By 芳姐 ( 14 6 月, 2013 at 8:10 下午)
· Filed under 小兒常見病
中醫認為小兒[肝常有餘,脾常不足],即是說小兒容易肝火盛,但脾胃却經常出現虛弱症狀.故小兒需要清肝火,健脾胃功能.
[淮山蓮子芡實鵪鶉湯]是對小兒很有益的湯水,有健脾益氣,滋補五臟功效.其中鵪鶉素有[動物人參]之稱,補而不燥,可經常用來作小兒保健食品.
用料是: 淮山1兩,蓮子1兩,芡實1兩,生薑3片,紅棗6粒,急凍鵪鶉2隻.
做法: 鵪鶉解凍,劏洗淨,出水;其餘材料浸洗;將全部材料放入煲內,用8碗水煮約2小時即可連湯料同食.
~ 小貼士: 此湯全家可服.脾胃功能好,可減少痰涎的發生.對經常痰多咳嗽的小兒最為有益.
Permalink
juju:
你可以用乾蓮子,你仔仔肝火睡不好,可以用蓮子,百合,雪耳,杏仁,無花果各適量煲鷓鴣湯,有清心安神及潤肺功效.平時可以煲些茅根竹蔗馬蹄紅蘿蔔水供仔仔飲,以清熱氣,很平和的.
芳姐
仲想问多下就系，我仔仔2岁1个月，经常感冒咳的类型，夏天手足心经常热的，小便有时会微黄，间吾中会有小小眼屎，晚上训觉训吾踏实，经常翻来翻去，有咩汤水可以调理下啊？我而加一个星期煲2次淮山，莲子，茨实，芸苓，姜煲瘦肉汤，适合吗？上次去睇中医来，就话脾虚肝火证，喝过中药之后睡觉无咩汗出了，但睡觉仲系翻来翻去
芳姐
莲子莲心，百合，灯心草，适合脾虚饮么？莲子莲心干品得吾得？我刚买到只鹧鸪，可以放咩汤料来煲好呢？
junjun:
獨脚金乾品用4錢,可加瘦肉同煮.睡不好,可用蓮子連芯,百合各5錢,燈芯草6扎,4碗水煮半小時供服,能清心火,肝火.四神湯暫時不要服用啦.
芳姐
都系买到乾品的独脚金，加蜜棗2粒，仲要加瘦肉么？仔仔仔仔脾肺虚，肝火旺的人，饮左淮山,蓮子,芡實,茯苓,紅棗煲瘦肉，成晚训吾好觉，翻来翻去，红棗会吾会好燥啊？
JUNJUN:
如能買到獨脚金最好,是鮮品嗎?可用1兩煲蜜棗2粒飲用.如是乾品用4錢就夠.如鼻尚有點敏感,可以單用辛夷花5朵,拍扁泡茶飲.可加些少蜜糖.
芳姐
仔仔2岁1个月，连服三刘北茋,防風,白朮,,辛夷花各2錢,紅棗4粒,5碗水煮成2碗服了，但仲系间吾中有只手去搓只鼻，仲要继续饮吗？仲有，仔仔脾肺虚，肝火旺的人，可能饮独脚金煲瘦肉饮么？
芳姐
仲想问多下，红枣要吾要去核啊？厘种莲子与红衣开边的有何区别啊？感冒可以饮此汤吗？
Junjun:
紅棗去核,蓮子連衣開邊者有補血作用;白蓮子煲糖水貎相好些.有衣蓮子有益些.
junjun:
此湯合你仔仔常服,最好吃些湯料.但如果有便秘就不要吃蓮子,芡實.
芳姐
仔仔2岁1个月,脾肺都虚，肝火旺的类型，成日感冒咳，厘个汤岩吾岩饮丫？如果岩饮，用来当保健汤得吾得？平时要多食D咩好呢？
Abigall:
可用竹絲雞或瘦肉代替的.没問題.
