By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
芳姐你好，
我1月感冒，之後一直有痰和鼻水，斷斷續續直到現在。早2日睇中醫佢話我外感存裡，但飲咗3劑藥都唔好，氣管敏感仲嚴重咗。尋晚我自己燉咗洋蔥水飲，氣管鬆返好多，今早鼻水同痰都有少少黃色，晏少少痰同鼻水係無色，請問應該飲咩湯水？ 謝謝！
林太:
痰黃是有熱象,可以用鮮龍脷葉1兩,金羅漢果1/4個,南北杏1兩煲水代茶服,連服2劑,看能否改善?如感鼻塞或鼻水多,可加3錢辛夷花同煮.
芳姐，謝謝你的回覆。現在痰是白色，仍有些少氣管敏感，應該飲咩湯水？感謝！
林太:
痰是白色可繼續蒸燉洋葱水飲,飲2~3劑應可改善.
十分感謝！
你好
仔仔4歲 本身仔仔鼻敏感 一個月前感冒後就引發鼻炎 鼻水倒流
食左一個月西藥 現在仲係咳 咳左一個月 醫生話氣管好多痰 佢唔識咳出黎所以我唔知痰係咩色
煲過桔餅青欖湯 作用對佢不大 請問仲有咩湯水可幫助佢快d清曬d痰？ 謝謝
何太:
用蘇子3錢,萊菔子3錢(入茶包袋)煲瘦肉粥,對小朋友痰咳很有幫助.可連服2~3劑.
芳姐您好
關注您都好幾年了, 亦在您的PG學識了很多知識.
近期小女(5歲)感染風寒後, 一直夜咳不斷, 凌晨3點至5點這段時間咳嗽很厲害, 像喘咳, 請問有什么湯水可以改善?
現時有炖 川貝+百合+海底椰+瘦肉+虎乳, 當日喝完後夜咳便沒有了, 但沒喝那天則持續有夜咳.
感謝.
Mo:
你試用蘇子,萊菔子,白芥子各3錢入茶包袋,用來煲瘦肉粥供囡囡食,連服2劑,有助袪痰止夜咳.家常食療可以用白果15粒,去芯,核桃肉1兩,南北杏1兩,無花果4粒煲瘦肉湯,全家可飲,有助補益肺脾腎,減少咳喘.
謝謝!
芳姐，您好。 最近孫仔(5個多月大，飲人奶) 有痰的現象，朝早讓BB的背曬太陽好像有點舒緩，不過到了徬晚又聽到痰的聲音。除了沖涼時候關冷氣，平時家裡開著冷氣 22 – 23度左右。勞煩您賜教。🙇🏻♀️
蘇太:
你可以用蘇子5錢,陳皮1個切碎入茶包袋煲小米糙米粥供女兒服,食完粥2小時然後餵奶,有助化痰.連食3天試試.
感恩芳姐迅速的回覆 🪷
你好，仔仔5歲半，幾日前一起身干咳幾聲，這兩天嚴重左，連晚上訓教都會咳幾下，平時間唔中幾聲干咳、痰較少。煲過洋蔥蘋果水，鱷魚肉湯，沙參玉竹湯都冇效果，請問要煲咩湯佢飲？同埋佢屬寒咳定熱咳？
Aoe:
你仔仔可能氣管敏感,你試用白果10粒去芯,雪耳2錢,南北杏1兩,陳皮1個,無花果3粒煲瘦肉湯供服,要吃幾粒白果.此湯全家可飲,連服2劑,看能否改善?
芳姐你好！
小囡三歲。應是昨日被風吹親，今日開始乾咳。請問有冇適合湯水推薦。謝謝！
Jiuli:
可以滾些芫荽葱生薑魚片水供服,趁温熱飲,用量隨意.另外可以蒸個洋葱汁,用湯匙壓洋葱汁大約3湯匙食服,可以治咳.
