By 芳姐 ( 21 12 月, 2013 at 12:59 下午)
· Filed under 小兒常見病, 手術後調理
醫學日益進步,很多手術已經可以用 [微創] 方式進行,減少了風險. 但無論做任何手術,都會失血耗氣傷身,病人或會出現頭暈神疲,面色蒼白,汗出,嗜睡,或煩躁不安等情況.
手術後如果用適當的飲食調理,能收很好的效果. 宜用健脾益氣,補益氣血之品,如黨參,北茋,大棗,首烏,阿膠,淮山,蓮子,芡實等補益之品.
[黨參北茋淮蓮瘦肉湯] 能健脾胃,益氣血.對手術後病人體質恢復大有禆益,更可令傷口加快癒合.
用料是: 黨參5錢, 北茋5錢, 淮山1兩, 蓮子1兩, 紅棗(去核)8枚, 瘦肉半斤.
做法: 將材料洗淨,用8碗水煮約2小時成碗即成.
~ 小貼士: 此湯很適合產後調補,同時亦適合小兒多動症的患兒食用.
Permalink
芳姐，你好
我老爺上星期做完膝蓋骨手術，剛剛出院，請問有什麼湯水可煲給他作調理之用，謝謝
Connie:
如果患者有胃口,可以燉些花膠烏雞湯供服,配3錢北茋,3錢黨參,紅棗,生薑適量燉2小時.連服2~3劑.
謝謝芳姐😁😁
你好，請問哥哥腰椎間盤突出做完手術，可以飲咩湯水？謝謝🙏🏻
芳姐你好
我媽媽今年60，9月中做左膽管石微創手術之後一直冇氣冇力，又冇胃口瞓唔好。想問有冇咩湯水可以啱佢飲？手術後幾耐先可以飲滴雞精？
Virginia:
手術後3天後可飲滴雞精.另外可用北茋5錢,黨參3錢,紅棗5粒,百合5錢煲瘦肉湯供服,有助加快康復.
謝謝芳姐
你好芳姐，請問6x歲，下週会做前列腺抽針，在抽針前後可煲甚麼飲食，會麻醉及抽3x多針，体內會有多處傷口或血尿，謝謝賜教。
DD:
局部麻醉都可以飲些檸檬水或蘿蔔陳皮水,加快排走麻醉藥.手術後可以用合掌瓜1個,粟米2支,薏米1兩,陳皮1個煲瘦肉湯服,有助減少血尿.過兩天可以用北茋5錢,紅棗5粒,生薑2片煲石崇魚湯,能加快傷口癒合.
芳姐妳好!
奶奶剛照腸鏡但醫生整穿左條腸補唔到，
等愈合，應該幾時進補，現時適合飲咩湯水？🙏🏻🙏🏻
訪客:
西醫也有點失當,怎會整穿條腸的?補唔到怎辦,食物下去會造成腹膜炎的吧?不太明白.
你可問醫生幾時可以飲流質東西,要待可以飲流質東西才能煲湯.北茋煲石崇魚湯能加快深層傷口癒合.但都要問準醫生能飲湯才成.
就是今日的事，油麻地某公立，姑娘話明天可食野
謝謝妳!🙏🏻🙏🏻
淨係北芪+石崇魚？要加其他材料嗎？🙏🏻
訪客:
可加些杞子,紅棗及陳皮同煮.
淨係北芪+石崇魚？要加其他材料嗎？🙏🏻
芳姐你好，
老公做完手術，傷口聯左針，請問煲咩湯水好，他有痛風。
謝謝你
Pinky
Pinky:
可以用北茋5錢,紅棗,杞子各適量煲瘦肉湯供服,有助加快傷口癒合.
老爺有糖尿、高血壓，脂肪肝，剛做完腋下切瘤手術，飲咩湯比較適合，他有全身麻醉。
Shirley:
可以煲些蘿蔔陳皮水供服,有助加快排走麻醉藥.之後可用北茋3~4片煲瑤柱陳皮粥供食.