芳姐
請問若沒有鵪鶉, 又没有鷓鷓鴣，可以用竹丝鸡或瘦肉代替嗎 ? 谢谢！
芳姐:
多謝賜教,感激
ricky:
你可用北茋,防風,白朮,桂枝,辛夷花各3錢,紅棗4粒,5碗水煮成2碗服,一星期2次,有助增强體質,改善鼻敏感.
芳姐你好:
小兒今年5歲,在今夏開始鼻敏感嚴重致使睡著質素極差,現時已用西藥洗鼻控制而有好轉,但體質很差,常常有小病痛,手腳冰冷,皮膚七乾燥,請問有何食疹療或湯水可用,請賜教
芳姐你好， 請問牛肉茶是否很燥， 適合十六個月大的b嗎， 有感冒可飲嗎？
謝謝芳姐
芳姐：你好！兒子還有十天便一歳了，有蠶豆症。近一個月反覆咳嗽，未能痊癒，流鼻水，痰多，流很多囗水，最初是吃西藥，但情況無改善。前些日子已看中醫調理，吃了共十劑藥左右，口水收了很多，感冒情況也好了。不夠兩天，又再次流鼻，打噴嚏及咳嗽，又肚痾(當時飲緊中藥調理身子，但見一天肚瀉五至六次棕黑色大便）即停中藥），現吃西藥了。已第三天了，但鼻水清而結，鼻塞，夜晩及早起咳得多，咳時有痰聲，加上近期面上起了疹子，請問芳姐我可以從食療及湯水中怎樣著手輔助痊癒，請芳姐賜教，感激！
Mimi:
你試用北茋,防風,白朮,辛夷花各2錢,生薑2片,茯苓3錢,5碗水煮成碗半供服,連服3劑,有助增强體質,收鼻水.要幫仔仔拍背,在兩餐之間輕輕拍,拍到有咳時表示該處積痰,要多拍兩吓,並飲些水,有助將痰排走.睡前用棉紙巾剪條,扭緊沾温水通鼻(千萬不要用棉花棒,以免傷鼻膜!)通鼻有助安睡.
芳姐：
另外想問下，如果我每天都煲湯，一星期煲幾天保健湯為適合呢？
ceci:
煲湯可加生薑或陳皮.一星期3次保健湯很適合.
芳姐，吾需要加生薑嗎？
芳姐，你好。我剛買左兩隻鵪鶉打算煲湯。兒子3歲因為流鼻涕同咳，現在食緊抗生素，已食4日，只剩幾聲咳，少量清鼻涕。女兒2歲，體質偏寒，早排又係流鼻涕同咳，食完抗生素已康復，但間日聽到佢有痰。請問 淮山蓮子芡實鵪鶉湯 適合兩個小朋友飲嗎？
ceci:
淮山蓮子芡實加南北杏1兩煲鷓鴣湯合兩個小兒服用.
芳姐
我已煲了三天三子粥+兩天三子茯苓北杏湯給14個月大仔仔飲，但應有咳（有痰），請問還可煲甚麼給他吃止咳？
金金:
痰多咳嗽,你試用白蘿蔔半個,馬蹄6粒,去皮,雪梨1個,去核,5碗水煮成2碗供服,有助清熱潤肺化痰,止咳.
芳姐
我已煲了三天三子粥+兩天三子茯苓北杏湯給14個月大仔仔飲，但應有咳（有痰），還可煲甚麼給他吃止咳？
小兒一歲十個月，在無病情況下，突然唔喜歡食嘢，可以什麼湯水幫助呢?
謙:
小兒厭食,要留意可能是感冒先兆,飲食宜清淡,可以滾些生薑芫荽葱魚片水供飲,有助解表,防發病.如果是脾胃虛弱,食慾不振,可用淮山4片,雞內金2錢,炒麥芽3錢,紅棗6粒煲瘦肉湯,5碗水煮成2碗供服,連服3劑.
芳姐 你好!
小囡2.5歲, 剛開始返學, 3星期前比小朋友傳染左傷風, 鼻涕流不停(透明色的), 到現在都未完全好返, 鼻涕時多時少, 由於細個唔識噴鼻涕, 有時訓覺塞住訓得唔好. 請問可以食D乜嘢令佢快D好返呢? 謝謝!
