By 芳姐 ( 15 6 月, 2017 at 8:32 下午)
· Filed under 外感/頭痛/呼吸道病, 小兒常見病
小朋友一上學就很易感染上呼吸道疾病，而且容易引發氣管敏感咳嗽，但大多數小朋友不肯飲苦藥，所以最好煲些藥味不重的補肺湯水供日常飲用，以强壯肺氣，防氣管過敏。
虎乳靈芝能强肺氣，並素有「白靈芝」之稱，它其實是產自東南亞的一種茯苓菌，藥味不重，性質平和，很適合小朋友用。未切片前的虎乳靈芝像個灰色的乒乓球，切片後配雪耳、百合、杏仁煲湯是一款化痰止咳的補益湯水，老少可服。
用料是：虎乳靈芝3錢，雪耳3錢，百合1兩，南北杏1兩，瘦肉適量。
做法：瘦肉切片出水；其餘材料浸洗，雪耳去蒂；將全部材料用8碗水煮2小時即成。
~ 小貼士：小朋友如感冒咳嗽，最好先飲些清肺熱的枇杷葉、龍脷葉一類湯水，待感冒清後才飲這類補益湯水。
Permalink
芳姐，您好啊，小兒20個月大，6月份曾患咳嗽，食過西藥好翻了，但7月尾開始又有一兩聲咳嗽，一咳就會嘔吐，家裡的老人家說，嘔出來的是白痰，醫生診斷是氣管敏感，請問此湯適合小兒喝嗎？
訪客:
此湯幼兒可以飲,一星期2劑,服兩星期.
芳姐，小朋友九月就返n班，呢個湯適吾適合常飲？係咪可以增強抵抗力？仲有咩湯適合呢？
Yvonne:
小朋友一上學容易感染上呼吸道疾病,可以飲這款湯增强肺氣,但上學後都要感染多次傷風,感冒,儲夠[抗體],加上增强體質,才可減少受感染.感冒高峰期可以用薏米1兩,鮮檸檬2片,冰糖適量煲水飲,以加强抵抗力.
請問薏米要吾要分生熟薏米？要煲幾耐？一星期可以飲幾次先可以增強抵抗力？
Yvonne:
用生薏米,一星期2次就夠.如學校爆發感冒最好隔日1次.
芳姐您好，
女兒4歲，任何湯水都唔肯飲，只飲「蕃茄薯仔魚湯」，她有氣管敏感，請問將「虎乳靈芝」加入「蕃茄薯仔魚湯」一齊煲可以嗎？
謝謝賜教！
K
K:
虎乳靈芝其實是產自東南亞的茯苓,没有藥味,可加入任何湯水中讓囡囡補肺氣.
芳姐你好，我小朋友自從返學之後就病痛多了，好一兩星期回校或轉天氣便會不舒服，最近一個月天氣轉涼就開始咳同流👃水，特別夜晚咳得利害，醫生之前說是氣管敏感，昨夜瞓覺再次咳得很利害，這個虎乳靈芝雪耳百合杏仁湯合適現在飲嗎？
芳姐，我小朋友自從返學之後就病痛多了，好一兩星期回校或轉天氣便會不舒服，最近一個月天氣轉涼就開始咳同流👃水，特別夜晚咳得利害，醫生之前說是氣管敏感，昨夜瞓覺再次咳得很利害，這個虎乳靈芝雪耳百合杏仁湯合適現在飲嗎？
Jims:
虎乳靈芝湯能補肺氣,强體質,可配鷓鴣或鵪鶉同煮更佳,能滋補五臟.
如4歲多一星期飲2次可以嗎？會否很燥熱?
Karen:
4歲小朋友一星期2次可以,不寒不燥的.
你好芳姐
女兒七歲，由細到大都容易咳，今次由10月氣管炎後，翻復咳嗽，
當病開始時首先是夜上有鼻寒，之後鼻塞，鼻水倒流引發咳，多啖，剛看完醫生，醫生說由上次
氣管炎未淸，所引起的敏感，請問現在可以候煲什麼湯水拎女兒舒緩病徵和快點好？
痊癒後，煲什麼可以保健和預防？擔心她變𠱼喘，感謝
芳姐您好!小女7歲早3星期前感冒寒咳，現在變了氣管敏感咳，現在早上咳有黃痰，此湯適合小女飲嗎?
