By 芳姐 ( 5 3 月, 2010 at 7:44 上午)
· Filed under 皮膚病/暗瘡
皮膚瘙癢的問題很困擾人,尤其是老人家,皮膚瘙癢起來一定要抓到皮膚破損才能止癢,心情難免煩躁,更會影響日常生活.
新鮮的土茯苓味甘,性平,有清熱解毒,除濕通絡的功效. 鮮品配合綠豆,薏米,果皮同煮湯,對皮膚瘙癢症很有幫助.
用料是: 新鮮土茯苓四兩, 綠豆2兩, 生,熟薏米1兩,果皮1塊.
做法: 鮮土茯苓削去外皮,切塊; 綠豆,薏米,陳皮浸洗; 將全部材料放入煲內,用8碗水煮約2小時成4碗即可供飲.
~ 小貼士: 菜檔或生草藥檔常有新鮮土茯苓賣,以肉色白者為佳.但頗易氧化,去皮後皮色會迅間變鐵锈色,鮮品較乾品療效佳.
Permalink
May:
你可用黑豆2兩,(要青色肉那種)黑芝麻5錢,黑棗10粒,6碗水煮成3碗供丈夫及囡囡服,一星期2~3次,對慢性蕁麻疹有幫助.
芳姐你好:
我丈夫和女兒有慢性篿麻疹，發病時要吃過敏藥，請問有冇湯水可煲?
芳姐您好 , 本人有濕疹多年 , 依家雙手又紅又痕, 中醫話本人‘濕熱’好重,建議食‘土茯苓’ 想問下可唔可以凈 ‘土茯苓＋水’ 煲黎飲 ? 或者教本人用土茯苓整簡單湯水? THX
April:
土茯苓清熱解毒,鮮品可用2兩,乾品用1兩,可配赤小豆,扁豆,薏米各1兩,蜜棗2粒,8碗水煮成4碗,分2天服,一星期2劑,至症狀改善為止.亦可用黑豆1兩,黑芝麻5錢,黑棗6粒,5碗水煮成2碗服,對慢性濕疹有幫助.兩款湯可交替來飲.
芳姐，你好，我奶奶呢幾日一沖完涼就好痕，腳底，眼，連頭整身都痕，之前她都係咁痕，但食完過敏薬就無事，一年發2次到，此湯啱用嗎？她本身要同小朋友訓，夜晚訓得不好，常生痱子！謝謝
Yam:
你可以煲此湯給奶奶飲,她可能吃了或接觸了致敏物才會這樣.可記錄下這兩天吃過或接觸過的東西,逐一測試,以後避免再接觸才成.除了這湯,可用玄參,麥冬各3錢,無花果4粒,4碗水煮成2碗服,有助消痱滋.
芳姐你好。我個仔今年13歲，有左濕疹好耐，手手腳腳、頸都好嚴重，有紅，有甩皮，有痂，皮膚又變厚，佢話覺得超級痕，試過用中藥沖涼，作用都唔大。宜家日日都用cream保濕，請問用咩湯水同外敷好？Thk*1000
jason:
你試用芫茜5,6棵,用5碗水煮5分鐘,加些冷水調勻,即可作外洗劑,有助止癢.有個偏方很簡單,據說服用一段時間後會見效.材料簡單,提子乾30粒,每天用開水沖泡,然後飲茶吃掉提子乾,每天1杯,服大約幾個月可見效.反正葡萄乾有益健康,又好食,不妨讓令兒試試.我閱報聴聞有作者被濕疹困擾多年,後來無意中用[刮沙]方法治好濕疹.她的濕疹不在背上,但刮背居然治癒手脚濕疹,她是刮沙後再用[走罐]法,即在背上刮了沙,塗些油,用真空玻璃在背上游走,讓體內濕毒排出體外,可能是這麼治好濕疹.當然拔罐必須中醫師處理.但刮沙你都可以做,只要令兒肯試就成.
芳姐, 母親已80多, 可能因糖尿病,在近排日子..皮膚比較瘙癢…但看過應沒有虫咬. 請問此湯合否 ? 而之前因其他病看中醫,說我母親的體質可多食沙參,玉竹等.