芳姐，想問下小兒快4歲，佢有鼻水開始咳，無痰，初起，都有比西藥佢食，想問問煲那些湯水可以收鼻水同埋止咳？
Joice:
如果小朋友是着涼引起,可以用紫蘇葉3錢,辛夷花~8朵,3碗水煮5分鐘,加些蜜糖調服供飲,連服3劑.如伴有喉嚨紅或痛是熱象,就用金羅漢果1/4個,辛夷花6~8朵3碗水煮7~8分鐘供服,不用加糖.
謝謝你呀仔仔應該係返學被傳染😅連續三劑，係咪每日一劑啊？
Joice:
是每日1劑,連服服3天.
謝謝你呀🥰如果佢食西藥，可以隔幾個鐘飲？定係要停晒西藥先？
同埋佢濕疹，睇咗中醫係燥熱嗰種，但係而家轉天氣佢個身係好乾，揸嘅cream都吸晒，有冇啲合適嘅湯水煲比佢飲下？
joice:
可以去中藥店買地膚子,白癬皮,側柏葉各5錢,煲水20分鐘,用藥棉沾藥汁塗患處,一日3次,有助消疹.要經常保持皮膚滋潤.可以煲些綠豆薏米糖水供服,用量隨意.
謝謝芳姐
小朋友三歲，有小小鼻水、之前飲過辛夷花有改善，但仍有小小，早上會咳，冇痰，好似有啲聲沙
Yvonne:
可以用金羅漢果1/4個,辛夷花6~8朵,3碗水滾15分鐘成2碗供服.
你好！
我個女上個禮拜發燒！退左燒後一直乾咳，流鼻水，食左西藥未好！
請問有咩湯水可以幫助
訪客:
你試用桔餅1個,辛夷花8朵,剪開,無花果3粒切開,3碗水煮15分鐘供服,連服2~3劑,看能否改善?
芳姐你好，我囡囡前幾日有2聲咳，之後流清鼻水和發燒，食左西藥都仲有鼻水同好似乾咳咁，請問有咩湯水可以舒緩？
文文:
你可以用金羅漢果1/4個,雪梨1個,去核切塊，陳皮1個剪碎,4碗水煮半小時供囡囡飲,連服2劑,看能否改善?
芳姐你好：
囡囡兩歲半，已經咳了兩星期一直食西藥都唔好，白天無咳，只係夜晚一瞓低就咳，一晚醒三至四次，唞氣聲但，我唔識分係鼻聲定氣管，試過飲川貝燉瘦肉果皮，龍利葉蘋果紅蘿蔔湯，都母校，可以煲咩湯水適合，謝謝
余太:
你囡囡可能屬寒咳,試用洋葱1個,去衣切片放碗中,隔水蒸半小時,用湯匙壓洋怱汁供服,每次大約得洋葱汁2~3湯匙,一日蒸燉2個洋葱供囡囡服,連服3天,看能否改善?
芳姐，你好。請幫忙看看有什麼湯水和藥可以給小女的女兒，真的萬分感謝。
兩歲，早產，經常夜咳，氣管不好，有痰，鼻敏感，皮膚也有少少敏感，食慾不好，少喝水，但愛喝湯，常留汗，最近不愛洗澡可能怕冷？
不知道什麼食療適合胃口差的小孩？
常生病食了西醫三日會好，但一兩週又來。
再次感謝你。
芳姐你好
兒子22月大，本月初曾患 玫瑰疹及腸胃炎, 身體虛弱，出院後一個星期左右開始 感冒。 初初是早上發燒，但是晚上就 很快退燒了， 然後是一直流清鼻涕， 再慢慢開始咳嗽聲重 ， 好像有野卡住在喉嚨咳唔出。 通常飲完奶咳得出會順手 嘔奶,, 有時會伴有好多 透明的黏液. 會不會是鼻水倒流引致的呢
現在越咳越嚴重, 請問可煲什麼喝 或者什麼 粥
感激
Phoebe:
你試用川貝末2錢,雪梨1個,去核切片,陳皮1塊,4碗水煮成1碗供仔仔服,連服3劑,有助袪痰.如鼻水多可以加5朵辛夷花同煮.
