清熱消暑袪濕—三豆冬瓜湯
天氣炎熱加上濕氣重，去街巿走一轉都揮汗如雨，除了多飲水外，要煲個消暑袪濕湯來作調理。炎熱的天氣最好煲些冬瓜湯，因為冬瓜最能清熱消暑，同時能利尿消水腫，冬瓜連籽一齊煲水飲，對痰喘都有幫助，連皮一齊煲有助排走身體廢物毒素。
今天買了一大塊冬瓜，配赤小豆、扁豆、綠豆、陳皮、蜜棗同煮，能健脾袪濕，清熱消暑，並能增加腸蠕動以排走痰濕，同時可減少中暑的風險，對預防小朋友生熱痱亦有幫助。
用料是：赤小豆、扁豆、綠豆各1兩，陳皮1個，蜜棗2枚，冬瓜1斤。
做法：冬瓜連皮、連籽洗洗後切塊；三豆及陳皮浸洗；全部材料用8碗水煮個半小時成4~5碗即成。
~ 小貼士：此湯清潤可口，老少可飲。對戶外工作者尤其有益，炎熱的天氣可經常煲水代茶服。