請問可否加沙參,玉竹入此湯內. 因怕綠豆,意米會對母親比較寒..?
143k59g:
令堂可以煲土茯苓湯的,如怕綠豆寒涼,改用赤小豆1兩煲就成.赤小豆補血的.沙參,玉竹與此湯材料不夾,另外煲湯吧!
mei:
金銀花等材料在中藥店有售,很易買到,亦不太貴.大約4碗水煮15分鐘就成.但要留意,如果不止痛,瘡腫繼續增大,可能你感染到疱疹病毒,這種外用方法不見效,要去醫院看婦科才成.
謝謝芳姐回覆, 請請問是否全部可在藥材舖買? 幾多水煲15分鐘? 大火或是細火? 唔好意思咩都唔識要麻煩你.
芳姐,請問早排陰唇生咗粒瘡,痛但沒有膿,我煲綠豆沙飲, 之後唔痛, 但粒瘡仲係到, 呢幾日經期到, 粒瘡又大咗d同痛, 有咩內服及外擦呢?謝謝
mei:
你試用金銀花,蒲公英,野菊花各3錢煲水,大約煲15分鐘,分開3次份量,每次用藥棉沾藥汁塗患處,一日3次,有助消炎殺菌.如果不見效,宜看婦科醫生.
多謝芳姐解答. 但假如買唔到以上材料, 還有其他方法嗎?
Erica:
聴聞每天飲2茶匙蒜醋,飲用一段時間後可減少皮膚搔癢發生.反正蒜醋有益,有抗癌,降血壓,降膽固醇等功效,你不妨試服.如買不到就自己製作,買純正米醋及蒜頭,用量是蒜與醋的比例是1:2 .蒜去衣後不用洗,直接放入玻璃瓶,加入米醋,浸1月可用.期間蒜子可能變藍綠色,但不用担心,遲些全部變回原色.每天早,晚服1茶匙,温水送服.
芳姐, 你上次教我煲的湯已經連續飲咗一星期,
剛開始情況有好少少, 但前幾日天氣一轉凍又開始變差..
我應該繼續煲呢個湯定係煲過其他呢?
紐西蘭淨係買到乾土茯苓, 而且個湯會好”傑”, 好似糊仔咁..
請問係正常嗎? 我怕係因為買到唔靚的材料..:(
Erica:
如果遇寒皮膚痕癢加劇,屬風寒型,試用大棗10枚,乾薑2錢,桂枝2錢,3碗水煮半小時成2碗服.或用生地5錢,熟地5錢,僵蠶5錢,紅棗6粒煲粥服,對任何類型皮膚癢均有效.不知你那處能否買到這類藥材?
多謝芳姐解答
芳姐你好,
我家人有嚴重濕疹,頸,身,手同腳都有.患處又紅又甩皮.. 睇好多醫生都冇用..
佢係香港時情況冇咁嚴重, 但一返到紐西蘭就情況惡化,
有時仲會痕到訓唔到..
我最近有去當地華人藥材鋪買D健脾去濕湯包,,
但唔知有冇其他湯水會更有效呢?
感激您的解答
Erica:
濕疹必須經常保持皮膚滋潤,可以用李子肉搗爛,用紗布包住作外塗,有助止癢.紅色李子(布冧)你那邊有得賣吧?或用新鮮蘆薈,削去皮後作外塗都有幫助.(我在上海鄉間見鄉民用通便用的灌腸浣腸劑(即甘油)外塗濕疹患處,效果良好.不妨試試.
食療可以用土茯苓1兩(鮮品最好,但你那邊較難買到,如有,可用3~4兩)赤小豆,綠豆,薏米各1兩煲瘦肉湯,10碗水煮成3~4碗,全家服用,有清熱解毒,消疹之效,可連服一周.
如買不到新鮮土伏苓，可否用藥材鋪的乾土伏苓代替？乾品是否份量減半？
欣欣:
乾品土茯苓可以用5錢~1兩.鮮品療效勝乾品,在街巿很易買到.
