By 芳姐 ( 6 7 月, 2013 at 2:49 下午)
· Filed under 保護視力/耳、鼻、喉疾病, 外感/頭痛/呼吸道病
鼻敏感、鼻炎是令人煩擾的問題,雖然不是大毛病,但經常反覆出現鼻癢、噴嚏、流清涕、鼻塞等症狀,頗影響日常生活.
辛夷花是治鼻敏感常用藥,它是木蘭科植物玉蘭花的花蕾,能散風,通鼻竅,所含的揮發油,能收縮鼻黏膜血管作用.辛夷花配金銀花,菊花同泡茶飲,對鼻炎、鼻涕黃稠,鼻黏膜腫脹,頭痛者有幫助.
用料是: 辛夷花6朵,金銀花2錢,菊花2錢.
做法: 辛夷花用刀背拍碎,與銀花,菊花同放入壼內,先用開水沖洗一次,再注入開水,焗5分鐘,調入蜜糖即可供服.
~ 小貼士: 患有過敏性鼻炎者可經常泡飲此茶.但辛夷花能令子宮收縮,故孕婦不宜服.
Permalink
你好芳姐, 小朋友1歲, 2-3星期就會病一次, 通常都係有鼻涕(有時還會偏綠), 少許痰咳(有時會乾咳), 可以比咩小朋友飲改善? 可以燉川貝?
謝謝 !!
yileung:
圖中這款茶對鼻炎流綠色鼻涕有幫助.用川貝燉雪梨有助化痰止咳,川貝末2錢就夠,雪梨去核1個,燉半小時供服.
你好芳姐, 小朋友1歲, 2-3星期就會病一次, 通常都係有鼻涕(有時還會偏綠), 少許痰咳(有時會乾咳), 可以比咩小朋友飲改善? 可以燉川貝?
謝謝 !!
芳姐：
女孩子6歲，上兩星期突然有咳，夜晚瞓着就會有痰咁咳醒，不過唔係成晚咁既情況，日頭大多數係食嘢時候出現咳既情況，睇左西醫開左咳水，鼻水，敏感藥，但食左幾日都未有大改善。
佢本身有鼻敏感，早上同晚上瞓前乞嗤次數較多，同埋好重鼻音，辛夷花岩唔岩咳食用？請問有咩可以解決咳既問題？
求幫忙🙏🏻
bbg1668:
你試用鮮龍脷葉1兩,南北杏1兩,蘋果1個去核,陳皮1個,5碗水煮成2碗,小朋友一天分服,有助化痰止咳,如鼻水多,湯煲好後加8朵辛夷花焗5分鐘供服,有助收鼻水.連服2~3劑.全家飲份量加倍.
芳姐
你好，3歲半小朋友有G6PD, 鼻水咳已經1個月有多，鼻水黏，有氣管咳同有痰，可以飲咩，已經睇過醫生3次，抗生素都食過
JJ:
你可用蘇子,萊菔子各3錢入茶包袋,辛夷花8朵,煲瘦肉粥供小朋友服,辛夷花後下,有助袪痰止咳收鼻水.連服3劑.
芳姐你好，另外，我又想問一下，我媽媽有乙肝帶菌多年，肝有少少纖維化，她在去年9月中了肺炎後，鼻子一直發炎有異味，看了幾次醫生食抗生手素，洗鼻，都是沒有辦法斷，醫生說有菌，食住西藥都沒有辦法好。請這款茶合適嗎？唔該晒你。
阿文:
這款茶有用的,但要耐心服用1段時間,最好隔日1劑.
