By 芳姐 ( 26 3 月, 2020 at 10:33 上午)
· Filed under 外感/頭痛/呼吸道病
新冠肺炎全球疫情失控，受感染的人越來越多，大家除了做足防禦措施，少出門，少聚會之外，提高身體免疫力始終是較可行之法。今天推介這款「虎乳靈芝沙參麥冬湯」給大家。此湯補而不燥，能潤肺止咳、提高免疫力，而且藥味不重，清潤可口。
虎乳靈芝含豐富維生素、礦物質及多醣類物質，可預防哮喘病、糖尿病、冠心病等；並能增強體內巨噬細胞的功能，對增強和調節人體免疫功能、提高人體抗病能力有一定的作用。
用料是：虎乳靈芝1兩，沙參5錢，玉竹5錢，麥冬5錢，南北杏1兩，無花果3~4枚，紅蘿蔔1個。
做法：紅蘿蔔去皮，切塊；無花果剖開對半；其餘材料浸洗；全部材料用7~8碗水煮1小時成3~4碗即成。
~ 小貼士：虎乳靈芝近年温室培植售價比較便宜，基於具有抗炎作用，對咳嗽、哮喘及慢性肝炎均有益。此湯老少及孕婦均可飲用，可加肉類同煮。
Permalink
芳姐，阿囡3歲，咳左接近一個月…
期間無發過燒，但鼻涕就反覆有，
而咳就有時乾咳有時有痰，
唔係成日咳但係咳就停唔到咁..
想問呢個湯水佢飲得嗎？（有鼻水算感冒未清嗎？）
另外想問，如果我都有咳，一樣有痰（中醫過我肺熱 濕熱）
咁可以去齊飲呢個湯嗎？
pi:
只要冇發燒,你和囡囡都可以飲此湯,連服3劑,看能否改善?另外囡囡可以用8朵辛夷花泡茶供服,能收鼻水,可加少許蜜糖,辛夷花最好剪開沖泡.
好的芳姐！
另外想問，見芳姐有另外湯水係龍利葉煲蘋果，都適合我地飲嗎？
Pi:
龍脷葉蘋果湯適合有些熱氣咳嗽人士飲用,但性質平和,大人小孩都可飲.
感謝芳姐！❤️🔥
Thank you芳姐！💞
芳姐，我小朋友食緊中藥，但係耐唔耐小朋友4歲都係咳到氣喘咁，原本佢有鼻敏感，早晚都有清鼻，但都係間唔中咳兩聲，但有時咳到濁親咁，作嘔
疑似鼻水倒流
同埋講野冇氣，講野要用好大聲先講到
唔知應該煲咩湯水比較好
yan:
你可以去俗華或農本方買[玉屏風散]顆粒沖劑,配8朵辛夷花同沖泡,有助增强免疫力,減少鼻敏感,可服兩個星期.圖中這款湯亦可一星期2劑,以增强肺氣.
芳姐你好，請問呢個湯有分痰咳, 干咳嗎?
可以加猴頭菇同螺片同煲嗎?因為工人姐姐唔食豬肉, 想佢一齊飲。
PAT:
此湯對肺氣弱容易咳嗽者有益,全家可飲,可不放豬肉,加猴頭菇2朵及螺片同煮亦可.
芳姐：
你好！請問此湯可放太子參？
謝謝！
Helena:
可以放太子參的.
請問人奶媽媽同14個月bb可以飲呢個湯嗎？
Pat:
哺乳媽媽可飲此湯,但幼兒最好2歳半至3歲才飲藥材湯較佳.
謝謝芳姐, 請問此湯需要再加海底椰, 百合,蓮子嗎
Pat:
海底椰,蓮子,百合均對肺臟有益,而且藥性平和,可以用,但加入這款湯中湯料似乎太多了.
芳姐，你好! 請問虎乳靈芝湯經期時可飲嗎？
訪客:
虎乳靈芝來經可以飲.
請問小朋友洗鼻涕，咳嗽兩個星期，可飲用此湯嗎，沙參是感冒不可加嗎？
此外，小朋友時夠唔夠就低燒38度左右，可飲此湯嗎？
有什麼湯品/飲品可幫助？
謝謝 芳姐
Sylvia:
感冒低燒都不宜用沙參玉竹等補益藥,主要是怕病邪坐大.可以用蘋果,雪梨,杏仁,無花果煲湯,加瘦肉亦可.鼻涕多加6~8朵辛夷花同煮,宜後下.
芳姐你好
請問2歲小朋友感冒10日，無發燒，仲未清白色鼻涕，痰咳（間唔中），可以飲辛夷花這湯嗎？
謝謝 🙏🏼
Chloe:
辛夷花能令鼻黏膜收緊,減少鼻水流出,小朋友可以飲辛夷花茶的.
