By 芳姐 ( 27 2 月, 2017 at 11:16 上午)
· Filed under 口腔病/便秘, 小兒常見病, 肝胆，腎，腸胃病
小朋友從小就要重視口腔衛生，早晚都要刷牙，可減少口臭發生。但如果飲食不節，偏食或挑食，喜甜食，肉食吃得太多，蔬果吃得少，飲水量不足等亦會造成口臭。尤其是一些年幼小兒，因飲食不節，長期食欲不振，面黃消瘦，最易出現口臭症狀。
小朋友不喜歡飲藥味重的湯水，今天推介一款有助健胃消積、通利二便、消除小兒口臭的湯水，清甜好味，幼兒都不會抗拒。
用料是：穀芽、炒麥芽各5錢，粟米連鬚2支，紅蘿蔔1個，馬蹄6粒，無花果4粒，冰糖少許。
做法：穀芽、炒麥芽浸洗；粟米去衣，切塊；紅蘿蔔、馬蹄去皮，洗淨切片；無花果沖洗；將全部材料用7碗水煮1小時，調入冰糖煮溶即成。
~ 小貼士：此湯老幼咸宜，對腸胃積滯、胃熱煩躁、口舌糜爛等都有幫助。
Permalink
請問此湯初孕孕婦可服嗎？
Jessica:
此湯懷孕初期可飲.如打自哺乳,懷孕後期就不要飲,因有回奶作用.
方姐，你好
小兒咳了很久，睇醫生話鼻水倒流，現在以好了很多，但日頭都有幾声咳同佢吸氣要用好大力，卑咗蟲草丸佢食就少咗大力吸氣，想問有沒有食療湯水可幫助？謝谢
man:
如果你仔仔因鼻塞引致用力吸氣,宜用辛夷花3錢,生薑3片,紅棗4粒滾瘦肉湯供服,滾15分鐘可飲,連服3劑.
你好芳姐
轉秋天天氣好乾，我口喉痛熱咳、消化不良。食飲咗三支羅漢、葛根、蒲公英水，差不多消除8成熱氣，但還是有咳未消，感覺心口氣管像好有痰痕痕地想咳，還是消化不良。
謝謝
Sandy:
你可以用霸王花2兩,南北杏1兩,紅蘿蔔1個煲瘦肉湯服,有助清肺熱止咳,潤腸通便.
這個湯小女三歲可以一齊飲嗎？
謝謝你
你好芳姐
小女3歳轉秋天咳咗兩星期，睇過中西醫無用，不知寒咳或熱咳，睡覺有鼻寒，吸氣好用力，日間有咳，晚上睡覺3-4點咳得特別利害同醒，喉嚨好重音，如果開冷氣比佢就小啲，飲過兩日龍利葉都繼續咳！
謝謝
Sandy:
你試用蘇子,萊菔子,紫蘇葉各3錢,甘草1錢,4碗水煮成2碗供服,連服2劑,看能否改善?睡前最好用棉紙巾剪成條狀沾淡鹽水,扭緊通鼻管,有助安睡.
芳姐非常之感謝你意見
芳姐：你好！小兒1歲5個月。哩2日發覺佢口臭，哩隻榖芽麥芽粟米湯啱唔啱佢飲。要飲幾多日先唔口臭？
芳姐你好!小兒5歲，今朝發現牙肉有D紅肿,又疑似牙周病咁，但佢早晚都有刷牙，所以我估係上火，就煲咗夏桑菊俾佢飲睇下會唔會好D，但唔敢俾佢飲太多，想問下有冇啱佢飲嘅湯水。謝謝!
Jiuli:
牙肉紅腫,可以煲些皮蛋鹹瘦肉粥供食,以降火;或用大豆芽菜半斤,豆腐2磚,雪耳2錢煲瘦肉湯,煲夠1小時,全家可飲,能清熱降火.
芳姐:請問7歲大小朋友經常話肚痛，有時都會有輕瀉，可以有咩食療?謝謝。
MAN:
你可以用炒扁豆,芡實磨粉,每次各用半湯匙加入粥料中煲粥供食,有助健脾止瀉.加入熱湯中都可以.
好!謝謝!
你好，芳姐，女女鼻敏感同氣管敏感咳嗽，食緊西藥，依段時間口臭嚴重！！！
她不可飲寒凉湯水，請問此湯水適宜她當水服用嗎？不需與西藥相隔兩小時？？
謝謝！
kayi:
你可以煲上述這款穀芽麥芽粟米湯,連服3劑.與西藥並無相沖,可隨時飲用.