看了你其他文章
因為仔仔咳嗽， 還仍然有很多清的鼻涕， 是否仍然是風寒感冒呢， 可以按以上建議飲川貝雪梨陳皮嗎
感激
Phoebe:
如鼻涕清的,雪梨可改用蘋果.
芳姐你好
已喝三劑
鼻水少了，但仍然在流清鼻涕， 有時有打噴嚏
咳嗽聲越來越重， 每次咳嗽 好像有很多痰似的
不知道是否鼻敏感引起的咳嗽呢
現時可以煲什麼繼續燉蘋果川貝陳皮可以嗎
Phoebe:
可以飲蘋果川貝陳皮水.痰多可能是鼻水倒流引起都未定.可加辛夷花8朵同煮.
小兒11個月由之前感冒好番後，一直到目前每晚都一起身就咳同好多痰聲，但又咳唔到出嚟！這情況已經有4-5個了，因為好多人也叫我嘗試轉奶粉看情況有冇好點，但轉左2晚（因為剛開始轉，所以我揀夜晚臨瞓前呢餐奶轉）但轉左2晚後佢咳情況再嚴重左，連日常時間也有咳，半夜訓了也咳，目前我已經停了沒有再試新奶粉了，請問我可以煲咩湯水比佢？（有試過燉蟲草花黨參連子百合無花果湯，飲完好似咳多了，是否不合適？）謝謝你🙏🏻
Chloe:
小兒痰咳,可用蘇子,萊菔子各3錢入茶包袋,煲瘦肉粥供食,可加其他仔仔喜歡的粥料,煲好粥後將茶包袋拿走,連服3~4劑,有助袪痰止咳.兩餐之間可以幫仔仔輕輕拍背,拍到有咳嗽時表示該處積痰,可以拍多兩下,然後餵飲暖水,有助將痰排走.
我女一歲大，早上起身咳嗽伴有痰聲（因小女不懂咳出來），已有2個月。每朝都是這樣，有甚麼湯水或粥可治？麥冬馬蹄紅蘿蔔可以嗎？小女亦有濕疹問題難癒，摺位已R出血，有甚麼湯水可舒緩，感謝回覆。
Pearlia:
你可用蘇子,萊菔子各3錢入茶包袋,煲瘦肉稀粥供食,對幼兒痰咳有幫助,可連服3劑.濕疹可以煲些綠豆薏米粥供食,一星期3劑,有助清熱解毒消疹.另外可以用芫荽2兩煲水作外洗劑,3碗水煲10分鐘,用藥棉沾芫荽水塗患處,有助止癢.
請問一下，仔仔九個半月。最近呢一個月每晚飲完奶瞓著放落床就會咳，咳到要吐清啲痰，有時會咳到嘔清所有野。將近一個月有多了，西醫已經睇過檢查一切正常，肺沒有痰，是清的。醫生說痰是在鼻與口腔間沒有流落肺。喉嚨也正常沒有紅腫異樣。朝早隔唔中都有咁既狀況。會經常打乞嗤但沒有鼻水鼻涕流出，之後就會有痰聲，但精神胃口各樣都正常。
有試過燉川貝陳皮蘋果連食四劑，但亦未改善。請問可以煲咩化痰或者止到打乞嗤，每晚咳到嘔真喺好嚴重，西醫說不用食藥。
雲妮:
你試用蘇子,萊菔子各3錢,陳皮1塊剪碎入茶包袋,用來煲瘦肉粥供仔仔服,連服3~4劑,對小兒痰咳有效.蘇子是紫蘇的種子,萊菔子是白蘿蔔的種子,都是很平和的中藥材,小兒可以用.
仔仔已經食左4劑。但半夜瞓著就會咳跟住嘔～乞嗤都喺間中就打。請問需要繼續煲還是轉其他食療？
另外陳皮一塊意思喺一整片三角？可以加其他材料一齊煲粥仔嘛？
雲妮:
你仔仔會不會是鼻水倒流引致咳?試在粥料中加6朵拍碎的辛夷花同煮,陳皮1個3瓣,有助化痰止嘔.可以放其他不太肥膩,仔仔喜歡的材料同煮.如服多3劑不見效,建議看中醫治理.
