By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
芳姐妳好，
女兒2歲半，一星期前流鼻水加幾聲咳，有睇西醫， 前三日轉好， 但呢兩日早晚不停咳， 冇時停， 晚晚咳到醒 （已睇兩次醫生）請問可以煲咩湯水可以止咳？
另外有咩湯水可增強抵抗力？thx
黎太:
你試用枇杷葉,龍脷葉各5錢,桔餅1個,雪梨1個,去核,5碗水煮成2碗供一天服,連服3劑,看能否改善?
謝謝芳姐回覆 3劑是否食3日？
黎太:
是一日一劑,連服3天.
謝謝回覆
芳姐妳好，我問漏左阿女仲食緊藥可否一齊食用？thx
黎太:
服西藥後隔2小時飲没問題.
謝謝芳姐回覆
芳姐你好！小兒五歲，咳咗半個月，開頭係睡覺有兩聲咳日頭冇咳，几日后就前半夜會咳醒兼咳到嘔，而且日頭都有咳，咳聲听落係有痰同埋有D喘。今日睇第二次西醫，醫生話佢氣管敏感有D傷风開咗D藥，但晚上仍然咳到嘔痰，係黄綠色，有冇湯水可以帮到佢。謝謝！
Jiu:
痰黃綠色表示有炎症,要告知醫生才是.試用蘇子,萊菔子各3錢,枇杷葉5錢,甘草1錢,4碗水煮成2碗供服,有助化痰止咳.
多謝芳姐，係我冇講清楚，佢係晚晚咳到嘔痰，所以我有同醫生講痰嘅問題。可能我太心急諗住西藥可以即刻止到夜咳個情況，我會試下你個配方，唔該晒。我仲想問下，除咗甜凍煎炸唔食得，仲需要界D咩，鷄同魚湯有冇影響？蜂蜜水可唔可以飲？
Jiu:
痰咳不要吃甜及凍的東西,少煎炸及辛辣食物,雞胸肉,鮮魚可以適量食,但發物筍,鵝肉,豬頭肉,無鱗魚等要少食,因易誘發炎症發生.蜂蜜水如痰多都少飲些.用川貝燉陳皮蘋果會有助化痰及減少氣管痙攣咳.
唔該晒芳姐！佢噚晚已經咳少咗。咁川貝陳皮蘋果份量係几多？萬分感謝！
Jiu:
川貝末3錢,蘋果1個,去皮,去核,陳皮1個,4碗水煮成2碗服,連服3劑.
芳姐,你好!
小兒歲半, 早前發燒已退,唯一直有鼻水未停, 伴隨夜半有咳,越加頻密且有痰聲,有服西葯但未見好轉,該用何種湯水?謝謝!
mrs yung:
你試用辛夷花6朵,蘇子,萊菔子各3錢滾瘦肉湯供仔仔飲,有助化痰止咳收鼻水.4碗水煮成1碗供服,連服3劑.
謝謝芳姐回覆~
小朋友3歲，之前發燒，退左燒後一直咳，夜間咳得比較多和密，仲有痰。距有G6PD症，所以唔亂買野來煲，請問芳姐，我可以煲咩比距飲啊！
芳姐：
你好!我女2歲，咳了兩個星期都未好，睇左西醫，到現在還是間中就咳（主要是日頭），而且好重痰聲，D痰很難咳出來，又有流鼻涕（白色），請問可以煲咩湯水。
謝謝回覆
Winnie
Winnie:
你囡囡痰多,可用蘇子,萊菔子各3錢,陳皮1塊煲瘦肉粥供食,如鼻水多,加6朵辛夷花同煮.如囡囡不喜食粥,滾瘦肉湯都得,滾20分鐘.連服3劑.
謝謝芳姐回覆
芳姐：
你好！我按 以上食療煲湯個女 飲之後，已經無咳了，但是她一直還有流鼻涕，醫生話有鼻敏感，都有用辛夷花沖茶飲，但效果不大，請問還可以煲咩湯飲可以改善啊，鼻涕系白色比較結的.