你好 芳姐
我女朋友做完微創手術 切除朱古力瘤
有無d咩湯水適合煲比佢飲 同埋幾時可以飲
Shawn:
你可以用北茋5錢,黨參3錢,紅棗4粒,生薑2片煲石崇魚湯供服,有助加快傷口癒合.
最近都找不到石崇魚 有冇其他做法？唔該晒芳姐
shawn:
可以用海鱸魚,有同樣功效.
芳姐想問，如果有子宮瘜肉但又想保血氣可以飲咩🙏謝謝
Vanessa:
可以多用黨參,黑木耳,圓肉煲瘦肉湯服,能補氣血.
Thx芳姐
你好呀!!剛做完手術5天,做的是微創割扁桃腺及鼻中隔,頭幾天都有流鼻及吐血情況,今日第5天傷口還痛!!現在有可用湯水療程嗎?謝謝你
Kenny:
手術5天可以煲些補氣血的湯水,或燉些海參或花膠湯服食.傷口仍痛可用北茋5錢,黨參3錢,紅棗,杞子各適量煲石崇魚或海鱸魚服用,能加快傷口埋口.
芳姐你好，請問割完粉瘤應該煲什麼湯水好？謝謝回答。
Lalasong:
手術後可用北茋5錢,紅棗,杞子各適量煲石崇魚或海鱸魚湯服,能加快傷口癒合.
芳姐，請問手術後多少天可以飲魚湯呢？
另外上網看見有些人說手術後飲生魚湯會長肉芽，
應該要怎樣做呢？
需要多少條石崇魚才夠呢？我在網上找到$400一斤。
石崇魚可以雪入雪櫃分幾次煲嗎？
不好意思，比較多問題。謝謝解答
Lalasong:
手術後3天可飲魚湯,由於生魚,山斑魚及田雞這類水產細胞活力很强,劏了肌肉仍會跳動,故易長肉芽體質者不宜用.石崇魚,海鱸魚則可以用,並有助傷口加快癒合.我在西營盤正街街巿第二層的魚檔長期見有細條石崇魚賣,(對正條細窄自動梯)每斤只賣56元左右,長年有供應,可一次買多些,分包放冰格存放.女檔主會替客人剪走魚鰭並劏洗淨的.
芳姐,
您好,請問做完通波仔手術,可以㷛什麼湯水飲? 手術後多久才可以飲?
Amy
Amy:
手術後可以用鮮牛蒡1支,紅蘿蔔1個,紅棗5粒煲瘦肉湯供服,有助防中風.手術後2天可飲.
芳姐，為什麼骨折後不能吃太酸的東西? 檸檬可以嗎? 我吃了很多。
訪客:
因為中醫認為酸辣油膩均會影響骨的癒合.檸檬吃少許没問題,但梨子暫時不要吃,梨子中有些物質也影響骨的癒合.
你好, 想問下媽媽要做手擘骨折手術後可以飲咩湯水呢? 謝謝
訪客:
手術後可以先飲白蘿蔔陳皮水以加快排走麻醉藥,之後可以用北茋3錢煲瑤柱陳皮粥供食.如疼痛可用田七3錢,雞血藤5錢,紅棗5粒煲雞胸肉湯供服.
芳姐, 你好,
媽媽剛做肺葉切除手術, 未出院, 出院後應該煲什麼湯水最合適? 由於政府醫院冇得探病, 今日手術後已第3天了, 明天帶蘿蔔陳皮水比佢仍有幫助嗎? 蘿蔔陳皮水飲到幾時? 出院後可開始飲湯水了?
補充: 媽媽已經74歲了
sorry, 再補充, 上年9月亦做了乳房切除手術.
Sun:
蘿蔔陳皮水最好手術後第一,二天飲,但現在飲也無所謂.之後可以煲些清潤的清補涼瘦肉湯;木瓜雪耳百合無花果排骨湯都有益.
謝謝芳姐!!