芳姐，小朋友六個月（有G6PD），有咳咳出d痰係白色，夜晚咳得比較多，食左一個禮拜西藥都好多痰，請問食D咩可以幫到據
同埋面色都多好差，嘴唇又白
訪客:
你可用蘇子,萊菔子各3錢入茶包袋煲瘦肉稀粥餵食,或單用蘇子,萊菔子各3錢,3碗水煮成2碗作開奶茶供飲.連服3劑有助袪痰止咳.
芳姐，你好。請幫忙看看有什麼湯水和藥可以給小女的女兒，真的萬分感謝。
兩歲，早產，經常夜咳，氣管不好，有痰，鼻敏感，皮膚也有少少敏感，食慾不好，少喝水，但愛喝湯，常留汗，最近不愛洗澡可能怕冷？
不知道什麼食療適合胃口差的小孩？
常生病食了西醫三日會好，但一兩週又來。
再次感謝你。
maggie:
已通過電郵作了回覆.小朋友脾虛最好煲些紅棗小米粥供食.鼻敏感可以用6朵辛夷花拍碎泡茶服,可加蜜糖,連服3~4劑.
芳姐你好， 小朋友女仔5歲，自3歲開始就常感冒，有鼻敏感底，有鼻敏感底，時常打噴嚏，流白色黃色鼻涕，有食中藥調理和猴棗散，但咳嗽一直斷斷續續清唔到，日頭間中有咳嗽，每到入睡躺平身體就開始咳，睡著2小左右有時會咳醒，重痰聲，會不停咳20分鐘左右，隔幾個鐘又咳，一晚大約會咳3轉以上，白天一起身通常就會有白痰同埋鼻涕，請問有咩食療可以調理下和止咳，唔該曬
Emily:
你試用桔餅1個切碎,陳皮1個剪碎,辛夷花6~8朵,4碗水煮成2碗供囡囡服,一星期2~3劑,至症狀好為止.
芳姐，你好
我兒子21個月大，自從上年七月感冒發燒，咳嗽未清，十一月又再病過。現在久咳還沒痊愈。日頭晚上都咳，多痰咳聲重，睇過好多中西醫都唔好。請問煲什麼好？謝謝🙏🏻
Yee Wing:
你可用蘇子,萊菔子各3錢入茶包袋煲瘦肉粥供仔仔食,連服3劑.另外可用川貝末2錢,蘋果1個,去核,陳皮1個,4碗水煮成碗半供服,也是連服3劑,兩款食療可同一日服食.
芳姐 ，阿女三歲，呢星期突然咳，主要日抖咳，冇痰，次數唔多，有煲龍利葉比佢飲左兩日，好左，但係少咳一兩日又今天突然咳。咳時有點喘，呢幾日都好大汗，請問可以煲咩食療？
chung:
你可以用桔餅1個切碎,陳皮1個切碎,蘋果1個去核,4碗水煮成2碗供囡囡服,連服3劑.如大汗可加3錢浮小麥同煮.在中藥店有售.
芳姐：
我兒子2歲，上個月有一日發燒後自己退燒，流鼻水，咳嗽，無睇醫生，之後間中有咳嗽，連續一個月每日都有小小咳嗽，有時睡覺聽到痰聲，呢段期間已經常飲蘋果洋蔥無花果南北杏水，飲左3支猴棗末，依家睡醒會咳嗽，咳耐啲就會嘔，日間間中有咳，有一日食完紅蘿蔔豬肉粥後，咳嗽多了，請問佢係屬於寒咳？有咩食療可幫助？
我自己孕5個多月，一起身常流鼻水，午睡後就無事，多白又杰痰，覺得頸寒，但我已經著好多，請問有何食療？謝謝您❤️！
Zinean:
你試用蘇子,萊菔子各3錢入茶包袋煲瘦肉粥供仔仔服,連服3劑,有助化痰止咳.你可以用紫蘇葉3錢,生薑3片,葱白3棵,3碗水煮10分鐘供服,連服3劑,有助袪寒,解表,安胎.