芳姐想請問產婦開刀後多久可以喝這湯？另外若擔心傷口長肉芽及留疤 應避免進食甚麼？
Macy:
如果產後皮膚癢,可以飲此湯,加幾粒紅棗同煮就可以.開刀後首10天內不要用生魚,山斑魚,田雞作食療,因為這類食物細胞活力太强,容易令傷口長肉芽.10天後表面傷口已埋口,可以開始服用.
因為有人話酸性的水果都是酸性,禁佢地就講錯了.
THANK YOU
pigchi:
這是很多人的誤解,其實大多數酸味的蔬果都是鹼性的.杮子,蘆筍屬酸性.而强鹼性食物是海藻和海帶.故日常宜適量食用.
芳姐:
請問你知唔知新鮮檸檬水和山楂煲水是不是都是鹼性食物呢?有d人話酸,有人話鹼.
PIGCHI:
檸檬,山楂都屬鹼性食物.
芳姐:
請問這個牛蒡湯D湯渣食唔哂緊唔緊要架?會對療效有影响嗎?
PIGCHI:
湯渣隨量食用就可以,没問題.
芳姐:
蘿蔔苗不等於白蘿蔔頂上的綠色嫩葉嗎?
PIGCHI:
這款湯原名[日本救命湯],用的是蘿蔔種子發的幼苗,亦即吃日本天婦羅時伴着的幾條嫩苗,就是蘿蔔苗了,在崇光等售賣日本食品的超巿有售.後來才被白蘿蔔頂上的嫩葉所代替.
芳姐：
請問這個湯牛蒡,冬菇,白蘿蔔,紅蘿蔔及蘿蔔苗煲湯,常服能令酸性體質變弱鹼性,因蘿蔔苗是季節性,如果買不到,可用什麼代替?
如果比較野蚊,是否代表體質偏酸性?
PIGCHI:
你說得没錯,惹蚊咬的人通常血液偏酸,主要是吃肉較多.如無蘿蔔苗,可以用白蘿蔔頂上的綠色嫩葉一齊煮.或用少許西芹代替亦可.
芳姐你好,
又來請教,這次是小兒子2歲半, 近來發現他濕疹皮膚越來越嚴重, 心口背部全是濕疹, 皮膚表面粗糙，全是細細粒紅色突出呈苔癬樣, 網上查看有關濕疹類型, 說有3類, 濕熱型,風熱型,血虛風燥型, 這鮮土茯湯是否3類型都合用呢? 若我看表徵似是血虛風燥型, 可以煲些甚麼? 常說濕疹人士忌吃甚麼,但有沒有食物可常吃能改善症狀的呢? 謝謝解答
沙律:
令兒的濕疹可以試用黑豆1兩,魚腥草3錢,綠豆,赤小豆,生薏米各1兩,紅棗10粒去核,6碗水煮成2~3碗供服.對血虛風燥及熱盛型濕疹有幫助.鮮土茯苓湯清熱解毒,可經常煲些來飲.忌吃鵝鴨,蝦蟹,筍,豬頭肉包括豬頸肉及章魚,黑魚,魷魚等無鱗魚這類發物.芒果,楊桃,菠蘿等亦要少食.紅棗,薏米,綠豆,黑豆,黑芝麻,淮山,蓮子,生薑等有抗過敏作用,可以多用.
芳姐,
我有尋痳疹,可以點?
Pigchi:
你試用黑豆1兩,黑芝麻3錢,黑棗6粒,用5碗水煮成2碗供服.可常服,至症狀好為止.
希望真係可以好番啦, 唔係對佢同對我地一家都唔係好事, 唔該哂您芳姐~~
芳姐您好,
想問一下工人姐姐上星期開始成日話只手好痕, 仲腫哂添 , 睇了醫生之後只話佢皮膚敏感, 係主婦手既一種, 比了盒藥膏佢, 叫佢用手套…用了差不多一星期都係話好痕, 我見到佢損同起水泡都幾恐怖, 因為怕會傳染比BB…. 今晚仲同我講話只腳都好痕, 如果係主婦手, 點會連只腳都腫埋架?? 唔知有咩食療可以有幫助? 係咪無得醫?
