By 芳姐 ( 29 3 月, 2018 at 9:43 下午)
· Filed under 外感/頭痛/呼吸道病, 家常食療, 小兒常見病
很多感冒發燒人士，或小兒感染麻痘病毒後餘熱未清，容易出現煩熱口渴、口舌糜爛、牙齦腫痛、小便赤短、心煩氣躁等症狀，要用些功能清熱除煩的湯水或茶飲作調理。
「蘆根薏米淡竹葉雪梨水」功能清熱生津、除煩止渴、利尿、清心、胃火、肺火等。對熱病傷津、餘熱未清者很有幫助。
用料是：蘆根5錢，生、熟薏米1兩，淡竹葉3錢，雪梨1個，冰糖少許。
做法：雪梨洗淨，去核切塊；其餘材料浸洗；用5碗水煮1小時成2碗，調入冰糖煮溶即可供服。
~ 小貼士：此茶清潤可口，對低燒不退、口舌生瘡者都有幫助，老幼可服。但孕婦及腎虛尿頻者忌服。
Permalink
芳姐你好，前幾日小女(22個月大)在公園遊玩時凍親，當晚有流鼻水同發燒，食左2日西藥，再加煲蘆根薏米淡竹葉水加辛夷花6朵，飲左3劑已退左燒，但仲有鼻水+訓教鼻水倒流導致咳不停，請問可煲咩比佢清左啲痰咳同鼻水，謝謝🙏🏻
Helen:
你可以用辛夷花6~8朵,葱白3棵,甘草4,5片,3碗水煮15分鐘,供一天分服,連服2劑,有助收鼻水,止咳.
謝謝芳姐🙏🏻🙏🏻
另再問一句，因上次中左Covid之後飲你推介的青欖桔餅茶都可以清到痰咳，今次依個情況係咪不太適用？🙏🏻
Helen:
青欖桔餅茶待鼻水減少了可以煲來服,很平和的,老幼都可以飲.
芳姐您好，
小朋友10歲有低燒冇其他症狀，精神好有胃口，可否煲這款蘆根水給他飲助退低燒？
謝謝
Wangma:
蘆根水很平和,低燒表示小朋友體內有病邪未趕走,此湯適合飲用,可連服3劑.
謝謝芳姐，我仔體溫還是偏高，介乎37.3至37.7之間上落，有口氣，可繼續飲這款蘆根水？
Wangma:
你試在湯料中加5錢生石膏,退燒能力會加强.連服2劑.
芳姐你好，小朋友3歲幾啱高燒退咗而家仲有點低燒，想煲呢個比佢飲，係咪一定要放雪梨？另外有幾聲咳可以加咩材料一齊煲？thanks！
Ling:
你可以煲這款湯,如怕雪梨涼,可用蘋果代替.有咳加桔餅1個切碎同煮.
Thanks!
芳姐 我感冒已經成個星期 前幾日發高燒 喉嚨一直好痛 睇佐醫生食佐藥 到宜家仲未好 好多黃痰甘日會咳
訪客:
你試用金羅漢果1/4個(普通羅漢果都可以),玄參3錢,麥冬3錢,甘草1錢,4碗水煮15分鐘服,有助利咽消炎,化痰止咳.連服3劑.
芳姐，你好。阿女兩歲，尋日有點低燒38.3，食左一次退燒就退左，但仲37.8左右，但人好精神。這個湯水可以飲幾日？仲有冇咩食療比較岩夏天，佢比較瘦
Carrie:
這款湯你囡囡可以連服2~3劑,至燒完全退為止.可以煲些老黃瓜赤小豆,扁豆豬展湯;粉葛赤小豆,薏米排骨湯都適合飲用.
芳姐，我大脾內側發炎腫痛成瘡，已看醫生，開了消炎藥。請問要飲乜快d好？謝謝你
Kitty:
你可能是淋巴結發炎,入了細菌,吃消炎藥一個療程應可以好.用鮮魚腥草2兩,生薏米1兩煲水服有助消炎殺菌.薏米用5碗水煮半小時,加入魚腥草滾15分鐘可服.