芳姐，其實點先算感冒？小朋友淨係咳算不算？如果咳加流鼻水？定係有發燒疲倦才算感冒？如果淨係咳可否飲益補湯水？謝謝
訪客:
感冒一般會胃口呆滯,精神困倦,周身不適,會發燒,甚或聲沙咽喉腫痛及咳嗽流鼻水等,如只是流鼻涕有些咳是傷風居多,没發燒没精神呆滯可以適量飲補益湯水.
芳姐你好,
請問這款湯可以加淮山及蟲草花嗎？
謝謝！
Wendy:
此湯可加淮山及蟲草花的.
請問新冠未康人士，這款湯水適合嗎？
這款湯水適合什麼體質呢？
KK:
只要無發燒,未康復者都可服,性質平和的.
芳姐妳好，請問虎乳靈芝可改用黑靈芝嗎？
Rkkk:
可以用黑靈芝,但味道微苦,虎乳靈芝味甘淡,小朋友也不會抗拒.
可加鮮淮山嗎?
訪客:
可以加鮮淮山同煮.
芳姐，請問如果體質又濕又熱，而又有上呼吸道感染，抵抗力差，飲呢個湯或者飲咩湯好？
新手主婦:
體質濕熱,這款滋陰湯水未必太體質.可以滾些鮮魚腥草陳皮瘦肉湯服.鮮魚腥草用2兩.
芳姐，我每次睇中醫都話我脾虛，但又不能斷症下藥，近年每個早上都要不斷清喉嚨(似有稀痰但吐不出的)，弄致聲沙。有中藥店教我用虎乳靈芝加陳皮、川貝煲水飲。另可多用健脾藥材多煲湯水，如蓮子、百合、白朮、茯苓等。如買六君子沖劑每天飲用得唔得呢？
註：我有子宮肌瘤，婦科醫生不准我吃中藥，怕有雌激素。但我體虛想吃點食療改善…請問我是否可吃上述中藥呢？
Lulu:
脾虛易痰多,試用法夏,茯苓,白朮各3錢,陳皮2錢,甘草1錢,5碗水煮成2碗服,連服3~4劑可清痰,又健脾.這些中藥材無激素的.例如紫河車(動物胎盤),當歸,海馬,燕窩,雪蛤膏等含激素多,有肌瘤者不宜服用.
芳姐，多謝解答。上述材料跟六君子湯(只欠黨參)差不多，如果用炙甘草代替甘草(或者交替使用)得唔得呢？
另外，前陣子我不時焗紅棗圓肉杞子菊花茶喝，有說紅棗及圓肉有子宮肌瘤者都不宜服用，是真的嗎？
Lulu:
炙甘草補中益氣;生甘草調和藥性,解毒.可以交替使用.紅棗,圓肉適量用應該没問題.肌瘤患者宜暖飲暖食,如果經常飲凍飲及過食生冷寒涼東西反而且影響血液循環致肌瘤增大.
多謝芳姐解答！
芳姐你好，我囡囡5歲，從舊年十二月感冒後一直咳嗽不能斷尾，看了多次醫生，這三個月看了中醫，耳鼻喉科，分別說她是鼻炎，鼻敏感所以咳，現在每天服抗敏西藥，噴鼻類固醇，她三個星期咳不是很密，但每天開冷氣都會咳和起痰，咳兩三個小時熄冷氣後一會就停，早晚可能有痰就會咳一兩聲這樣，她睡前易口乾要喝水，睡著後一兩小時頸背多汗，睡至4-5 am就很容易醒周圍轉，隔一會又睡著，請問芳姐我有什麼湯水可以幫助她？很希望可以令她咳能斷尾，感謝！
Ame:
你可以用這款虎乳靈芝沙參玉竹湯,口乾,汗多,可加3錢五味子同煮.五味子歛汗止咳及令安睡.另外用6朵辛夷花(拍碎)泡茶供囡囡服,可加蜜糖,每日1劑,連服1星期,能改善鼻敏感.辛夷花是玉蘭花的花蕾,小朋友可以用一段時間.
謝謝芳姐
芳姐，
你好，請問此湯譜可以加入猴頭菇同煲嗎？
Lai Lai:
可以加猴頭菇2朵同煮.
芳姐,
感冒個半月反反覆覆好了不久又來，睇了多次西醫
開始剛好。未知係未成個幾月食西藥原因，
個胃開始覺得有點痛且大便時爛時唔多，小便甚黃的。，想問早前妳說的蒲公英可以飲嗎？
GG:
便溏不宜用蒲公英茶,先用淮山,茯苓,蓮子,芡實各5錢,陳皮1塊,紅棗5粒煲排骨湯服,有助健脾袪濕,改善胃部不適.小便黃可加1兩薏米同煮.
芳姐：請問孕婦可飲霸王花湯嗎？謝謝！
Karen:
孕婦可適量飲霸王花湯.
芳姐,你好， 請問以上這個湯加桔梗可以嗎? 謝謝你
shum shum:
可以加個桔餅的.
芳姐，請問有甚麼可以代替虎乳靈芝，在英國沒有這個食材。
英國網友:
可用雪耳代替,雪耳對肺有益.