By 芳姐 ( 14 2 月, 2012 at 8:33 上午)
· Filed under 小兒常見病
有些小朋友感染傷風,感冒後餘熱未清,會出現心煩口乾,睡不好,愛哭鬧等情況,最好用些具有養陰清熱,及養心健脾的食療品來作調理.
[蓮子百合麥冬湯] 具有清熱,養陰,安神,潤肺等的功效. 對小兒熱病傷津,心煩口渴者很有幫助.
用料是: 蓮子,百合各1兩, 麥冬3錢.
做法: 將材料浸洗後,加水煮約1小時,即可連湯料同食.
~ 小貼士: 小兒如年紀尚幼,可以用這些材料煮成粥供服.此湯對心悸,失眠,煩躁人士亦同樣適合.
Permalink
芳姐，不好意思又再請教，小兒體温已無再升高，反之有時少許偏低（35.6-36.2度，正常時為36.9度），是有原因嗎？並且有時會發現有少許鼻塞，易倦、出現黑眼圈，半夜容易醒來，即是否病邪未清？可否再建議一些湯水\食療給我嗎？多謝幫忙！
Esther:
可能吃得藥多令體質變虛,可以用太子參3錢(太子參不屬參科,但有人參功效只是力稍遜,對小兒有益)淮山1兩,沙參,麥冬各3錢,紅棗6粒煲豬展湯服,此湯全家可飲,有健脾益氣,滋補强身功效.
先再謝謝芳姐！小兒飲後你建議的芫荽䓤生薑魚片水，體温果然降回正常偏少少低，但他另出現睡著後流汗，但背脊是涼涼的（正常情況下他是暖暖的，平常開著冷氣他也會出汗，很怕熱的人類人），想再請教是否代表他身體虛弱？有可食療或湯水可幫助他？謝謝！
Esther:
芫荽葱生薑魚片水是解表湯水,有助將病邪從汗液中排走,出汗是正常的,要勤替仔仔抺乾或換衫,以免冷親.
謝謝芳姐！
請問以上兩種需服多少日？謝謝！
Esther:
兩湯各服2劑,看能否改善?
小兒現18個月大，昨晚起體温升高至37.4-37.9度，他自己要求飲大量水，另加脾氣變大、易哭，有少少鼻塞感覺，近這2-3天看來很皮倦，到今朝6：00出汗後體温回落至36.9度正常，請問可有湯水或食療可供他食用嗎？是感冒嗎？謝謝！
Esther:
我想你仔仔可能有點外感,由於出了汗,體温回復正常,但如果再有燒,表示病邪仍在,可以滾些芫荽葱生薑魚片水供服,温熱服,有助解表發汗,防治外感.要飲多些水,仔仔因為不舒服,所以會扭計.可以用薏米1兩,蘆根5錢,雪梨1個去核,冰糖少許,5碗水煮成2碗服,有助退熱,清臟腑熱.
多謝芳姐分享!
咁4個半月BB, 平時有咩湯水可以飲下, 尤其對氣管好的湯水!
另外, 我生完BB, 成日腰痛, 有咩方法? THANKS解答!
Byin:
bb細個,可以多用蘋果,雪梨,紅蘿蔔,紅棗,南棗,杏仁這類蔬果食材煲瘦肉湯供服.少用藥材較安全.對氣管好.腰痛可試用巴戟,杜仲各5錢,栗子3兩,紅棗6粒煲豬骨湯服.如果加3錢牛七,能引藥下行,療效更佳,但味有些少苦.
bb4個幾月大, 前幾日傷風咳, 仲大d鼻塞, 而家都未好返哂, 但就胃口唔好, 唔肯飲奶, 好扭計, 有咩湯水可以比佢飲?
Byin:
bb太細個,不宜用中藥材,可以睡前用棉紙條幫bb通鼻管,幫bb拍痰,整個背部輕拍,飲多些水,有助將痰排走.另外滾些糖薑水供服,有助舒緩不適.生薑3片,紅糖適量,1碗水煮5分鐘,趁温服.