謝謝芳姐，仔仔的咳嗽有好轉，佢都好鍾意個粥。不過忽然又流鼻水，可能夜晚fu被凍親，請問有何食療？
另外，我自己那湯水，應該用咩火煲？
Zinean:
如果流鼻水,可以在粥料中加6朵辛夷花入茶包袋煲粥供服,連服3劑.你個湯用中火煲就成.
芳姐,您好!我最近喉嚨痛,有黃痰同白天有幾聲咳,由於有餵母乳,請問有咩湯水啱?
Jenny:
你可以用青欖10粒,金羅漢果半個,青蘿蔔1個,南北杏1兩煲瘦肉湯服,8碗水煮成4碗,可分2天服用.
你好，芳姐：
我仔2歲9個月，之前感冒有咳，已吃西藥5日，他白天很少咳，有鼻水及痰帶黃綠色。但一到早上咳嗽不止，咳了半小時夾雜有痰聲。請問可以煲什麼適合？謝謝你！
訪客:
你試用枇杷葉,龍脷葉各5錢,雪梨1個,桔餅1個,5碗水煮成2碗供服,連服3劑.
謝謝芳姐，請問是否每日服1次，連服三日？最好是否飯後服？感謝
訪客:
2碗是一天早,午分服.連服3天.飯後服.
芳姐,
小兒23個月大，已經連續三個月感冒，月頭感冒月未好月頭又來。依家發燒喉嚨發炎，夜晚咳得多咳時有痰聲，日頭間中有流清鼻水。請問依家煲咩湯水飲？另外平時煲咩湯水可以增強免疫力預防感冒？
Kelly:
你試用桔餅1個,切碎,雪梨1個去核,陳皮1個剪碎,4碗水煮半小時成碗半供一天分服,連服3劑.如鼻水多加5朵拍碎的辛夷花同煮.病好後可以去裕華或農本方買[玉屏風散]顆粒沖劑,一星期沖服2次以增强抗病能力.玉屏風散是防傷風感冒的著名方劑.
方姐,
您好! 仔仔3歲,早兩天早晚有咳且好多痰,今日有少少發燒,請問有咩湯水啱?謝謝!
Jenny:
痰咳可以用白蘿蔔半個,雪梨一個,去核,4碗水煮成2碗供仔仔飲,對感冒初起咳有幫助.要飲多些水,多休息才易好.
芳姐你好， 小朋友3歲4個月，個個月都最少看一次感冒，隔個月就會氣喘要聞氣，9月尾看過一次西醫睇鼻水和咳，又食左8日中藥，咳嗽一直斷斷續續清唔到，近呢4晚，睡著2小左右就會咳醒，重痰聲，會不停咳20-30分鐘左右，但咳鬆左就可以訓得返，隔幾個鐘又咳一轉，一晚大約會咳醒兩至三次，日頭咳嗽就不多，有鼻敏感底，時常打噴嚏，流白色浠鼻涕，大汗，請問有咩食療可以調理下和止咳，唔該曬。
Eva:
你試用蘇子,萊菔子各3錢,辛夷花6朵,甘草1錢,5碗水煮成2碗供小朋友服,連服3劑,有助化痰止咳收鼻水,汗多可以用黑豆1兩,浮小麥5錢,紅棗6粒煲瘦肉湯,全家可飲,有助養陰止盜汗.
芳姐你好，小朋友歲半近一兩星期入夜就不停咳，咳到有痰，日頭完全無野，可以食的咩？
Cathy:
你可以用蘇子,萊菔子各3錢,入茶包袋,用來煮瘦肉粥供小朋友食,連服3劑,對小兒痰咳有療效.
