶉賣,可買法國鵪鶉,在崇光,吉之島等大間超巿有售.每次用1隻,配雪耳,杏仁,核桃肉,紅棗等煲湯服.有强壯肺氣之功.鷓鴣有很好的化痰及滋補作用,鮮雞檔有活鷓鴣賣,55元1隻,可配蟲草花,海底椰,南北杏,紅棗等同煮湯,能强壯肺氣,增强體質.
Hi 芳姐，家父早前因發燒和感冒看了幾次西醫，吃了很多西藥，現在還有鼻水和咳(有痰)，身體消瘦和虛弱，請問可喝什麼湯水﹖可以飲北芪黨參湯嗎﹖
Alice:
令尊感冒未清,不宜用補益藥,可以煲些菜乾杏仁無花果紅蘿蔔豬展湯服用,清肺熱,止咳嗽.待外感好了再煲北茋黨參雞湯服.