吳太:
你試用枇杷葉5錢,龍脷葉5錢,雪梨1個去核,南北杏1兩煲瘦肉湯供服,6~7碗水煮成4碗,可分2天飲.黃痰少了才煲這款虎乳靈芝湯作調理.
芳姐，
你好！仔仔2歲半，他每逢早上臨起床和晚上入睡前都會不停咳，聽到有些痰聲，特別轉天氣時尤其嚴重，已維持一個月了，有燉川貝雪梨水給他渴，想問還可以煲什麼？
醫生有開哮喘葯給他，於晚上咳得嚴重才噴，以張開氣管，但說暫仍不算哮喘，但久而久之就有機會演變成真止哮喘。謝謝
raychel:
你試將川貝燉雪梨改為川貝燉蘋果.蘋果有益正氣,將蘋果浸在熱水中去蠟,去農藥,連皮燉,要去核.如没發燒,可用白果6粒,去芯,核桃肉4粒,南北杏5錢煲鵪鶉或鷓鴣湯供服,有助補益肺脾腎,減少咳喘.
芳姐，你好！
阿仔3歲半，一早一晚都聽到佢有鼻塞聲，朝早起身都會呻到啲白色黏黏鼻涕。訓醒及訓落床，半夜都有幾聲咳！成日聽到佢自己清痰咳咳兩聲！好似有痰沙咁！有試過一兩次咳到一點痰出來是杰黃色的！沒有發燒，沒有睇過醫生！
自己試過3款茶：
菊花，烏梅，甘草，白芷，蒼耳子，辛夷花，紅棗兩天
路路通、防風，紫蘇葉，辛夷花，百合兩天
紅蘿蔔，紅棗1天，
請問仲有咩湯水或茶可以幫阿仔清了鼻涕和咳嗽，謝謝芳姐幫忙！
Nicole:
你試用辛夷花,桔梗,紫蘇葉各3錢,甘草2錢,4碗水煮成2碗供仔仔服,有助止咳收鼻水.
芳姐，仔仔5歲，以前2-4歲容易氣管炎，4歲帶佢游水後已經沒有氣管炎，但最近佢咳左2個月，醫生話佢氣管敏感，但食左西藥仲未完全康復止咳，煲虎乳靈芝百合湯佢適合嗎？如果同時食緊西藥可以飲的嗎？
nikylo:
仔仔可以飲虎乳靈芝百合湯,服西藥後2小時飲.如有發燒就不宜.
芳姐你姐，小兒兩歳咳左兩個幾月西醫中醫睇過都唔得，醫生話氣管敏感，鼻水倒流吸出黎係傑身小少黃，多數訓醒咳，間唔時先咳幾聲，但聽到好多痰，大便唔暢通，應該煲咩好.thanks
Bi leung:
你可用川貝末3錢,蘋果1個,去皮,去核,南杏5錢,4碗水煮成2碗供仔仔服,飲湯吃些蘋果,一星期3~4劑,至症狀好為止.
芳姐你好，小兒27歲因腸病毒引至腦膜炎，現在食緊消炎藥康復中，請問可以煲什麼給他飮。謝謝你🙏
fanny:
你可以用藕粉1包,小米2兩,紅棗6粒,去核,瘦肉或雞肉適量煲粥供服,能健脾補血,助吸收.藕粉我在佐敦裕華超巿買,非常好用,一盒有多包,全部獨立包裝,該處亦有幾款有機小米,黃色細細粒最健脾.一星期可食用3~4次,有助加快康復.煲多些全家可食.藕粉用涼開水開成粉糊,粥煲好才放,攪拌1分鐘即成.粥料可隨個人喜好的材料放.