芳姐 我仔仔飲佐兩日這款茶已經退燒 同時有加辛夷花一起煲 但是都宜家都會有好多鼻涕 半夜咳幾聲嘔佐幾次 訓住鼻鼾聲好大唔知系唔系痰 要繼續飲仲係？
訪客:
已退燒不用蘆根,試用紫蘇葉3錢,辛夷花6朵,甘草1錢,3碗水煮成碗半供一天服.有助散寒止咳止嘔,收鼻水.
我今日用紫蘇葉 蘇子 萊菔子 辛夷花煲瘦肉湯卑佢飲 聼日先換這個方法
芳姐 我仔仔這兩日窩屎系水樣 好似拉肚子 唔知係唔係飲這款茶太涼
訪客:
這款茶温性的.大便溏薄應該不關這款茶的事.建議看醫生作治理.
今日窩佐六七次奶瓣狀 正常嗎 有咩食療食 Thx
訪客:
如單純泄瀉可用炒扁豆,芡實各1兩煲粥供食;如有惡臭有菌可用蒜頭5粒拍碎,青莧菜2兩滾瘦肉湯供服,泄瀉嚴重建議看醫生.
睇佐醫生 話系腸炎
芳姐，請問呢個湯一歲飲得嗎？
Miki:
此湯嬰幼兒可以飲.
芳姐 我侄子近一個星期反反復復發燒 睇醫生話喉嚨發炎 有點鼻塞 今年四歲 可以煲滴咩飲
Jacky_mm:
你可以告知其家人用金羅漢果1/4個,金銀花3錢,辛夷花6朵,4碗水煮15分鐘成2碗,供一天服,有助消炎利咽喉,改善鼻塞.連服3劑.用普通羅漢果都可以,金羅漢果好味些.
反復發燒都可以飲嗎
Jacky_mm:
反覆發燒皆因病邪未趕走.所以最好看醫生吃消炎藥,服西藥後2小時飲這款茶,效果更佳.金銀花有消炎作用.
芳姐，你好，我女兒差不多一歲半，之前發燒好了幾天後又再燒，煲過蘆根和雪梨水飲及吃過退燒药水，現已退了燒，但一直都沒胃口不肯吃東西和飲水，只肯吃些奶。我见她瘦了很多連站立和坐都不穩且脾氣不好及難正入睡，睡後又滿頭汗，舌苔厚帶點黃。我應怎樣去處理，煩請指導一下，謝謝。
Joyce:
如果囡囡已退燒,但舌苔厚膩,可以用茯苓,白朮,扁豆衣各3錢,浮小麥5錢,紅棗4粒,4碗水煮成1碗供服,連服3劑,至舌苔改善及止汗為止.之後可以蒸燉些牛肉汁供服,用3兩絞碎牛肉,隔晚用1碗水浸住牛肉,第二天牛肉連浸的水一齊蒸半小時供囡囡服,可加少許調味,連服3~4劑,能有效健脾,助吸收,强體質.
謝謝芳姐你的回覆。
芳姐，我個囡囡發燒剛好，發現嘴唇下邊有一處飛滋，請問此款湯水適合嗎？
Kiwi:
你囡囡可以飲此湯.或煲些皮蛋鹹瘦肉粥供食亦有用.
芳姐:您好!我囡囡16個月，前天开始有低燒不停溜清涕及咳時带有痰聲，一直胃口不好，又不肯飲水和吃東西，給雪梨水又不肯飲，肚有點漲，看過醫生及開了退燒藥水，但她又不肯吃，现温度去到38.5度及令人担心，不知如何是好呢，现想請教一下怎樣去處理這情況，謝謝！..
JOYCE:
你可以用毛巾浸温水(攝氏37度)替囡囡抺全身以退燒.另外開冷氣24~25度,讓囡囡睡得舒服都有助退燒.薏米蘆根水可以煎濃些,用針筒型餵哺器吸些餵飲,有助退燒.必須要多飲水才能退燒,否則痰積聚在肺部易引發肺炎.如燒至39度可考慮用塞肛藥退燒,但要留意塞完4~5小時內都不能吃退燒藥的.
谢谢芳姐答复，BB现没胃口食野，只是飲奶但每次飲完奶就疴，肚仔好脹。我煲了蘆根薏米水佢饮，用來开奶。买不到鸭咀梨用贡梨代替可以吗?请问发烧煮什么粥仔给BB食好?