芳姐，您好，感謝/您百忙中看我的求助，昨天給B B(歲半)飲著開奶茶，下午就橙汁，夜晚就飲著乳酪，結果她就大哭，肚嘔，嘔到好似水一樣，今日又嘔了5次，又不肯吃野，愛發脾氣，想請教您有辦法可以幫幫我。萬分感謝。
芊芊媽:
可能乳酪凍飲令BB腸胃不適,橙汁如果又是凍的更不適合,宜暖飲暖食.如BB有咳有痰就暫時不能飲橙汁.可以用紫蘇葉2錢,生薑2片,紅糖少許,3碗水煮成碗半供一天服,隨量飲就成,有助散寒止嘔,可連服3劑.
芳姐。感謝您的意見 。是我打錯字了。不好意思是肚痾。今日又痾了5次，晚上又睡不好。今日有看醫生有吃西藥。可不可以飲你說這個湯。萬分感謝。
芊芊:
已作回應.不要再給生冷寒涼及凍飲給朋飲食.
萬分感謝您的意見。
芳姐你好, 請問此湯係幾多人份量? 謝謝。
Aries:
此湯大約4人份量.
感謝解答!!
另外, 想問中藥店買回來的谷芽麥芽，需要自己白鑊炒吓佢嘛? 小兒已7歲. 謝謝!
Aries:
中藥店有炒麥芽的,你買谷芽,麥芽煲湯無需炒.
小女今年10歲，有口氣及體臭，應煲什麼湯水好？
Maymay:
體臭要日常多注意清潔,用些止汗露消滅體味.口氣可以用雲苓,白朮,扁豆衣各3錢,蜜棗2粒煲水代茶服,5碗水煮成2碗,連服4~5劑.
芳姐
小兒3歲半胃口經常不好，有偏食，經常三日先去一次大便，而且每一次也很用力很辛苦，請問有什麼湯水可以幫助到他
zoe:
你試煲些番薯粥作早餐,每日食2碗,有助通便,又健胃.
如餵母乳，可飲用嗎？因我見有炒麥芽。
JO:
炒麥芽回奶不可用.如有口氣,你改用雲苓,白朮,扁豆衣各3錢煲水代茶服,連服3劑.
芳姐，請問這湯不放紅蘿蔔可以嗎？（小兒紅蘿蔔過敏）謝謝！
瑞兒:
可不放紅蘿蔔.
Elsa:
我以為你用了兩個化名.其實只要你在bar頂按一下廻響RSS訂閱,即可以看到100個廻響,就能找到coco相同的回覆.茅根竹蔗馬蹄水可以飲.發燒亦可以用蘆根5錢,生薏米1兩,淡竹葉2錢,雪梨1個,去核煲水供囡囡飲,連服3劑,有助清熱退燒,服西藥隔1~2小時飲.
唔好意思、睇唔到回覆
Elsa:
已答了Coco網友,同樣問題.
芳姐你好、請問囡囡發燒食緊西藥、可以飲竹蔗矛根馬蹄水嗎？
余太:
你可以用3兩牛肉絞碎,用大碗水浸一晚,第二天取出滾7分鐘供小朋友飲,一星期3~4劑,有助健脾胃,助吸收.牛肉渣可加水翻煲,作煲粥仔湯底,當然要加小朋友喜歡的其他粥料.
芳姐，
我想請問：我小朋友21個月大，每次食飯食幾啖就唔食，好似無胃口甘！
我可以整d咩開胃口d 晚野食俾佢呀？
Man:
你可以去西藥房問問,好像是[MERZ]牌子.
芳姐您好:
請問:德國唇瘡膏是否去藥房有得買. 這藥膏名字是否就是”德國唇瘡膏” ? 囝囝都有一個月了,但都是沒有改善.時好時懷.去睇急政.但政府醫生說:沒有藥膏可以給阿囝.還說自己會好的.真的奇怪.
謝芳姐.
梁太:
你試用蘇子,萊菔子,紫蘇葉各3錢,甘草1錢,4碗水煮成2碗供囡囡服,有助化痰止咳,連服3劑.可以用玉竹5錢,雪耳3錢,蘋果,雪梨各1個,南北杏1兩,無花果4粒煲瘦肉湯全家飲,有助清熱潤肺止咳.
方姐，您好
大囝五歲最近兩星期咳嗽有痰有時間話頭痛，但主要夜晚咳多沒有食西藥只食猴棗化痰散，現在有甚麼湯水可燙又適合一家人飲用（還有一個兩歲半弟弟）。
謝謝
Nat:
乾薑在中藥店有售.
芳姐，請問乾薑可在邊度買？
謝謝指教
其實平日他無飲凍飲及雪糕，但他很喜歡吃水果
以後可能控制一下他吃水果份量
謝謝
Nat:
吃水果都要留意份量,因為有些水果較寒涼,多吃了會令脘腹受寒而肚痛都未定.乾薑能治一切裡寒症,故可以用.
Nat:
首先要你仔仔不要飲凍飲,吃生冷生果,可以用保心安油塗肚仔,幫他順時鐘方向搓揉,大約5分鐘,有助驅風.一日2次,在兩餐之間進行.另外試用乾薑2錢煲瘦肉粥供服,食後看是否改善?如有所改善,再吃2天就成.