芝芝:
主婦手没有什麼合適的食療,主要靠外塗藥物.此病病情纒綿,嚴重起來會指甲變厚及脆弱,故必須一路看醫生.冬天一般病情會加重,天氣温暖不太乾燥時會改善.此病不會傳染,可以治愈.不妨帶她去看看中醫.
蘿蔔苗我都係第一次听,豆苗我就食過,要揾下先,唔知邊到有得買.
芳姐,用陳皮煲湯是否要浸完,去左皮裏面d白色野先好?
Pigchi:
蘿蔔苗是白蘿蔔頂上的綠色嫩葉. 陳皮白色那層含軟化血管的有用物質,不用去掉,以免減少療效.
芳姐,
我唔記得在那一篇comments裏看到,用牛蒡仲有幾樣野煲水飲,可令體質變鹼性,可否再提供一次呢?分量是怎樣?煲幾個鐘?
Pigchi:
是用牛蒡,冬菇,白蘿蔔,紅蘿蔔及蘿蔔苗煲湯,常服能令酸性體質變弱鹼性.用量隨意,煲個半小時就成,如怕寒涼,可加生薑及瘦肉同煮.
芳姐:
我仲有D食物問題想請教:
1.是否所有比較毒的食物都是發物?(好似牛,羊,鰻魚這些)
2.所有咸水魚,所有菇類,沙甸魚,花生,薑,蒜頭,海蜇,三文魚刺身,蠔油,海蟾,木魚片,柴魚,洋蔥,龍眼,薯片這些可吃嗎?
3.如果茶果湯裏面有蝦米,咕嚕肉連菠蘿一齊抄.請問是否挑左其中的發物就可以食?定整個餸都不吃為妙呢?
多謝解答.
Pigchi:
發物並非有毒之物,而是會助長某類體質引發原本容易患上的疾病那種物質,例如助火的發物,是葱,蒜,韭菜等,你不能說這類食物有毒,或不好而不能食用,只是對容易上火的人不宜多吃而已.
例如動風及助濕的食物,如筍,菌類,茄子,肥肉,豬頭肉,鵝肉,八爪魚等對患濕疹的人就不適宜,能夠少食就盡量少食,可減少濕疹發作.
你無需害怕吃這些,又怕吃哪些,令自己神經過敏.就算吃了些少亦没問題的,留意一下哪些食物對自己不利,戒戒口少吃些就成.
芳姐,
我煲了一次(共3碗),感覺好了好多,昨天有少少痕,今日唔痕了,謝左少少,請問可否日日飲?一星期幾多次較好?我是熱底,有皮膚過敏病,日日食緊藥.
另外,是否”葱”都是發物?章魚,油魚食得嗎?多謝解答.
Pigchi:
這個湯一星期可以飲2~3次,至症狀改善為止.葱,章魚,魷魚(都是無鱗魚)都屬發物,黃花魚雖然有鱗,亦屬發物,筍,蝦,蟹,某些貝類,菠蘿,杧果,不潔霉腐之品,醃製品都不吃為妙.
請問芳姐那裡可買到純蘆薈精華軟膏，問過幾間藥房都話無。請問那區？或藥房名？謝謝。
Ada:
我在中環一些大間西藥房買的.你可以去大間的藥房問.中環那間八珍甜醋店,更有濃縮蘆薈精華霜賣,不過要數百元1支,非常貴.
芳姐,
我從貓那裏傳染了皮膚病,大多在面上,會紅和痕,一達達,吃了2個月藥都未完全好(抗生素和抗過敏藥),一停藥就發得好勁,怎麼辦?
Pigchi:
你試煲這個湯來作調理,能清熱解毒.平時少吃竹筍,鵝,鴨,無鱗魚等發物.
芳姐﹕這幾天十分乾燥，可煲此湯嗎？謝謝
Jenny:
如果有皮膚痕癢就可以煲這個湯.