請問以上呢個湯岩唔岩我6歲小朋友，日頭完全無咳，到夜晚就上床訓就幾聲，訓落床都咳到訓著又無，如果半夜夜尿去完廁所返來又咳半個鐘，唔知咩原因，但之前無唔舒服過
kat kat:
晚上咳多屬寒咳,可以用紫蘇葉3錢,生薑3,4片,紅糖適量,3碗水煮10分鐘供服.此湯可以飲,有助補肺益止咳.
那如果佢一冷熱空氣轉就咳，都係夜晚，包括未訓時，日頭無，半夜又晚晚夜尿，以上既湯同🐊湯岩飲嗎？
晚晚夜尿又有何岩呢？謝謝
kat kat:
你試用白果15粒,去芯,核桃肉1兩,南北杏1兩,覆盆子3錢,芡實1兩,南棗6粒煲豬展湯,8碗水煮成4碗,全家可飲.有助補益肺脾腎,止咳定喘,止夜尿.最好吃些湯料.
Tks,我試試
中醫話小朋友氣管差，可以經常煲咩強肺/強氣管湯呢？
老火湯如果一星期一次會多嗎？飲得多老火湯，日後會痛風?
ching:
小朋友可以用虎乳靈芝3錢,雪耳2錢,南北杏1兩,無花果4粒煲鷓鴣或鵪鶉湯服,一星期1次.煲1小時不算老火湯,可以飲的.
芳姐
你好，我仔依家2歲，依幾晚都係夜晚瞓瞓下咳，同瞓醒咳，日頭玩就好少咳過，請問係咪氣管敏感，見佢又冇痰聲，同埋多左眠屎，仲王王地，請問我可以保咩佢飲？thx
elsie:
你試用白蘿蔔1個,去皮切條狀,用3湯匙蜜糖浸半天,會滲出很多蘿蔔水,用半杯蘿蔔水加半杯温水調勻供仔仔飲,有助止咳.一日2杯.眼屎多可以用桑葉3錢,菊花3錢,金銀花3錢,4碗水煮成2碗服.
芳姐
白蘿蔔對我仔仔氣管敏感咳都得？咁虎乳靈芝湯同鱷魚肉湯我仔要咩情況下支可以保來飲同埋要加咩來保，因仔仔係長期都瞓得唔好，晚晚都係瞓瞓要喊幾次架或碌過不停，可以保咪咪來飲？唔該曬
仲有想請問我自己都咳左成個星期，睇左中醫話我氣管敏感，肺燥熱，吃左中醫好d，但都係一瞓底喉嚨一痕到不停，但坐起身就好少咳，仲變左沙聲，咁我可以保咩來飲？thx🙏🙏
elsie:
蘿蔔蜜水你可以在右上角[搜尋]空格內打這四個字,再按一下搜尋,即可看到有關食療用處.虎乳靈芝,鱷魚肉湯對咳喘,未發病的小朋友合用,用來鞏固體質,減少發病.
你都可以飲.如喉癢咳可用烏梅2粒,菊花1小撮,甘草4,5片泡茶服,連服3~4劑可見效.
唔該曬芳姐
芳姐您好：兒子6歲，佢有鼻敏感，眼敏感和氣管敏感，請問可以飲咩湯水改善？或無咁容易發作，謝謝🙏🏽
芳姐你好。前几天见女儿有几声咳嗽，于是炖了虎乳灵芝雪耳百合汤加陈皮给她喝，当晚没什么咳嗽可是第二天早上起来却开始不停地咳，听落没什么痰音，晚上睡觉偶尔会有一两声咳。会不会因为我加了陈皮的关系?(药材店卖的是牛黄陈皮)。于是昨天我改煲胧脷叶苹果汤，喝了好像没什么效果，还是一样咳，几乎几个字就咳一下。请问我该煲什么给她喝才好?谢谢!
芳姐您好，請問以上這款湯，如果不加紅棗加無花果可以嗎，還有湯去渣隔夜能喝的嗎，麻煩了，謝謝。
平平:
可加無花果.可隔渣存放第二天飲.