MK ma:
你可以用辛夷花6朵,拍扁泡茶,加些少蜜糖供囡囡飲,有助止鼻水.睡前給囡囡用棉紙條通鼻,減少鼻塞不適.
芳姐,
請問若沒有鵪鶉, 可以用鷓鷓鴣代替嗎 ?
Mandy
周太:
可以用鷓鴣代替.
芳姐，
你好！小女8歲，每逢轉季就會咳嗽，早上特別嚴重，痰不多，最近早上秋意漸濃的日子，咳嗽也利害。腸胃吸收能力差，比同齡小孩瘦弱。此湯在咳嗽時可否服用呢？
謝謝！
Karen;
你囡囡咳嗽及脾胃功能弱,可以飲這款湯,另外加百合及南北杏各1兩同煮更佳.試用菊花,甘草,羅漢果,麥冬各1錢泡茶供服,有助止咳.
芳姐,
小兒13個月，有g6pd，依排佢夜晚訓得好差，每晚半夜起身之後幾個鐘都訓唔番。睇左中醫話佢手心熱，舌心有白色，即係消化唔好，脾胃不和。但佢唔肯食中藥。芳姐，請問有咩湯水對佢有幫助呢？謝謝
Dada:
你可用蓮子連芯1兩,百合1兩,紅棗6粒,小米(黃色細細粒那種,對脾胃甚有益)2兩,8碗水煮成4碗,全家可服.有健脾胃,養心益血等功效.
芳姐,
你好,我BB十五個月有鼻水,咳有痰,日夜都咳,又無胃口,煮咩都食少少~有咩湯水岩BB飲呀?同埋鷓鴣湯幾時可以飲呀?謝謝
BBirenme:
你可滾些芫荽葱生薑魚片水供寶寶飲,有助清外感.日夜都咳,有痰,可用蘇子,白芥子,萊菔子各2錢,入茶包袋中,與白米煮成粥服,對痰咳有效.鷓鴣湯没發燒可以飲的.
您好, 芳姐:
如我一家有5人, 煲小兒脾虛—淮山蓮子芡實鵪鶉湯, 是否一樣份量?
所謂8碗, 是否一般飯碗?
謝謝芳姐!
Sharon
Sharon:
5人量加些瘦肉會鮮味些,淮山,蓮子,芡實可以加多些少,作保健用份量無需絕對準確的.8碗是一般飯碗.
芳姐,你好!
阿仔5歲,偏食,體型瘦弱,近排又冇咪胃口食嘢,請問有什麼食療適合?
Ling Yim:
你試用淮山1兩,雞內金3錢,紅棗6粒煲瘦肉湯供服,一星期2~3次,有助健脾胃,消積滯.另外可以燉些牛肉茶供飲.用3兩牛肉絞碎燉1小時服.對胃口欠佳有益.
FANNY:
如果支氣管炎已經好了,可以飲此湯作保健用.如果尚有許多痰及咳,可用蘇子,白芥子,萊菔子各2錢,入茶包袋,與白米煮成粥供仔仔服,對痰咳有益.另外要幫他拍背,然後飲水,有助將痰排走.
我想問我仔差不多7個月,因早前有支氣管炎,咳同有痰,可以飲此湯嗎?
芳姐, 佢係某時某刻先話痺, 之前為其他事見醫生時, 佢又唔痺, 醫生就話應該冇咩; 佢ge情況又真係好似冇嘢咁, 跑得跳得, 而呢輪有幾次夜晚提及某隻腳少少痺, 所以我諗會唔會係血氣唔好所致呢? 因為佢食嘢份量好少, 唔鐘意食嘢, 比較瘦小, 因此, 我想問下芳姐你有咩食療可以幫佢長高長肉呢?