芳姐,
要煲幾天才好 ???
tks
eliane
elaine:
連服3天.
elaine:
可連服3天,有助退熱.
芳姐,
昨晚已看醫生, 醫生講應是氣管弱,不是湯問題。
今早有低燒37.2-37.5情況出現,想問什麼湯水可幫助退燒,因不想比佢食西藥退燒藥,想用中藥來退燒,是否有什麼湯水可煲助退燒,要煲幾天等等 ?
(咳+鼻水+小痰+低燒)
tks
elaine
elaine:
蘆根,竹葉芯,薏米是退燒良藥,可用蘆根5錢,薏米1兩,竹葉芯3錢,雪梨1個,去芯,5碗水煮成2碗服,有清熱退燒作用,對仔仔有幫助.
芳姐,
蓮子百合麥冬湯昨晚煲了呀, 小朋友嘔了,另半夜痾, 要煲什麼好呀
tks
elaine
elaine:
你指小朋友飲了蓮子百合麥冬湯又痾又嘔?應該不會的,因為這款湯清熱安神,很平和,可能小朋友患上腸胃型感冒都未定,如發燒必須看醫生.可用紫蘇葉3錢,生薑3片,紅糖適量,2碗水煮15分鐘供服.有解表止嘔功效.
芳姐,
蓮子百合麥冬湯 對3歲小朋友有口渴,流鼻水,背部出汗等等,是否叫外感感冒or身體虛弱
是否有幫助嗎 ? 另要煲多少天
tks
elaine
ELAINE:
此蓮子百合麥冬湯對作感冒小朋友不適合.汗多口渴可用浮小麥5錢,黑豆1兩,南棗6粒,5碗水煮成2碗服,有補脾固腎,止虛汗之效.
芳姐,
小朋友不知原因昨晚背部出輕微汗,嘴唇是深紅色及有小許鼻水,而他飲水明顯飲多了水(晚上差不多500ml左右),佢令願飲水都不肯食飯(食飯會有作嘔情況),舌上有白色,睡眠都不太好。(不知是否天氣問題,因小朋友有輕微濕疹)
tks
elaine
elaine:
小朋友没胃口,又口乾,要留意可能作感冒,可以滾些芫荽葱生薑魚片水供服,有助解表防感冒.或用菜乾羅漢果杏仁煲瘦肉湯服都有幫助.
唔好意思，唔記得問，用來開奶可以嗎？唔該哂
熙mama:
可以用來開奶,只怕仔仔不肯飲.^^
多謝你，芳姐
芳姐，你好呀！小兒六個多月大，見佢牙床開始有点紅腫突起，我諗佢要出牙仔！但但見佢發牙痕，好忟，胃囗轉差，夜晚訓唔冧，奶唔太食，糊仔就更加唔食！但之前一路都食得唔錯。。。呢道食療適合佢嘛?另外，想問問出牙會引起肚風嗎?四個多月時，佢既肚風已經有好轉，依家又回復之前咁。。。請問又有咩食療可以幫佢驅風呢？唔好意思，問題太多！麻煩你了！
熙mama:
你仔仔可能出牙仔,加上心經積熱,所以會扭計發脾氣,胃口差,最緊要没發燒,如有燒要看醫生.可以用蓮子(最好連芯)1兩,燈芯草3錢,5碗水煮成2碗供服.有清心火安神作用.如有肚風,可加塊陳皮同煮.另外幫他搓肚仔,單一方向輕揉,有助將肚風排走.
我囡囡兩歲4 個月…好容易傷風流鼻水…
可以煲d咩湯水比囡囡飲
Viola:
你可用北茋,防風,白朮各3錢,紅棗6粒,5碗水煮成2碗服,一星期服2次.有助預防傷風,感冒.
請教芳姐, 小兒(三歲半)有感冒, 發燒, 喉嚨發炎, 有咳嗽, 可否煲此湯水/粥??
lok:
有發燒就不宜飲此湯.因為發燒代表身體與病邪打緊仗,補益湯水有機會令病邪坐大.
