By 芳姐 ( 3 10 月, 2012 at 7:18 上午)
· Filed under 家常食療
石崇魚功能健脾滋腎,對手術後傷口深層癒合很有幫助,但這種魚並不常有供應,大條的往往賣到二,三百元1條,但今天在上環街巿見有細條石崇魚賣,48元1斤,雖然不是游水的,但非常新鮮,魚鰓鮮紅,買了4條,才40元,用來配北茋,杞子,紅棗煲湯,對提高身體免疫力,增强體質很有裨益,對手術後,病後或產後體弱人士更為有益。
用料是: 石崇魚12兩,北茋4錢,杞子4錢,紅棗6粒,生薑2片.
做法: 石崇魚劏洗淨,用少許油煎香;其餘材料浸洗;將全部材料放入煲內,用6碗水煮個半小時成4碗即可供飲.
~ 小貼士: 石崇魚的鰭刺有毒,被刺後會產生劇痛,故必須要魚檔代為劏好,回家處理時亦需特別小心.手術後飲用此湯,可加快傷口癒合,令身體更快復元.
Permalink
芳姐
家人剛做完開胸手術3餐可以食咩？
切除胸線瘤
Pam:
可以用北茋5錢煲瑤柱陳皮粥供食,有助加快傷口癒合.出院後可用北茋,黨參各3錢,杞子2錢,紅棗5粒,生薑2片煲石崇魚或海鱸魚湯供服,連服3劑,能加快康復.
3天後可以開始飲魚湯嗎
Pam:
3天後可以飲魚湯.
我順產已經三日，會陰有傷口，可以立即飲石崇魚嗎？我喂奶粉，飲魚湯會谷奶嗎？
shirley:
會陰有傷口最重要是保持清潔以免發炎,可用北茋5錢,杞子2錢,紅棗6粒煲瘦肉湯服,過兩三天才煲石崇魚湯,能加快傷口癒合,又不怕谷奶.
芳姐你好！家人手術，即日預備了蘿蔔水給她，但她有嘔吐。那麼，第二天應該預備什麼給她比較好?可以飲此款魚湯嗎？
KY:
有嘔吐可以加3片薑同煮,因為陳皮及薑都有止嘔吐作用.第二天可以煲些陳皮瑤柱稀粥供食,可連服2天,第三天才煲魚湯.
十分謝謝妳！
芳姐你好！家人乳癌，要做手術， 涉及開胸骨。請問手術後第一二日和之後應預備什麼給她調理，過幾耐可以補身呢？但家人不吃中藥，還有什麼食療可幫她?謝謝妳幫忙🙏
KY:
手術後可以飲水就煲白蘿蔔陳皮水供服,小口小口飲,能加快排走麻醉藥.之後能食半流質食物就煲些小米藕粉粥供食,可加患者喜歡的食物,如瘦肉,瑤柱等,能健脾益胃,助吸收.你可以去三聯書局買我本《養護好體質—手術前後飲食自療》一書作參考,書中食譜用的都是天然食物.三聯現在做緊88折優惠.
謝謝妳🙏再請教乳癌手術後，有沒有什麼飲食禁忌?🙏
KY:
乳癌患者手術後忌食燕窩,雪蛤膏,用激素飼養的肥雞,肥鴿,肥鴨等快大家禽,塘魚(即淡水魚),筍,蝦蟹,鵝肉,芒果,菠蘿等發物.飲食宜清淡.螺旋海藻丸,薑黃丸這類有助抗癌的保健品可適量服用.
謝謝妳！已購買妳的著作， 希望幫到家人。
芳姐你好，小女兩歲剛做完膽管切除手術，請問有什麼湯水及食療適合她? 如北芪等藥材幼兒合用嗎？多謝分享！
Wu:
可以用北茋3錢煲瑤柱陳皮粥供食,北茋能托毒生肌,加快傷口癒合,小朋友用3錢没問題,出院後可煲這款石崇魚湯供服,如買不到石崇魚,用海鱸魚都能加快深層傷口癒合.