Joyce:
可用貢梨的.發燒可以煲些菜泥粥供BB食,任何蔬菜都得,如椰菜,西蘭花,菜心,菠菜等,煲好用攪拌器攪成糊狀,最好杰些少,隨量食就成.
谢谢芳姐。
芳姐，你好！
芳姐，你好！囡囡燒巳退但这两天咳得好多，带有痰声多在日间时候，在睡酲时特别利害，还有好多透明鼻涕。有饮雪梨马蹄蘆根水和食了蘚子萊服孑粥仔，另食紧化痰药，麻烦芳姐有甚麼食疗可以帮忙下BB，谢谢!
Joyce:
你試用川貝末3錢,蘋果1個,陳皮1塊,辛夷花5朵,4碗水煮半小時成2碗,供一天分服,連服3劑.有助化痰止咳,收鼻水.
你好 芳姐 我個仔發燒第二日 無其他病痛 呢款湯可以飲嗎 材料可以用嗎？我個仔宜家14個月
譚媽媽:
你仔仔可飲此湯,因為細個,一天分服1碗,此湯可分2天飲用.
芳姐，2歲仔仔感染上呼吸道病毒，高燒5天現已退燒，有幾聲咳，痰多咳不出，有d黃綠鼻涕，晩上鼻塞、醒幾次，個人好燥，煲什麼湯好？當康復後，又應該煲咩湯調理？謝謝
Albee:
你可以用川貝末3錢燉雪梨水供服,2碗水燉40分鐘,供一天服,如鼻涕多加6朵辛夷花同燉.連服3劑.痰咳改善可以煲些蘆根薏米雪梨水供服,以清體內餘熱.蘆根5錢,生薏米1兩,雪梨1個,去核,冰糖少許,5碗水煮1小時成2碗.
你好，芳姐，仔仔4歲，前幾天扁桃線發炎發燒，食佐西藥，依家退燒了，但還是喉嚨痛和咳，有痰，鼻水倒流症狀，請問可以煲mei咩俾佢呢？唔該曬！
Aki:
你可用金羅漢果1/4個,辛夷花6朵,3碗水煮10分鐘供服,連服3劑.
你好芳姐早前來旅發燒感冒睇西醫又睇中醫現在已經康復了。已飲好多水，但嘴唇經常甩皮有裂縫 ，又有口臭，是不是脾胃不好？？？可以煲什麼湯水為他調理呢？他有慢性哮喘咳和鼻敏感的，謝謝細閱
她現時四歲
Kayi456:
小朋友可能有些虛火,試用花旗參2錢,麥冬3錢,杞子2錢,甘草1錢,泡茶供服,焗15分鐘可飲,連服2劑,如有改善,可多服2劑.
芳姐，你好，小兒23個月，一星期前咳了兩天發燒，我比魚腥草佢飲一天就退燒，之後有幾聲咳同痰，到呢兩日冇咳，但仲有痰，睇醫生話佢本身胃寒，但而家又感冒未清，唔想食藥可以飲咩湯？感謝🙏🏻
霖媽媽:
你可以用洋葱1個,去衣切塊,隔水蒸20分鐘,用湯匙壓洋葱汁,大約3湯匙供服,有助化痰止咳.連服3劑.
芳姐，請問雪梨干需要去核和芯嗎？謝謝
睿:
雪梨的核有小毒,一定要去,芯就無需去掉.
芳姐你好！想問囡囡四歲咳，喉嚨有痰黏住，黃黃地痰，可以煲什麼？謝謝
Yo:
你可用絲瓜1條,去皮切塊,放碟中蒸20分鐘,用湯匙壓絲瓜汁供服,有助清熱化痰止咳.連服2~3劑.
謝謝🙏，芳姐請問今日開始有埋鼻水可以煲什麼?
Yo:
有鼻水可用6朵辛夷花拍碎泡茶供服.
