By 芳姐 ( 3 10 月, 2012 at 7:18 上午)
· Filed under 家常食療
石崇魚功能健脾滋腎,對手術後傷口深層癒合很有幫助,但這種魚並不常有供應,大條的往往賣到二,三百元1條,但今天在上環街巿見有細條石崇魚賣,48元1斤,雖然不是游水的,但非常新鮮,魚鰓鮮紅,買了4條,才40元,用來配北茋,杞子,紅棗煲湯,對提高身體免疫力,增强體質很有裨益,對手術後,病後或產後體弱人士更為有益。
用料是: 石崇魚12兩,北茋4錢,杞子4錢,紅棗6粒,生薑2片.
做法: 石崇魚劏洗淨,用少許油煎香;其餘材料浸洗;將全部材料放入煲內,用6碗水煮個半小時成4碗即可供飲.
~ 小貼士: 石崇魚的鰭刺有毒,被刺後會產生劇痛,故必須要魚檔代為劏好,回家處理時亦需特別小心.手術後飲用此湯,可加快傷口癒合,令身體更快復元.
Permalink
多謝另外想知食物方面煲怎麼粥及可否吃飯
Ivy:
用北茋5錢煲瑤柱陳皮粥,有助加快康復.煲肉碎冬菇絲粥都成.幾時可以吃半流質食物,幾時可恢復正常餐飲要問醫護人員,因為各種手術輕重不同.
IVY:
你先生可以用北茋5錢,黨參3錢,雪耳2錢,杞子3錢,無花果4粒煲瘦肉湯服.亦可以煮些豆腐海鱸魚湯服,有助加快傷口癒何.石崇魚療效更佳.過幾天有胃口可以燉些花膠供食.
直腸近肛門位置，想知吃什麼及燙水
芳姐你好
我先生剛剛做完直腸手術身體比較虛弱，應該吃什麼調理身體
Mary:
做完手術可煲北茋瑤柱陳皮粥食.如果有胃口,可以用淮山,杞子適量燉花膠瘦肉湯,飲湯吃塊花膠,不用太多,手掌大就成,連服3劑,有助加快康復.
HILDA:
你可以用北茋5錢,瑤柱3粒,陳皮1塊煲瘦肉湯或煲稀粥食,有助加快傷口癒合.
芳姐你好，小兒剛做完包皮手術,應該煲甚麽湯來調理，持續飲多久？
芳姐你好，請問剛做完割盲腸手術，除了煲石崇魚湯還可煲哪種湯水調理？因為朋友怕魚味，有勞芳姐。
芳姐，你好，我胃有幽門螺旋菌，要吃抗生素，請問吃得抗生素多會否不舒，眼好涩，請問有乜湯水可幫助舒援，吃抗生素期間可以飲北芪黨參石崇魚嗎？
謝謝！
訪客:
吃抗生素的確令脾胃功能變差,可以用猴頭菇2~3朵,青木瓜1個,無花果4粒煲瘦肉湯服,有助保護胃壁黏膜.北茋黨參石崇魚湯最好吃完抗生素才服用,以增强體質.
多謝方姐
芳姐您好，我四天前微創做完切除胆手術，請問現在何以飲石崇魚煲熏參湯嗎？謝謝你！
Christine Kwok
訪客:
可以飲石崇魚北茋黨參湯,但必須撇油,否則稍為有油即肚瀉,要大約大半年後才可吃有油的東西.
感謝芳姐不厭而煩的解答，感激萬分！
Annie:
蛋白粉我未用過,不太了解,不能提供意見.南棗又名[寸棗],即一寸長,棗身非常結實,紋路明顯;黑棗棗身鬆軟,紋路較平不太明顯,很易切開.黑棗雖然療效不及南棗,但都有益的,不過有種味酸的產自東南亞的馬牙棗則療效麻麻,所以只要棗肉味甜的都是好的棗.