好的，謝謝芳姐。
芳姐 請問一下小兒前幾天發燒 食了西藥 現病好 可以㷛甚麼湯強壯身體？謝謝
Wen:
你試用花旗參3錢,淮山1兩,石斛3錢,紅棗6粒,陳皮1塊煲瘦肉湯,全家可飲,花旗參後下.有助益氣養陰,增强體質.
芳姐你好！囡囡氣管敏感睇左西醫都唔好，請問可以煲什麼？呢個冬天以兩次氣管敏感個幾月都未好😓，可以怎樣改善？蟲草適合嗎？
心心:
氣管敏感,可用川貝末3錢,蘋果1個,去皮,去核,陳皮1塊,冰糖少許,4碗水煮成2碗供一天服,連服3~4劑,有助改善.蟲草有益,可燉瘦肉服,每次用6條,但要服用一段時間才見效,一星期燉3次.燉好的蟲草可以剁肉餅蒸食.
謝謝您
芳姐你好 : 我小朋友一歲 , 佢首先係發燒, 退燒後就咳, 之後而家仲有埋黃黃地嘅鼻涕添 , 睇咗醫生但只比咗收鼻水藥 , 加上佢又唔識吐痰,所以一咳就聽到裡面好多痰, 請問煲咩比佢飲至有效呢？另外其實我都有咳緊,咳咗半個月多,睇極醫生個個講都唔同,一個就話我有肺炎,一個就話我個肺冇事只係久咳, 食極藥都未好,我啲痰係透明嘅但好難咳出 , 咳到留晒眼淚好辛苦,夜晚仲冇得瞓添,請問煲咩飲至好呢？萬分感激你呀T_T
Ms Chan:
你試用法夏,茯苓,白朮各4錢,陳皮2錢,甘草1錢,生薑2片,紅棗6粒,5碗水煮成2碗,有助袪痰,連服3劑.小朋友可用辛夷花6朵,葱白3條滾瘦肉湯供服,滾15分鐘可飲.
芳姐你好！我仔仔差唔多4歲了，由9月份開學到依家，一路都斷斷續續咁睇醫生，感冒同咳，中醫西醫都睇左，咳都仲未完全斷尾，天氣一轉就病，呢幾晚訓得又唔好，便便比較硬，小便黃又臭，請問有咩湯水可以改善下抵抗力或者體質？麻煩晒你
Mandyfong:
你試用北茋,麥冬各3錢,甘草1錢,羅漢果1/4個,4碗水煮成2碗供服,有助改善,一星期2~3劑,至症狀好為止.
芳姐您好，請問辛夷花陳皮泡茶，可以加蜜糖嗎。
劉平:
歲半以上小兒可加蜜糖.
芳姐你好! 女女14個月大,有氣管敏感,剛氣管炎好番,但琴日出一出街,又開始咳番,應該係氣管咳,暫時日頭咳,另聽到佢吞口水時有痰黏住,請問可煲咩化痰止咳?
唔好意思, 另外有小小鼻塞,謝謝芳姐!!!
kaho:
鼻塞用6朵辛夷花拍碎泡茶供服.連服3劑.
Kaho:
如日間痰咳,可以用絲瓜1條,去皮切塊,放碟中,隔水大火蒸20分鐘,用湯匙壓絲瓜汁供服,能清痰止咳;如晚上痰咳,可用蘇子,萊菔子各3錢入茶包袋煲瘦肉粥供食,連服2劑.
謝謝芳姐~ 另外, 我有煲蘋果百合無花果南北杏茶再加幾片虎乳靈芝比bb日間當水飲,請問這個茶可日日飲嗎?
Kaho:
可以的,隔日1劑就成.
芳姐您好，小兒有蠶豆症，有氣管敏感，請問這款湯水，平時可以煲來當湯水飲嗎，還可以加什麼材料嗎，謝謝！
劉平:
此湯蠶豆症小兒可服,没問題,可加鷓鴣或鵪鶉,因為能滋補五臟,鷓鴣有化痰作用.