謝謝回覆
Winnie
Winnie:
你可用辛夷花3錢,蒼耳子2錢,生薑3片,紅棗4粒煲瘦肉湯供服,煲半小時可供服,連服3劑.
芳姐：
你好！我用辛夷花3錢,蒼耳子2錢,生薑3片,紅棗4粒煲瘦肉湯給女人飲了之後好翻，但是好翻2個星期都唔夠又打哈嗤留鼻涕，請問可以繼續煲這個湯水嗎？
謝謝
Winnie
Winnie:
可以再服3劑,有助收鼻水.
你好，芳姐
4歲半，咳左快3個月，一直好似有痰咳唔出，要好大力咳就咳到痰，黃黃d, 之前有流鼻水，食左抗生素冇鼻水la, 不過咳就中醫西醫抗生素都搞唔掂，有冇d 食療可以幫下佢，佢唔係爽咳，又唔係哮喘，不過聽到佢咳，又好多痰，好痰
小朋友3歲
之前傷風感冒，淨返啲咳未清
間唔中咳幾聲，有痰聲，唔識咳痰
應該飲咩湯水？
Janet:
你可以用蘇子,萊菔子各3錢(入茶包袋)煲瘦肉粥供小朋友服,連服3劑,對痰咳有療效.
我囡囡2歲，已流鼻水.眼水2星期，仲有咳可以食咩？
Jenny:
你試用辛夷花,菊花,桑葉各2錢,甘草1錢,4碗水煮成碗半供一天服,連服3劑.
芳姐你好,小女6岁今天咳嗽很厉害又打噴嚏鼻子会塞住,今天看了中医说她鼻水有点倒流,咳嗽听是乾咳,该吃点什么食療可帮助改善？谢谢！
May:
你試用桔梗,麥冬,辛夷花各3錢,甘草1錢,4碗水煮成2碗供囡囡服,連服2劑,如收效,可再服1~2劑.
芳姐,
小兒兩歲, 剛收了鼻水但發現每晚半夜咳嗽特別多,咳重. 可以煲咩俾佢飲?
謝謝.
欣
欣:
你試用蘇子,萊菔子各3錢,辛夷花6朵煲瘦肉湯供服,煲半小時就成,連服2劑,看能否改善?
芳姐你好
請問BB11.5個月，有蠶豆症，BB經常夜咳，尤其在睡覺時咳，咳時有痰聲，無鼻水，請問有什麼方法解決？是不是不能吃魚湯煲的粥呢？
謝謝指點
Emily:
你試用蘇子,萊菔子各3錢,入茶包袋中煲瘦肉粥供BB食,連服3劑,有助化痰止咳.魚湯煲粥没發燒感冒可以服用.
芳姐
我通常一日煲粥就一次過煲兩餐比bb食，咁想問一劑係指一餐粥定一煲粥呢？如果三劑的意思是指三餐定三日（6餐）呢？
謝謝
EMILY:
是煲1煲粥,一天分服.連服3天,即3天食用3煲粥的意思.
芳姐你好,小女6岁这幾天睡覺就会咳,睡覺时呼吸声气管好像有东西卡住就咳,咳得厉害就会吐？有什么食療可帮助？谢谢！
芊芊:
你試用蘇子,萊菔子各3錢,生薑2片滾瘦肉湯供服,有助袪痰止咳.
芳姐你好！囡囡同老公好容易咳，會唔會係氣管唔好？一咳就半個月都未好，可以煲咩湯水？謝謝🙏
Popo:
你試用川貝3錢,南北杏1兩,百合1兩,陳皮1塊,紅棗6粒煲鷓鴣湯供家人服,8碗水煮2小時飲,有助補肺氣,止咳.