芳姐，你好。我屋企人本身有糖尿及乙肝
最近發現有大腸癌，準備做手術切左有事部份。請問術後當天及後幾日可飲石崇魚湯或山班魚湯嗎?他曾試過麻醉後好易腳抽筋，可以煲d咩舒緩？萬分感謝
Cheung:
手術後可以飲水時煲些白蘿蔔陳皮水供服,能加快排走麻醉藥.石崇魚湯手術後3天可飲.山斑魚湯手術後10天後飲.易脚抽筋要注意脚部保暖,可以買對襪套穿着(襪套穿着睡不會像穿襪般覺得焗住脚不舒服),可以去超巿買馬玉山的薏仁粉,飲熱湯或熱飲時加1湯匙調勻服,薏仁粉能減少小腿抽筋.
唔該晒，芳姐。多謝指教😍
我家姐今日做胃腫瘤（基質瘤）切除手術，請問幾時可以飲石崇魚湯？要加乜嘢去煲？海參、花膠幾時可以吃？謝謝你！
Maymay:
令姐手術後第三天可以飲石崇魚湯,配北茋紅棗杞子就成.如氣血虛,加黨參3錢同煮.海參,花膠出院後有胃口可以適量食,但一次不宜過多.
芳姐你好，
本人(57歲〉割胆後，照芳姐指示已食北茋瑤柱果皮粥5天，現在可始煲石崇魚嗎？
請問要飲幾多天？
另石崇魚放在冰箱已數天，可以用嗎？
一
謝謝你上次的回覆
Chiu:
石崇魚放冰格一星期都可以用.現在可以煲石崇魚湯.
小朋友剛剛做完孖指手術，煲石唇魚湯可以嗎？
可以加咩材料落去煲呢？
亞欣:
可以煲石崇魚湯,就用文章中的材料就成.小朋友可分2天服.
謝謝芳姐！
做完手術後，要隔幾多日才可以飲呢？
除了以上材料，可否另煲木瓜雪耳石唇魚湯呢？
亞欣:
手術後3~4天可飲.木瓜雪耳石崇魚湯都可以.
芳姐，我剛生產三星期，是開刀的。朋友送了許多石祟魚給我，如天天煲應該可以飲一個多月。請問飲這麼多可以嗎？還是有不好的效果？因聽說有些許毒性？
yy:
石崇魚魚鰭那幾根剌有毒,魚販會幫手去掉,所以魚肉是没有毒的,能加快深層傷口癒合.隔日1劑最佳.
謝謝芳姐，請問魚鰭的剌是否要去掉才可以煲？因魚檔沒有剪去
YY:
你可以自己用剪刀剪去魚鰭,但要小心不被刺中,否則極痛要入醫院的.下次叫魚販替你去掉,一般魚販都會做的.
芳姐：
你好！ 家人是惡性腦腫瘤，剛做完腫瘤切除，但腦內仍有腦腫瘤，請問可以飲石崇魚湯嗎？
Chole:
手術後4~5天可以飲.可以用天麻2錢,白芷1錢,川芎1錢,羚羊角絲5錢,5碗水煮成2碗供服,有助消腫散結,一星期2劑.
謝謝芳姐~
你意思是否4~5天可以飲石崇魚湯石崇魚北茋杞子紅棗湯!
另外也可用天麻2錢,白芷1錢,川芎1錢,羚羊角絲5錢,5碗水煮成2碗供服?
Chole:
是的,手術後4~5天可以飲石崇魚湯;川芎白芷天麻羚羊角絲湯平時飲,防腫瘤再復發增大.
海盧是否星盧？
芳姐:你好!很多謝你一向以來為我們讀者解答保養身體湯水等問題，在我們家人患病手忙腳亂之制，真的能幫到很大忙! 衷心感謝您!
今次再請教芳姐，哥哥3星期前剛做了開刀切除胆囊手術，已拆線有10天左右，日常有什麼湯水適合呢?另間中有便祕，那些食材或湯水好呢?
唔該哂芳姐!
Cherry:
膽囊切除後幾個月內都不宜吃肥膩東西,否則易肚瀉.現時可以用北茋5錢,杞子3錢,紅棗5粒煲石崇魚或海鱸魚湯供服,有助加快傷口癒合.連服2~3劑.便秘可以煲些霸王花紅蘿蔔杏仁瘦肉湯服,能清熱潤腸通便.吃木瓜,大蕉都有幫助.
芳姐妳好:
本人今年7月24日開肚大刀做小腸切割手術。現在飲石祟魚湯還可以嗎? 要天天飲, 每日3次嗎? 及請介紹配甚麼料較好。最後想問一般要多久才完全康復 (大肚刀傷口及小腸傷口)
謝謝!