謝謝芳姐！
芳姐你好！請問囡囡氣管敏感咳好番、可以煲什麼湯水令佢返學少d病，抵抗力好d?謝謝
泳:
你可以用虎乳靈芝3錢,雪耳2錢,百合1兩,南北杏1兩,紅棗6粒,生薑2片煲鷓鴣或鵪鶉湯供服.此湯全家可飲.有助强肺氣,增强體質.
謝謝芳姐
芳姐
我仔日頭同半夜都有咳（綠痰），有鼻水，鼻塞！咁可以飲D咩湯。
thanks
ching:
痰綠色表示有炎症,最好看醫生消炎.有鼻水,鼻塞可用辛夷花3錢,金銀花3錢,葱白3~4棵,甘草1錢,3碗水煮成1碗供服,連服3劑,有助清熱消炎收鼻水.
芳姐你好，
我女由5個半月開始咳，到依家差唔多8個月，中間睇過幾次西醫話氣管炎同氣管敏感，一路都唔好番，好多咳痰，瞓覺聽到有鼻水聲，但冇流出黎，中醫都睇左10日話佢有氣管炎，脾虛腸胃差，中間仲發埋燒，再睇西醫話鼻水倒流致咳，食左8日藥同飲左1星期青欖桔餅湯，咳少左，以為好番，但係一停西藥又咳番多左，仲係有痰，已經咳左差唔多3個月，請問可以煲咩比佢飲下？
Fanny:
你可用川貝末2錢,蘋果1個,去皮,去核切塊,2碗水蒸燉半小時供囡囡一天服,連服4~5劑,有助袪痰止咳.8個月無需加蜜糖調味.
芳姐，您好，我女兒2歲8個月，本身屬於氣管敏感的小朋友，前幾日天氣轉變，晚上睡覺一到兩三點就開始咳嗽，感覺喉嚨很發癢，忍不住的咳，白天也偶爾咳幾聲，晚上睡覺就咳的特別厲害，暫時沒聽到有痰聲，也沒有鼻涕，請問芳姐有什麼湯水能緩解一下女女咳嗽嗎？感謝芳姐。
晨曦:
你試用桔餅1個切碎,紫蘇葉2錢,生薑3片,紅棗4粒,去核,4碗水煮成1碗供服,連服2~3劑.
芳姐你好，我仔三歲，感冒咳嗽一個月都未好，睇左幾次西醫都唔好，我仔自小咳嗽都好耐先好的，應該是敏感咳嗽吧，每次喝虎乳靈芝燉瘦肉就不咳的了，但是這次就不行了。
現在是一直流清鼻涕和鼻塞（不知道是不是在醫院吸過鼻水所以這麼久都唔好得）白天好少咳嗽不過就好重痰音，晚上睡就乾咳，呻鼻涕的時候也咳嗽，請問芳姐我應煲什么給他喝?
我仔今年翻學一直都生病，剛好一個星期又生病了，請問吃點什麼可以提高抵抗力？
唔該曬芳姐。
Mandy2:
3歲小朋友剛上學,一定易感染上呼吸道疾病,要身體[儲夠]一定抗體才可減少發病.現時試用辛夷花3錢拍碎,陳皮1塊泡茶服,有助收鼻水,化痰.病好後不妨用生薏米1兩,冰糖適量煲水,煲好後加兩片鮮檸檬片,焗片刻供仔仔帶回學校當水飲,一星期3次,有助增强抵抗力,薏米能殺些少病毒,又健脾袪濕.飲一兩星期試試.日常飲食營養要均衡,多帶他去做戶外活動以增强體質.
芳姐，謝謝你，我仔仔飲左兩日辛夷花陳皮水，今日咳已經冇痰了，晚上也沒有咳只是白天間中一兩聲咳，不過鼻塞還是挺嚴重的，是不是要繼續喝到痊愈啊？
Mandy2:
如果没有痰,可以只用辛夷花6朵拍碎泡茶供仔仔飲,可加蜜糖,好味些,連服3劑.