芳姐妳好,
本人有血壓高 明天入院做微創手術 切除子宮 卵巢 輸卵管 請問剛做完手可否焗無花果水飲？ 手術4-5日後 是否可以飲石崇煲淮山 芡實蓮子 百合 果皮 瘦肉湯？
謝謝！
Sophronia:
手術後可以先飲些蘿蔔陳皮水,有助加快排走麻醉藥.無花果水亦可以飲,4~5天後可煲石崇魚湯服,加淮山,蓮子,芡實百合,陳皮可以,如加3錢北茋,有助加快傷口癒合.
芳姐，你好，剛做了甲狀腺手術第六日，可否飲這湯？另外手術後失聲及嗆咳，有甚麼食療幫助，謝謝🙏
Au:
你可以用青欖15粒,青蘿蔔1個,南杏5錢,無花果3粒煲瘦肉湯服,有利咽開聲及止咳作用,連服3劑.之後可以煲這款黨參北茋湯服.
芳姐你好,
老人家70幾歲,有糖尿、骨質疏鬆及柏金遜症,剛做了腿骨手術,請問有什麼食療適合？
謝謝!
訪客:
可以用田七3錢,雞血藤5錢,陳皮1個煲瘦肉湯供服,有助袪瘀及鎮痛.
芳姐你好：
我媽媽60多歲，有三高，剛做完卵巢輸卵管切除，可能癌擴散腹膜
請問可以煲什麼湯水給她，已做完手術七天
Tammy:
你可以用姬松茸5錢,杞子3錢,蘆筍4支滾瘦肉湯供服,有助抗癌.
芳姐，謝謝你
請問切除朱古力瘤手術前及後應飲用什麼湯水？ 謝謝！
Tt:
手術前可以多煲些高蛋白質湯水,例如鮮海魚豆腐節瓜湯;淮山蓮子百合紅棗燉烏雞湯之類.手術後可以飲水就飲些白蘿蔔陳皮水以加快排走麻醉藥.可參考網頁左手面[手術後調理]找合適湯水作參考.
芳姐你好，
男朋友老豆做完胃癌手術，成個胃切左，想問煲咩湯水飲？
訪客:
癌症手術後可用北茋3錢,猴頭菇3朵,雪耳2錢,紅棗4粒煲瘦肉湯服,有助增强體質,抗癌.
芳姐,
你好, 想問下媽媽要做換膝蓋手術, 手術後可以飲咩湯水呢? 謝謝
訪客:
手術後可以用北茋4~5片煲瑤柱陳皮粥供食.如有疼痛,可用田七3錢,雞血藤5錢,杜仲5錢,紅棗5粒煲豬展湯供服.
芳姐，我老公啱啱意外整親隻手，斷咗兩條筋做完手術駁返，應該飲咩湯水？
Kelly:
你丈夫如有胃口,可以燉些花膠供食,可配北茋,巴戟,杜仲各3錢,杞子2錢,紅棗5粒,雞胸肉1塊,花膠1~2塊,燉2小時供食,隔日1劑.
請問靜脈曲張手術後的湯水🙏🙏
請問靜脈曲脹手術後有什麼湯水
Catherine:
靜脈曲張手術後可以用五指毛桃1兩,牛大力1兩,栗子3兩,紅棗5粒煲豬展湯服,有助補氣活血.此湯全家可飲.
剛做完乳房切除加重建乳房手術應該煲咩飲🙏🏻🙏🏻
Lily:
可以煲些北茋黨參石崇魚湯,有助加快傷口癒合.
芳姐你好，
老公啱啱做完切除膽囊手術,請問可以煲咩湯水?
北茋杞子生薑煲石崇魚湯手術後第幾日可以飲？
謝謝謝
訪客:
剛做完手術可以飲些蘿蔔陳皮水以加快排走麻醉藥,之後用瑤柱煲些陳皮小米粥食,第三天可以飲石崇魚湯.