芳姐你好，聽講蛋白粉可以増強免疫力，我親友做了十二脂腸手術，食化療藥，她可以飲蛋白粉嗎？另：南棗好難分真假，如果買錯能食嗎？有功效嗎？
Annie:
你朋友可以用夏枯草1兩,菊花3錢,冰糖適量,夏枯草洗淨,先用5碗水煮45分鐘,加入冰糖,菊花再煮5分鐘可飲,連服3劑,有助清肝明目.
芳姐早晨，又麻煩你，因為我親友做了十二脂腸手術至今，要食化療藥三年，身體上都很差，近排不知是否食的食物燥熱好多眼屎，眼也扁紅，早上都是牛奶雞蛋，平時都普通食。多謝你提供的食材，可以正常食藥，還有其它食材不是中藥，還可以調理身體又不燥熱，謝謝芳姐每次提供
做完夾留幾天可煲什麽湯飲、喉龍有咳、唔該你芳姐
謝謝芳姐，祝身體健康！
mandy:
你可以用淮山,茯苓,蓮子,芡實各5錢煲瘦肉湯,一星期2次,有助健脾胃,助吸收.
芳姐您好，多謝你的寶貴意見，請問我服用你提供的3劑湯水後。可否提供一種湯水給我長期飲用，改善身體體質呢？謝謝！
謝謝芳姐的提意，感激萬分！
Mandy:
你可以用北茋5錢,白果10粒,去芯,北杏3錢,芡實1兩,陳皮1塊,紅棗6粒煲瘦肉湯服,飲湯吃白果,芡實.有助增强體質,止咳,止白帶.連服3劑.
芳姐您好，
本人身體一向都比較虛弱 ,剛做完肓腸手術幾日，食得藥多很多(白滞)及(喉嚨間中會很養，咳)，說話没有氣力。應該煲些什麼湯水調理。北芪，黨參，紅棗煲瘦肉可以嗎？
文妮:
你女兒手術後第2天可飲石崇魚湯,手術前可飲2劑.
芳姐：
女兒一星期後要做切除子宮朱古力瘤，請問手術前後可飲石崇魚湯嗎？謝謝指導
女兒一星期後要做切除子宮朱古力瘤，請問手術前後可飲石崇魚湯嗎？謝謝指導
puipui:
手術後6小時,可以給令堂令蘿蔔陳皮水,有助加快排尿,將麻醉藥快些排出體外.之後可以吃北茋瑤柱稀粥.第2天可以飲石崇魚湯,如第3~4天有胃口,可以燉些花膠供食,但必須量少,以免滯胃.不可吃太寒涼之品,生薑,人參,黨參等行氣之品要待一星期後才可用.
芳姐你好，
媽咪將要做整個子宮切除手術，手術後第二天開始可飲石祟魚湯嗎？
除了北芪瑤柱粥，有其他建議可交替嗎？有甚麼需要注意？謝謝
thanks芳姐
KOO:
手術後第3~4天就可以飲石崇魚湯.
芳姐你好！
我先生剛剛做了心臟起博器，5月3日做手術。請問幾時可以飲石祟魚湯。thanks.
YAN:
腦手術後病人的抵抗力較低，消化功能亦欠佳，宜選用易消化，性質平和的食材烹調作調理。由於元氣損耗，在病人胃口好轉時要多吃些營養豐富的食物，如雞、牛肉、魚肉、蛋類等。可以用天麻3錢,田七2錢,杞子1湯匙,雞胸肉1塊,5碗水煮成2碗服,連服3劑.有助防眩暈,補血活血.
請問做完腦手術，但幾年試過中風，可以點煲！thx
請問做完腦手術，但幾年試過中風，可以點煲
謝謝芳姐
芳姐因親友做了十二脂腸手術己麻煩了你多次了，多謝你不厭其煩的回復，請問親友食緊化療藥可食芝麻，黑豆，黑米粉嗎？熟豆打磨成粉
Annie:
化療期間可以食芝麻,黑豆米粉,亦可以用十穀米煲粥常服.日常要多用黑木耳,雪耳,金針這類食物煲湯或煮餸食,有助刺激造血細胞生長,化療會頗壞造血細胞的.