芳姐你好！囡囡三歲幾早晚同半夜咳多、日頭就間唔中咳、唔見有鼻水，鼻屎多，上個月都有咳，好返一個星期又再咳過（一路冇睇西醫）剛剛睇中醫話係感冒，咳未清引致氣管發炎、除左飲中藥，有什麼湯水可以幫助佢好d好返嗎？9月返學到依家斷斷續續咳左個幾月，好擔心、有什麼水果適合佢吃？謝謝🙏
Anna:
木瓜,無花果,桃,布冧,蘋果,葡萄子,香梨,鮮棗等囡囡都可適量食用.你試用紅蘿蔔1個,去皮切薄片,北杏3錢,紅棗6~8粒,去核切片,5碗水煮成2碗供服,連服4劑,對小兒久咳有幫助.好味的.
謝謝芳姐！
芳姐,,你好, 小朋友兩歲多, 很容易感冒流鼻水咳嗽, 晚上有氣喘, 可以煲咩湯水保健?
Sin:
你可以用這款虎乳靈芝湯,加1兩核桃肉,有助補益肺氣,減少咳喘.
芳姐
你好！我仔2歲3個月，咳左兩個月都未好反，醫生話氣管敏感，少少鼻水（清既）！中醫，西醫，醫院都睇過哂，都係唔得，有咩湯水或燉D咩好？
ching:
你試用白果10粒,去芯,核桃肉1兩,南北杏1兩,雪耳2錢,百合1兩,紅棗6粒煲瘦肉湯,全家可飲,煲夠2小時,有助補益肺脾腎,減少咳喘.連服3劑,如見效,停2天再服3劑.
請問小朋友芳姐氣管敏感咳可以煲什麼飲？
kiki:
川貝能減少氣管痙攣咳嗽,故可以多用川貝末蒸燉雪梨或蘋果食,但要去核.
芳姐,你好！小孩兩歲十個月,開學到現在已第三次感冒了,服西藥不見校,中藥又不願意服,勉強服下卻嘔吐大作,現有青鼻涕,鼻塞,咳嗽起來有痰聲,說話有鼻音,尤其睡覺時因鼻塞嚴重而經常扎醒,繼而伴隨咳嗽,有時一晩哭鬧兩三次,這情況已差不多兩星期了,請問有什麼湯水可幫上忙呢？
ToTo:
你試用洋葱1個,去衣切片,蒜子4,5瓣,瘦肉少許,3碗水煮15分鐘供服,有助殺菌通鼻.日常要教小朋友勤洗手,尤其是拿食物進口時先洗手,可減少受感染機會.一般剛上唱遊班的幼兒要等身體[儲夠]足夠抗體,加上飲食營養均衡,勤洗手,可大大減少發病.
謝謝芳姐！可以－直服到小孩症狀改善為止嗎？另外，腹脹，大便是糊狀的也可服嗎？
ToTo:
洋葱蒜子水主要是防治感冒的,因為是天然食物,飲3劑,看能否改善才決定是否再飲下去.脹脹,大便溏薄是脾虛表現,待外感清了才用四神湯去調理.四神湯主要材料是淮山,蓮子,茯苓,芡實,加些陳皮,紅棗煲瘦肉湯供服,連服3劑見效.或外感未清不要服用,以免病邪坐大.
我會試試看，謝謝芳姐！
你好｝芳姐,
小朋友幾天前見到他的眼袋周圍有藍藍地色是否反應胃部問題? 另昨晚他說有胃氣嘔出來,很酸的。請問有什麼可解決或湯水介紹。
他有(考喘) 和鼻敏感 。
上星期才流2天鼻血,有血塊出現 , 令我擔心 , 不過已煲竹借蓮X水給他飲2天。
謝！
多多上21-10-2017
多多:
眼袋泛藍可能風重,你試用防風,白朮,砂仁,紫蘇葉各3錢,陳皮1塊,炙甘草1錢,4碗水煮成2碗供服,有助袪風,止嘔.流鼻血可用鮮茅根1扎,鮮蓮藕節3個煲水供服,4碗水煮成2碗服,有助涼血止血.
