By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐：
您好！想請問三棗茶 日日飲會否好燥？如果本身皮膚易紅、易生瘡 ，是否適合飲？
因想改善氣管敏感。如果想去濕，但想用保溫杯 焗，有冇好介紹？
萬分感激
芳姐 你好,
我女兩歲半, 氣管敏感咳了超過兩星期了, 尤其半夜咳到嘔, 有時會沙聲. 有什麼茶或湯水可以有幫助?
芳姐你好,
小兒2歲感冒咳嗽已差不多一個月,睇左幾次西醫,感冒無哂, 而家乾咳得好勁, 特別係半夜同早上! 西醫話佢係氣管敏感. , 有什麼湯水可以煲俾佢呢？同埋佢而家有每日食一次西藥(青蛙仔), 謝謝!
芳姐：
妳好！請問皮膚炎可否飲三棗茶，三豆茶，蒸大眼雞魚，蒜茸，炸蒜茸嗎？
christy:
晚上咳多,你試用紫蘇葉3錢,生薑3片,紅糖少許,3碗水煮10分鐘供服,有助散寒止咳.如有鼻水,可加辛夷花同煮.
芳姐，
請問我兒子晚上不斷咳睡不好，早上少咳，你介紹那個茶適合嗎？
多謝你無私的解答
YEN:
小朋友面色蒼白,易敏感咳可以用三棗茶,但感冒咳期間不宜.
咁小朋友咩情況先可以飲三棗茶？
christy:
你可以用北茋,防風,白朮,辛夷花各3錢,5碗水煮成2碗,連服3劑,看能否改善?
yen:
是連服沙參玉竹湯 2劑.
您好，本人兒子3歲，九月開始感冒，之前打乞嗤時綠色鼻涕咳有痰，而家好返少少，天氣轉，又開始咳但無痰(間唔中氣管敏感咳)，流鼻水同打乞嗤但透明鼻涕，請問有什麼建議湯水或茶可煲給他飲？ 謝謝
請問連服2天的是指三棗茶定那個湯？
YEN:
乾咳可以用沙參,玉竹,麥冬各3錢,雪梨,蘋果各1個,去核,無花果4粒煲瘦肉湯,全家可飲.8碗水煮成4~5碗,囡囡一天分服2碗,連服2天.
你好，我個囝4歲，呢幾日一轉天氣就好易咳，一咳有時咳好耐，咳完就無事，請問係咪都可以比佢飲？日日飲會唔會太燥？
娥:
你試用蘇子,萊菔子各3錢入茶包袋,法夏3錢,陳皮2錢,甘草1錢,5碗水煮成2碗供服,連服3劑,有助袪痰止咳.
我個女5歲半，己經持續咳了接近四個月，時好時壞，未完全斷過。睇了幾個西醫醫生都無明顯改善。前段時間係半夜咳，每次咳個幾兩個鍾，有痰聲，咳出來白色有泡，最近半夜少咳左，久不久幾聲，變了日夜會咳，又係一咳就持續一兩個鍾，亦有痰聲，佢一路無發燒，精神好好，胃口又好好，西醫醫生講佢氣管敏感，佢有幾個徵狀，吾咳的時候真係大半天都一聲咳都無，一咳就係咳一兩個鍾，另外，訓落床一陣就會咳，有時幾聲，有時咳好耐，訓醒又會咳幾聲。芳姐，請問這情況會敏感嗎？找到致敏感源前，有什麼食療可以幫助呢？見到佢咳到辛苦，就好心痛，都吾知點可以幫到佢。
佢今日已經變到全日都係咁咳，仲有少少鼻水
CHERRY:
你試用白蘿蔔1個,去皮切粒,用3湯匙蜜糖醃5小時,會滲出大量蘿蔔水,每次用半杯,加半杯温水調勻供服,一日可分別飲3杯,有清熱化痰止咳作用.
你好，我女3歲，容易感冒咳嗽，一咳就好難好，睇極西醫食極咳水都係咁，中秋時又感冒，原本睇左醫生啲咳好左啲，點知呢2日突然又咳返，一朝早起身就不停咳，有痰聲，同埋見佢條利利胎係黃色的，其他時間就間中一咳兩聲，想問下係咪氣管敏感定係其他咳?有咩易入口啲既野岩佢飲?佢好抗拒中藥啲味道
明白，謝謝
女兒本身也是睇中醫，但已經食了一個星期，也是咳，今天已經是最後一次葯，明天我想轉睇另外一個中醫。芳姐，你認為呢？
TARO:
如服中藥一周都没好轉,建議看另一中醫.因為有時看病都講與醫生有没有[醫緣]的.
另請問平時有咩食療預防咳嗽？我仔因為咳，食飯冇咩胃口
同埋請問有冇d咩食物戒口，奶可以飲嗎？
JANET:
平時可以用虎乳靈芝3錢,百合5錢,雪耳2錢,甜杏仁(即南杏)5錢煲瘦肉湯服,有助强壯肺氣.病好後可服三棗茶,一星期3次.奶可以飲,戒生冷寒涼及冰凍冷飲.
謝謝芳姐，明天試試，芳姐，請問你有沒有睇症？
JANET:
我只是陪月班及家務助理班導師,没有睇症的.