Nikki:
剖腹產後第3天可飲石崇魚湯,一星期2~3次,飲兩星期就成.
芳姐
你好！聽講開過刀有傷口想傷口埋得好 要飲 「石崇魚湯」
咁想請教孕婦剖腹產後，
1）要大約開刀後幾多天後才可以開始飲 「石崇魚湯」？
2）一星期內需要飲幾多次 這個湯？
3）這個湯需要持續飲幾多月？
麻煩你， 感謝你
🙏🙇🏻
crystal:
化療期間可以飲石崇魚,可以配北茋5錢,杞子3錢,雪耳2錢,黑木耳2朵,紅棗6粒煲湯,煲1小時服,有助增强體質,刺激造血細胞生長.
kaka:
石崇魚現時很多魚檔有售,你問問就知道.亦可用鱸魚代替,海鱸較佳.此兩種魚有助加快傷口癒合.用豬展,豬骨療效差些.
請問化療期問可否飲石崇魚湯？
芳姐唔好意思,除左魚可用豬展或豬骨煲嗎?因石崇魚好難買.請問要煲幾來?唔該芳姐.
芳姐你好:我系ka ka先生,因我太太星期日做切除子宮手術,手術後幾日有氣喘情況出現,現在有啲唔夠氣,大便唔系咁順同時佢有庤瘡小小血,又有貧血,我就試你教煲北茋瑤柱陳皮粥佢食,琴晚開始有幾咳同有痰,見佢咳到傷口痛,而佢姊姊燉豬展水佢飲.請問我太太飲唔飲得,再請教煲咩湯水比太太飲快癒合,同時太太身體唔系咁好,太補又驚佢燥,請教煲咩湯水.唔該芳姐.
kaka:
你可以用北茋1兩,淮山1兩,麥冬3錢,北杏3錢,無花果4粒煲海鱸魚或石崇魚湯供你太太服,連服3劑,有助加快康復,健脾益氣,化痰止咳.
乳腺癌手術後可飲此湯嗎？每天飲可以嗎
karen:
乳腺癌手術後可以飲此湯,一星期3~4次已很足夠.
seeling:
手術後大約3,4天,患者有胃口就可以食花膠.宜先用少量,以免滯胃.
芳姐，我有朋友5月4號做切除子宮手術，請問手術後幾耐可食花膠，thx
芳姐，我有個朋友5月4號做切除子宮手術，想問手術後幾耐可食花膠，thx
萬分感激!!!
芳姐!我老爺做完切除前列腺腫瘤手術後，而家變左急性腎衰竭，但係老爺之前試過中風，已經有一邊腎臟委縮左，佢而家完全冇胃口食嘢，我地而家好擔心，請問我可以煲咩湯水俾佢飲？我今朝煲左牛蒡粟米紅蘿蔔粟子湯加薑片，這湯可以嗎？？萬分感謝！多謝你百忙中嘅回應！對迷惘的我好有幫助！
joey:
治急性腎衰竭有個偏方,我不知療效如何,反正材料簡單:荔枝核,龍眼核各7個(中藥店如果没有,可以買有殼那種荔枝乾,龍眼乾,自己取核出來用,要搗碎),洗米水3碗,豬腰一對.豬腰去白色筋膜,用水浸1小時,切片;將豬腰,荔枝核,龍眼核碎用3碗洗米水煮成1碗,隔渣供服,連服7天,可大大改善.試試看.牛蒡湯可以服,没問題.
JOEY:
手術後可以用北茋5錢煲瑤柱陳皮粥服.另外煲些石崇魚湯或海鱸魚湯亦有助加快傷口癒合.花膠要等患者有胃口才可以飲.