芳姐你好！ 我囡囡九個月大佢流鼻水 打好多乞嚏 同咳， 咳嗰時聽到有 好多痰， 早前全家都感冒可能傳染咗畀佢， 請問可以煲啲咩畀佢飲可以清鼻涕同埋化痰， 仲有我全家都有鼻涕同埋咳有痰可以煲啲咩呀？ 芳姐我個女而家9個月大只係 飲人奶， 乜嘢都唔食 食兩啖就係咁吐出嚟， 對其他嘢好似都冇興趣咁呀， 9個月啦仲係好似六個月咁大 芳姐你可唔可以幫到我呀？ 唔好意思呀芳姐我太多嘢問啦麻煩曬你喇唔該曬你多謝！🙇♀️🙇♀️
陳太:
你要誘導囡囡吃粥仔等半流質食物,不能只飲人奶,會不夠營養的.例如和她談粉糊幾好食,用少量瘦肉瑤柱煲粥仔,用攪拌器攪成稀糊給她試,或加紅蘿蔔,粟米粒,肉碎煲好後攪成糊仔供食,要引她對食物的興趣才成.另外可以刮些木瓜蓉,香蕉蓉或其他生果泥供食,慢慢來試,否則囡囡抗病能力一定弱,又不長肉.現在可以用蒜頭8~10粒,生薑6~8片,紅糖適量,煲湯全家飲,每人一碗,囡囡小半碗,滾15分鐘就可以.
芳姐你好。我女兒4歲，高燒幾日，到今日仍低燒，已睇醫生開了抗生素…巨症狀生菲茲，牙肉有些紅腫，有咳嗽，都咳得密，開始感覺係乾咳，後邊感覺有d痰積住左…流清涕不多，總共燒左6日，反覆燒，感覺巨個人應該係積埋左d熱唔退，請問煲尼個湯水可以加咩化痰？
訪客:
這款湯合你囡囡飲,連服3劑,有助清肺熱.
請問可以當開奶茶嗎？
Joyce:
可當開奶茶的.
吃完西藥可以馬上喝嗎？
Joyce:
最好隔1~2小時才服.
小兒六歲，上星期三因扁桃腺發炎開始發燒，此外影響了淋巴，令淋巴腫脹。服用了七天退燒藥和五天抗生素，於前天（星期三）才退燒。雖然燒已退，但醫生吩咐小兒還需要服用五天抗生素。
請問
1.在這時候煲什麼適合他喝？
芳姐: 你好,想請問我孫女6歲,剛剛患了肺炎,已經食了1個星期抗生素,燒已經退了,但睡覺時還有點咳嗽,可以煲什麼給她飲呢?另外平時我可以煲什麼湯水調理身體,好呢?唔該哂.
芳姐: 你好,想請問我孫女6歲,剛剛患了肺炎,已經食了1個星期抗生素,燒已經退了,但睡覺時還有點咳嗽,可以煲什麼給她飲呢?
mandy:
你可以用川貝末3錢,蘋果1個,4碗水煮成2碗供一天服,連服4~5劑,有助清肺化痰止咳.蘋果有益正氣,如日間咳多,痰黃就改用雪梨.
芳姐您好，bb七個月，好多鼻涕同好多鼻水又鼻塞，可以俾咩食療？謝謝
璇:
你可用辛夷花4朵,葱白3棵,2碗水煮成1碗供服,睡前用棉紙巾剪成條狀,沾温鹽水替BB通鼻.
芳姐您好，請問些湯水7個月bb可以飲嗎？
另外想問如果bb咳有痰可以有咩食療？謝謝
璇:
7個月BB如日間咳多,可以蒸條去了皮的絲瓜,用湯匙壓榨絲瓜汁供服,大約3~4湯匙左右,對熱咳有幫助;如晚上咳可用洋葱1個,去衣切塊,大火蒸20分鐘,用湯匙壓榨洋葱汁供服,亦有幫助.痰多可用蘇子,萊菔子各3錢入茶包袋,煲瘦肉粥仔供食,連服2~3劑,對幼兒痰咳很有效.
芳姐，您好。又向你求助了。我囡囡有點咳。又老說肚子痛。上個星期日晚睡覺時就發燒。帶他去看醫生 。醫生話病毒感染。開了藥。可是這幾天一直反复發燒。可是見他玩又有精神。胃口就不怎麼好,老是放屁。今天還拉肚子。今天我還煲了一些洋蔥水給他飲。我應該煲什麼給她喝好。發燒老是反复。我都很擔心。還有就是我現在煲點什麼湯給她飲飲。還有想多問一下。她現在可不可以吃魚肉牛肉這些？感謝您的意見。期待您的回复。感謝！
芊穎媽媽:
你可用洋葱1個,去衣切片,蒜瓣5~6粒,冰糖少許,3碗水煮成1碗供服,連服3劑,有助殺菌,殺病毒.另外肚瀉可以用蒜頭6~8粒,青莧菜半斤滾瘦肉湯,全家可飲,對腸胃炎有幫助.魚肉,牛肉燒退了才食.
