By 芳姐 ( 17 6 月, 2011 at 6:21 上午)
· Filed under 養顏潤膚／消脂瘦身
海參不含膽固醇,又能補腎陰及腎陽,無論男女都適合食用.以前認識一位朋友,她年過50,面容年經,原來她經常食用海參,幾乎每天無海參不歡.但凡事有利必有弊,吃得太多,連感冒期都食用,結果弄到腸胃積滯,要入院治療.不過她皮膚光潔細緻,令人印象深刻!
[淮山杞子燉海參] 有健脾補腎,滋潤養顏功效.對皮膚粗糙,毛髮枯乾人士最為適合.
用料是: 淮山1兩,杞子4錢,紅棗8粒,瑤柱3粒,豬展1個,浸發海參1~2條,生薑2片.
做法: 豬展,海參出水;其餘材料浸洗;將全部材料放入燉盅入,注入沸開水3~4碗,燉約3小時即成.飲湯吃湯料.
~ 小貼士: 此湯滋補,對更年期婦女,產後或手術後,及不孕不育人士都有幫助.可常服.
Permalink
芳姐，
你好，我朋友用高速煲煲海參湯，海參係用日本遼參，吾點知點解海參溶左。求解
訪客:
海參有些容易煮溶,所以海參最適合燉食.用高速煲熱力太强令海參溶化,飲湯一樣有益,但會膠口.
可以用鮮淮山嗎?
鮮淮山和乾淮山作用係咪一樣的
jc:
鮮淮山含黏液質,有助防動脈硬化,可煲湯及炒菜;乾品如脫水無硫磺薰過的正河南淮山健脾補腎功效較强.
2歲小朋友可以飲海參湯嗎?
cherry:
2歲小朋友飲些海參湯没問題.
芳姐，我患有多囊卵巢症而引致不育，請問可否服這湯幫助我這個不孕症?要一星期服用多少次和多久為一食療週期?謝謝。
訪客:
建議你看中醫治理此症,可以去港大,中大,浸會等設有中醫門診的診所看經驗好的中醫,助治好不孕症.此湯可以一星期2劑,都有幫助.
謝謝你！
請問急凍海參怎樣出水？
Crystal:
急凍海參解凍後投入放了薑片的水中煮5分鐘,撈出沖水就可煲湯.
芳姐:想問下蟲草花是不是有花雹個種是最好的呢.我見普通個隻才$60元就有5两(色澤就橙色好深).而有花雹的就要$32元1两(色澤就比較淡色的只有淺黃).所以我就買左一两有花雹的.
mo:
蟲草花以粗壯,乾爽,香氣夠的為佳品.顏色深淺反而關係不大.
唔該晒芳姐.平時和家人在外食過好多次都覺得好好味.但就只食到有當歸和黨參的味道其它材料就唔知.所以想自己試下來做.呢味雞可能在冬天食就最合適了.
mo:
八珍雞湯的確秋冬季節最適合.夏天食一,兩餐都可以.
thanks 芳姐
多謝芳姐回覆.我叫老人家多煲以上湯水調理下.我今日想整藥材浸雞比屋企人食.但要落哋咩材料浸才好吃呢.最好教我點做就太好了.唔該晒芳姐.
mo:
你可以用[四君子湯]或再加[四物湯]–即[八珍湯]的湯料來浸雞,能大補氣血,用藥材量宜盡量少,每樣1錢或最多2錢,否則太燥火.八珍湯材料是:黨參,茯苓,白朮,炙甘草;川芎,當歸,白芍,熟地.
芳姐.我明日想整藥材浸雞比屋企人食.但要落哋咩材料浸才好吃呢.最好教我點做就太好了.唔該晒芳姐.
另奶奶最近成日話頸痛+肩膀痛.昨日去照左話有骨質增生加壓著神經綫.想問下要煲哋咩湯水比她食好呢.唔該晒.
mo:
中醫認為[腎主骨],骨質增生都是腎氣不足之象,故主要是補腎,才可避免骨質再增生但已增生了的骨刺不會自己消失,要靠患者身體適應才成.一是做手術將骨刺刮走.