王先生
HN:
一般深層傷口大約3個月可癒合,如怕未完全康復,可以用黨參,北茋各3錢,紅棗6粒,生薑3片煲石崇魚湯服,煲1小時成2碗,可連服3~4劑.每日分服2碗.
想問如果落左北、黨參等藥材，4歲小朋友仲可以飲嗎？
(本身是煲俾自己飲，剛開刀，諗住烋開俾埋先生和囡囡飲）
Maya:
如果小朋友都要飲,北茋,黨參各用3錢就夠,可配些杞子,紅棗,陳皮煲鮮魚或瘦肉湯,全家可飲.
我女6歲食左中藥同西藥都成個月，都係有鼻塞(有鼻水 但冇流出來)， 但依然好多痰，同口有異味，我懷疑佢鼻竇炎，因3歲時都試過，請問可以煲什麼幫她，而家飲緊中藥(有魚腥草)問可以煲什麼幫她，但都係有好多痰，想問係咪煲辛姨花, 但之前睇中，西醫，佢地都冇話佢鼻竇炎。但中藥話佢感冒，食左6日藥，都係今，不過都有好左少少。
謝謝
Agnes:
你試用葛根4錢,辛夷花2錢,滑石5錢,桔梗2錢,白芷2錢,5碗水煮成2碗供服,連服3劑,如有改善,停2天再服3劑.
先謝謝芳姐，
請問這些有藥性嗎? 如飲緊中藥，可以煲嗎
Agnes:
服西藥後2小時飲.
芳姐你好！想問剛做完卵巢癌腫留及子宮切除手術，可以飲什麼湯水和一星期飲多少次？是否石崇魚湯？但怎樣煲？幾時可以飲？如果冇石崇可以用什麼代替？我見有蘿蔔陳皮水，這個可以飲嗎？幾時飲和飲幾多？仲想請問可以食什麼食物？雞？豬？可以嗎？什麼蔬菜水果適合病人食？非常感謝芳姐回應🙏🏻🙏🏻🙏🏻🙏🏻🙏🏻
華:
蘿蔔陳皮水最好手術後第一二天飲,以利尿排走麻醉藥,第二天大口大口飲以幫助排便.没有石崇魚,可用海鱸魚代替,魚檔必定有海鱸魚賣,用少許油煎香,配北茋5錢,黨參3錢,紅棗6粒,生薑2片煲1小時成2碗服,連服3劑,有助加快傷口癒合.手術後一個月都最好暖飲暖食,少吃生冷寒涼及冰凍冷食,生果宜室温食用.新鮮蔬菜只要喜歡食的都可以,只要煮熟吃就成.其他肉類有胃口可以適量食,發物如筍,鵝肉,豬頸肉,蝦蟹,無鱗魚等少吃為宜.
感謝芳姐回覆！想問插尿喉也可飲以上食療湯/水嗎？本身
不能吃紅棗可以用什麼代替？
謝謝你！
唔好意思，還想問問病人可以吃豆腐、豆漿嗎？
🙏🏻🙏🏻🙏🏻
華:
用尿喉都可以飲蘿蔔陳皮水.豆腐,豆漿可以服.不用紅棗,可以用無花果2~3粒代替.無花果潤腸,又能抗癌.
Hi 芳姐 我媽要換膝頭蓋手術 ,係唔係煲石祟魚湯比佢飲 同埋可唔可以煲完 第2日飲呢？
Fatpig:
換膝蓋手術後可以飲蘿蔔陳皮水,以加快排走麻醉藥,可以食半流質食物就用北茋5錢煲瑤柱陳皮粥供食,石崇魚湯出院後才煲,魚湯最好即日飲完,放第二天易有腥味.如有胃口可以燉些花膠供食.
唔該晒 蘿蔔陳皮要煲幾耐左右
Fatpig:
煲半小時就成.你可以在右上角[搜尋]的空格內打(蘿蔔陳皮水)就可找到該篇食療.
仲想問下蘿蔔陳皮水是否熱同溫都可以飲嗎？ 麻煩晒
Fatpig:
不寒不燥的.