芳姐你好，
我爸爸75歲膀胱癌，將會做膀胱全切除手術，爸爸有血壓高，請問有什麼手術後湯水可飲用？手術後幾多日可飲？
謝謝
Yip:
術後可以飲流質飲品可以煲些白蘿蔔陳皮水,小口小口飲,盡量飲多些,有助加快排走麻醉藥,另外可以用北茋5錢煲紅棗小米粥供食用,手術後3天如有胃口可以燉些海參瘦肉湯或花膠湯供服,加5錢北茋有助加快傷口癒合.盡量少食甜食,高脂肪食物.
謝謝芳姐，
有傷口及癌症可以食花膠嗎？聽很多人說不要吃花膠而且會生肉芽
Yip:
花膠適量食有助加快傷口康復,但易滯胃,故一次不宜過多.不會長肉芽的.石崇魚或海鱸魚湯手術後3~4天可以飲.我本《手術前後飲食調理》用的多是天然食材,你可挑選合口味的供令尊服用.膀胱癌患者手術後可能要做放療或化療,是頗為辛苦的,故要養好體質,方能接受這類艱辛治療.
我打算買你的著作給我媽媽看，讓她煲湯俾我爸爸飲，是否書內所以湯品茶飲都適合我爸飲用？
「養護好體質~手術前後飲食自療」
芳姐，
上面湯水適合我爸飲用嗎？是否煲可崇魚或鱸魚也好？
謝謝
芳姐：好的！唔該晒！另外我出院後可否煲北茋5錢,杞子3錢,生薑3片煲石崇魚或海鱸魚湯服,有助加快傷口癒合,可連服3劑？
Christine:
可以煲石崇魚湯以加快傷口癒合.
芳姐您好！
老人家患有糖尿及心臟病，剛剛做完腿部血管通波仔手術，回家後可以食同飲啲咩湯水呢？
謝謝您！
Yumi:
可以用北茋5錢,杞子3錢,生薑3片煲石崇魚或海鱸魚湯服,有助加快傷口癒合,可連服3劑.
芳姐：你好！本人將會三月份開肚切12cm的子宮肌瘤，醫生說手術期間如果有流血不止，可能會切除埋子宮的風險，請問手術後可以飲什麼湯水及食什麼食物和生果？有什麼唔可以食，開刀手術傷口可以加快埋口，因為現在疫情關係只有在醫院中進食，屋企人不可以進入醫院，請問可否入院前煲定什麼東西代手術之後可以飲及食？如果切除埋子宮要食啲乜嘢調理身體？唔該晒芳姐！
Christine:
你可以去三聯或商務印書店買我本《養護好體質–手術前後飲食自療》一書作參考,內裡有很多食譜都有助手術前後用的.都是用天然食物的.另外可以去佐敦裕華地庫超巿買黑木耳粉,在醫院可以用熱水沖泡,有助止血.台灣出品的馬玉山多種即沖即食的五穀類或淮山粟米等粥粉都可以按自己喜好帶些去醫院沖泡食用,很方便又富營養.我很多時都買來沖泡食用.
芳姐：
做大腸癌手術前三天可煲甚麽湯呢
cicilia:
大腸癌手術前可以用金針,黑木耳,無花果各適量煲瘦肉湯服,鮮魚豆腐紫菜瘦肉湯亦有益.
我兒子剛做完微創割盲腸手術，有刀口5cm左右，請問飲什麼湯水能有助調理身體？
Wing Choi:
你可用北茋3錢,黨參3錢,杞子2錢,紅棗5粒燉烏雞湯服,如有胃口,加花膠適量同燉更佳,有助加快傷口癒合.
謝謝你的建議
芳姐，
媽媽做完肺癌腫瘤切除手術一星期，想問何時可以開始飲滴雞精？
Crystal:
如令堂覺得没精神,身體虛弱,可以一星期飲2~3次滴雞精.
謝謝芳姐。另媽媽將要一個月後開始打4支化療針，想問冬蟲夏蟲磨粉，是否可以療程後就食用，減少副作用難受影響？
Crystal:
冬蟲夏草粉可以適量食用.黑木耳,蘆筍,海藻類食物及蘋果,西蘭花,羽衣甘藍等可以多食用,有助消除毒副作用.