好的，芳姐感謝你。
芳姐你好，
女兒7歲，骨瘦如柴，食量少，經常沒有胃口，所以應該是虛吧。她這幾個月都有咳嗽，西醫話肺很清，應是鼻水倒流，之前看過中醫幾次都是不能斷尾，沒有咳的日子只有一兩天。吃了廿益生菌都沒有什麼改善
請問我能給她飲 “玉屏風散”加辛夷花6朵嗎？可以長期隔天飲用嗎？如果加上沒有胃口消化力差，可以加其他材料嗎？謝謝你
阿文:
你囡囡應該是肺脾較虛,可以經常煲些紅棗小米粥供食.小米金黃色細細粒最健脾,配紅棗煲很好味.玉屏風散是增强體質,防傷風感冒的配方,辛夷花能收緊鼻黏膜減少鼻水,可以一齊用,隔日1杯,至症狀好為止.囡囡要多做些戶外運動才能增强體質.游水,跑步,踏單車都好.
芳姐，好的，感謝你
芳姐你好，不好意思，又打擾你了，請問 我每次焗完花茶後，再加入2.5克的“玉屏風散”給小朋友，這份份量可以嗎？另外小朋友嘴唇經常脫皮，還有嘴角炎，剛入睡時多汗，除非開大冷氣，其實我也不知道她是穿了睡袋熱還是淡汗。這情況不知是否合適
阿文:
焗花茶加2.5克玉屏風散小朋友合適.小朋友唇脫皮可能是唇炎,最好看醫生治療.可以買些凡士林軟膏作外塗,唇瘡膏亦可以.食療可用太子參3錢,白朮3錢,蘆根5錢,淡竹葉2錢,甘草1錢,5碗水煮成2碗供服,連服3劑,有助改善.
好的，感謝你
芳姐你好，感謝你女女現時己經沒有在訓覺前鼻塞的狀況，之前一躺下就鼻塞，現在只是每早醒來都會打噴嚏和有些少鼻水。不過現在又多了一個問題，就是經常眼痕，經常碎到眼紅，覺得她年紀小小怎麼眼紋那麼多。請問這湯眼敏感有用嗎？謝謝🙏
阿文:
你可用桑葉,菊花,辛夷花各3錢煲水15分鐘供囡囡服.有助清眼熱,袪風減少鼻敏感,可加蜜糖少許調服.
芳姐感謝你， 你這些食療真的好有幫助， 每逢女女鼻塞到睡不到我都會煲辛夷花給囡囡服用。弟弟也有這個問題， 但他有蠶豆症， 請問辛夷花能飲用嗎？
文:
蠶豆症小朋友可以用辛夷花,但金銀花不能用.
明白， 謝謝芳姐
芳姐早晨
買了包潤肺舒鼻茶包只需加熱水焗十五分鐘就可飲用，
，入面有：辛夷花，薄荷葉，抗菊花，南杏，小朋友時常鼻塞流鼻水鼻敏感，
是否適合飲用？謝謝
訪客:
這款茶對鼻敏感人士有幫助的.
小朋友可常飲嗎?
訪客:
小朋友如常流鼻涕可以一星期3劑,至症狀好為止.
想問下小兒14歲,經常打乞嗤和眼痕,請問可以煲辛夷花嗎?要加什么一起煲水飲好?
YY Lau:
你仔仔可能是敏感體質,可以煲這款茶飲,另外可去裕華或農本方買[玉屏風散]顆粒沖劑,加入這款茶飲中一齊沖泡,有助增强體質及袪風.
芳姐你好，小兒九歲，最近數晚，都因為鼻塞不能入睡，每晚都塞大約半小時至一小時才能入睡。
但入睡後，又沒有事，可以一覺睡天光。
求芳姐賜良方幫助改善以上情況，感激！
May:
可以用辛夷花8朵泡茶供服,可加蜜糖.另外睡前可用紙巾棉剪成條狀,沾淡鹽水後捲緊通鼻,有助安睡.
謝謝芳姐，請問一日可以飲多少杯辛夷花？
另外請問可飲多少天？三天？五天？
May:
可以一劑沖服2杯.一星期3劑,至症狀好為止.