我想問我媽4日前剛剛做完換膝頭手術，有咩湯水可以煲?謝謝
bee:
可以用北茋3錢,黨參3錢,紅棗4粒煲石崇魚或海鱸魚湯,有助加快傷口癒合.或用北茋,黨參,杞子各3錢,瘦肉適量燉花膠湯供食亦佳.
芳姐。。我媽媽琴日做完心臟通波仔手術，做完手術後曾經止唔到血。
想請問幾時可以飲湯，同飲咩湯好🙏🏻🙏🏻
Candy:
可以用白蘿蔔1個,陳皮2個煲水供令堂服,能加快排走麻醉藥,又有通利二便作用,可連服2天.另外可以清燉些瘦肉湯,無需加任何中藥材,可補充營養,或清燉雞胸肉湯亦成,最好買有機雞,去皮,只用雞胸肉清燉就可.如能吃半流質食物,煲些紅棗小米粥供食能補血健脾.加肉碎一齊煲亦佳.
如想煲魚湯可以嗎？我見好多人都話石崇魚能愈合傷口🙏🏻
Candy:
出院後可以煲石崇魚湯,有助加快深層傷口癒合.
收到。。謝謝芳姐☺️
你好….我媽換膝頭已2星期….我今日買左石祟魚…我家有佛手瓜粟米紅蘿蔔，想一齊煲, 可以嗎? 因為之前我日日煲石祟魚紅早陳皮湯，佢而家木想人飲…所以我想轉下新款比佢….唔知得唔得呢? 我地睇過中醫，就話佢有濕熱……呢款湯唔知岩唔岩??? 謝謝…
P.S…我媽25號出院….我日日煲石祟魚….個傷口埋左啦…唔洗貼膠布….真係好洗得….
Mrs Lam:
可以配佛手瓜粟米紅蘿蔔煲石崇魚的,没問題.配豆腐,節瓜煲都得.
謝謝..想問下煲節瓜..係咪盲咁落節瓜同魚落去?? 有無配料架?? 同埋而家無豬肉…怕唔怕呢??
真係唔好意思..因為平時係唔識煮飯…連煎蛋都唔識…所以要問我深入D先識煲….
Ms Lam:
節瓜1個,豆腐2磚,金針1小撮,生薑2片,瘦肉6兩,6~7碗水煮30分鐘成4碗,全家可飲,如用鯇魚尾代替豬肉,則要用少許油煎香才煮.
謝謝你…..
芳姐, 請問乳癌腫瘤切除手術幾多日之後先可以煲北芪石崇魚湯? 加快傷口癒合怕唔怕會有疤痕ga?
Chan:
手術後5天可以飲北茋石崇魚湯,不會長肉芽的.生魚,山斑魚,田雞才易長肉芽.
5天內可以㷛石崇魚配節瓜茨實湯嗎？還是有咩湯水較好
Chan:
可以的,配節瓜芡實,合掌瓜粟米等都可以.
唔該晒芳姐
芳姐你好，我妻子剛做了巧克力腫瘤手術，請問有什麼湯水可以煮給她喝？
Alex:
手術後可以多用北茋煲湯,因北茋能加快傷口痊癒,配海鱸魚或石崇魚加些紅棗,黨參一齊煲,能加快深層傷口痊癒.如有胃口可以燉些花膠供食,配淮山1兩,杞子3錢,紅棗6粒,雞1/4隻.
請問乳房纎维瘤手術有什麼湯水快荃愈請介紹
vania:
圖中這款石崇魚湯就最適合手術後調理,可連服3劑.
芳姐….你好…我媽換較手術剛剛一個月….可以飲用北茋保石崇魚湯嗎? 有些人說岩岩做完手術..唔可以用中藥住…用普通野來保石崇魚湯就OK….我尋日陳皮紅早石祟魚湯…..謝謝…
Ms Lam:
手術已一個月可以用些北茋一類中藥材,没影響的,可加快康復.
芳姐, 你好
請問子宮息肉手後 , 什麼湯水可煲呢? 同時要手後後幾多天才可飲用?
sze sze
Sze Sze:
手術後可以飲水即飲些蘿蔔陳皮水,有助加快排走麻醉藥.之後可用北茋5錢煲瑤柱陳皮粥食,連服2天,能加快康復.如出院後有胃口可以燉些海參或花膠食用,配淮山,杞子,紅棗,瘦肉適量燉就成.
芳姐,
請問是紅蘿蔔 ? 白蘿蔔? 要煲幾耐呢?