請問..4歲小朋友…有膿瘡病..可以用什麼食物,助他快快好！謝謝！
余太:
你試用鮮土茯苓2兩,赤小豆,綠豆,生薏米各1兩,蜜棗2粒煲瘦肉湯,8碗水煮2小時成4碗,可分2天飲用,連服3劑.
芳姐，我個女1歲10個月，發燒4日，退燒後，有外感，醫生話外感內熱有啖痰喺喉嚨，但問題不大，距中西藥都唔願食，請問下有無咩湯水可以煲俾距飲下，謝謝！
kiwi:
你試用生薑3,4片,葱白3棵,白蘿蔔半個,先用3碗水煮蘿蔔,生薑10分鐘,加入葱白再滾3分鐘可飲.
可唔可以加瘦肉一齊煲
kiwi:
可以加瘦肉同煮,切片瘦肉大約要煮15分鐘.
芳姐你好, 小兒3歲, 11月頭開始到現在斷斷續續感冒及有鼻涕痰咳, 好返8, 9成後持續半夜都會有咳, 聲音似有鼻水倒流又有痰, 咳一陣又可以瞓返, 日頭時間沒有咳好正常, 但試過有次咳得出痰, 痰帶少少微黃, 請問應該用咩湯水食療可以幫助舒緩呢? 期間都有飲中藥調理。謝謝!
胡太:
你試用蘇子,萊菔子,辛夷花各3錢滾瘦肉湯供仔仔服,連服3劑.4碗水煮20分鐘成2碗,一天分服,有助化痰止咳收鼻水.
謝謝芳姐~連3劑是不是一天服2碗, 連服3天嗎?
芳姐, 想請教小兒的情況飲用燉橙的汁可以嗎?
胡太:
是一天服2碗,連服3天.燉鮮橙可以,連洗淨的皮一齊燉,用湯匙壓橙皮連橙肉的汁供服,因為主要化痰止咳是[橙皮素].生的橙則惹痰.
感謝芳姐的意見~
芳姐你好,小女5岁平日少许咳,但睡覺到差不多早上6点就咳得厉害,咳到吐,该吃什么舒缓些？谢谢！
May:
你試用洋葱1個,去衣切塊,蒜瓣7,8粒,冰糖少許,4碗水煮15分鐘供一天服,連服3劑.
芳姐，你好，小女兩歲，最近天氣轉冷感冒，睇咗兩次醫生都未好，開第一次睇醫生就收咗鼻水，但成日半夜咳，第二次睇醫生就再流返鼻水，而且咳得更嚴重，聽落係乾咳，似敏感咳，成日都會冇啦啦咳，半夜咳到瞓得好差，請問可以整d咩比佢食?謝謝解答
Ann:
你試用洋葱1個,去衣切塊,蒜瓣7,8粒,拍碎,冰糖少許,3碗水煮成碗半供一天服,對小兒感冒咳有效.連服3劑.
芳姐，請問3劑意思是?
翊:
即每天用1劑,連續服用3天.
芳姐您好！感謝您百忙之中看我的求助，我囡囡22個月，之前發燒,鼻塞，咳嗽多痰咳不出，吃了西藥，燒是退了，但是鼻塞很厲害，又老是咳嗽，痰聲很重，又咳不出來，胃口又差，吃了止咳嗽西藥都好像沒什麽明顯效果，現在都很擔心，喝什麼好可以讓我囡囡好點，方分感謝您的意見！謝謝！
芊穎媽媽:
你試用蘇子,萊菔子,辛夷花各3錢入茶包袋,煲瘦肉粥供囡囡服,連服3劑,有助袪痰止咳收鼻水.睡前可以用棉紙巾剪成條狀,沾淡鹽水,扭緊替囡囡通鼻,可減少不適.
萬分感謝您在百忙之中回复。感謝您的寶貴意見。
不好意思。我在想多問一下。我囡囡都有吃一西藥，這樣要不要隔開飲？感謝！
芊穎媽媽:
服西藥後2小時服用最好.