芬姐：
你好！本人8月尾生完bb之後一直都喉嚨有痰，白痰，有時會有泡，會有Kaam Kaam聲，平時出街會覺得唔夠氣，已經睇左幾次中醫都唔得。請問餵緊人奶可以飲呢個湯嗎？還有餵緊人奶可以餵有虎乳靈芝或者鱷魚既湯嗎？謝謝
Mandy:
你可以飲此湯,可加3錢茯苓,2錢陳皮同煮.
芳姐你好，我孩子一歲十一個月，從小容易支氣管炎，較早兩星期病完直到而家睡覺時會有咳，無痰聲，但白天活動無咳！請問可以吃什麼
Tszying:
可用川貝末2錢,蘋果1個燉半小時服,可加少許蜜糖,一星期2劑,有助改善支氣管病.
芳姐，你好，我两個小朋友分別九歲同七歲，九歲哥哥就有鼻敏感，成日都有鼻水同打乞痴，七歲妹妹就有鼻竇炎，反反覆覆病程，唔飲葯就又發作，所以想問下有咩湯水可改善下两兄妹情況，謝謝謝🙏🏻🙏🏻🙏🏻🙏🏻
Ianian:
你可以用北茋3錢,防風,白朮各4錢,辛夷花,蒼耳子各5錢,虎乳靈芝5錢,紅棗8粒,去核煲瘦肉湯供仔女服,7碗水煮1小時成3~4碗,兩兄妹一天分服,一星期3劑,至症狀好為止.
謝謝芳姐，我買左哩個虎乳靈芝3錢，辛夷花3錢，蒼耳子2錢比妹妹飲，哥哥飲哩個桑葉，菊花，辛夷花各3錢，甘草1錢
，咁樣得唔得？同埋妹妹三月開始就不停病，抵抗力都弱哂，仲有咩湯水可推介，謝謝芳姐姐🙏🏻🙏🏻🙏🏻
Ianian:
可以的.病好後可以用淮山,茯苓,蓮子,芡實各1兩,雪耳2錢,百合1兩,陳皮1塊,紅棗6粒煲排骨湯供仔女飲,煲夠個半小時,飲湯吃些湯料,有助健脾補腎潤肺,提高體質.一星期2次.
芳姐
小囡自五月尾病後就一直咳晚咳早晨在六月看過兩次西醫診為急性支氣管炎醫生要我地聞氣紓緩氣管現在夜晚沒有咳但還有間竭性重重的談咳,聽得出很多痰（黃色），想試候棗末但又不確定
因醫生說説她是哮喘有沒有好的食療給她
ANN:
你試用白果10粒,核桃肉1兩,南北杏1兩,無花果4粒,陳皮1塊煲瘦肉湯供服,8碗水煮成4碗,囡囡一天分服2碗,連服3劑,有助補益肺脾腎,止咳定喘.白果小朋友一歲吃一粒,兩歲吃兩粒….依此類推.
白果需要去掉芯嗎？小女三歲多
ANN:
白果芯要去,因有小毒.小朋友3歲吃3粒,但煲給全家人飲可用10~15粒没問題.
多謝芳姐回覆
明天就煲以上湯！還有我地可以試虎乳雪耳百合杏仁湯嗎？
芳姐
您好，我囝啱啱一歲，有氣管炎，有咳，流鼻水，低燒，可以保咩湯水佢飲？唔該曬🙏🙏
elsie:
你試用蘆根5錢,雪梨一個,去核,生薏米1兩,甘草1錢,5碗水煮成2碗供囝囝飲,連服3劑,有助清熱退燒,止咳.
唔該曬芳姐
芳姐 我想問下，因我囝囝依幾個月都經常病，多數一咳就發燒，今次仲引起氣管炎，有冇咩湯水可以保健，冇病都可以常飲的？thx🙏🙏🙏
elsie:
你可以用虎乳靈芝3錢,核桃肉1兩,雪耳3錢,百合1兩,南北杏1兩,紅棗6粒煲鷓鴣或瘦肉湯,全家可飲,有助補益肺脾腎,減少因體虛引致的上呼吸道疾病.