Sze Sze
Sze Sze:
是白蘿蔔.你可以在網頁右上角[搜尋]空格內，打蘿蔔陳皮水幾個字,即可見到該篇文章.
謝謝~
請問 膝頭哥 換胶石崇魚可以飲嗎？
chiu:
可以煲石崇魚湯的,因為任何手術都想加快傷口癒合.這款湯能加快深層傷口癒合.
小兒4歲，因為腹部做手術，醫生連盲腸也一起切了。手術後，飲食方面請指教有什麼要注意和推介。謝謝。
陳太:
你可以多用四神湯供仔仔飲,有健脾胃,助吸收及袪濕功效.全家飲用淮山,茯苓,蓮子,芡實各1兩,陳皮1個,紅棗6粒煲排骨或鵪鶉湯,煲個半小時,8碗水煮成4碗.一星期2劑.另外可以煲些石崇魚或海鱸魚湯供服,能加快傷口癒合.配北茋5錢,杞子3錢,紅棗6粒,生薑2片,煲1小時,連服3劑.
謝謝芳姐回覆。
由於手術後，醫生禁食。手術至今第4日，傷口還有血水，醫生開始俾流質食物，海爐魚湯可以飲嗎？紅早怕不怕傷口有流血。謝謝。另如不放薑可以果皮代替嗎？
陳太:
可以服半流質食物時用北茋5錢煲瑤柱陳皮粥供食,有助加快傷口癒合.石崇魚湯,海鱸魚湯最好過3天才服.用北茋3片剪碎,杞子1湯匙,紅棗4粒去核,陳皮1個,炒米1湯匙,4碗水煮成2碗,隔渣供飲,有助補氣血,强體質.
謝謝芳姐回答。
小兒手術後食西藥，有止痛和抗生素。
北奇可以服用嗎？
知道海爐魚對傷口有幫助，由於傷口仲有血水
和要食流質，那可以取魚汁再煲粥吸收蛋白質嗎？。謝謝
陳太:
可以用濃縮的鮮魚湯煲粥仔供你仔仔食,有助加快康復.北茋用3,4片,能令傷口加快癒合,可連服3劑.
芳姐
又麻煩你唔好意思。
因為今日醫生話小兒傷口有少少發炎，手術後已有一星期了，食療上可以煲咩呢？已今日傷口的滲血少了。但小兒還是胃口欠佳，可以食咩開胃啲
謝謝。
陳太:
繼續用北茋煲湯,北茋5錢,淮山1兩,蓮子1兩,茯苓5錢,紅棗6粒,陳皮1塊,陳鴨腎2個煲豬展湯供服,8碗水煮成4碗,仔仔一天分服2碗.連服3天,有助加快傷口癒合,健脾開胃.
芳姐，
又麻煩要請教你，有睇你手術前後的湯水書，想知小兒手術後已半個月，傷口未拆線，仲有少少發炎食緊抗生素，什麼時候才合適進補呢？我有蒸海爐魚取汁或煲以上提及的開胃湯。謝謝你。
陳太:
北茋能加快傷口癒合,有托毒生肌功效,故可以用5條北茋煲瑤柱陳皮粥供仔仔作早餐.另外煲石崇魚或海鱸魚供飲,有助加快深層傷口癒合.仔仔可能體弱,故要小心調理.
芳姐，
你好。又來請教你。
小兒腹部傷口已拆線。由於上星期去覆診，醫生說深層傷口預三個月合埋。
請問是否天天要用北芪飲食嗎？是否怕太多過量？我多數是蒸爐魚加一，二條北芪放魚底和加一小塊陳皮。另外，手術至今已一個多月了，可以接照你本書的食譜調理身體嗎？謝謝。我只是間中假期才買到石崇魚和石九公煲魚湯。
陳太:
深層傷口一般都要兩三個月才埋口,故可以多用北茋煲海鱸魚或石崇魚湯供服,已經一個多月,可以煲些生魚湯或田雞湯供飲,不會令表面傷口長肉芽,但能加快康復.現在天氣熱,煲節瓜湯,或合掌瓜湯都適合.一星期2劑就夠.