可以多用首烏,黑豆,肉蓯蓉,巴戟,杜仲,女貞子,桑椹子,南棗這類食材煲豬尾骨湯作調理.例如首烏杞子黑豆南棗塘虱魚湯;巴戟杜仲桑椹子女貞子豬骨湯等.一星期服2~3次.
芳姐
你好, 我細仔6个半月, 流鼻水3个星期了, 一直吃藥還是會流, 有什么湯水適合他, 這兩天我有煲鷓鴣, 虫草花, 南北杏, 紅枣, 海底椰給他飲, 能否能連續飲幾日, 還是一星期一次就可以了?紅蘿蔔煲紅枣水是否也是一星期一日就可以了?thx
ahsi:
蟲草花鷓鴣湯最好外感清了才飲一,兩餐.紅蘿蔔紅棗水較適合嬰兒飲用,因為年紀太細,最好少用藥材.
芳姐,
你好!請問這湯適合小朋友飲嗎?多謝幫忙!
蚊蚊媽媽:
3歲以上小朋友可以飲.
呢排成日開冷氣瞓，一開冷氣個鼻就會鼻塞抖唔到氣，要用口，搞到成晚瞓得好辛苦，想問下芳姐有咩日常湯水可以煲黎飲？
Connie:
你試用北茋3錢,辛夷花3錢,蒼耳子2錢,生薑3片,紅棗8粒,5碗水煮成2碗供服,有助改善症狀.
孩子原來在學校開冷氣冷親肚仔，回家疴了大便已無咁痛。
Irene HO:
冷親肚仔,宜飲些糖薑水,或用薑茸(用紗布包住)搓肚仔,有助暖肚,減少肚痛.或用白花油之類的油每天搓肚5,6分鐘,可改善脾胃消化吸收.
4歲囝仔上次說口腔生白點但無發燒，今天舌頭有匪滋會痛，而且返學校有肚風，會以為急大便，但放庇，昨夜已叫肚痛，今天在學校肚痛咸。今早見他的舌頭很白，昨天及前天吃了綠豆沙，節瓜瘦肉粥及喝了萍果雪梨杏仁茶，是否太涼 or肚風引致，他常出汗，手脚有時立立涼涼的，請芳姐介紹合適湯水！
媽媽今天了合掌瓜豆腐魚湯，可給他喝嗎？
芳姐:
請問孕婦可服此湯嗎?
May:
孕婦適合飲此湯.
芳姐: 唔知點解每次燉這個湯, 海參會溶晒!
Priscilla:
如果你買的是急凍海參,溶化了就最好少用那種海參了.自己浸發的如果燉得時間過久,都會溶化部份的,但完全溶晒就少有!
芳姐﹕
如皮膚敏感或濕疹可服嗎？
yy:
皮膚敏感都可以服用此湯.
芳姐,
你好!我女兒很喜歡食海參,她十一歲,請問這湯適合她嗎?我是買急涷的,在要上樓上買那些,聽說有些是用哥士的浸是嗎?
自己浸的好還是買急涷的好?多謝幫忙!
蚊蚊媽媽:
如果買急凍浸發好的海參,出水後稍為縮水的是没放哥士的這種有害物質,如果完全不縮水就最好少吃為妙!自己浸發的確有些少麻煩,但安全.我幾時都自己浸發.
芳姐:
我個女女1歲,上個月染上氣管炎後, 直至現在仍有幾聲咳, 咳多數都晚上, 咳起時有痰聲, 請問可以煲咩比佢食??
simple:
你試用鮮龍脷葉1兩,石黃皮2兩,南北杏1兩,蘋果,雪梨各1個煲湯供服,能清熱化痰止咳.如無石黃皮,用羅漢果半個代替.
芳姐：
早晨!!!請問此湯產後或開刀幾耐才開始服用，如餵人奶情況是否適宜。
思明:
產後只要脾胃功能恢復就可飲此湯.餵人奶都適合.