謝謝芳姐，請問炒扁豆,芡實煲小米粥服，她太小吃不到炒扁豆和芡實，同樣有療效的吧？
zslqjr:
小兒太小不吃粥料也有療效.如果能打成粉,每樣用1湯匙煲粥更好.上環有些店肯替客人打成粉的.沙蟲我未試過,抱歉!
谢谢芳姐！
請教芳姐，上文見您提供的配方【小兒發燒時可以用蘆根5錢,生薏米1兩,雪梨1個,去芯,竹葉芯3錢,5碗水煮成2碗服,有助退燒】、【小兒心經有熱,夜睡便不寧,試用蓮子1兩(最好連芯),燈芯草3錢,4碗水煮成1碗服.連服3劑】請問這個適合一歲的寶寶服用嗎？非常感謝芳姐的幫助。
zslqjr:
提供的兩款湯1歲小兒可飲.
又來占用芳姐時間了，真是萬分感激，請教芳姐3個問題：
1、百合與肉類能同時吃嗎？
2、小米能與肉類同吃嗎？如想煲小米粥給1歲小孩調理身體，應該放哪些材料較爲適合呢？
3、1歲寶寶大便爛，一天1-2次，早上醒來偶有眼屎，舌頭紅、舌胎白，疑是上火，常吃麥冬降火，會對脾髒有影響嗎？
感謝芳姐百忙抽空解答。
zslqjr:
百合及小米可與肉同時吃.小兒便溏,可以用炒扁豆,芡實煲小米粥服.麥冬可以間中服,到底是藥,小兒間中服用就成.熱氣煲些竹蔗茅根紅蘿蔔水最安全.
芳姐早晨,
我老公腎虛, 你建議我整”淮山1兩,芡實1兩,核桃肉1兩,百合1兩,圓肉5錢,燉海參烏雞湯”, 我已買了海參, 在我家樓下的中藥店買,我買左墨西哥剌參, 只須980一斤, 都有16,17條. 佢地無賣日本剌參, 中藥店老闆話唔須要食到咁貴既日本剌參, 我買既墨西哥剌參都係無劏肚, 浸法係咪同下面一樣:
先浸水半天,煮20分鐘後熄火焗水2小時,倒出用清水浸一晚.
第二天用剪刀開肚,去腸後洗刷乾淨,再煮20分鐘,焗水2小時後同樣用清水浸多一晚.
第三天如果用筷子穿插得過,即表示已浸發好,如果尚見硬身,可再煮多20分鐘,一般多數已能發大6-10倍.可分包放冰格,隨時拿來用.
佢地都有680一斤既禿參, 但中藥店老闆話功效無咁好, 係咪架?
Ra:
海參無論何種品質,基本上療效差不多,刺參矜貴,較香滑,所以貴.你照我教的方法浸就能發好,不過浸煮器皿要清潔,忌油.通常第三天可用.你買的大約可發大10倍,煮後會縮細一些,一條已夠兩人食用.
我有朋友成曰耳鳴，會是什麼原因？有什麼湯水可改善？
Cathyｗｏｎｇ：
耳鳴可能是肝火上擾，可能是腎虛，亦有可能是痰火鬱結引起，要知道是什麼原因引起才成．建議先看中醫，了解耳鳴原因，再介紹食療．
芳姐:
真係好多謝你咁快回覆, 你真係好好人, 我仲想問”淮山1兩,芡實1兩,核桃肉1兩,百合1兩,圓肉5錢,燉海參烏雞湯”, 用幾多水燉? 要燉幾耐? 使唔使加薑? 有無話邊隻海參功效好0的, 因為我未買過海參, 定係越貴越好架? thx
Ra:
海參不含膽固醇,屬陰陽雙補之品,即無論腎陰虛,或腎陽虛,男女都可食用,故才介紹你用這食療品.一般宜用秃參(即未開肚那種海參,以澳洲出產的較厚身)刺參最名貴,但售價近年飈升,要4千多元1斤.秃參則4百多元至千多元1斤都有,7百多元的1條可發大6~8倍,你不懂發可買已發好的,上環永樂街有間有售賣急凍發好的海參,質量不錯的.該店有很多種類的海參賣,不妨去逛逛.兩人服可加水4碗,燉大約2小時,每人服2碗.