我兒子前幾個月出濕疹，最後看醫生，用來類固醇藥膏，好了。可是這幾天又出了一些小痘痘，外面有些紅腫，中心有個小水泡，水泡裡有黃色的水。有些癢。過幾天就好了，有痕。但其他的地方越出越多。請問這些是什麼呢？喝這湯可以嗎？
謝謝！
Connie:
你仔仔可能出[黃水瘡],是一種傳染性皮膚病,受細菌或真菌感染.要注意衣物被鋪等的清潔,最好用漂白水稀釋浸洗,或用熱水浸洗.可以飲這個土茯苓湯.
亦可用花旗參2錢,麥冬3錢,川石斛2,沙參3錢,銀花3錢,甘草1錢,用5碗水煮1小時成2碗供服.連服3天.(花旗參後下).有滋陰降火之效.
唔該曬，芳姐，明日煲湯俾囝囝飲。
annie:
祝闔家身體健康!
芳姐：
您好，我囝囝呢幾日手臂，胸前同背面都有紅色一粒粒的濕疹，用新鮮土茯苓煲D麥湯水好呢？
唔敢俾他吃雞蛋~人好烦燥，成日哭闹~
annie lee:
你可以用鮮土茯苓4兩,赤小豆,扁豆,薏米各1兩,蜜棗4粒煲瘦肉湯,用8碗水煮成4碗供服,隨量服用.濕疹痕癢起來是很令人煩躁的,可以去藥房買一支純蘆薈精華軟膏作外塗,可減輕痕癢.
芳姐,
新鮮土茯苓實在太硬,我不能削去外皮和切塊,請問可以嗎?
謝謝!
柚子:
你刷洗乾淨外皮也可以煲湯,其實菜檔大多肯替顧客削皮的.
芳姐，
請問此湯可以放雪櫃，分幾日飲用嗎？可以放幾耐哩？謝謝！
柚子:
隔渣後可存放,但最好兩天吃完,不要存放太久.
芳姐 :
請問此湯寒涼嗎 謝謝.
粉紅木偶:
煲夠2~3小時就不寒涼.
芳組 : 您好!
本人患有濕疹多年, 斷斷續續, 某處好了, 別處再起, 同一時間有二至三處濕疹, 很長時間才有機會好. 請問本人應否戒口, 應多吃什麼, 不可以吃什麼, 上述湯水是否有幫助. 請赐教. 謝謝.
粉紅木偶:
濕疹反覆發作,對患處要小心保護,不要搔癢,(可用純蘆薈軟膏塗)不要用肥皂清洗,及用熱水燙.忌食葱,韭菜,茴香,無鱗魚,羊肉,蝦蟹,竹筍,鵝,菠蘿等發.最好找出各可能引發濕疹的原因,加以清除才能防止再發.可飲用此湯,有幫助的.你試試飲食清淡,盡量多吃素一段時間,可能有助減輕症狀.
芳姐：
您好。囡兒4歲上星期皮膚生了粒粒像蚊爛的有些痕癢，抓的話像風爛，看了醫生說食物敏感，食的藥卻是平時鼻敏感的藥，停食了藥又再生少少出來。這些似乎都是敏感體質的問題，請問可以做些什麼呢，要持續食藥不斷，苦惱中！
Dinomine:
小朋友皮膚出疹有很多原因,如果醫生說是食物敏感引起,就必須找出致敏食物,才可減少出疹機會.例如每天將你囡囡吃的東西記錄下來,一出疹便將當天吃的食物遂樣試,直至找出原因為止.但也不要抹殺可能是[蚤仔]咬,因為打風下雨房間周圍都容易滋生蚤仔,要保持居至乾爽清潔.少吃發物都有幫助.不妨用鮮土茯苓2~3,赤小豆,扁豆,薏米各1兩煲瘦肉湯服,有清熱解毒之效.或用綠豆1兩,甘草3片煲糖水供服都有幫助.