芳姐， 萬分感謝你的回覆❤️🙏🏻
芳姐，你好
準備做割膽手術，但手術後撞正了月事，不能飲蘿蔔水，還有沒有其他代替，可以快速排麻藥？另外第一星期可以食什麽及飲咩湯水可以補身？我本身比較寒低，但太補又會睡不著，謝謝你
Yokie:
可以飲檸檬陳皮水都得,加少許冰糖.要小口小口飲,盡量飲多些.割胆幾個月內都不宜吃任何肥膩東西,否則一吃即瀉,如果身在外面就麻煩,因為肚瀉一來想忍都忍不住.要待肝分泌的消化液適應了無胆囊儲存才可逐漸吃脂肪高食物.番茄海藻蛋花湯;素羅宋湯;猴頭菇淮山杞子瘦肉湯都有益.
芳姐您好，
先生剛進行腎癌切除手術，請問這個可以湯合適嗎？
備注：38 歲，男仕，同時亦有高血壓及蛋白尿病患
Phoebe:
先煲些蘿蔔陳皮水讓加快排走麻醉藥,這湯手術後第3天可飲.
Phoebe:
有高血壓不用黨參.
謝謝回覆
芳姐好，我哥37歲有高血壓，剛剛做完大腿良性腫瘤切割手術，請問有咩湯水適合佢呢？ 感激！
KY:
你可以煲上述這款湯供令兄服,另外可改用石崇魚半斤代替瘦肉.
芳姐，你好
想問爸爸做完肺部切除手術有咩食物或湯水比較好
JERRY:
你可以用姬松茸3錢,雪耳3錢,百合1兩,南北杏5錢,無花果3粒,生薑2片煲鷓鴣或鵪鶉湯供服.煲個半鐘,飲湯吃些湯料,一星期3劑,有補肺氣,增强體質功效.
感謝芳姐！
你好芳姐：
因為我姐姐剛做了鼻中隔+鼻下甲骨手術，扁桃腺切除手術及垂顎咽整型手術，現在佢話好難食野，都只是食流質食物，請問可以㷛什麼湯水，同埋有什麼流質食物可以煮給她食，謝謝你！
Alee:
可以用北茋,石斛,杞子各3錢,紅棗4粒,陳皮1個煲石崇魚半斤,煲夠1小時成2~3碗,可供令姐一天分服,有助加快傷口癒合,可連服3劑.另外可用金羅漢果半個,陳皮半個,3碗水煮15分鐘成2碗供飲,能利咽生津.舒緩喉部不適.可常服.
謝謝芳姐🙏🏻
謝謝芳姐
如果怕熱，可否可改用五指毛挑嗎?
訪客:
可用五指毛桃,用1兩.
謝謝芳姐。
有壓瘡病人適而配黨參同煮嗎?
可改瘦肉為鷓鴣嗎？
訪客:
可配黨參3錢,用鷓鴣没問題.
謝謝芳姐
芳姐，已經跟你意見正在煲北茋了。
請問石斛，南棗適合壓瘡病人嗎?
如適合，湯水可以怎樣配搭？
謝謝
訪客:
用北茋5錢,淮山1兩,鮮石斛5錢(乾品3錢),黨參3錢,南棗5粒煲瘦肉或鷓鴣湯服,7碗水煮個半鐘成4碗,可分2天飲.
多謝芳姐指導
芳姐，家父因為中風臥床，導致有壓瘡。
用了北茋5錢,淮山1兩,鮮石斛5錢(乾品3錢),黨參3錢,南棗5粒煲瘦肉或鷓鴣湯服， 家父有些少熱，可以加配什麼使不上火?
有些黃痰，是否上火？
謝謝回覆
訪客:
令尊可能有些上火,試去黨參,改用3錢麥冬同煮.北茋用3錢就夠.
謝謝芳姐
芳姐你好，家父是中風臥床病人，有壓瘡，
什麼湯水可以幇助傷口癒合?
請問此湯水合用嗎?
牛鞦魚可用嗎？
可吃海參嗎？
還可以煲什麼湯呢?