芳姐,
你好,我老公因為工作關係, 成日要陪客人食飯應酬同飲酒, 睡眠同休息不足, 工作壓力很大, 成日話個腦好似集中唔到咁, 個人好難relax. 加上佢本身又食煙, 又有胃寒, 又成日有好多胃氣(佢之前驗過有幽門螺絲菌,食過一排西葯). 近排中醫又話佢腎虛, 我想問有乜食療可以幫助腎虛架? thx
Ra:
你試用淮山1兩,芡實1兩,核桃肉1兩,百合1兩,圓肉5錢,燉海參烏雞湯服,能補腎益精,健腦益智.一星期可服2次.
謝謝芳姐！
芳姐你好，
我有一女一仔，大女五歲，細仔一歲，
大女經常有鼻水（白色），一兩聲咳有痰，加上經常身痕，一抓就紅。
細仔有痰一兩聲咳（有時咳像氣喘），瞓得唔好易醒，經常瞓一會就醒早晚一樣，（他有g6pd)
我可以煲咩比佢地飲，謝謝！
Mabel:
你試用白果10粒,去芯,核桃肉1兩,南北杏1兩,陳皮1塊,生薑3片,紅棗10粒煲粥供仔女服,一星期服2~3次,有助補益肺,脾,腎,減少不適.
芳姐，你好!
小兒4歲半，經常入睡困難，每晚半夜總會醒來2﹣3次，而且很難再入睡，每日也只是睡9個多小時 （已沒有午睡），而且睡後1﹣2小時經常出汗，但第二朝起來時手腳是冷的。
他是肝火盛／心經積熱嗎？應吃甚麼可令他睡好一點及容易入睡呢？
另平日應煲甚麼給他清熱，又不會降低抵抗力呢？
謝謝!
熙媽:
你仔仔可能有些陰虛症狀.試用黑豆1兩,浮小麥5錢,南棗6粒,百合1兩,燈芯草3錢,5碗水煮成2碗服,連服3劑,能滋陰止汗,改善睡眠質素.
Ra:
你去專售花旗參的店買應該不會是假貨.因為坊間很多以白水參切片代替,故提醒你而已.海玉竹很好味的,有點像蘋果的味道,你去大間中藥海味店買來試試就知道.土耳其位於中東,所以用土耳其的無花果亦佳.花旗參配杞子可以,甘草本來都好,但長期用會影響心臟,亦會引起水腫,甘草不宜長期服用的.配菊花杞子有明目功效,都不錯.但圓肉温燥,你先生陰虛火旺不宜.
芳姐,
我老公成日要應酬, 又煙又酒, 你之前建議可以沖”正花旗參,海玉竹,無花果”茶包俾佢飲,有益氣養陰,利咽喉功效,我想問?
1. “正花旗參”同”花旗參”有咩分別? 用價錢定產地區分? 因我買左$100/兩0既美國花旗參, 唔知0岩唔0岩呢?
2. 中藥舖既人話海玉竹泡水, 唔會好出味, 而佢地淨係得土耳其無花果, 無中東出0既無花果, 所以建議用1-2片甘草同杞子代替. 請問”花旗參,甘草,杞子”0岩唔0岩我老公飲,會唔會都有益氣養陰,利咽喉既功效?
3. 咁”菊花,龍眼,杞子” 又好唔好呢?
麻煩你,謝謝 ^_^ .
芳姐,
你好, 多謝你既解答. 呀b發燒好反覆, 星期日最高38.7度, 星期一無燒, 只有37.5度, 但尋日夜晚同今朝又燒到38.7, 所以佢尋晚夜晚好扭計,凌晨1點-4點唔瞓,只係喊,其實佢應該好眼瞓, 但就好似瞓唔到咁.