代朋友謝謝芳姐你.她是五月份去左趟菲律賓返來就出現呢種病的.所以自己都唔知是不是在那邊感染左返來.唔該晒芳姐.
mo:
你朋友只要少吃發物,少吃辛辣刺激之品,可以很快好的,不用擔心!
mo:
牛蒡子蟬蛻丹皮可以先用5碗水煮45分鐘,要汁來煲粥亦可以.或放入魚湯袋中,加白米煲成稀粥就可以服,有助減輕搔癢.飲兩,三餐就得.玫瑰糠疹主要是受病毒感染,雖然紅疹看起來嚇人,但其實不理它6周左右自然會康復,唯一是皮膚很癢.千萬不要亂用藥塗,及用力擦去角質皮層,會令皮膚扺抗力減弱的.建議太癢時買些南華李子剖開,輕輕摩擦患處,能止癢.
芳姐:仲想請教要用幾多水來煲以上呢個粥呢.同埋是日日煲還是隔日煲才好.平時飲食要注意邊哋係唔可以進食或食邊樣食物可幫助呢.因朋友對呢個病都唔係咁清楚.想了解多些.麻煩晒你.
Mo:
你朋友搔癢劇烈,可以試用牛蒡子3錢,蟬蛻5錢,丹皮5錢,入魚湯袋中煲粥服,對風熱血燥搔癢很有幫助.
芳姐:想幫朋友問下.佢生左玫瑰糠疹有一個月了.食左成個月藥都唔見效.好痒，痒到佢連睡都腄不着.
芳姐你好,本人兒子都有11歲最近腳脾生癬,已經睇了多次醫生,旦沒有痊癒跡象,而且患處經常流血水…唉…本人真的很擔心…請問芳姐有沒有湯水或者有沒有洗患處的中藥藥方呢??謝謝你!!!!
莎莉:
你兒子脚及腿生癬,患處因痕癢抓破而流血,是令兒脾經濕熱下注於脚,或因濕氣久浸於膚而成.故日常可多用新鮮土茯苓,赤小豆,薏米煲瘦肉湯服,能清熱袪濕.
體癬一般以外治為主,可試用黃柏1兩,半枝蓮1兩,用10碗水煮約45分鐘,待涼,清洗患處.一日可清洗兩次.試幾天看情況有否改善?或去中藥店買青黛膏,作外塗之用.注意絕對不宜用含類固醇的軟膏,以免症狀變得越來越嚴重!
敏敏:
土茯苓以色白者最佳,赤色,黃色次之.現在巿面賣的多是赤色的.就算削了皮是白色肉,但一接觸空氣就氧化,變成赤色的了,療效不減, 可放雪櫃等下次再煮,但不宜放太久.
入地老鼠具有清熱瀉濕,活血散瘀功效.可以同土茯苓同用,可加赤小豆,紅棗或蜜棗的,煲夠時間就不寒涼.
芳姐, 想再請教一下, 我剛去完買土茯苓, 檔主建議我加埋入地老鼠, 我也買了, 請問是否好寒涼?若改用赤小豆後, 再加紅棗來中和嗎?
不知為甚麼土茯苓已變锈色, 但買了很多, 可以放入冰箱下次再用嗎? 我以前曾買過一些茯苓但放了好幾天也是白色的?是否加了化學劑呢?那樣會比較好呢?
謝謝你!
芳姐, 請問這湯剛來經後可以飲用嗎?
敏敏:
來經最好少用綠豆這寒涼食品,改用赤小豆便可.
SauSau:
這個湯合適你飲的.没有新鮮土茯苓,乾品都可以,用1兩. 最近看到一則文章,說用生的
薯仔搗爛,用來敷濕疹患處,有奇效.你不妨試試,反正没有副作用的.可用紗布將薯仔蓉包住,在痕癢處摩擦,等15分鐘後才清洗.然後塗些lotion,應該有幫助的.
這個湯可連續飲一,兩星期,如怕寒涼,加1兩赤小豆,8粒紅棗同煮.
芳姐， 你好
刚看到你这汤，想请教芳姐， 我近来皮膚干燥瘙癢难以忍受， 医生也开了lotion给我， 但也不管用。
抓到皮膚破損， 还有小小的水泡，好了又起， 不知道怎么啦。
这里没有新鮮的土茯苓， 干的可以吗？还有其他医治的方法吗？
谢谢！