芳姐，謝謝你。
今日去街市，見到竟然海爐有另一款，魚尾部有深黑大點，魚鄰大啲，第一次見。與我平日買的有不同，我平時買魚背部只有黑小點，賣魚都話係海魚，有次去超市啲人又話係淡水魚叫青爐魚，有點混淆，不過我問過係海魚才買。有冇邊款海爐魚比較有益呢？
陳太:
我習慣買尾有一黑色斑點那種海鱸魚.淡水鱸又名加州鱸,是人工飼養的,療效遠不及海鱸魚.
芳姐：
妳好，請問剛做了舌癌及頸部淋巴切除手術,可否飲白蘿蔔陳皮水？
～可有什麼燉湯或煲湯可加快傷口癒合？
～可飲紅棗水嗎？除紅棗外是否要再加其他材料？
謝謝妳！
Wing:
手術後飲蘿蔔陳皮水有助通利二便,加快排走麻醉藥,你可以飲2劑.可以燉些瘦肉汁服.如有胃口,及可以食半流質食物,可燉些花膠或海參,配瘦肉燉就成,燉到花膠或海參溶爛食用更佳,但量不要多,少食多餐.亦可燉1小時後放入攪拌器攪成茸食用,瘦肉就不要吃了.另外可以炒一些紅糙米或黑糙米,炒7~8分鐘儲存,每次最1湯匙,加紅棗切片,或杞子,或圓肉泡茶飲,有助暖胃,補血.
芳姐：
請問米茶要煲幾耐？
Wing:
炒香的糙米用開水沖泡，焗15分鐘可飲,可沖泡至淡.
明白，謝謝🙏🏻
芳姐，
你好！我老公4/6做完大腸癌手術，切走了30cm腸，化驗結果是三期，現時開了一個造口排便，之後要安排化療。他呢幾日個人好攰又冇乜氣，請問可以煲什麼給他？謝謝
Celia
Celia:
你可以燉些海參給他服,配淮山,杞子,瘦肉就可以,海參能抑制癌細胞生長.但初時海參量不要太多,以免滯胃,少食多餐最適合.一星期3次.
請問黨參、北芪是否適合？我有七、八條石崇魚
訪客:
可以用北茋,黨參各3錢加杞子,生薑及石崇魚煲湯.
芳姐
因聼聞癌症病人不可以用药材，所以多問一下。
另外螺頭可以給他煲湯嗎？
Celia
Celia:
癌症患者可以用一些平補的中藥材,如淮山,蓮子,百合,芡實,茯苓等,氣虛用些黨參,北茋都可以的.除非肝癌,肝酵素高就不要用,以免加重肝臟負担.螺頭湯可以飲.
妳好芳姐, 請問蘿蔔陳皮水, 是什麼蘿蔔呢? 煲幾耐? 謝謝
LO:
是白蘿蔔,加陳皮煲水有助通利大小便.小口小口飲會令膀胱活動排尿;大口大口飲有助腸蠕動.煲半小時即成.
你好芳姐～ 我去買石崇魚，魚檔話唔打鱗有益d，究竟係唔係真？
Vienna:
石崇魚要打鱗,還最好叫魚販代剪去魚鰭尖刺.那些魚鰭有毒,一被刺中痛得要命要入院的.魚販可能怕麻煩就說不要打鱗,等你回去慢慢攪!^^
芳姐：
你好！我朋友剛做完 卵巢癌手術,可飲此湯嗎？如果買唔到石崇魚，㷛烏雞湯可以嗎？
Carol:
如没有石崇魚,用海鱸魚吧,有助加快深層傷口癒合.癌症患者盡量少用激素飼養的家禽,用瘦肉或海魚較理想.塘魚也用激素飼養,少用為宜,除非是有機魚.
如買不到石崇魚，煲此湯可否用牛鰍魚代替？
Bobo:
可以用牛鰍魚,但海鱸魚能加快深層傷口癒合,用海鱸魚更佳.
海盧是否星盧？
Amy:
淡水魚檔有加州鱸,但能加快深層傷口癒合的是海水魚[鱸魚].
芳姐
我媽星期四要做切除胰臟手術 , 請問什麼時侯可以開始飲石崇魚湯 , 另還可食什麼去調理 ?
謝謝 !
Angel:
石崇魚湯手術後4~5天可飲.手術後可飲些蘿蔔陳皮水以加快排走麻醉藥,之後可用北茋5錢煲瑤柱陳皮粥供食.你可以去三聯書店買我本《養護好體質~手術前後飲食自療》一書,內有幾十款天然材料製作的食譜供手術者食用.