我發覺佢發燒應該係同生牙有關, 佢上排生緊2隻牙, 下排生緊3隻牙, 有一隻仲係大牙, 所以應該好唔舒服. 咁我想問”蘆根5錢,生薏米1兩,雪梨1個,去芯,竹葉芯3錢,5碗水煮成2碗服”仲適唔適合佢飲? 珍珠未同保嬰丹又0岩唔0岩呢? 謝謝.
Ra:
小兒出牙仔會有點熱,但一般不會高到38.7度,應該是外感發熱,蘆根蘆米水有助退燒,可以飲,保嬰丹都得,珍珠末由於不知是否正貨,不建議多用.但如果燒不肯退,必須要看醫生.
芳姐,
你好,我老公因為工作關係, 成日要陪客人食飯應酬同飲酒, 睡眠同休息不足, 加上佢本身又食煙, 所以佢喉嚨好容易唔舒服. 本想沖菊花水等佢清下熱,但佢本身胃寒, 又成日有好多胃氣(佢之前驗過有幽門螺絲菌,食過一排西葯) ,佢西瓜都唔可以食多, 一食得多少少就會分泌好多口水. 我想問平時可以煲0的也俾佢飲/食?
此外, 佢將會去上海工幹, 會留好一段日子, 所以我無辦法煲到湯水佢飲.我諗過幫佢準備定一份份茶包, 內含菊花3-4朵, 紅棗3-4粒, 陳皮1塊. 唔知0岩唔0岩佢飲? 但紅棗需要先清洗而陳皮需要先浸同刨去白色的內皮, 好像不太可行. 請問我可以準備定0的乜野俾佢, 可以方便沖調之餘又0岩佢飲既呢?
好多問題, 真係萬分感激.
Ra:
你可以買些正花旗參,買好才切片,海玉竹(切薄片),無花果(中東出產的較好,切片)三樣材料每樣1小撮放入茶包袋中,每天沖一包服,可沖泡至淡.有益氣養陰,利咽喉功效.你先沖些給丈夫試飲,没有不舒服可製作多幾包.
芳姐,
你好, 小兒2歲, 前日開始發燒, 最高有38.7度, 尋日迫佢飲多0的水同食左一次保嬰丹, 今朝37.5度. 我有以下問題:
1. 小兒發燒時, 一般可以煲0的乜令燒快0的退?
2. 小兒發燒後, 沒有胃口, 可以煲乜俾佢食呢? 豬橫脷水係咪可以開胃? 可以點煲?
3. 小兒由細開始夜晚就瞓得唔好, 成日都醒同好忟憎 (一晚都會醒2-3次), 有時仲會喊醒, 我要起身抱佢一陣再放佢落床仔佢先肯瞓返. 攪到佢同我既睡眠質數都好差, 請問原因係乜? 又可以煲乜俾佢食呢.
謝謝你的耐心.
Ra:
小兒發燒時可以用蘆根5錢,生薏米1兩,雪梨1個,去芯,竹葉芯3錢,5碗水煮成2碗服,有助退燒.小兒燒退後,可以用淮山1兩,芡實1兩,紅棗6粒煲鮮魚或瘦肉湯服.小兒心經有熱,夜睡便不寧,試用蓮子1兩(最好連芯),燈芯草3錢,4碗水煮成1碗服.連服3劑.
