By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐：
你好，小兒4歲，每逢轉天氣就容易病同咳，近排一到訓覺時，小兒呼吸聲特別大，又好像有鼻水倒流咁，引致佢訓訓下會乾咳，又會聽到有鼻涕聲及痰聲，但日頭時就沒有鼻涕及咳。胃口都不錯，唯近日開始咀唇偏紅及小小口氣。
我應該可給他吃什麼好呢？謝！
JULIET:
不食粥就用那些材料滾湯,3碗水煮15分鐘服.紫蘇能散寒止咳,加生薑,紅糖能解表.單用辛夷花只能收鼻水.痰多要先清痰,紅蘿蔔水止咳但不能清痰.
芳姐，感謝您的回覆，但小女不喜歡食粥，有沒有其他建議呢？
如果繼續飲紅蘿蔔紅棗北杏水，可以嗎？另外紫蘇葉，辛夷花，紅糖加薑與只用辛夷花泡茶功效上有什麼不同？
謝謝您！
JULIET:
如果痰多,可用蘇子,萊服子各3錢入茶包袋,紫蘇葉3錢煲肉碎稀粥供服,有助化痰止咳.如鼻水多,可以用辛夷花6朵泡茶供服可加蜜糖.
您好, 芳姐
女兒三歲咳已一個多月，感冒後無論午睡后或者早上起床后都會連續有幾聲痰或冇痰咳，平時間中一兩聲咳，睡覺中有時會咳，但早兩日情況突然變差，有少少微熱低燒，夜晚一瞓就咳一段時間, 清晨時份又咳一段時間，鼻好像有鼻塞和鼻水, 但沒有流出來，喉嚨好似好多痰困住，昨晚飲了一次紫蘇葉，辛夷花，北杏，三錢, 薑三片加紅糖, 2碗煲1碗，情況少許改善但訓覺都好咳，今早起床比昨天咳少了點，日間有飲紅蘿蔔紅棗水加北杏，請問應該繼續還是要改其他食材呢？謝謝您！
慧:
小朋友得19個月不宜常用食療品,一星期最多一次吧!痰未清亦不宜飲此茶.可以用蘇子,萊菔子各3錢(入茶包袋)煲瘦肉粥供食,有助清痰.
同埋一星期可以飲幾多次？小朋友19個月
呢個茶如果小朋友痰未清可以飲嗎？
芳姐：
小兒三歲九個月，經常咳嗽，一咳就好用力，不分早晚，醫生話系氣管敏感，請問飲咩可以幫到他呢？唔该晒。
chris:
你可以用川貝末3錢,蘋果1個,去皮,去核切粒,2碗水蒸半小時供服,可加蜜糖.有助減少氣管敏感.一星期2次.
NAM:
仔仔4歲,如有口乾唇燥現象可以飲些花旗參茶.
芳姐，我仔4歲請問可以飲花旗參嗎？
NAM:
你試用麥冬,花旗參,桔梗,甘草各1小撮泡茶供服,大約泡10分鐘飲,連服3天,看能否改善?
芳姐，我仔每朝一瞓醒就咳個幾鐘，呢排口氣又大，我想問有咩食療可以幫下佢呢，我好擔心佢咳得多有哮喘就麻煩。
你好芳姐,我仔每朝都會咳好耐,有時可以咳個幾鐘就停,有時覺得佢D聲好似有痰咳唔出咁,可否介紹幾款湯水幫下他呢?之前睇過中醫話佢氣管敏感,謝謝指教!
KATHY:
囡囡可以飲鱷魚肉湯,配沙參,麥冬,杞子各3錢,淮山1兩,無花果4粒煲湯2小時,全家可飲,有助强肺氣,滋陰補肺.
剛先找回你答覆，阿女已清所有鼻涕，而家變左好多時幾小時無咳，突然咳幾分鐘，飲啖暖水又好點，間中有痰聲間中又無，有時佢話吐痰就白色的，請問煲䲔魚肉湯岩嗎？
芳姐，如果我仔朝早咳係無痰，川貝蘋果係咪都可以？
MAN:
川貝有助舒緩氣管痙攣咳嗽,故没痰都可以燉蘋果服食.
man:
紅蘿蔔紅棗水大火煮半小時,中火煮45分鐘.咳時如有痰,可以用川貝末3錢燉蘋果1個食用,連服4~5劑,有助舒緩氣管敏感,減少咳嗽.