萬分感謝您的意見～
芳姐你好！囡囡咳左個幾好返一星期，依家又有幾聲咳、小小痰聲，半夜都有、可以煲什麼？謝謝
Mia:
痰咳,你試用蘇子,萊菔子各3錢,入茶包袋煲瘦肉粥供囡囡食,連服2劑,有助化痰止咳.
早個半月前因為支氣管炎入院，本來已好返。但可能因近排天氣轉冷，小兒（26個月）每天因咳嗽而弄醒自己，不能再入睡。但清醒時間，到晚間睡前都不再咳。長此下去，好怕影響睡眠品質。繼而影響長期發展。
鱷魚湯已燉給他喝。
邵生:
你試用洋葱1個,去衣,切塊,放碟中,大火蒸20分鐘,用湯匙壓洋葱汁供仔仔服,洋葱1個可蒸2次,一天分服,有助止咳.試服3天.
芳姐你好！我有個20月大的BB，佢每日都早晚都有咳！我已煲過鱷魚肉的湯飲過都還有咳！我想請教一下還可以煲什麼湯水可以幫助下小朋友呢？
談先生:
你試用洋葱1個,去衣切塊,放碗中,大火蒸20分鐘,用湯匙壓洋葱汁供BB服,可早晚蒸服,一個洋葱可蒸2次,試服2天,看能否改善?
芳姐你好 我仔仔14個月喉嚨沙哂 小小鼻水 小小咳 服用寶嬰丹三天都沒好轉 應該食啲咩？
訪客:
你試用白蘿蔔半個,雪梨1個,去核,葱白3棵,4碗水煮半小時成2碗,一天分服,葱白後下,連服3劑.
芳姐您好！我想請教下你！我仔仔2歲！佢尼2日開始咳嗽！仲越咳越勁！我比佢食藥水！佢又5肯食！少少鼻水！一郁就出汗好勁，夜晚也是出汗好多！無冇胃口！請問我應該整什麼比佢食有幫助呀！謝謝芳姐！
Baby:
你試用枇杷葉,龍脷葉各5錢,浮小麥5錢,橘餅1個,4碗水煮成碗半供1天服,連服3劑,看能否改善?
芳姐你好，仔仔19個月大，感冒睇左3次西醫都未完全痊癒，仲有好多痰。近日食左2次候棗散之後痰少左，但夜晚成日咳，訓得冇咁好。請問可以煲什麼湯水？ 感謝！
Kiki:
你試用洋葱1個,去衣切塊,蒜瓣4,5粒拍碎,4碗水煮15分鐘成2碗供一天服,有助殺菌止咳.
補充下，囝囝13個月，之前一瞓完早中或者夜覺，一起身就咳幾聲，而家係半夜都咳，啲咳長左又密左
補充下，囝囝13個月，之前係次次瞓完覺就咳，而家日夜半夜都咳，密左多咳
芳姐你好，囝囝原本一瞓覺起身咳有痰，飲完絲瓜水，就乾咳，夜晚咳左，密左，再飲龍脷葉枇杷葉桔餅雪梨水，但就不斷出汗又繼續咳，而且打乞嗤，腳心有發熱，但額頭無熱，啲屎時爛時硬，好難排便，但有酸臭，咁而家飲啲乜好呀？謝謝芳姐
訪客:
你仔仔要看中醫治理才成.因為可能有點陰虛內熱,通理枇杷葉桔餅水不會出汗的.
芳姐您好，
囝囝15個月，近日夜晚訓覺時有幾聲咳，無痰無鼻水，後變左夜晚訓覺突然好似頂住抖唔到氣敢咳，睇完醫生，晚咳仍繼續，訓著間唔中會頂住氣續住咳。。
呢兩日聽佢咳好多痰，吐出來係白白地的，都係夜晚訓住咳多
請問有咩湯水建議呢？
李太:
你仔仔痰咳,可用蘇子,萊菔子,紫蘇葉各2錢,甘草1錢,4碗水煮成碗半,供一天服,有助散寒化痰止咳.
