By 芳姐 ( 20 4 月, 2012 at 8:11 上午)
· Filed under 外感/頭痛/呼吸道病
感冒後很多時出現咳嗽,有些朋友肺氣較弱,加上平時少運動,體質差,往往咳了一段時間仍未痊癒,可以用些川貝,麥冬煲雪梨湯供服,有化痰止咳,清熱潤燥等功效.
用料是: 珍珠川貝3錢,雪梨2個,麥冬4錢.
做法: 川貝,麥冬浸洗;雪梨洗淨,去核,切成塊;用5碗水煮約1小時成2碗即可供飲.
~ 小貼士: 珍珠川貝售價稍貴,但味不太苦.此湯可加少許冰糖同煮.對肺陰不足,口乾咽燥,失眠多夢,大便秘結人士都適合.
Permalink
謝謝芳姐！！
janice:
你可用法夏,茯苓,白朮各3錢,陳皮2錢,甘草1錢,5碗水煮成2碗,連服2劑能清痰.
芳姐你好，感冒未清，有痰咳不出，乾咳，而且剛到經期，請問這個湯水適合嗎？謝謝！
HUANGMANLING:
你試用鮮龍脷葉1兩,羅漢果半個,南北杏1兩,雪梨2個煲瘦肉湯,此湯全家可服,煲1小時便成,仔仔一天分服2碗,連服2天.
MAZI:
你試用川貝末2錢,燉蘋果1個,去核,去皮燉,2碗水燉半小時,調入蜜糖飲用,連服3劑,有助止咳.另外可以用白菜亁兩,紅蘿蔔2個,南北杏1兩,無花果4粒煲豬展湯,可全家飲,囝囝一天飲2碗,有助清肺熱止咳.如小朋友肺熱痰黃,或體質偏熱,用雪梨較適合;如咳了很久,多數肺氣虛,宜用蘋果,較有益正氣.
芳姐：
早上好！仔仔现在三岁半了，今早咳出黄色，稠痰。两天发了一次低烧，没有吃药自己好了，早上，夜里都有一两声咳嗽，没有鼻涕。请教芳姐我可以煮些什么汤水给他喝呢？谢谢！
芳姐你好
我囝咳左3星期多，睇左2次西醫，2次中醫，都未清到，有試過訓到5，6點咳醒，請問咩湯水介紹？另外想問下燉蘋果和燉雪梨有咩分別呢？
我仔21個月大, 吃完青提子後開始有痰, 沒有咳, 可煲什麼?
Rita:
你可用陳皮煲粥供服,陳皮1塊浸軟切絲,用來煲稀粥,可加仔仔喜歡的粥料同煮,例如絞碎豬肉,雞胸肉等.
meg:
你可以在湯料中加北茋3錢,太子參3錢同煮,有助健脾益氣.
Mavis:
痰多久咳,可以用川貝末2錢燉雪梨1個服食.或用五味子3錢,搗碎,乾薑4片,甘草4片,3碗水煮15分鐘供服,對久咳有療效.
我是上面的meg
大師，我煲左佢飲佢話潤左，容易咳左，不過個人都係冇咩氣，咁要加D咩呀﹖
如果老人家久咳多痰，可以煲咩粥同咩湯水佢飲呢？
簡單的雪梨水可以嗎？
謝謝
明天就試下，唔該晒你呀！:D
佢食素，唔放肉得唔得架﹖
meg:
不加肉都可以.可用紅蘿蔔1個代替.
meg:
你試用五味子3錢,搗碎,乾薑4片,甘草4片,3碗水煮15分鐘供令堂一天分服,能有效止咳.另外可用沙參,玉竹,麥冬,北杏各3錢,雪耳2錢,百合1兩煲瘦肉湯服,此湯全家可飲,有滋陰潤肺功效,對咳傷氣管有血絲有幫助.
唔該我想問下，我媽就黎60歲，氣管弱，久咳有痰，時有血絲，胸口痛，定期睇西醫照X光，醫生話係咁冇咩好攪，我整D蒸橙、花其蔘個D比佢都冇咩用，唔想佢成日飲咳水，咁整咩比佢食好﹖
Iris:
你可以用紫蘇葉,北杏各3錢,生薑2片,片糖適量,3碗水煮10分鐘供一天服,有助散寒止咳.如没大便,可買些美國西梅乾,每次吃4~5粒,然後飲水,很快通便.中醫認為[肺與大腸相表裡],肺氣不宣,腸蠕動就慢,就易便秘.所以要宣肺止咳,便秘問題才易解決.