謝謝芳姐
芳姐你好，小兒十五個月大，前日開始高燒，無其他病徵，睇醫生話可能係玫瑰疹，日間發
燒稍為退卻，但夜晚再燒要食退燒水，日間曾煲過雪梨蘆根薏米俾小兒，是否正確？另外小兒發
燒多頭熱手腳又不太慶，有無問題？謝謝
Ｂｉｎｇｂｂ：
患玫瑰疹會燒兩，三天，只要照顧得好，很快没事．你煲蘆根雪梨薏米水是正確的，如果能加十數條新鮮竹葉芯，退燒效果更佳．没有鮮品，用乾品２錢同煮就成．發燒的幼兒大都頭熱，手脚凍的．
Hi, 芳姐:
小囡今年12歲，身體瘦弱，易疲倦，自小容易生眼瘡或發炎，体重只有30kg左右。中醫說她體熱(腸熱), 故吸收力差。她出生幾天就打抗生素，不知是否因而体質差？請問有何湯水可增加吸收力，日常又應否多煲清熱涼茶，怕不怕太涼會影響引致經痛？(她現在還未來經)。謝謝！
機師媽:
你囡囡眼睛經常發炎,可能肝經有熱,試用枸杞葉2兩,鮮桑葉1兩,鮮蚌肉4兩滾湯服,連湯料同食.此湯可一星期飲2次,至症狀改善為止.鮮桑葉在山草藥檔有售,滾湯很清香的;鮮蚌肉可用貴妃蚌,象拔蚌仔,大滾5分鐘左右即可供食.此湯滋陰明目,不寒涼,能强壯體質.如買不到鮮蚌肉,可以用美國響螺片代替,先加水煮半小時,才投入枸杞葉及桑葉,很好味的.清補涼湯你囡囡可以飲,不寒涼的,不會引致經痛.日後來經時記得來經前及經來期間不要飲凍飲及吃生冷食物就成.
keikei456:
牛蒡有降血糖,預防中風,利咽喉等功效,屬寒涼之品.可以加幾粒無花果(切片)同泡茶飲,減少寒涼之性.一星期飲2~3次都可以.
Hi 芳姐 :
請問牛蒡乾焗水飲有什麼好處? 我太太當茶飲, 但有人說會太涼, 請問對否, 如是涼的話, 可加入什麼一起焗? 一星期可飲多少天?
BB一歲,食人奶和粥,3天無大便,有放屁,胃口亦ok,但利笞白,尿黃有味,係未濕埶? 可否飲蔗水?係未我濕埶令BB濕埶?好担心……
Mama Ｍｉｌｌｙ：
你在兩餐之間要多餵ＢＢ飲水，可以給ＢＢ吃些木瓜，蘋果蓉或西梅醬（專給ＢＢ吃的果醬），有助排便．粥料中可加菠菜蓉，莧菜蓉，都有助排便．尿黃可以用茅根１扎，馬蹄６粒，竹蔗１條煲水供服，有助清熱．
芳姐:唔該晒你回覆,我會試試
芳姐：
你好,每逄遇到健康問題時總想起你和你這個熱心助人的網站,謝謝你!小女兩岁了,前天開始喉嚨發炎反覆發高焼,現燒已退但不知是否服了退燒藥太多緣故,吃任何東西都反胃嘔吐且沒胃口.真不知該怎樣幫她…..請芳姐幫我一把,感謝!!!
心急媽咪:
近日真是很多小朋友患感冒,喉嚨痛,故要留意不要帶小兒去人多空氣差的地方,注意保暖,多飲水.你囡囡因喉嚨不適,加上吃藥太多,故會不想吃東西,可以用鹹蛋,皮蛋,瘦肉加陳皮1小塊,生薑2片煲粥供服,有助健脾開胃,可餵她吃一碗,她願意吃再吃些.第二天可以在粥料中加4片淮山同煮,最好吃些淮山,有健脾益氣之效.可連服3天.
芳姐：
多謝你詳盡的解答，我會試試你說的偏方。萬分感激！
芳姐：
謝謝你呀！請問鮮土茯苓那裡買？這個湯可以常飲嗎？他還有少咳可以飲嗎？其實小兒有濕疹纏擾他差不多成年，究竟有什麼藥搽身或湯可醫治呢？謝謝~
阿仔媽咪:
鮮土茯苓在山草藥檔有售,可以買了一個後叫檔主代切片.濕疹成因不明,致敏原因人已異，但常見的致敏原包括家居塵蟎、刺激性的清潔劑或肥皂、香水、花粉、動物毛髮和羊毛衣物等。另外，環境濕熱、溫度變化及患者的情緒壓力，都可以令濕疹的症狀變得更嚴重。
食物方面，牛奶、雞蛋、花生和海產類食物常被視為引起濕疹的致敏原。
外用可以試用米醋,加水作外塗,比例是醋與水是1:3 有偏方指用黑豆2兩加水煮爛,再將汁煮至濃稠,待涼作外塗,用剩的可以儲起,第二天用.或用綠豆3兩,炒焦研成末,加米醋調勻作外塗,聴說塗2~3天可愈.這些外用東西都没有副作用,又便宜,不妨試試.