感謝您的回复。我想問一下青莧菜是什麼菜？囡囡最近睡覺老愛踢被，吃飯又老愛撓頭，這些是不是她不舒服的提醒？感謝芳姐！
芊穎媽媽:
莧菜有兩種,一種青色,一種紅色,你去菜檔問問就知道.本來馬齒莧療效最好,但要在山草藥檔買,可能未必容易買到.你囡囡可能因身體不舒服,但有點情緒波動,例如學業方面,或與同學的關係方面,要多點支持和鼓勵,多與囡囡傾談.
非常感謝您的意見。感謝！
芳姐:您好！小女18個月，感染到沙門氏菌住院服用抗生素後康復出院兩日便咳流鼻水，醫生話感冒，而家服用西藥3天，依然有少量透明淺黃鼻水，咳聲有痰在喉嚨出唔到！今日仲有口氣同埋嘴唇爆裂，是否服用西藥熱氣？而且又出世到而家都係怕熱易出汗體質，想請教可以煲D咩調理？可否燉川貝雪梨水止咳？謝謝🙏
cherry:
你可以用川貝末3錢,雪梨1個,去核,冰糖少許,4碗水煮成碗半供一天服,連服3劑,有助袪痰止咳.怕熱易出汗,可以用炒香的浮小麥泡茶供服,一星期3劑.每次用1湯匙.
Sorry 講漏左，仲有口臭可以煲咩？
cherry:
口臭可以煲些雲苓,白朮,扁豆衣陳皮水供服.各用3錢,陳皮1個.煲45分鐘.
芳姐你好，小女3歲半，尼排感覺巨好似熱氣，牙肉紅（發現有粒菲茲係牙肉上），唇色都紅，有黃色眼屎，小便黃（一直都感覺比較黃，尼個湯水可以飲用嗎？
emily:
你可以煲這款湯供囡囡飲,有助清臟腑熱.另外用大豆芽菜,雪耳,豆腐煲瘦肉湯,全家可飲,有助滋陰降火.
芳姐您好：女兒7個月今日開始打乞嗤，流鼻水，請問有什麼食療適合佢，謝謝您
穎:
你可以滾些紅糖生薑水供囡囡服,有助解表.生薑4片左右,紅糖1茶匙,可加3粒蒜頭,滾5分鐘可飲.可能涼冷氣冷親是不是?
可能係，或是焗親🤔😅
芳姐您好：想問如果喉嚨癢，有鼻塞同鼻水，鼻涕就透明有小黃，請問有什麼適合食療嗎？謝謝
欣:
你試用烏梅2粒,菊花,辛夷花各3錢,甘草1錢,3碗水煮10分鐘服,連服3劑.
芳姐你好，小女3歲半，尼排感覺巨好似熱氣，牙肉紅（今日仲發現有粒菲茲係牙肉上），唇色都紅，有黃色眼屎，小便黃（一直都感覺比較黃，尼個湯水可以飲用嗎？
芳姐，
你好，我女兒就黎5歲，上星期一低燒左2日，無食西藥，個人好精神，之後無燒，到左今日早上，又燒38.3, 食左一次退燒藥就無食，個人仍精神，我覺得女兒係熱氣，請問熱氣係咪都會發燒？我想知可以煲咩比女飲？另外平時可以煲咩清熱氣？我女兒成日食餅同麵包又少飲水，正常小朋友要幾耐飲一次涼茶？謝謝妳！
yoko:
你囡囡38.3度燒,如果持續兩,三天應該看醫生,了解是否有病邪入侵?可以用蘆根5錢,生薏米1兩,淡竹葉3錢,雪梨一個去核,5碗水煮成2碗供服,連服3劑,有助清熱退燒.可加少許冰糖,好飲些.平時可以煲些茅根竹蔗紅蘿蔔馬蹄水以清熱氣,又平和不傷身體.一星期1次.必須養成飲水習慣,否則如果傷風感冒,飲水不夠,痰會積聚在肺部易惡化成肺炎.