如果佢再講痺, 我就會帶佢去睇醫生。
Sally:
如果你看過醫生說没事,試用粉葛1斤,生熟薏米各1兩,扁豆1兩,蜜棗3粒煲豬展湯.10碗水煮成5~6碗,仔仔一天分服2碗.此湯全家可飲,對肌肉疼痛,小兒[發骨節]都有幫助.連服3劑.停幾天再服3劑,看能否改善?平時少吃生冷寒涼之品.脚痺時可以用熱毛巾作外敷,等氣血通暢些.脾胃欠佳,可用淮山1兩,雞內金2錢,紅棗6粒煲瘦肉湯飲,一星期2次,有助改善.
芳姐, 你好!
我囝囝5歲幾, 呢輪間唔中話自己雙腳痺, 唔知咩原因, 會唔會有咩食療可以幫到?
另外, 佢身體較瘦小, 我想幫佢長高長肉, 除咗陪佢做運動外, 仲有咩食療會有幫助?
Sally:
仔仔無端話雙脚痺,建議要看醫生作檢查.有時被細菌入侵都會出現這種症狀.而小朋友脚痺可以是很輕微之事,但亦可以很嚴重,為安全計一定要花點錢看醫生作檢查.不要延誤!
芳姐您好,
本人囝囝1歲半, 頭髮稀少, 已經剃了2次頭亦只是出一些毛毛，不知道是不是早產(33週)關係, 未吸收足夠營養下出世而引致。 另外, 囝囝的腸胃一直也不是太好, 食的食物例如菜, 紅蘿蔔等, 有時食完3-4個小時之後便便時就會排出, 好似沒有消化一樣, 間中便便正常,但間中又會柯稀便 (有時一天柯3次), 之前試過入醫院驗大便+種菌也沒有發現問題, 請問有什麼食療可以給他幫助頭髮生長及幫助腸胃消化吸收?
謝謝
黃太：
你可以去西藥房買按摩頭皮用的藥用橄欖油，細細支的，每天給仔仔塗頭上，輕輕按摩，有助生髮．必須是藥房買的，不是煮餸那種．脾胃差可以買些淮山，芡實，叫店員幫你磨粉，每天各用１湯匙煲粥供仔仔吃，可加其它仔仔喜吃的粥料，食用１個月左右應可改善．
鵪鶉 – 可以用别的肉代替吗?
芬芬：
可以用雞胸肉代替．
芳姐，
你好！
你仔仔可能消化不良,肚有風,可用淮山4片,雞內金2錢,生薑2片,紅棗6粒煲瘦肉湯飲,有助健脾消積.
這個湯一星期飲幾次？飲多久？用多少水煲？煲多久呢？淮山用什麼尺寸呢？用多少瘦肉呢？
不好意思，太多問到，勞煩晒……
sun:
這款湯一星期2次,消化問題改善就停.其它材料照一般用就是,又不是藥方.
芳姐，
發燒感冒，有鼻涕，咳，痰，煲龍脷葉，枇杷葉，石黄皮。但他正食西藥，要不要隔開時間飲呢？
不好意思，麻煩你，謝謝！
SUN:
龍脷葉湯可與西藥隔開2小時服.
芳姐，
你好！之前請教了你小兒便溏問題，謝謝指教。
今天他飲奶時肚子咕咕響，媽媽說有風，是嗎？可以如何料理呢？
見你教的牛肉茶，是面碗一大碗水浸嗎？放雪櫃定室溫呢？
再次勞煩芳姐，謝謝你！
sun:
你仔仔可能消化不良,肚有風,可用淮山4片,雞內金2錢,生薑2片,紅棗6粒煲瘦肉湯飲,有助健脾消積.牛肉茶用湯碗的清水浸過夜,必須存放雪櫃,否則會變壞.
芳姐，
您好！小兒今年兩歲半，未知是否去年做過兩次手術
（因有孖指），所以身體变得虚弱，經常傷風、感冒及
咳嗽，除上述鵪鶉湯水外，還有什麼保健湯水可飲用？
另外，如買不到本地鵪鶉，法國的鵪鶉可以嗎？
謝謝您！
黃小姐:
可以用法國鵪鶉,更有益.平時可以煲些牛肉茶給仔仔飲,牛肉3兩絞碎,隔晚用清水一大碗浸,第二天取出,牛肉連浸的水煮15分鐘,調味即可供仔仔飲,那些牛肉渣可翻煲,湯用來煮通心粉或麵給仔仔食都得.牛肉茶最健脾胃,可增强體質.一星期服2次.
