By 芳姐 ( 21 10 月, 2019 at 8:53 下午)
· Filed under 家常食療, 小兒常見病
黑豆具有高蛋白、低熱量的特性，有活血、利水、祛風、清熱解毒、滋養健血、補虛烏髮的功能。黑豆皮含有花青素，花青素是很好的抗氧化劑來源，能清除體內自由基，尤其是在胃的酸性環境下，抗氧化效果好，養顏美容，增加腸胃蠕動。
「黑豆甘草湯」是古代著名的湯方，方中甘草為中藥解毒要藥之一，且能潤肺止咳，緩急止痛，補脾益氣。二物合用，能解百毒，有養肝、活血氣，解中藥和西藥的藥毒，對皮膚搔癢都有幫助。
此湯最好將黑豆浸泡數小時，和甘草加水煮腍服用。不過現代上班一族工作忙碌，未必有時間經常浸豆煲湯，所以今天推介這款茶飲製作較方便。
先將1斤青仁黑豆洗淨，瀝乾後用白鑊慢火炒12分鐘至豆皮裂開夠熟，儲存入玻璃瓶中，每次取青仁黑豆2湯匙，配4、5片甘草，放入真空杯內，注入開水，焗10分鐘可飲，可沖泡多次。待泡至味淡時如果將黑豆撈出吃掉，療效更佳。
~ 小貼士：此茶是天然解毒茶，對過食中藥或西藥的小朋友尤其有益，能清除體內積聚的藥毒。倘若嬰幼兒胎熱驚悸，夜啼，煩躁不安，可以用這款茶料，加5~6紥燈芯草煎水作開奶茶，效果甚佳。
Permalink
芳姐你好。請問煲黑豆甘草湯用什麼煲好？市面上好多電子煲是不秀鋼底聽說不太好？謝謝
亦想問可不可以用電子燉盅？
sylvia:
可以用電子燉盅,燉1小時就成.
sylvia:
黑豆甘草湯由於不是酸性物質,電子煲,不锈綱煲都没問題的,當然瓷煲,瓦煲,玻璃煲最理想.
明白, 謝謝芳姐
芳姐，你好
請問你小朋友飲解毒茶去除中西藥嘅毒，除了甘草黑豆還有另一款嗎？
訪客:
黑豆有清熱解毒功效,又不寒不燥,甘草解一切植物毒,應該是頗佳搭配,又不貴.
芳姐，上網睇，有些人說小朋友不可以用甘草？這個黑豆甘草，小朋友可以飲嗎？
Mary:
由於甘草有强心作用,不宜日日用,但用來清藥物積毒小朋友飲没問題的,又不是當飯吃.
哦，明白了，唔該芳姐
芳姐，小朋友仲有幾聲有痰咳，可以飲嗎？謝謝
鈴:
小朋友尚有痰咳,你指哪款食療?由於太多網友問問題,我不知你曾問過什麼食療的?痰咳可以用蘇子,萊菔子各3錢入茶包袋,用來煲粥供食,有助袪痰止咳.
這個黑豆甘草茶，如果有痰咳可以飲嗎？謝謝
訪客:
有痰咳都可以飲黑豆甘草茶.
謝謝芳姐
芳姐小朋友如果發緊燒或姐啱啱好返，可以煲些什麼甜湯水加冰糖的？甜的小朋友容易入口 ，謝謝
訪客:
可以煲些茅根竹蔗馬蹄紅蘿蔔糖水供服,有助清體內熱毒.
芳姐，小朋友如果有咳或是發燒可以飲黑豆甘草茶嗎？
Anita:
有發燒暫時不要飲黑豆甘草水.
知道，芳姐
小孩很緊西藥，是否隔二小時就可以飲？唔該芳姐
Ling:
一般吃藥後2小時飲較佳.
芳姐，小朋友之前中過新冠，食了西藥現在想煲些黑豆甘草清下西藥，又想煲太子蔘補氣壯身體，請問兩款湯水可以前後一日飲用？有沒有話煲了黑豆甘草先還是太子蔘先好？謝謝解答
訪客:
先煲黑豆甘草湯,第二日才煲太子參湯.
知道謝謝芳姐
我明了，解左身體毒素才保身會吸收得好些！
芳姐：黑豆炒過後可存放多久？還是未炒過存放久些？謝謝
Winnie:
黑豆炒過後可存放數月至半年.炒過後殺蟲殺菌,可存放久些.
請問已存放一至二年的生黑豆 還可吃嗎？還有葯效嗎？
Namnam:
黑豆十數元1斤,放了兩年不要用了.
你好，芳姐，我有一段時間食西藥同中藥，想請問黑豆甘草水一星期飲多少次和飲多久去清走毒素？除左黑豆甘草水還有其他嗎？謝謝
Kitty:
黑豆甘草水可以一星期2劑,服一個月試試.平時煲些南瓜,番茄,紅蘿蔔瘦肉湯亦有助清體內毒素.