芳姐你好。我小孩1歲7個月。咳左半個月，已經食左兩次西藥，猴棗散，有煲川貝/惡魚肉/龍利葉的湯水。不見效。我仔估計係寒咳，咳到嘔出來的痰鼻涕是透明，晚夜咳嗽較白天嚴重。佢現在鼻水仍有少許，咳嗽有聲。該煲什麼湯水給他？
芳姐你好。我小孩1歲7個月。咳左半個月，已經食左兩次西藥，猴棗散，有煲川貝/惡魚肉/龍利葉的湯水。不見效。我仔估計係寒咳，咳到嘔出來的痰鼻涕是透明，晚夜咳嗽較白天嚴重。佢現在鼻水仍有少許，咳嗽有聲。該煲什麼湯水給他？
Lei Cake:
你可以用蘇子,萊菔子各3錢入茶包袋,煲瘦肉粥供小朋友食,連服3劑,對小兒痰咳有良效.
請問我囡夜更咳得好密，咳仲有痰，又咳出痰，煲咩好？
kitty:
你可用蘇子,萊菔子,紫蘇葉各3錢,甘草1錢,4碗水煮成2碗供服,連服2劑,有助散寒化痰止咳.
你好，小女5歲，兩個月前一次發燒後（回港時）開始咳，到現在仍未清（在國外），加上後來鼻敏感，長期鼻涕濃鼻塞，特別早上起床，時黃時透明。痰重，超過一個月，咳不出來，咳嗽不頻密，也不影響睡眠。昨天眼睛周圍有黃綠色黏液，第二天又沒有。痰重鼻涕嚴重，有什
有什麼湯水食疗幫忙呢？唔該！
補充：口氣極嚴重
TY:
眼睛有分泌物可能是受到細菌感染,加上鼻炎,要看醫生吃消炎藥才成.食療可用辛夷花6朵,金銀花3錢,葱白3棵,甘草3片,4碗水煮15分鐘成2碗,一天分服,有助清熱解毒,收鼻水.咳不停可能是鼻水倒流影響.
那麼痰重問題如何處理？以上食療能舒緩嗎？謝謝芳姐！
今天黃昏開始發燒38度。
Ty:
痰多可用蘇子,萊菔子各3錢,入茶包袋煲瘦肉粥供食,有助袪痰,連服3劑.要多飲暖水,多休息.
家裡的應該是炙甘草，是否不能代替？未及買的話，能否先省略甘草煲藥？
Ty:
炙甘草補中益氣,生甘草則能調和中藥副作用,如没有生甘草可以不用.
請問小朋友4歲 咳左好耐 日頭咳少啲 夜晚一瞓覺就咳唔停 有小鼻水 但無痰
請問可飲什麼，謝謝
同埋頭成日出好多汗
Eva:
你試用桔餅1個切碎,浮小麥5錢,辛夷花6朵,4碗水煮20分鐘成2碗供小朋友服,連服3劑,看能否改善?
知道，謝謝你！
芳姐，你好
小女5歲半，之前發燒嘔吐肚瀉已看了醫生並痊癒但隨之伴來咳嗽，食了氣管止咳水都仍在咳，已經咳了2星期多但精神不錯，初初乾咳冇痰冇鼻涕，但現在 咳時有痰是白色痰，晚上睡覺就咳得犀利咳到嘔，半夜也會咳，請教可以煲什麼給她喝？
謝謝！
楊太:
你試用蘇子,萊菔子各3錢,入茶包袋煲瘦肉粥供囡囡食,連服3天,對小朋友痰咳有幫助.另外可以用桔餅1個切碎,陳皮1個剪碎煲水供服,好味的.
明白，請問柑餅陳皮煲水要飲幾多天？
謝謝！
楊太:
桔餅陳皮水飲2~3天.
芳姐，你好！
小兒27個月，有蠶豆症…日間咳時間較少，但到晚上時咳較多…在晚間咳與咳之間比較密…咳到面紅！每次都咳到有少許氣喘，眼裡有淚光！咁請問可以俾佢飲啲咩野？謝謝
訪客:
你可用川貝末2錢,蘋果1個,去核,陳皮1小塊,冰糖少許,4碗水煮成2碗供一天分服,連服3劑,有助化痰止咳.
芳姐，你好！
小兒早前剛發燒，發燒伴隨著咳同鼻水，一日後鼻水有黃色，咳仲有，咳多少少時耐不耐體溫較高，咁應該可以俾咩佢飲？
訪客:
你試用蘆根5錢,生薏米1兩,辛夷花6朵,雪梨1個,去核,5碗水煮成2碗供服,連服3劑,有助清熱退燒,收鼻水.