芳姐,
您好! 小儿肺弱, 常因天气的变化而生病。
想问下有什么可以替代虎乳灵芝? 我这里的中药店都没有。
Jasmine:
你可以用核桃肉1兩,無花果3粒代替,有助補益肺腎.
芳姐你好！囡囡5歲半，上個月，咳，鼻涕，好多痰，食左5日抗生素，之後又食一星期中藥，還有少少痰，早上咳幾句，又食了幾日喉棗散，好似好少少，無咳，但有時聽到有少少痰，但好幾日又多左痰，早上又有幾句咳，吾想再食藥，請問芳姐有什麼湯水有幫助?謝謝您！
玲:
如只日間咳,痰稠及黃,可以用絲瓜1條,去皮切塊放碟中,隔水大火蒸20分鐘,用湯匙壓絲瓜汁供服,有助清熱化痰.很清甜的.
芳姐，小兒今年8歲，有鼻敏感和氣管敏感，經常喉嚨痕癢而乾咳，尤其是入了冷氣地方和每晚睡覺前，咳不停，請問有何湯水合適，虎乳靈芝雪耳百合杏仁湯合他嗎？
josephine:
你仔仔可以飲虎乳靈芝雪耳百合湯,一星期2~3次,以强壯肺氣.鼻敏感可用6朵拍碎的辛夷花加蜜糖泡茶供服,每日1杯,至症狀好為止.
芳姐，謝謝你👍🏻👍🏻
芳姐你好！我女兒兩歲，前幾天喉嚨發炎有痰，咳，流鼻水，看了醫生吃了藥，現在還是有流鼻水，咳，有痰(不知道痰什麼顏色)。請問有什麼湯水適合。謝謝！
hedgehog:
你試用羅漢果1/4個,辛夷花6朵,甘草1錢,4碗水煮成碗半供囡囡服,連服3劑.有助利咽消炎,收鼻水.
謝謝你！今晚煲了你教的蘆根，麥冬，馬蹄，雪梨，無花果給她喝，明天再試下羅漢果。
謝謝芳姐
芳姐您好，小孩4歲半成日流鼻水，流左成個月，會唔會係鼻敏感？可以俾咩湯水佢？謝謝
真:
你可以用辛夷花6朵拍碎泡茶供小朋友飲,可加蜜糖,一星期3~4劑,有助收鼻水.
芳姐您好，想再問一下如果流鼻水再加上佢好容易出汗呢，有咩湯水改善？謝謝
真:
你可以去中藥店買些浮小麥,白鑊炒5分鐘儲存,每次沖泡辛夷花茶時加入1湯匙炒香浮小麥一齊泡焗,有助止汗.
芳姐
您好!
小兒6歲, 最近感冒完之后到現在已有兩三個星期仍一直流鼻水, 鼻水好黃, 扁核性有的大, 可能因為他有鼻敏感, 每次流鼻水都流幾個星期, 我應煲什么給他喝?
謝謝!
Mandy
Mandy:
你試用辛夷花6朵,蒼耳子3錢,葱白3棵滾瘦肉湯供服,葱白後下,滾20分鐘可飲,連服3~4劑.
芳姐:你好！6歲半的小女每晩都有2–3次夜尿，可能因此睡眠不夠好，細細個人仔有大大個黑眼圈。她本身體質就氣陰虛➕虛寒，請問有冇湯水食療幫助小女戒夜尿？唔該曬芳姐。
訪客:
你可用白果10粒,去芯,芡實1兩,金櫻子,覆盆子各3錢,陳皮1塊煲瘦肉湯供服,連服3劑,如有改善,一星期2劑至症狀好為止.
芳姐: 你好! 想問一下雞骨草和夏枯草是否一樣可以清肝熱濕毒? 因為我常攪亂!謝謝!
Sandy:
雞骨草能清肝熱,去濕化滯,合煙酒過多,肝炎黃疸患者;夏枯草清肝明目,清熱散結,尚能降血壓.