芳姐：
囡囡前有燒，現在退了，有小許鼻水，還帶點咳，在睡著時常咳醒，現在還吃西藥，但還是有咳，而且三日沒便便，是西薬太燥了，現問問煲甚麼湯可利便便且止咳的湯呢!謝謝您!
kimmy:
夜咳多屬寒咳,建議用五味子+乾薑及甘草同煮服用較佳.或用紫蘇,北杏,生薑,片糖加水滾10分鐘服亦有散寒止咳作用.
芳姐..呢個湯岩5岩夜咳ga人飲??謝謝
芳姐，此湯不用落瘦肉？ 如要瘦肉你必會在材料一欄說明的。
但本人跟隨媽媽煲湯多年，除藥材，必有瘦肉，魚或瓜類等食材加添。
我芳姐不少湯療都不用落瘦肉煲，它們是否為藥療呢？
JOANNE:
我推介的湯品如不放肉,多屬茶飲,亦有可能是糖水或素菜湯.一般我介紹茶飲的中藥材大都很平和,没有太大副作用的.
你好！兒子在10月開始流鼻水和咳，吃了3次西藥都不能行，最近一次是在11月中吃西藥，雖然情況有好轉，沒再流鼻水，但仍有很多痰，間中咳兩聲，有時晚上睡覺時會咳得很厲害，請問此款湯水是否適合呢？
Carol:
仔仔流鼻水多時,可能是鼻敏感,鼻水倒流也會咳.你可用紫蘇葉,北杏,辛夷花各3錢,甘草1錢,生薑2片,3碗水煮15分鐘供服,有助化痰止咳,收鼻水.
你好, 小女五歲, 最近一個月每天早上起床後, 咳不停, 請問應該怎麼辦? 又不想吃西藥. 請賜教 !
t:
己作私人回覆.
你她, 小女五歲, 最近一個月每天早上起床後, 咳不停, 請問應該怎麼辦? 又不想吃西藥. 請賜教 !
請問最近天氣乾燥，2歲女兒氣管敏感，服用此療法，可以雪梨轉蘋果，加雪耳滋潤嗎?
silly:ai:
可以改用蘋果及雪耳一齊煲的,没問題.
謝謝芳姐! 另外, 佢都咳得好嚴重, 需要加點川貝嗎? 如要加多少同買哪種比較好? 價錢大約多少?
Carol:
可加川貝末2錢,任何川貝磨粉都得.價錢貴些少大粒些而已.售價我都忘了.
我個小朋友6歲發燒照過肺，話佢肺炎，要住院打抗生素，胃囗好差，只想飲湯。請問有什麼簡單快捷既湯水好，因要留在醫院陪他，不可回家太耐。謝謝。
Carol:
你可以用白果10粒,去芯,雪耳2錢,百合1兩,無花果4粒煲瘦肉湯,6碗水煮1小時成3~4碗,小朋友一天服2碗.飲湯吃些湯料.
芳姐:
我因為喉嚨痛,咳已經睇佐西醫食佐兩日藥,以家就喉嚨好痕不停咳(特別晚上睡覺時),無痰咳到喉嚨有d痛~現在懷孕2個多月,可以煲咩止咳,謝謝
陳翠:
原本用紫蘇3錢,生薑2片,北杏3錢,冰糖適量,2碗半水煮10分鐘供服,有助宣肺散寒止咳,且有安胎作用.但你原先是喉嚨痛,屬風熱外感,故試用菊花,麥冬,桔梗各2錢,甘草1錢,羅漢果1/4個,3碗水煮15分鐘供服,有助清肺火,止咳嗽.
芳姐，你好！
仔仔2.5歲，上星期有感冒及咳，現在還有咳及少少痰，唔知點解食完d西薬，仔仔瞓覺時頭及背很多汗，整個枕頭都濕了，我用毛巾墊著怕他再會攝親！他是否病後較虛呢？可以煲/燉什麼給他給會快些復完和增強抵抗力呢？
謝謝！
Ada:
你可用北茋3錢,黑豆1兩,浮小麥3錢,紅棗4粒,5碗水煮成2碗,連服3劑,有助强身健體,止虛汗.