芳姐：
你好,我朋友剛做左肝切除手術已1星期了,現仍在ICU,但醫生話可飲湯,請問現可煲石崇魚湯末?如可以,請問可否落果皮?、因医生話暫不能食果皮?
Rachel:
肝切除手術後暫不要用任何中藥材,包括果皮.石崇魚豆腐湯没問題,紫菜蛋花瘦肉湯亦可以,滾20分鐘可飲.
你好，請問做完畸胎瘤手術可以飲石崇魚湯嗎？
Ms Tai:
可以的,手術後飲石崇魚湯有助加快康復.
請問我老爺80幾歲之前中過風，最近做了腸手術，可飲此湯嗎?
謝謝回答
訪客:
老人家可以飲此湯,連服3劑.
你好芳姐，媽媽剛做完切割肉瘤手術，身上有2個傷口！可以飲哩個湯嗎？另外還有什麼湯水或茶水可以煲比佢飲？
林太:
令堂可以飲此湯以加快康復.用北茋,黨參各3錢,紅棗6粒煲烏雞湯亦有益.
芳姐：
如岩岩做肺癌，微創手術，應飲咩湯同食D咩。
謝謝
Kwan:
你可以多用雪耳,杏仁,無花果煲湯,配椰子,木瓜等都有益.可加瘦肉或配鮮魚.
芳姐，我父親今月12號做左腦瘤切除手術，可否飲此湯？應該飲幾多次，除此之外，仲有冇其他湯水可以幫助恢復，佢而家都仲有d虛弱，成日好攰。
sf:
令尊可飲此湯,一星期2~3劑.
還有其他湯水和食療可介紹嗎？
sf:
你可用天麻,白芷各3錢,川芎2錢,生薑2片,紅棗4粒煲大魚頭湯供服都有益.
爸爸岩岩做完食道全切除和切除半個胃嘅日術
請問一次過煲三條？要幾多碗水🙏🙏係咪一煲要即日飲曬
kiko:
石崇魚有大有細,如果用6兩左右,5碗水煮成2碗,一天分服差不多.
芳姐你好：
請問做乳房腫瘤切除，總其共四粒，三粒良性、一粒證實乳癌。手術後可以飲什麼湯水？果皮水？石崇魚要怎麼飲？怎麼煲法？總共療程是怎樣？除石崇魚還有什麼可煲？要戒什麼口？還有！中醫話我有痰火核，但仍然還在，有什麼方法解決？因為我什麼也不懂🙏🏻希望芳姐能幫忙謝謝你
Ruby:
你可以飲陳皮水.石崇魚6兩至8兩,北茋3錢,杞子3錢,紅棗6粒,生薑3片,石崇魚叫魚販替你劏洗淨,去鰭刺,回來洗淨後用少許油煎香,與其餘材料用5碗水煮45分鐘可飲.有助加快傷口癒合.痰火核可以用夏枯草1兩,浙貝母3錢,海藻1小撮,5碗水煮成2碗服,連服3劑,有助消腫散結.可以買些螺旋海藻,平時多用來滾豆腐瘦肉湯;番茄蛋花湯等,有助散結及抗癌.戒吃筍,蝦蟹,鵝肉,豬頸肉,芒果,菠蘿,無鱗魚等發物.
芳姐🙏🏻感謝你
石崇魚煲45分剩多少碗？一天內飲完？
手術後第三天開始飲嗎？總共飲幾多天？
痰火核5碗煮成2碗都是一天飲量嗎？
乳癌是不是不可以吃糖？只是白糖？
其他糖可以嗎？飯都是有糖@@好迷茫
還有，還有其他方法可聯繫芳姐？
因為email沒有通知
我是上網再找找才找到你原來已回覆了我
Ruby:
由於我工作非常忙碌,如果每位網友要求我單對單用電郵回覆,我不睡覺也不行,故敬請原諒!你只能在網頁找我給你的回覆!(如你忘了在哪篇文章找,可以按bar頂[廻響RSS訂閱],可見到100個廻響及我作的回覆,從中應可找到你問的答案.)