多謝芳姐解答，阿女今日好左好多，只不過仲有咳，多數日頭咳，係咪熱咳？可以飲咩湯水改善？飲猴棗化痰散好似無用，另外想問，阿女成日放學後食餅零食，令脾胃唔好，無胃口食飯，唔長肉，唔知有咩餸可以令胃口增加？另外可以食咩或湯水改善脾胃虛？謝謝妳！
芳姐您好：bb六個月，琴晚開始37.5度，請問可以俾啲咩食療，謝謝🙏🏽
璇:
你可以用蘆根5錢,淡竹葉3錢,生薏米1兩煲水供飲,有助清熱退燒.但如果飲2劑燒不退要看醫生.
芳姐，感冒後聲沙、痰稠，請問有咩食療幫助？謝謝！
Sally:
可用羅漢果1/4個,麥冬3錢,胖大海3錢,3碗水煮成2碗服,有助改善.
Hi 芳姐
你好, 小女因哮喘聞類固醇已有2年半,而家開始甩氣,想問吓有咩可以比佢湯水比佢調理身體. 佢本人已經6歲, 但身型得 K1 Ｓｉｚｅ，３３磅，食野方面都唔算少，唔吸少。同埋佢比較少出汗。 Ｔｈａｎｋｓ
岑太:
你可用白果10粒,去芯,核桃肉1兩,南北杏1兩,無花果3粒,雪耳2錢,陳皮1塊煲鷓鴣或鵪鶉湯供你囡囡服,有助補益肺脾腎,減少咳喘.一星期2劑.
芳姐，您好！小兒發燒4日，現已退燒。但鼻水倒流及咳，有痰。請問此湯水適用嗎？
鐘太:
你仔仔鼻水倒流,可以在這款湯料中加6朵辛夷花同煮.
謝謝
謝謝
芳姐你好：
小囡現時22個月大，有低燒，有痰咳，有鼻水及晚上睡覺時有鼻塞，請問這款湯水適合飲用嗎？謝謝
Angel:
如囡囡仍有低燒,可以飲此茶,但鼻水如果多,可加6朵辛夷花同煮.
芳姐：
請問是生熟薏米各一兩，還是生熟薏米共一兩？
謝謝
Angel:
是生,熟薏米共1兩,每樣5錢左右.
謝謝你
芳姐：
謝謝你，女兒飲了三天，現已痊癒。想請問一下，最近天氣暑熱，平常可以煲什麼湯水給她們清熱氣？女兒一個四歲，一個兩歲
謝謝解答
Angel:
你可以煲些霸王花紅蘿蔔杏仁排骨湯,用量隨意,煲個半小時,有清熱潤肺功效.
芳姐你好，家里有8个月的寶寶现在吃辅食了，晚上睡觉听到有痰声，这样可以吃些什么啊?
winnie:
你可以用蘇子,萊菔子各3錢入茶包袋中,與肉碎煲粥仔供BB食,連食3天,有助化痰.
谢谢芳姐指点😀
芳姐，
你好，我有2個囡，大囡3歲經常舌尖生飛支，而家又生，能飲呢款湯?
細囡1歲半日日起身都有眼屎好結，呢款湯適合?
平時1個月飲2次呢款湯當預防可以?
芳姐妳好，小兒兩歲，近兩三日有幾聲咳嗽，昨日眼睛突然冒出好多黃稠色的眼屎，請問是否消化不良導致上火？此茶適合小兒飲嗎？需要連續服用幾次？
Hui:
你仔仔是眼睛發炎,要看醫生才是.可以用桑葉,菊花,金銀花各3錢,甘草1錢,3碗水煮10分鐘供服,連服2劑,如服西藥,隔2小時飲.
芳姐你好,
小兒3歲半, 溫差大時候會打噴嚏,有鼻水, 偶爾會咳嗽,
半夜會鼻塞,咳嗽,已經好幾個月, 請問是否有適合他的食療湯水
Lin:
令兒可能鼻敏感,試去裕華或農本方買[玉屏風散]沖劑,每次沖服時加6朵辛夷花同沖服,有助增强體質,防傷風,感冒,鼻敏感.一星期2劑.
請問那是否適合喝川貝燉蘋果
Lin:
川貝燉蘋果對小兒氣管敏感咳有幫助.
小囡26個月，都有此徵狀，請問玉屏風散都啱飲嗎？
黃小姐:
你囡囡有什麼症狀呢?玉屏風散是對容易傷風,感冒的小朋友合用.