芳姐：
你好。女兒兩歲半，乾咳了幾天。今天開始咳有痰聲，及開始有喉痛，
請問煲什麼給她飲可幫助舒緩？
訪客:
你可以用金羅漢果1/4個,麥冬3錢,陳皮1個,4碗水煮成2碗供囡囡服,有助止咳化痰.連服3劑.
芳姐你好！
本人女兒現兩歲半，這幾天每晚睡覺時都咳得很利害，乾咳及咳醒幾次。
到今天早上及下午也開始有咳嗽。也是乾咳沒痰及鼻水的.
請問芳姐我可煲什麼幫到女兒冇咁辛苦？
謝謝幫忙
訪客:
你試用桔餅1個切碎,生薑2片,紅棗4粒切片,4碗水煮成2碗,一天分服,連服3劑,看能否改善?
芳姐您好，囡囡1歲，睡覺時才有咳嗽，咳時有痰聲，起身時通常會有黃色鼻痰。日頭平時會間中流鼻水，但是清的。請問可煲什麼好呢？
另她2個星期前打完一歲針，已發過燒了，要煲些湯給她清熱解毒嗎？ 謝謝。
訪客:
你試用桔餅1個切碎,陳皮1塊,4碗水煮成1碗供囡囡一天服,服2劑,有助化痰止咳.
芳姐你好！小女下個月四歲，上星期患上流感，燒了五日今日剛退燒，但咳嗽情況很嚴重，痰多帶血絲，有鼻水，嚴重影響夜間訓覺，有無湯水可紓緩？謝謝🙏
Lalaho:
你試用桔餅1個切碎,雪梨1個,去核切塊,陳皮1個剪碎,4碗水煮成2碗供服,連服3劑,看能否改善?痰中有血絲應該看醫生,可能咳傷了氣管都未定.
芳姐早晨，我女6歲，半夜咳嗽，請問煲咩俾佢飲？謝謝
Zhumimi:
你可以用紫蘇葉3錢,生薑3片,甘草1錢,4碗水煮成2碗供服,連服2劑.
小女7岁半夜睡觉时咳，平时些少咳有鼻塞，鼻涕有点黄，昨晚喝了罗汉果，麦冬，辛夷花水更咳厉害，该喝什么改善？还有川贝粉在冰箱放了几个月还可以用嗎？谢谢！
May:
你可以用川貝末3錢,蘋果1個,去核,辛夷花6朵,4碗水煮成2碗供囡囡飲,如痰不多可加少許蜜糖,有助止咳,收鼻水.
但咳得好频繁，日夜都咳，夜晚又训吾到，又一路话喉咙痛，琴日医生检查过话有两点白点响嗰喉咙度，依家总有D稀便。请问芳姐有无什麼湯水能治療？感谢！
芳姐，您好！
我囡囡4岁半，早前学校开party食错野，当日傍晚发烧腹泻，腹泻有成个礼拜了，现稍有好转。但前日开始就有几声咳，都系夜咳，无痰。琴日开始就喉咙发炎，已看医生
Connie:
腹瀉可能細菌仍未完全趕走,可以用蒜頭6~8粒,青莧菜半斤,瘦肉適量滾湯供服,全家可飲,有助殺菌止瀉.喉痛都飲得.另外可以用金羅漢果1/4個,桔梗3錢,麥冬3錢,甘草1錢,3碗水煮成1碗供服,連服2~3劑,有助消炎利咽止咳.
你好，我想問一下仔仔4歲半，感冒咳嗽，晚上不咳，早上起來才咳，有痰而已吐出來的是白痰。看了醫生，說是鼻水倒流，都吃了一個多月的藥，到現在還是這樣，不知道有沒有什麼湯水能治療？
Jessica:
你試用紫蘇葉3錢,辛夷花3錢,甘草1錢,4碗水煮成2碗供仔仔一天分服,連服3劑,有助散寒止咳,收鼻水.