芳姐如果無乜食中西藥的人都可以飲的？
芳姐你好,
請問痛風可以喝黑豆甘草湯嗎？
Yau:
豆類除了赤小豆,其它豆都不適合痛風患者服用.
謝謝芳姐
芳姐，請問有咩湯水養卵比較好？謝謝
Angel:
你可以在網頁左手面分類處,按[婦科病/不孕],即可看到有關食療.或去三聨,商務怎印書店買我本著作《想到懷孕,從吃對食物開始》中作參考.
你好呀 想請問如果咳嘅話可唔可以飲黑豆茶
kimmy:
如果咳得不厲害可飲黑豆茶,甘草都有助紓緩咳嗽的.
hi 芳姐，請問此湯水如果改用㷛的話要㷛幾耐呢？謝謝！
jojo:
如煲的話最好煲45分鐘.
芳姐你好：
孫仔11個月大，之前傷風咳睇咗醫生食晒藥已經沒有鼻水，只淨餘白天一兩聲咳，但痰聲都比較重，可煲甚麼俾佢飲，謝謝
Moonho 上
Moonho:
你可用蘇子,萊菔子各3錢入茶包袋,煲瘦肉粥供孫仔食,連服2~3劑可袪痰止咳.
芳姐，我加了豬肉和排骨煲，可以吧？謝謝
Anna:
可以加肉同煮.
請問加魚一齐煮成魚湯可以嗎？
Kelly:
你指那些湯料加魚同煮?
黑魚甘草魚尾湯
黑豆甘草魚湯，可以嗎？
Kelly:
黑豆魚湯没問題,很少會加甘草的.配蓮藕,紅棗很有益,但保健性質又不同了.
謝謝芳姐！
芳姐您好：
女兒一歲，已流清鼻水近三星期 ，伴有小小痰咳，晚上飲奶後易咳到吐，但早上未見這情況，請問可煲什麼適合？謝謝。
Wing:
你可用蘇子,萊菔子各2錢,辛夷花5朵滾瘦肉湯供服,或將材料入茶包袋煲瘦肉粥供囡囡服更佳,有助袪痰止咳收鼻水.
生蛇後煲咩湯水最好
lade:
你可以用鮮馬齒莧2兩,綠豆1兩,生薏米1兩,先將綠豆,薏米用6碗水煮45分鐘,加入馬齒莧,再煮15分鐘飲即成,最好連服3劑,以清體內餘熱.
芳姐：
你好呀！我仔仔10個月大，近日傷風流鼻水，
睇咗醫生食咗三日藥水，依家仲有少少流綠色杰鼻水，
將會食2日保嬰丹（媽媽講可以去埋痰，我晤知得晤得），之後可否飲這款湯水，但不知他對
甘草有冇過感，有咩可以代替？
Cherry:
如果仔仔鼻水多,可用辛夷花5朵,葱白3棵,3碗水煮10分鐘成1碗供服,連服3劑,有助解表收鼻水.保嬰丹可以服用.甘草應該不會引起過敏的.
你好 芳姐 仔仔4歲 平時郁多少少都多汗 好似洗完頭甘 而且容易攰容易心煩氣燥 有咩食療可以幫到佢？謝謝
Ting:
你可用北茋3錢,浮小麥5錢,百合5錢,紅棗4粒,5碗水煮成2碗供服,連服2劑,看能否改善?
謝謝芳姐回覆 想再問一問這湯會燥嗎？ 感謝
Ting:
怕燥紅棗用南棗代替.
芳姐你好 小朋友3歲 病後都一直流鼻水（清涕）晚上訓覺常鼻塞 偶有幾聲咳嗽痰聲 體溫較以往略高37.5 手易冰冷 胃口好 好動 請問有什麼可以治療？謝謝你
最近晚上半夜會咳 有痰聲 亦有帶點鼻鼾聲 不知是鼻敏感還是氣管敏感 謝謝你
Hailie:
37.5度屬低燒,可能小朋友體內病邪未趕走,試用洋葱1個,蒜頭4,5粒,4碗水煮成2碗供服,有助殺菌消病毒.連服3劑,看能否改善?
芳姐, 你好！
女兒6歲經常喉嚨腫和痛，加上鼻塞，應該飲什麼？ 另外，她不喜歡吃肉類的，又有什麼湯水可以補充？謝謝！
Eva:
常喉痛可用金羅漢果1/4個,麥冬3錢,辛夷花6朵,4碗水煮成2碗供服,一星期2劑.不吃肉可以多用堅果,如花生,栗子,豆類等補充營養.魚肉其實易消化吸收,試煎香一些如銀鱈魚,鯧魚等肉質香滑,啖啖肉的鮮魚供食.