芳姐：
很喜歡每日追看有什麼可以煲給家人一起喝，尤其是小兒的湯水。最近小兒又濕又燥熱，生痱滋同個身癢得週圍抓到損晒，平時佢都好容易喉嚨痛，究竟煲什麼或吃多些什麼令他不會容易喉嚨痛呢？
阿仔媽咪:
你可以用粉葛1斤,赤小豆,薏米各1兩,蜜棗4粒煲瘦肉湯,8碗水煮3小時成4碗,全家可服,有清熱袪濕功效.如仔仔周身痕癢,可加鮮土茯苓3兩同煮.經常喉嚨痛,可以買些牛蒡乾,每天拿一小撮泡茶供服,可加些少蜜糖,更好味,有利咽作用.
芳姐,
近日從友人聽說食蘋果會結宮? 真的嗎? 本人有嚴重經痛之煩, 云云生果中只愛吃每日兩個蘋果,
如果是真的, 那可能要改吃其它. 麻煩你!
文文:
蘋果是最有益正氣的生果,肚瀉可以食蘋果,便秘一樣可以食蘋果的,每日兩個没問題的.經痛厲害要看醫生作檢查,看是否患上子宮內膜異位,如果是的話建議看中醫治療.中醫在這方面有良效,經痛亦是中醫治理較好.可以用益母草1兩,生薑3片,紅糖適量,4碗水煮半小時成2碗服.來經前一周服,連服5天.
多谢芳姐回复.现仲有一个问题,我囡仲咳,吃左好多药都没好.依家想用你讲噶川贝炖雪梨,(幼兒每次用2錢,配雪梨1個,北杏3錢同燉,用1碗水燉,分2次服,15個月可以調些少純蜜糖飲用.燉45分鐘即成.)我囡二岁八个月啦..听讲雪梨唔可以用水晶梨,或用果种皮好粗噶梨先有效系没啊?成家人身体都唔好,所以好麻烦你..
jojo:
其實用其它梨都得,例如韓國梨,黃金梨,水晶梨,貢梨都得.2歲多都屬幼兒呀!
芳姐,
之前買了一些雪耳,煲完湯後好腍,煲湯又好”傑” 係咪D雪耳有問題? 咁想問黃耳同雪耳有乜分別,煲湯係咪一樣用法呢?
cc:
雪耳有些品種是腍身的,有種是爽身的,漳州雪耳就屬爽身那種,如果你買那些很易煲腍的,煲煮時間不宜過久,可後下的.黃耳較名貴,含膠質重,對身體很有益,能補益脾腎.雪耳則能潤肺健脾.黃耳,雪耳都是一樣用法.
jojo:
你可以用綿茵陳3錢,蜜棗3粒,4碗水煮成2碗供你先生服用.類風濕脚痛試用鮮牛大力2兩(乾品1兩),鮮土茯苓2兩,栗子3兩,牛膝3錢煲豬尾骨湯.有助袪風濕,强筋骨.可連服3天,看能否改善?疼痛厲害要看醫生.
芳姐:您好!我中医话我老公心热、胆热，平时用咩汤水调好？仲有我家婆内风湿，脚痛都行路都辛苦，又可以点调啊？谢谢！
請問此湯還需加上什麼煲? 如一家人(4人)要用份量幾多和用多少水?
Penny:
可以加瘦肉煲,蓮子,百合各2兩,麥冬可以加至5錢.6碗水煮成4碗即成.