您好 ~ 小兒13個有月 , 一直咳已有一個半月 , 有畤一咳起，連奶或粥仔一併嘔出，已多次看西医食止咳也末能完全止咳, 請問有何食療可改善?
yvoyvo:
你試用紅蘿蔔1個,去皮切薄片,紅棗10粒,去核切片,陳皮1個,5碗水煮成碗半供仔仔一天服,連服3~4劑,對小兒久咳有效.
芳姐，
我囝囝一歲，佢而家瞓醒即有咳有痰聲但咳唔出啲痰，佢一日瞓幾轉，次次瞓完起身都係咁，但無鼻水，唔肯食西藥，難飲又唔飲，有無乜野化痰呀？已經試過煮雪耳雪梨水佢飲，佢肯飲但化唔到痰。佢人就好精神。
訪客:
試用絲瓜1條,去皮切塊,蒸20分鐘,用湯匙壓絲瓜汁供服,有助化痰止咳.
芳姐你好
小兒1歲半。上星期咳嗽痰多流鼻水。也發燒了
看了醫生吃了7天抗生素。醫生也看了3次
燒是退。但仍很多痰。引起咳嗽..晚上睡了甚少甚至沒有咳。但日間一咳上來聽到很多痰聲和咳到面紅。有什麼湯水可助他化止咳？燉洋蔥水有效嗎。謝謝
謙謙媽咪:
已作回覆.用絲瓜水.
芳姐你好
小兒1歲半。上星期咳嗽痰多流鼻水。也發燒了
看了醫生吃了7天抗生素。醫生也看了3次
燒是退。但仍很多痰。引起咳嗽..晚上睡了甚少甚至沒有咳。但日間一咳上來聽到很多痰聲和咳到面紅。有什麼湯水可助他化止咳？燉洋蔥水有效嗎。謝謝
梁太:
如果日間咳多,可以用絲瓜1條,去皮切塊,放蒸碟中,隔水蒸20分鐘,用湯匙壓榨絲瓜汁供服,頗能清熱化痰止咳.
芳姐，你好，女女1歲半，之前有發燒，鼻水，食左2日西藥之後開始聲沙，仲有少少鼻水，訓覺時咳得好用力，好辛苦(聽到有啖聲的)，半夜咳得尤其嚴重，請問可以煲d咩幫下佢？
Katherine:
你試用羅漢果1/4個,陳皮1個,3碗水煮成1碗供囡囡一天服,有助利咽化痰止咳.
請問陳皮是否要先浸軟後去囊？
Katherine:
陳皮可先浸洗,但無需去囊,因囊中含有軟化血管的物質.
芳姐。你好。。仔仔2歲半。感冒有鼻涕，之後一直咳。晚上咳得好勁。。可以煲什麼給仔。Thank
比比:
你試用紫蘇葉3錢,生薑3片,紅糖少許,3碗水煮10分鐘供仔仔飲,有助散寒止咳.睡前1小時可用洋葱1個,去衣,切片,放碗中,大火蒸20分鐘,用湯匙壓榨洋葱汁供服,大約2~3湯匙左右,有助晚上減少咳嗽.
唔該芳姐。。如果 煲魚腥草會否太涼
比比:
魚腥草太寒涼,熱咳較適合.晚上咳多屬寒咳.
你好 芳姐
小兒差不多四歲，之前流了差不多一個月鼻涕
已康復，但變了有痰和幾聲咳，這兩晚凌晨更
會痰咳大約兩分鐘左右才停，請問有什麼食療
可化痰止咳（）
kimmi:
你試用蘇子,萊菔子,紫蘇葉各3錢,生薑3片滾瘦肉湯供服,滾20分鐘可飲,連服3劑.