佢3歲，第1次肚痛，見佢咁辛苦
我非常擔心
連睡著都痛醒
請賜教！謝謝芳姐
芳姐，你好
小兒3歲，呢幾日佢非常肚痛
睇咗2位西醫，分別都話佢無乜大礙，不是盲腸炎，小腸氣，腸塞等等，又沒有發燒，見議我唔好太擔心。
但孩子食過止痛藥，依然好痛，吃過西藥後，昨天還吃甚麼，嘔甚麼
今天有1次大便。
請問有咩湯水，可舒緩他肚痛？
vivian:
舌苔白濕重,煲些雲苓,白朮,扁豆衣+蜜棗水飲就成,每樣用3錢.連服3劑.
你好芳姐，
小兒4歲，舌白應該煲什麼飲好?
Patsy:
可以將粟米等改為雪梨,蘋果,但穀芽,麥芽量要放少些,否則小兒未必喜歡飲.
芳姐:
您好, 我日前煲了這個「穀芽麥芽粟米湯」, 但小兒不喜歡喝, 想請教可否將粟米、紅蘿蔔、馬蹄, 改為雪梨、蘋果?
訪客:
你可以用黑豆1兩,浮小麥5錢,黑棗6粒,5碗水煮成2碗供一天服,連服4~5劑,有助止盜汗.
芳姐：
您好！ 小孩3歲 訓覺經常流汗 額頭背脊頸 請問有什麼湯水或茶調理改善下 有勞。
楊太:
鱷魚肉性温,如仔仔痰白清稀屬寒咳可以用,配茯苓,白朮,陳皮,瘦肉同煮就成,無需放合掌瓜.
Ling:
吃抗生素無可避免會有副作用,你如果喉痛未完全好,可以用羅漢果1/4個,麥冬3錢,3碗水煮成2碗服,連服3劑,吃西藥後2小時飲,有助消炎利咽.
芳姐，您好，小兒2歲，近日咳嗽，有痰，一向氣管敏感，胃口普通，可吾用鱷魚肉，合掌瓜，茯苓，白朮，果皮，蜜棗，瘦肉煲湯飲用，謝謝
芳姐你好！我之前幾日喉痛，睇E生開了抗生素食，但這幾天整天都口苦，吾知是否食抗生素有關？有咩湯水可飲下，謝謝
Pretty:
你試用沙參,玉竹,麥冬,雪耳各3錢,無花果4粒,雪梨1個,去核,冰糖適量煲糖水服,連服3劑,看能否改善令堂咀周紅印?
Sharon:
牙肉腫脹是有胃火,可以用雪耳3錢,麥冬5錢,百合1兩,煲瘦肉湯,或煲糖水服,有助滋陰降火.芫荽皮蛋滾魚片湯都可以.
koko:
你可用川貝末3錢,蘋果1個,4碗水煮成2碗供一天服,連服3劑,有助化痰止咳.鼻塞加6朵辛夷花同煮.
芳姐,您好:
媽媽嘴周圍一圈都好乾有紅, 看西醫(給藥膏類固醇, 抗生素, 潤膚膏她塗.),中醫也看過, 好一陣, 有起紅印嘴周邊, 她說好乾.還有沒有食療幫助下?謝謝!
芳姐, 你好! 牙肉腫脹同眼乾, 飲芫茜皮蛋滾魚片湯是否有效?或你現在介紹這湯水? (本身寒底)謝!
芳姐，你好！
我個女兩歲6個月新年前先感冒看過醫生之後面再看醫生話支氣管炎及氣管敏感，咳到現在，有痰白小小黃黃，小小鼻水。訓覺鼻塞塞，飲過好多非洲海底椰川貝，好過一兩星期。呢幾日又凍又熱又咳多左。因為之前食左差不多一個月西藥！唔想食得太多！應該煲咩好呢？
NAM:
你仔仔可能感染單純性疱疹病毒,要少吃煎炸辛辣食物,飲食宜清淡.可以用德國唇瘡膏作外塗.煲些綠豆薏米糖水供服有益.連服3劑.
芳姐您好:
阿仔12歲,最近兩星期,口角紅腫,唇邊位置起紅疹.有些痕.我幫他搽些類固醇.但就沒有用,請問是否濕毒.應該煲那些涼茶可以幫助消除.
謝幫忙.
Sally:
產後咳不是傷風引起,原因很多,可能產時失血過多,或痰滯氣逆等都有可能,如咳得厲害一定要看中醫.試用當歸2錢,陳皮2錢,茯苓4錢,法夏3錢,甘草1錢,5碗水煮成2碗服,連服2劑,看能否改善?
芳姐，請問產後咳（不是傷風）會是什麼原因？有沒有食療幫助？謝謝。