你好
保健師開了以下的方給我:
柴胡 甘草 白芍 白朮
請問這個方有什麼作用的?
謝謝你
小E:
此湯主要是疏肝解鬱,調和脾胃.你飲的方子應該問保健師才是.
Peony:
此湯癌症患者可以飲,没問題.
芳姐！你好！
請問有癌症，可飲此湯嗎？
芳姐:
你好！女性37歲，近兩年來長出好多白頭發，但又唔係遺傳的，
請問芳姐應該煲乜野飲會有幫助呢？謝謝！
雯雯:
你可以去超巿買首烏無糖黑芝麻霜,每天沖一包服食有助烏髮.
芳姐妳好像 我喉嚨癢, 以致日間咳, 晚上又咳醒, 可以煲什麼飲?
另外我女3歲半, 有咳,有痰, 鼻涕透明, 又可以煲什麼飲? 謝謝!
這款湯現在可以煲來飲嗎?
Karen:
你可以用烏梅2粒,甘草1錢菊花3錢,2碗半水煮10分鐘飲用,有助止喉癢咳嗽.囡囡痰咳,可用蘇子,白芥子,萊菔子各3錢,入茶包袋煲粥食,這款粥你都可以一齊食的.淮山芡實湯病好後才飲.
芳姐，
你好！白蓮子與普通蓮子功效一樣嗎？
小兒便溏,可以買些淮山,芡實,叫店員磨粉,每天各用半湯匙煲粥供服,有助仔仔健脾胃,實腸,助消化吸收.或可用鮮淮山1小段,炒扁豆1兩,加些瘦肉同煲粥服都有益
這2服便溏中可以服，是嗎？好後也可常服嗎？
現在小兒肛門紅紅的，是不是與便溏有關呢？便便後抹時他感痛，如何料理呢？是否濕呢？如是，可煲什麼給他喝呢？
哥哥2歲半，發燒感冒，有鼻涕，咳，痰，還没全好時，可以煲龍脷葉，枇杷葉，石黄皮這些湯嗎？
sun:
有衣蓮子補血,可用有衣開邊蓮子.仔仔大便改善都可以繼續服淮山,芡實粉的.肛門紅可用蛾羅鈉英軟膏作外塗.大仔有痰咳可以煲龍脷葉枇杷葉石黃皮湯供飲.
芳姐
我仔仔今年3歲半，成日都咳，流鼻水，好多痰，通常收左鼻水之後，痰好長時間都吾清。睇左3個中醫都未好，每個都講吾一樣的。有d話佢有鼻敏感同氣管敏感。另一個話主要係脾胃差濕重所以痰不散。
仔仔有好大個眼袋，訓覺時3點後就好翻訓，有痰，氣管都有痰，舌苔白而厚。早上起床後多會打噴嚏同咳痰。
請問我可以比咩佢食呀？教教我呀！
芳姐，
你好！請問呢個湯感冒發燒時可以飲嗎？白蓮子與普通蓮子功效一樣嗎？
另外，小兒8個月，肚痾，醫生說便便有“散”（便便好像鼻涕的樣子），是消化不了奶的糖引致腸損了，現正食腸胃藥，飲營養水，之後要飲豆奶，請問現在可有湯水適合他飲？好了後又有什麼湯水可作調理？
勞煩芳姐抽空解答，謝謝！
sun:
感冒發燒時不宜吃任何補益品,以免病邪坐大.此湯發燒時不宜飲.小兒便溏,可以買些淮山,芡實,叫店員磨粉,每天各用半湯匙煲粥供服,有助仔仔健脾胃,實腸,助消化吸收.或可用鮮淮山1小段,炒扁豆1兩,加些瘦肉同煲粥服都有益.
芳姐你好，6個月大BB可以吃珍珠末嗎?
謝謝。
訪客:
bb太細,盡可能少吃保健品.