請問兩個月bb 大bb 作開奶茶可以嗎？ 適合蠶豆症bb飲用嗎？
Phillis:
2個月BB可以用黑豆1兩,燈芯草5扎煲水作開奶茶,有助清心安神,減少夜啼,服2劑.
蠶豆症可飲用？一日一劑？定一日連服兩劑？
Phillis:
是一日1劑,第二天再服1劑.蠶豆症者可服.
謝謝芳姐解答
芳姐，早晨！
我仔仔5歲，覺得佢好容易風重，成日話眼痕，近排發燒仲話會頭暈，試過俾開奶茶佢飲，感覺好d,但係又驚成日煲會太涼，佢本身脾胃都弱，請問芳姐，我平時可以煲d咩當水咁俾佢飲，謝謝您！
Maggie:
你可以去裕華或農本方買[玉屏風散]沖劑,如仔仔沖服,可加蜜糖,一星期2~3次,有助增强體質,減少風重及傷風感冒.如眼痕可以沖泡時加1湯匙菊花一同沖服,焗5分鐘才加蜜糖.
可以沖服好方便，多謝芳姐!
芳姐您好，
我腰疼，西醫說發炎，中醫說腎虛引起痛症。可以煲些什麼呢？謝謝！
Pauline:
你可以用巴戟,杜仲,川牛膝各3錢,黑豆1兩,南棗4粒煲豬展湯服,6碗水煮成2碗,一天分服,連服3~4劑.
芳姐，請問病好後耐唔時有一兩聲咳，小兒15個月，可否飲金羅漢果水？謝謝
Anna:
如果仔仔日間咳兩聲,可以用金羅漢果1/4個,蘋果一個,去皮,去核,4碗水煮成碗半供一天分服,連服2劑.
芳姐，
請你介紹呢個嘅煲湯版本？
Bobby:
青仁黑豆1兩,甘草1錢,如心火盛睡不好可加百合1兩,小朋友就改用燈芯草6扎,5碗水煮1小時成2碗供服.
芳姐如果用一包黑豆（300g)
咁即係甘草要用幾多片？水要加幾多同煲？
想全家飲用大少朋友一齊去體內的毒素
謝謝
小朋友5歲可以一日飲2杯嗎？
訪客:
全家3~4人飲,青仁黑豆用100克,甘草用3錢,7碗水煮成4~5碗.小朋友飲1碗,如果服西藥多,小朋友可一天分服2碗.
芳姐屋企多人，八個人，如果我落4L 水，大概二十碗水煲， 咁落一包黑豆300克，咁甘草就要九錢？概100克？對不對？
訪客:
8人飲黑豆可以加倍,但甘草用5錢已足夠.水不用20碗,煲1小時會消耗多少碗水?例如會消耗4碗水，8人飲8碗水,你大約預多1碗水左右,13碗水即足夠.
謝謝芳姐
芳姐：早晨！囝囝兩歲多，咳嗽兩個星期了，之前好少少只間中咳几下。昨晚又咳不停，今早起床又一直咳，請問煲什麼給他飲?謝謝！
Jenny:
你可用桔餅1個切碎,陳皮1個,蘋果1個去皮去核,4碗水煮成2碗供囝囝服,連服3劑.
芳姐：早晨！囝囝咳嗽兩個星期了，之前好少少只間中咳几下。昨晚又咳不停，今早起床又一直咳，請問煲什麼給他飲?謝謝！
如果煲水則不用炒製,要煲幾耐？凍水落或是滾水先落黑豆同無花果呀？唔該芳姐。
LY:
如果煲則不用炒過,但最好用清水浸半小時才煮,大約煮45分鐘,凍水落料,可加無花果.
芳姐，您好﹗
請問如果飲用炒過的黑豆有燥熱感覺，有什麼方法﹖
謝謝﹗
MiuMiu:
炒黑豆茶可能較温燥,可以加些無花果切片同泡.如果煲水則不用炒製,因為豆類只要煮熟就不會產生胃氣等問題.
芳姐: 請問血壓低此青仁黑豆可以飲嗎?謝謝!
Cherry:
血壓低可加些紅棗切片同泡.
芳姐：請問黑豆甘草茶、孕婦可以飲嗎？謝謝
YC:
孕婦可飲黑豆甘草茶.
芳姐，你好！
Bb 1歲，上星期三發燒了兩天，沒其他徵狀，差不多一星期不願吃輔食，今天肚瀉了3次，痾蛋花及水狀，不吃粥不飲粥水，請問有什麼可以治療？謝謝！
Kylie:
BB可能感染了感冒都未定,可用洋葱半個~1個,蒜頭4,5粒,4碗水煮成1碗供服,有助抗病毒抗菌.
芳姐，您好!
我之前飲過有甘草成份焗的茶後，口很紅很乾和也有熱的感覺，要不停飲水，是否我对甘草敏感?谢謝。
Anita:
可能是對甘草敏感,你可以用金羅漢果1/4個,焗茶飲,有助利咽生津.