謝謝你 明天試一試
芳姐，您好，今日仔仔干咳没痰，但又鼻塞，鼻敏感打哈奇，应煲点什麼汤卑他饮？今年4岁了，朝头早有点咳，
winky:
你試用辛夷花6朵,拍碎,葱白3棵,生薑3片,紅糖少許,3碗水煮10分鐘服,連服3劑.
芳姐，我女儿19个月，昨天你叫我蒸洋葱水俾囡囡饮，半夜她就发烧了，她声音都变了，感觉她喉咙不舒服，应该是食得多热气野，喉咙发炎引起发烧，对吗？请问有什么汤水适合她，另外，我煲猪肺合桃白果汤适合她现在饮吗？谢谢
芳姐，我想䃼充一下，我個囡今朝開咳多咗，感覺有痰咳唔出，現在情況流鼻，喉嚨發炎引起咳，還有小小低燒，有什麼湯水適合，謝謝
kiwi:
你試用枇杷葉,龍脷葉各3錢,雪梨1個,去核,桔餅1個,4碗水煮成碗半供囡囡服,有助清肺利咽喉.如燒不退要看醫生.
芳姐你好，我囡囡19個月大，流青鼻涕，已經幾日，近兩日又食熱氣野，昨天食咗幾個餅開始，就有幾聲咳，是否喉嚨乾引起？請問以現在的狀況有什麼湯水適合她，謝謝
kiwi:
你可以用洋葱1個,去衣切塊,放碗中,隔水大火蒸20分鐘,用湯匙壓榨洋葱汁供服,連服2劑,有助改善.
您好，芳姐我小女1岁半，有痰間中有幾聲咳，痰在喉嚨裹面粘住，一咳就會想返胃想吐，痰粘得太实，痰系白色，有D咩可以煲比佢飲同化痰。唔該曬你
jessica:
你試用川貝末3錢,陳皮1塊,蘋果1個,4碗水煮成碗半供一天服,連服3劑,有助袪痰.
唔該芳姐
芳姐，你好，我仔仔11個月大，近日去完旅行就早晚有幾聲咳，無痰聲，但佢一向氣管差，所以早上來牀時咳嗽會有少少喘，請問可以煲什麼湯水給他喝呢？
May:
你可用洋葱1個,去衣,切塊,放碗中,大火蒸20分鐘,用湯匙壓洋葱汁供仔仔飲.大約3湯匙左右,有助止咳.連服3劑.
芳姐妳好，
女兒4歲，前兩天流鼻水，食左西藥已收左鼻水，間中有d，但鼻水可能倒流所以咳，也有食西藥咳水，我煲左龍梨業枇杷業石黃皮椰王百合湯比女飲，但唔知岩唔岩？我女話喉嚨有d痕，請問可以煲咩湯水？另外有咩湯水可增強抵抗力？thx
Yoko
yoko:
你試用辛夷花6朵拍碎泡茶供服,可加蜜糖.連服3~4劑.可以用淮山,蓮子,芡實,茯苓各5錢,陳皮1塊,紅棗6粒煲排骨湯供服,有助增强體質,一星期2劑.如一家人飲,淮山等份量用1兩就成.
你好芳姐，小兒11個月大，昨日開始成日打乞嗤，同有流鼻水，早晚有幾聲咳，請問可以煲什麼湯水呢?
May:
你可以用洋葱1個,蒜子3,4粒,3碗水煮成碗半供1天服,有助抗菌止咳.