芳姐，我買了辛夷花，想用來泡但怕污糟，想煲一煲，如果我用來煲水後加少少蜜糖比小朋友飲，佢成日鼻塞又有鼻水，請問應該凍水落定滾水落，要煲幾多分鐘，如果大概一杯份量比小朋友飲，要落幾多朵花？謝謝
敏:
小朋友5歲以上可以用8朵辛夷花,5歲以下用6朵.剪開用開水沖洗一次,再注入開水焗7~8分鐘,加入蜜糖調服即成.不用煮.辛夷花是玉蘭花的花蕾,應該没有泥沙的.
芳姐，請問要用多少水焗？
敏:
用1杯水焗就成.
芳姐早晨，
家人45歲，有季節性鼻敏感同打乞嗤，鼻痕及流鼻水
自新冠肺炎後這幾個月經常晚上出現，影響睡眠。早上起來有數聲咳，少痰日間冇問題。不知道這個方是否適合佢服？如果要食食幾耐才見效？
謝謝回覆🙏🏻
Lai so fun:
你可以去裕華或農朿方買「玉屏風散」顆粒沖劑,每次沖服時加8~10朵辛夷花一齊沖焗,有助治療鼻敏感.玉屏風散主要材料是北茋,防風,白朮,這個方主要增强免疫力,減少傷風,感冒,辛夷花則能改善流鼻涕.一星期服3~4次,服2星期,看能否改善?
谢谢芳姐！
芳姐妳好：
女兒已過18歲，起床和半夜都鼻敏感發作，有時會眼痕，請問用辛夷花配什麼材料焗或煲水比女兒飲。
謝謝回覆
cat:
可以用辛夷花加菊花,杞子泡茶供服,連服3~4劑.如煲水則放2錢蟬蛻,對風重易眼痕癢者有益.滾15分鐘就成.
芳姐你好, 我右邊鼻塞左3星期, 但無鼻水, 訓覺特別塞, 西醫話鼻炎, 我食完D藥都唔得, , 請問飲邊隻有用? 辛夷花蒼耳子茶? PERIOD 飲唔飲得? 感謝回覆.
erica:
你可用辛夷花蒼耳子茶,可加些蜜糖.來經都可以飲用,連服3~4劑.
芳姐你好:
媽媽90歲, 2010年曾經中風, 有三高情況。今個月開始發覺血壓偏高, 上壓 160 – 180, 下壓較正常, 上星期開始用西芹蘋果榨汁飲, 經過一星期多, 效果不太明顯, 上壓 16X, 未能回到正常水平, 請問有甚麼食療或方法可降血壓? 謝謝!
Ada:
你試用山楂,炒決明子,菊花各1小撮入茶包袋,每天用1包沖泡,可沖泡至淡,每天1包,服半個月,看能否改善?此茶能降血壓,防三高.另外不妨買些鮮牛蒡,白蘿蔔,紅蘿蔔,冬菇煲湯供服,能防中風.
芳姐:
謝謝回覆!
芳姐妳好：
女兒已過18歲，起床和半夜都鼻敏感發作，請問用辛夷花配什麼材料焗或煲水比女兒飲。
謝謝回覆
芳姐你好！
我個仔在二個半星期前被車撞碎了腳踭骨，己做了手術也流了很多血，因為疫情关系一路都無得睇佢😭。想請問芳姐佢出院回家後，我可以煲啲乜嘢藥材湯水比佢調理吓，謝謝！
訪客:
你可以煲些河蟹粥供仔仔食,有活血袪瘀作用,跌打損傷都適合食河蟹粥,粥可以先加些瘦肉煲好,加薑絲及劏洗乾淨的蟹件,煮15分鐘後灑入葱花即可食用.好好味的.另外如有胃口可以用巴戟,杜仲各5錢,黑豆1兩,陳皮1個,紅棗5粒煲豬展湯供服,有補肝腎,强筋骨,加快骨生長功效,一星期3~4次.也可以燉些花膠雞湯供食用.