謝謝回覆
Tak:
要每隔2~3小時幫令尊生翻身一次,患褥瘡地方周圍可以用75%酒精消毒,最好塗些褥瘡軟膏,用乾淨紗布幾層鋪住,以免受感染.北茋能加快傷口癒合,可以用北茋5錢,淮山1兩,杞子3錢,生薑2片煲牛鰍或石崇魚,有助快些康復.海參可以同樣配北茋5錢,淮山,杞子,雪耳各適量燉瘦肉湯供食用.但要有胃口才能食,一次不要吃太多.花膠亦可以吃些少,也是不次不宜過多,以免滯胃.
芳姐你好 我老公剛做完腰椎間盆突出手術 想問有咩湯水合適 還有需要怎樣戒口？thank you
huiwen:
你可用生田七3錢,雞血藤5錢,黑豆1兩,陳皮1個煲豬展湯供服,煲個半鐘,連服3劑.康復期不要吃太酸的食物,以免影響康復進度.
芳姐，想問下甲狀腺開刀切除結節後，有咩茶療湯水可飲用？
劉太:
開刀後可以用金羅漢果1/4個,麥冬3錢,甘草1錢泡茶服,有助生津潤燥,防喉痛不適.
芳姐:我朋友剛用微創切除膀胱同子宮，請問我應該先煲木耳湯俾佢去瘀先?定直接煲北芪黨蔘湯俾佢飲呢？唔該晒
Jess:
微創切除膀胱及子宮,也是大手術,出院後可煲北茋黨參紅棗湯供服,以補氣血.等她精神好些才煲木耳湯袪瘀.
請問芳姐，自從朋友確診膀胱癌，芳姐教我煲姬松茸湯，而家北茋黨參紅棗湯，可以加姬村茸嗎？
請問芳姐，自從朋友確診膀胱癌，芳姐教我煲姬松茸湯，而家北茋黨參紅棗湯，可以加姬松茸嗎？
Jess:
北茋黨參可以加姬松茸的,没問題.
芳姐:我朋友做手術都20日有多，但沒胃口，可以先煲什麼湯俾佢飲?真的感激不盡
Jess:
没胃口可以買現成的[滴雞精]服用,有助增加胃口,提起精神.自己用有機雞半隻,去皮,薑絲及陳皮絲少許,放入燉盅內加2碗水清燉都可以.連服3劑.
芳姐你好！
我已經做完手術回家。醫生叮囑不要食燕窩雪蛤膏同花膠，我有以下問題：
1. 是否真的不能食花膠？
2. 有那些食物可以食多啲？那些食物不能食？我買咗你嗰本手術前後飲食書，但唔知邊啲啱我呢個手術食用
3. 石崇湯要飲幾多次先得？
4. 蛋/姜/豆類是否都不能吃？
麻煩妳啦！謝謝🙏
Soso:
燕窩,雪蛤膏含激素高,不適合曾患子宮肌瘤者食用,花膠其實待手術後1~2週,有胃口可適量食用些少,因為花膠黏滯,如消化功能未恢復食用易滯胃,難消化吸收.平時飲食最好暖飲暖食為宜,過於生冷寒涼及冰凍冷飲盡量少服.新鮮的蔬果可以多用,石崇魚湯手術後4~5天可以飲用,有助深層傷口加快癒合,深層傷口一般要2個月以上才痊癒的.雞蛋,可適量食,薑行氣,手術後1~3天內少用,之後用3片左右没問題的,豆類易產氣,引致腹脹不適,如果要用少量來煲湯,可1~2個陳皮化氣就成.
好多謝芳姐你嘅耐心回覆！
芳姐你好，小女初來月經幾個月，有什麼可給她調理。谢谢
Amy
Amy:
可以煲些四紅湯給囡囡補血.紅豆,紅衣花生,杞子,紅棗各適量煲湯供服,飲湯吃些湯料,經後一星期1~2劑.
芳姐，你好，月经量少要怎么调理
玲:
可以用黨參,當歸,白芍各3錢,熟地5錢,紅棗6粒煲豬展或雞肉湯服,一星期2劑,來經停服,試服1個月,有助改善.