芳姐你好,小女5岁又再次看中医吃了3天药痰还是不消又有鼻涕,痰己变黄绿色了,前后己经3星期多了,吃了中药睡覺比較好一点没这么咳,早上起身也没痰也没鼻涕,但一小时后她喉嚨又hom,hom 声很多痰声又有鼻涕,我也不知道是鼻涕倒流还是痰,记得之前有一次痰鼻涕不会好,后来是鼻涕倒流,喝了灵芝,辛夷花,蒼耳子,红枣就好了,这次我也有给她喝了2劑可是没有改善,真的很烦,请问芳姐还有办法嗎？谢谢
朱太太:
痰黃綠色表示有炎症,最好看西醫治理.食療不宜用靈芝,因性温,應該用清涼一些食材,如用金銀花,辛夷花各3錢,葱白3棵,3碗水煮10分鐘供服,服2劑,看能否改善?可能鼻水倒流引致咳都未定.
芳姐你好,小女5岁饮了3劑法夏,白术,茯苓,陳皮,甘草我还加辛夷花好很多了,但还是有些痰没消完,还有少许鼻涕,没有咳,而且很容易流汗晚上睡覺也盗汗整頭湿湿,一个多月前有饮过北芪,浮小麦,黑豆,南棗4劑好了,现在又再流汗,还有痰,看了中医也没改善,该给他喝点什么？谢谢！
朱太太:
如你囡囡痰未清,可以繼續飲多兩劑法夏陳皮水加辛夷花.盜汗可試用女貞子,五味子各3錢,甘草1錢,4碗水煮成2碗服,也是連服3劑,有助歛汗.
芳姐,我補充小女很少咳,咳都是喉嚨卡住很多痰,没办法咳出来？谢谢一
朱太太:
你試用法夏3錢,茯苓,白朮各4錢,陳皮2錢,生薑3片,甘草1錢,5碗水煮成2碗供你女兒服,連服3劑,有助清痰.
芳姐你好,小女5岁前天给她喝了准山,茯苓,南杏,百合,川贝,雪耳,陳皮,鱷鱼肉煲瘦肉湯饮后,喉嚨变了很多濃痰加打噴嚏,昨天帶她看中医吃了二天药睡覺没咳那么厉害,但还是有咳,而且很多很濃很濃的痰还有打噴嚏流鼻水,而且痰完全都没办法咳出来？该如何是好呢？
芳姐你好,小女5岁喝了枇杷葉龍脷葉橘餅雪梨水三劑还是咳,下午睡覺咳最厉害,起来也是咳,晚上少一些,有时有很多痰声有时乾咳,还有在吃西药,该怎办呢？谢谢！
朱太太:
咳嗽是頗麻煩的,建議看中醫治療,中藥的療效較食療好.你試用淮山,茯苓,南杏,百合各5錢,雪耳2錢,川貝2錢,陳皮1個,鱷魚肉2兩煲瘦肉湯供囡囡服,8碗水煮成4碗,可分2天飲,連服3劑,有助補試肺脾腎,强壯肺氣,減少咳喘.
芳姐你好,小女吃药发烧比較退了,喉嚨发炎很多痰咳嗽,肚子一直说不舒服不肯吃东西,吃一点就想嘔吐,蓮喝点水就说很飽了,该给吃点什么食物好,发烧可以吃粥嗎？谢谢你指点！
朱太太:
可能感冒菌內了腸胃,致你囡囡肚子不舒服.試用生薑3,4片,蒜子5,6粒,紅糖少許,3碗水煮10分鐘供服,隨量飲就成,有助殺菌止嘔.
芳姐你好,忘了问你枇杷葉龍脷葉橘餅份量要多少？谢谢！
朱太太:
枇杷葉湯在日前的文章中早已登載了.
芳姐你好,想请教你枇杷葉龍脷葉橘餅雪梨水对吃了西药发烧不退憢,昨天到现在都不退烧,还有喉嚨发炎,有痰黄绿色有帮助嗎？怎样可帮助退憢？谢谢！
朱太太:
不退燒主要是喉嚨發炎引起,枇杷葉雪梨水有清熱解毒及利咽作用,有輔助療效,服西藥後2小時飲就成.