芳姐，您好，祝您新年快樂，身體健康！想問一下是不是有適合小朋友安神的湯水？小女4歲，感覺她有嚴重的＂入睡困難症＂。每天9點上床，10點還睡不着。還是需要看醫生？
訪客:
你囡囡4歲應該上了幼稚園,可能未適應學校生活而出現精神緊張,可用小麥米1兩,茯神5錢,甘草2錢,紅棗8粒,去核,7碗水煮1小時成3~4碗,全家可飲,囡囡一天分服2碗,連服3~4劑,有助舒緩.要多和囡囡傾談,多作安慰和鼓勵,讓她講出心事就成.
芳姐，您好！
我小朋友3歲多，夜晚咳得頗嚴重，會咳醒但無痰，已經睇左西醫。
想問一下煲d咩湯水比較好。謝謝
林先生:
你試用桔餅1個,切碎,生薑3片,紅棗4粒去核,4碗水煮成碗半供一天服,連服3劑,有助止咳.
芳姐，你好！
我仔（2歲）只從10月時肺炎發燒好返之後時不時就咳。
近排發現煲鱷魚肉川貝南杏百合蜜棗湯佢飲佢會咳少左什至冇咳，但係一煲清補涼（大概可能混合有：黨參時實無花果海玉竹淮山百合熟薏米元肉杞子螺片熟地杜仲）飲完有咳仲有痰聲。
請問係咪有材料唔適合佢飲？
謝謝！
Kate:
如果鱷魚肉湯有效,可以一星期2劑,以增强仔仔肺功能,又補腎氣.清補涼你放了黨參,小朋友未必合適,因温燥,而且小朋友少用參科中藥材,其它玉竹,百合,薏米等都應該没問題的.
芳姐，小兒一歲，咳左一星期左右，上星期發燒已退，但開始有鼻水同晚上咳加劇，初時乾咳現有些痰，昨天看了西醫，想問問有什麼湯水合適？
我自己都有乾咳但無鼻水，又煲咩好？
芳姐謝謝你昨天既回覆呀，我昨天搵唔返現看到了😅不好意思再提問，衷心謝謝你既幫忙呀🙏🏻🙏🏻
芳姐，小兒1歲大，前幾天發燒但退了，但開始乾咳加劇，晚上睡著會更頻密，想問什麼湯水有幫助？知不知生果方面那裡要介口（因為有時都會比佢食奇異果增強維他命）
之前小兒及老公病都有問過你，謝謝🙏🏻🙏🏻
其實早上都有些咳，晚上又頻密些…可能是病情嚴重些…
睡著後好像是3點左右加劇…持續突然哭幾聲就再訓…睡著時聽落氣管不太順…
同埋本來平時比水佢都肯飲…上星期三左右開始唔太肯飲就開始發燒…同時佢開始出緊幾隻牙仔唔舒服…是否長骨節也會發燒？
Joice:
你試用桔餅1個切碎,川貝末2錢,3碗水煮成1碗供仔仔飲,連服3劑,看能否改善?暫時不要給甜橙,桔仔一類柑橘生果及太甜的生果仔仔食,以免惹痰惹咳,蘋果,雪梨,奇異果可以適量餵食.小朋友長骨節都會扭計,有可能低燒,可以煲些薏米水加少許葡萄糖供飲,一星期2劑,暫時不宜用蜜糖,歲半後才用.
請問兒子7歲咳了10日，食藥都未好，應煲什麼好
黃太:
如果仔仔咳時痰少,可以用紅蘿蔔紅棗水供服.如有痰,可以用川貝末3錢,蘋果1個去皮去核,陳皮1個,4碗水煮成2碗供服,要連服3~4劑.
芳姐,你好：
小兒7歲最近每朝早上5:00開始咳,有痰 ,請教可以煲什麼給他喝.謝謝!
訪客:
早上4~5點是肺排毒時間,所以肺有不適這段時間仔仔就會咳,可以用蘇子,萊菔子各3錢入茶包袋煲瘦肉粥供食,連服3劑應可改善痰咳.