癌病患者盡量少吃糖,高脂肪食物及牛奶,那是癌細胞最喜歡的養分,但不表示完全不能吃,只是盡量少吃就是.白砂糖精製過不要吃,蜜糖等適量是可以的.澱粉,生果,根類蔬果進入人體都會產生糖分,但這是支持生命能源的必需品,當然可以食,否則[餓死]自己,都未能餓死全部癌細胞!
食療湯無論煲至2或3碗,只要一天分服完就可以,因為不是藥,是調理身體之品,需細水長流飲用,份量不必絕對準確.
感謝🙏🏻芳姐用心回答
1月做全乳切除，中醫話食無花果，有什麼可以煲？石崇魚手術後幾天飲@@但中醫話唔洗咁快飲.
已飲連3劑痰火核療，是不是每星期飲用？直至消失唯止嗎？
已跟芳姐教導買絞服藍玫瑰花茶，是每天飲嗎？
Ruby:
任何湯不放紅棗就可以放供花果.石崇魚出院後就可以煲來飲,一星期2劑.絞股藍,玫瑰茶一星期3次就夠.清熱散結湯可飲至痰火核消化為止.一星期2~3劑.
我老公要開到睇過已準備攞啲石出嚟，請問開刀後幾多日可以飲石崇與湯呢，一個禮拜飲幾多次，是否要飲一個月，謝謝你的幫忙，還有石崇魚可以加什麼一起煲湯嗎？多謝你
Carol:
手術後第三天可以飲3劑,第二星期又可飲2~3劑就成.可配北茋,杞子,紅棗;或配黨參,北茋,紅棗.
小產後出院，要飲幾耐石崇魚？謝謝你
肥文媽:
小產後可以服用3次石崇魚湯,有助加快康復.
芳姐，
你好。請問如果手術後，傷口有發炎，適合飲石崇魚湯嗎？
Mei:
傷口有炎症可以飲石崇魚湯.但要注意傷口衛生,保持乾爽清潔.
芳姐
如果開刀生B.B. 何時開始服用石崇魚湯？
是否一定要石崇魚？
真的很焦急 家中沒有人懂，謝謝你
心急人:
剖腹產可以在出院後飲石崇魚湯,如買不到就用海鱸魚亦有相同功效.能加快深層傷口癒合.
芳姐
多謝你
那請問 開完刀 頭一兩天 要飲甚麼湯水呢？
因為突然打風 我要買餸 真的很心急。
心急人:
開完刀只要不肥膩食材都可以,例如紅蘿蔔粟米冬菇瘦肉湯;鮮淮山杞子紅棗瘦肉湯等.
芳姐
下個月要做口水線腫瘤手術，手術後可餐餐飲石崇魚湯嗎？
因為傷口在臉上，特別緊張，謝謝
Ck:
石崇魚湯飲3~4劑通常差不多了.可以用北茋5錢煲瑤柱陳皮稀粥食亦有助傷口癒合.
請問手術後第二日才飲？還是第三？
謝謝
Ck:
北茋陳皮粥第二日食;石崇魚湯第3天開始飲.
妳好芳姐, 請問如做完甲狀腺切除手術, 可以飲什麼湯水呢?
是否可於開始恢復飲食時便可飲用呢?
另什麼時候開始可飲用如石祟魚, 牛秋魚, 山斑等魚湯 ?
謝謝妳
WONG:
手術後可以用北茋5錢煲瑤柱陳皮粥食,紅棗小米粥亦健脾補血.石崇魚湯手術後第3天可服,連服3劑.牛鰍魚湯亦可以出院時飲.山斑魚則要表面傷口埋口後才用,大約兩星期後.
謝謝你芳姐🙏🏼🙏🏼、手術後是否都可飲蘿白果皮水呢
WONG:
手術後可以飲水就飲蘿蔔陳皮水,小口小口飲,盡量飲多些,能加快排走麻醉藥.
想問下岩岩做完子宮成個切除手術，同本身有癌症煲d咩湯好？
如果搵唔到石祟魚請問重可以煲咩湯？
謝謝芳姐
Yeung:
子宮切除手術後可以用姬松茸3錢,杞子3錢,紅棗4粒煲瘦肉湯服.没石崇魚可用海鱸魚,同樣能加快深層傷口癒合.
芳姐：
你好！ 講問做完乳房良性腫瘤切除，可飲石崇魚此湯嗎？
win:
手術後可以飲石崇魚湯,能加快深層傷口癒合.