芳姐：我將會做切除子宮肌瘤手術，請問手術後飲咩湯水？煮咩食比較合適？謝謝。
Soso:
手術後可以飲水就煲些白蘿蔔陳皮水以加快排走麻醉藥,之後用北茋5錢煲瑤柱陳皮粥食,北茋有助加快傷口癒合.可配黨參3錢,杞子3錢,紅棗5粒煲瘦肉湯飲.5天後可以配石崇魚煲湯,能令深層傷口加快癒合.
芳姐：即日就可以飲北芪湯水？湯水煲多久？另外，除了食北芪粥，小米瘦肉粥可以嗎？石崇魚湯加咩一齊煲啊？
Soso:
手術當日不能飲北茋湯水,等第2~3天才好飲.煲1小時.小米粥亦佳,可加紅棗,杞子,加藕粉更有益,同時令小米粥黏稠香滑些.石崇魚湯加北茋,黨參,紅棗,杞子各適量煲較理想.
謝謝芳姐！我想問多樣嘢，因為手術需要於腹部開刀，術後可以洗頭沐浴嗎？還是需要像坐月一樣，要用姜水沖涼洗頭？還有什麼需要注意？
Soso:
手術後如要洗頭,要馬上用大毛巾擦乾並用風筒吹乾,否則易有頭風.所以如果用薑水洗頭可減少頭風問題,但一樣要快速抹乾吹乾才成.
芳姐你好，我媽媽70歲將會做切除卵巢腫瘤手術，可以飲什麼湯水？手術後幾多天之後可以飲？謝謝！
Man
Man:
手術後可以飲水時飲些白蘿蔔陳皮水以加快排走麻醉藥,之後可以煲些瑤柱陳皮稀粥供食,第3天可以用北茋5錢,杞子2錢,紅棗5粒,陳皮1個煲石崇魚或海鱸魚湯供服,有助加快傷口癒合.
你好芳姐，媽咪有血壓高，右耳突發性失聰聽唔到野，下星期微創做椎管狹窄手術，請問可以煲咩湯/多煮邊類型既餸俾佢補身？唔該哂芳姐！
Kaman:
血壓高突失聰,建議滾些絲瓜豆腐魚片湯供服,有營養又清熱降壓.連服2劑.之後可以用淮山1兩,杞子3錢,紅棗4粒燉瑤柱豬展湯供服.
唔該哂啊，除左上面兩款湯，我今日去買左你本養護好體質，請問入面有冇邊幾款湯水岩我媽咪飲？石崇魚湯可以嗎？謝謝🙏🏻🙏🏻
kaman:
石崇魚湯可以飲.牛蒡排骨湯,白果腐竹馬蹄黃豆湯,海藻豆腐金菇湯,合掌瓜腰果蘑菇湯,節瓜海藻魚片湯等均可以用.
芳姐您好！
老人(有糖尿病)刚做完小腿傷口放癑手術，什麽水果或湯水可止痛癒合。谢谢！(因不能探病，十分懊惱。)
AY:
北茋能托毒生肌,加快傷口癒合,可以用北茋5錢煲瑤柱陳皮稀粥供食,連服3劑.用北茋5錢,杞子2錢,生薑3片煲石崇魚湯亦有助加快埋口.
芳姐你好， 想問 剛做完心臟搭橋手術 可飲什麼湯水。謝謝你！。
margo:
做完心臟手術可以飲蘿蔔陳皮水以通利二便.豆腐鮮魚湯;薯仔紅蘿蔔粟米響螺湯;淮山杞子蓮子百合豬展湯等都適合.
芳姐你好，
最近常見下雨，個长人好疲倦，我時都有調理身體，有什麼湯水調理。
Amy
Amy ,Joan:
可以多煲[四神排骨湯]服,有助健脾去濕,一星期2劑.加冬瓜煲更佳.
芳姐你好，
如身體濕重,又虛,有什麼可飲.
Joan