JANET:
你試用紅蘿蔔1個,切薄片,紅棗8粒,去核切片,4碗水煮成2碗供服,連服3劑,如咳未好要看中醫.
SHAN:
你試用白果10粒,去芯,核桃肉6顆,北杏3錢,無花果4粒煲瘦肉湯服,飲湯吃些白果(食5粒),連服3劑,有助止咳定喘.
TARO:
囡囡咳了太久未好,要看中醫治理才成.紅蘿蔔紅棗水對小兒久咳及百日咳有效.紅蘿蔔1個,切薄片,紅棗8粒,切片,4碗水煮半小時服,連服3劑.
芳姐，你好，我仔兩歳四個月，自從上幼兒園，咳足成個月，試過猴棗末，川貝燉雪梨，陳皮燉蘋果，海底椰鱷魚肉湯，燉洋蔥，西醫話氣管敏感，食左止咳藥水都未見有效，現在每晚訓左一個鍾咳得好勵害，琴晚咳到喊都冇時間，又要再咳，訓得好差，朝早起身都咳，日間較少咳，鼻水帶黃，但唔多，現在咳聲冇痰，之前好多痰，還有甚麼湯水可以試？定應該睇中醫？十分心痛
您好！我女兒5歲，咳咗好耐未好，上星期有D氣喘，睇西醫又要食抗生素，請問煲咩湯水好？
您好！我女兒5歲，已經咳咗好耐，上星期有D氣喘，睇西醫要食抗生素，請問煲咩湯水好？
芳姐，女兒之前因為早上和夜晚咳嗽試了紫蘇薑茶，蒸蒜頭水，川貝虎乳靈芝湯也試過，亦飲了中葯，但因為時間太耐也未有好轉，每個早上起床也見她似是氣管咳，咳得很辛苦，一咳就成個中，見到很心痛，煩請指教！有什麼方法可使早上無甘辛苦，請見諒，又要麻煩您
想問下紫蘇茶有乜材料?
FANNY:
應該是紫蘇葉煲水飲,有助散寒解表,解魚蟹毒.
訪客:
幾好的食療都不宜日日飲,都要等自己身體工作的呀!北茋紅棗水一星期3~4次已非常足夠.
可以唔可以日日都飲北芪紅枣煲水嗎
IRENEMAMA:
小孩皮膚癢都可飲此茶,如加1兩黑豆,3錢黑芝麻同煮,對皮膚癢有點幫助.5碗水煮1小時供服.
芳姐，您好。
棗類都有抗過敏作用 … 那皮膚瘙痒可飲用此湯嗎? 小孩3.5歲有這.
PINKY:
你有點上火,就暫時不宜飲.可以用濃鹽水潄口消牙肉腫.
我飲左三棗茶第二曰牙肉痛，是否不宜飲？
丹雅:
小孩不贊成過用中藥及太過滋膩之品,除非她/他真是血虛得緊要才宜用.
小孩可以吃阿胶炖乳鸽吗？
WAI LING:
小朋友不宜飲太多茶葉泡的茶,可煲些瑤柱陳皮粥作早餐,發開口夢可加5錢百合同煮.陳皮蜜糖水可以常服,不要加普洱茶就成.
芳姐姐早晨:
我今次想問，細仔今3.5歲，氣管一响麻麻，容易傷风，計而氣管炎，食氣管藥水，平時就算食塊餅都會咳，總算叫好番，但依然有一兩声咳，早上有痰声，我而家比《陳皮、普利茶加蜂蜜》正確嗎？仔仔现在少便清色，無眼屎，晚？上訓時，日日發開口夢，請指教……
多謝芳姐姐！
多謝芳姐姐
WAI LING:
你可以用白果15粒,去芯,腐竹1塊,馬蹄6~8粒,冰糖適量,陳皮1塊煲糖水供服,有助潤肺止咳,清熱消暗瘡.另外用生的白果肉搗爛,用紗布包住塗患處,15分鐘後清洗,每日1次,很快消暗瘡.糖水可連服3劑.
芳姐……我大仔15歲，近一個月只有咳，無鼻水極少痰，但個人一訓响度就一次都無咳，好似兩個人咁！
另外，佢額頭長滿暗瘡，早前我有煲土伏零，綠豆，生熟意米一星期二次比佢飲，好少少，因為身體好瘦，我未敢煲得太多，怕去水，請指教
WINCI:
如哮喘久咳不好可以用.
CECI:
有個治小兒久咳不好的方,但未必好好味,你不妨試試.用蒜瓣20克,去衣略搗碎,用開水1杯浸泡,待涼,隔水蒸15分鐘,飲時調入少許蜜糖服.
多謝芳姐回覆,
請問花旗參,麥冬,桔梗,杞子,甘草各1錢泡茶服, 如果for 哮喘有無功效? 謝謝
芳姐，您好。
紅蘿蔔紅棗水，早兩星期試過，好似咳得仲多，飲了三次我就吾敢再俾佢飲。請問還有什麼食療可以試呢？百日咳是否好難好呢？
謝謝！
CECI:
你囡囡可能百日咳,可用紅蘿蔔1個切薄片,紅棗8粒,去核,5碗水煮成2碗供服,連服3劑,看能否改善?