芳姐，你好！仔仔兩歲半，喉嚨發炎引起感冒，低燒燒最高37.5。食左2日西藥有好轉，鼻水無流，但夜晚訓教會聽到d鼻鼾聲同鼻水倒流聲，間中1、2聲乾咳同打噴嚏。請問可以煲D咩比小朋友飲？謝謝！
Peggy32:
你可用辛夷花6朵,麥冬3錢,羅漢果1/6個,3碗水煮成碗半供一天服,有助收鼻水,止咳,利咽喉,可連服3劑.
芳姐，按照你方法煲羅漢果麥冬辛夷花比仔仔飲已經好得七七八八。好左2日左右，親戚朋友比左D凍飲小朋友，之後開始有幾聲乾咳，夜晚訓覺個鼻呼吸聲大，但無流鼻水。半夜有幾聲咳，早上起身咳特別多，無痰，聲沙。請問可以煲D咩比小朋友飲？謝謝！
Peggy32:
咳剛好不要飲凍飲.試用麥冬3錢,辛夷花6朵,甘草1錢,3碗水煮成1碗供服.
芳姐，
你好! 囡囡15個月, 好多痰，請問有什麼湯水可以去痰呢？ 還有很多湯都要加淮山, 但她大便硬, 是否不可飲有淮山的湯水?
訪客:
你囡囡痰多可用蘇子,萊菔子各3錢,(入茶包袋),陳皮1塊煲瘦肉粥食,連服3劑,有助化痰止咳.大便硬不要放淮山,可放無花果3粒切片,有潤腸作用.
謝謝芳姐
芳姐，
你好! 囡囡食完三日好轉了, 十分感謝您! 但仲聽到有痰聲, 請問要隔幾耐再可以食此粥? 還是繼續連食三日嗎？
訪客:
可以多服2劑,看能否治好?蘇子是紫蘇的種子,萊菔子是白蘿蔔的種子,能有效袪痰,很平和的,多服2~3劑没問題.
感謝解答.請問螺旋海藻邊到有得賣？
阿雪:
我在上環皇后大道西買,裕華,崇光等超巿有售.
芳姐,
忘記説小兒咳有氣管聲, 已食抗生素但仍然鼻塞
郭太:
你試用羅漢果1/4個,桔梗3錢,麥冬3錢,陳皮1塊,辛夷花3錢,4碗水煮成2碗供服,連服2劑,有助消炎利咽喉,收鼻水.
芳姐,
一曰一劑, thx?
郭太:
是一日一劑.
芳姐,
小兒九歲, 感冒低燒喉嚨痛十痕, 氣管敏感, 鼻塞流黃鼻涕, 請問有什麼湯水幫助？
謝謝你!
芳姐你好!我細女(成年)扭傷腳筋,將會打石膏或做手術,請問可以煲咩比佢呢?唔該晒!
Florah:
你可用田七3錢,雞血藤1兩,紅棗6粒煲雞胸肉湯供囡囡服,有助活血袪瘀鎮痛,連服3劑.不要吃太酸食物及戒吃梨子.
謝謝你!
芳姐你好.如患者前列腺炎 有發燒 喉痛 生飛滋 佢感覺個人好燥熱 多夢 訓得唔好。
請問有咩食療湯水可以有幫助？謝謝解答！
阿雪:
你可以用螺旋海藻1撮滾豆腐蛋花湯,對燥熱者有益,螺旋海藻亦能防治前列腺炎.平時可以用番茄一大個,去皮,煲飯時放入一齊煲,飲飯吃番茄,每日1個,番茄紅素能防治前列腺疾病,但必須煮至夠熟番茄紅素才會釋出.
芳姐，
你好，我有2個囡，大囡3歲經常舌尖生飛支，而家又生，能飲呢款湯?
細囡1歲半日日起身都有眼屎好結，呢款湯適合?
平時1個月飲2次呢款湯當預防可以?
vivien:
舌尖生痱滋是心火盛,可以飲這款湯.眼屎多是眼睛發炎,要看醫生.煲些夏枯草菊花茶供服,有助清肝熱,明目.夏枯草1兩,菊花2錢,冰糖適量,5碗水煲1小時,菊花後下.一天分服,連服3劑.