芳姐，我仔氣管好弱，一轉天氣就會咳，通常起身咳得得特別厲害，請問可以除了三棗茶還可以煲啲咩佢飲？另外紅蘿蔔紅棗水要煲幾耐時間？謝謝
KATHY:
外感未好暫時不宜三棗茶,可以用蘇子,萊菔子各3錢,紫蘇葉2錢,陳皮1塊,3碗水煮15分鐘服,連服2劑,有助袪痰止咳.
你好，囡囡感冒之後咳，流綠鼻涕多痰，食左幾日抗生素，開始無鼻涕，仍間中有痰聲，晚上訓落床特別咳，有時又會半夜咳，有時幾小時唔咳，一咳就成個鐘不停咳，醫生話氣管敏感，我唔肯定感冒好返哂未，係咪唔飲得三棗茶？
angel:
你試用蘇子,萊菔子各3錢入茶包袋,紫蘇葉3錢,肉碎適量煲粥供服,有助化痰止咳,連服2劑,看能否改善?
芳姐, 仔仔四歲, 早排咳, 發燒, 食完抗生素後還是有痰咳, 早上醒後咳得勁, 吃飯也會咳好多, 晚上入睡後少咳, 白天有几聲咳, 脷胎中間白厚, 脷邊紅, 身形瘦高, 咳已持續一個月, 中醫話氣管收縮, 不可以吃川貝, 鰐魚肉, 請問有何湯水可食? 謝謝!
popo:
紅棗杞子圓肉茶3歲女間中飲可以,因為較温燥,小朋友不宜多飲,以免上火.
芳姐,我個女3歲可否饮紅棗,纪子,龍眼肉茶嗎,可常服嗎?這個茶有什麼功效?
Hi,芳姐，你好，小兒4歲半，今年9月尾感冒完就一直有乾咳，西醫說是氣管敏感，食完藥後會好好多，不過都斷唔到尾，總是早晚有D咳，呢2日又咳多左，我不想再比太多西藥佢食，因為佢自小抵抗力比較差，成日要食西藥，胃口又好差，變相更易病，尤其𨍭季，一定會咳，請問有否食療建議，已經間中飲你提及之三棗茶和紅蘿蔔紅棗水，希望得到你的回覆，謝甚！
nicole:
你可以用紅蘿蔔紅棗水,對小兒久咳不好有良效,連服3劑.三棗茶好番才飲,一星期2次.
芳姐，我個女5歲半，睇左幾個醫生，醫生話佢氣官敏感，完全未好返，然後我之前問過你，你教我煲蘇子、萊菔各3錢，法夏3錢，陳皮2錢，甘草1錢，5碗水煲成2碗水供服，連服3劑。我煲3劑比佢飲，佢飲之後好返好多，我上次再問你可吾可以再煲這種涼茶比佢飲，你無時間回複我？！我又煲多3劑比佢飲，我怕佢飲得多對身體好吾好？我想再問你，我個女呢3日咳好好多，但系有鼻涕，今天下午又咳一段時間，我又在請教你有無食療教我，拜託你了。
娥:
近日工作非常之忙,故有些廻響未能全部回覆.如囡囡鼻敏感及咳,可以用辛夷花3錢,桔梗3錢,麥冬3錢,甘草1錢,4碗水煮25分鐘供服,連服3劑.
YEN:
紅蘿蔔紅棗水小朋友可以常服,除了痰太多不宜,無特別禁忌.
芳姐，想請問紅蘿蔔紅棗水小朋友係咪可以經常飲？有無咩禁忌？
芳姐：我個仔，日夜都咳，但没有痰,晚上咳得勁的，晚上手腳，全身發熱，但没有發燒，請問可飲咩？
EVA:
你試用麥冬3錢,馬蹄6粒,紅蘿蔔1個,5碗水煮成2碗供服,連服3劑.
AMY:
孕婦可以飲三棗茶.但你有點乾咳,可以用沙參,玉竹,麥冬各3錢,馬蹄6粒,紅蘿蔔1個煲瘦肉湯服,連服2劑,有助滋陰潤肺燥,止咳.
三棗茶, 孕婦都可以飲嗎？ 我一定三日近日都有點咳咳, 有時乾, 之後痕, 之後就咳…. 抽住抽住
想知三棗茶可飲用嗎？
芳姐，
你好，我個女5歲半，咳左4個月睇左幾個醫生，醫生話佢氣管敏感食左藥未好返，後來我問你，你教我煲蘇子，萊菔各3錢，法夏3錢，陳皮2錢，甘草1錢5碗水煮成2碗水供服，連服3劑。我煲了3劑比佢飲，佢飲左我覺得佢好返好多，2碗水分3次飲。但係早上起床佢咳到有談黃色，中午咳到談係米白色，夜晚咳到談係白色有泡泡，夜晚咳得厲害D。我想問可吾可以在煲這種涼茶比佢在服，還是你有食療請教我？
多謝
WAI LAM:
此茶有點藥味,不算太難飲,辛夷花可用5朵,紫蘇葉用2錢,甘草味甜,可以用1錢.試煲1劑看仔仔肯不肯飲.
另:[三棗茶]這篇文章由於太多網友問問題,已達飽和,我試了3次才能回覆到.請轉用其它食療篇問問題.
芳姐，請問這食療容易入口嗎？如果難入口，可加什麼食材令療方容易入口些？謝謝
紫蘇葉3錢,辛夷花3錢,甘草1錢,3碗水煮10分鐘服,連服2劑.
EVA:
你試用紫蘇葉,辛夷花各3錢,生薑3片,紅糖少許,3碗水煮15分鐘服,有助散寒止咳,收鼻水.
芳姐，你好，小兒5歲半，有鼻敏 感，每天早上鼻水特別犀利，就算睇完醫生吃了藥，最多一至兩天沒有鼻水，第三天又有返，上一個月因為感冒食左幾天抗生素，之後就開始斷斷續續有咳和鼻水，但這兩天特別犀利，昨晚還不停咳，咳到睡不到，今早起來又不停咳和小小鼻水，昨天和今天已經飲過紅蘿白紅棗水，但都還不停咳，無發燒，又唔想去睇西醫又食抗生素，請問有咩湯水可以令情況好些，謝謝！
WAI LAM:
三棗茶有助抗敏感咳,可以服.但早上咳及有鼻水,可以用紫蘇葉3錢,辛夷花3錢,甘草1錢,3碗水煮10分鐘服,連服2劑.
芳姐你好，小兒這幾天早上都咳和有少許鼻水，但下午和晚上都冇事，此食療適合他這情況飲用嗎？這幾天早上我都燉洋蔥水比佢飲，飲左佢話好d！但亦是早上起來就咳了！
謝謝解答😊
YAN:
杮餅是乾的.鮮的叫杮子.鱷魚肉湯如果外感未好暫時不要服.
柿餅是否乾的？？
另我買了鱷魚肉潤肺湯包可以一起食嗎？
YAN:
你可以用川貝4錢,陳皮1塊蒸燉杮餅3個,兩母女一齊食.現時生果檔有韓國杮餅賣,這種杮餅好好味,3碗水蒸半小時,你吃兩個,囡囡吃一個.有止咳作用.
前星期氣管炎，吃了五天抗生素，剛過去星期一才吃完藥，今天又開始咳，無痰咳時感覺條氣好窄，應飲什麼湯？
另外女兒三歲多昨天開始有少許咳今天流鼻水，現在訓覺鼻水倒流，咳的聲音都係喉嚨收窄咁應飲什麼好呢？她有氣管敏感的
ANGEL:
你試用麥冬3錢,馬蹄6粒切片,紅蘿蔔1個,切片,紅棗6粒去核,5碗水煮成2碗供服,連服3劑,看能否改善?
請問芳姐小兒持續咳有痰（少少綠色）個多星期，有時一咳就持續不停地咳，早上晚上咳嗽最嚴重，他很怕苦藥，有什麼湯水適合並可以減輕病情？謝謝！
yu:
你試用桔梗3錢,麥冬3錢,辛夷花6朵,甘草1錢,4碗水煮半小時供仔仔服,有助止咳,收鼻水,可連服3劑.三棗茶適合病後服.胃口欠佳,可以用淮山,茯苓,蓮子,芡實各1兩,雞內金2錢,紅棗6粒煲瘦肉湯供服,此湯全家可飲,有助健脾開胃,增强體質.
請問芳姐小兒3歲，因傷風而咳嗽已個多月，但偶然還有流鼻涕，是否傷風還未清？西醫說氣管敏感咳，可以飲用三棗茶嗎？胃口欠佳，有食療可增進食慾嗎？多謝！
jenny:
三棗茶有助抗過敏,皮膚病患者可服,不算太燥,可一星期3次.袪濕茶一般都要煲煮,焗水飲不易釋出藥效.例如雲苓,白朮,扁豆衣,澤瀉,豬苓各3錢,起碼煲1小時才成,可以各用5錢,煲夠2日量.
iris:
你試用紫蘇葉,北杏各3錢,陳皮1塊,3碗水煮10分鐘,可加少許蜜糖,連服2劑,看能否改善?
莉莉:
三棗茶有助抗過敏,皮膚病可以服.三豆茶,蒸海魚没問題.蒜茸可以用,但炸蒜茸少用些,因為太熱氣,加上可能用萬年油炸的,不適合你用.