芳姐
我小朋友3歲半身體比較瘦，對食物不興趣，平日兒子三餐都是我喂的，食了也不長肉，請問可以煲什麼湯水？
還有他剛感冒完有鼻水，咳嗽多痰，手脚冰冷可以煲什麼湯水？謝謝。
Elaine:
你仔仔可能脾胃虛弱,不吸收.可以浸些牛肉茶供服,對脾胃非常有益.用絞碎牛肉3兩,隔晚用清水一大碗浸,置雪櫃中,第二天牛肉連浸的水取出,隔水蒸燉45分鐘,調味即可供仔仔服,一星期最少2次.牛肉渣可翻煲,用來作湯底,加番茄,薯仔等煲湯的.另外感冒未清,可以沙參,玉竹,麥冬各3錢,南北杏1兩,紅蘿蔔1個,無花果4粒煲豬展湯服,有益氣養陰,化痰止咳功效.全家可飲.
女女而家22個月，上星期開始咳，食左4日藥(包括抗生素)，今日再睇醫生時話佢喉嚨發炎已好，但仍有很多痰，又經常咳，要食氣管敏感藥，現在經常瞓瞓下咳醒，請問可用什麼食療? 食緊西藥時可用嗎？
Manman:
你可用川貝末2錢,蘋果1個,蜜糖少許,2碗水燉40分鐘供囡囡服,有化痰止咳功效.服西藥後2小時飲就成.
芳姐
我看左醫生，他比抗生素我吃，化痰藥、咳水、消炎藥、收鼻水藥，吃左一個星期都沒用。我現在都是鼻水倒流，喉咙有少少痰，有一兩聲咳。講鼻水倒流，我好多時都有倒流。請問吃什么好。
weand:
你試用北茋,防風,白朮,蒼耳子,辛夷花各3錢,葱白3條,紅棗6粒.5碗水煮成2碗,連服3天.如有改善,停3天再服一療程.此湯能强壯體質,改善鼻水倒流.
小兒5歲半, 持續幾天有鼻塞, 少許鼻水及咳 , 可以煲什麼湯水?
另本人氣管咳, 有什麼湯水岩呢?
唔該晒!
marcusmama:
你可以用北茋,防風,白朮,辛夷花,北杏各3錢,陳皮1塊,紅棗4粒,5碗水煮成2碗,有助通鼻及止咳.你氣管咳都可以用川貝末2錢燉蘋果1個食用,連服2~3天.
我仔仔15個月，流鼻水引致眼屎多，搓眼引致小小發炎，可用此湯水嗎？怎㨾分寒和熱
May:
流鼻涕如果清稀色白,多屬寒性,但搓眼至發炎,就需要涼藥.例如用桑葉,菊花,2碗半水煮10分鐘供服,茶渣可用紗布包住待温敷眼,有助消炎.川貝麥冬雪梨湯有咳才服.
Selene:
羚羊角絲,燈芯草,麥冬可用5碗水煮1小時服.
芳姐，請問小孩喝的齡羊角絲，燈心，麥冬要煲多久？或燉多久？
芳姐：
我長期要吃鼻敏感药，最近天氣反复，鼻敏感嚴重了，請問有何中药或養生茶能够長期飲用，因西药太多副作用
方媽媽:
你試用北茋4~5片,剪段;辛夷花6朵,拍碎,紅棗切片4粒,開水泡茶飲,(煮10分鐘飲更佳,可沖泡至淡)對經常鼻敏感發作有幫助.可經常服用,症狀改善即停.
芳姐
好多謝你介紹個藥方比我，今日吃左第三日，咳和疚好好多，胃口又好左，但還有間中咳下，有少少痰，是否繼續煲。
我前幾曰早上喉嚨紅又有許多疚在喉嚨到，用力咳出是綠色的，我吃左鼻敏感藥和消炎藥，現在有少少痰在喉嚨到，又有少少痛，有少少咳，請問吃什麼好。
wenand媽咪:
間中咳可以再服2劑就差不多.你喉嚨痛,痰綠色,建議要看醫生,因為表示喉嚨發炎了,要吃消炎藥才成.食療只能起輔助治療之效.可用羅漢果半個,胖大海3錢,2碗半水煮10分鐘,一天分服.
芳姐你好，我丈夫早前感冒令兒時哮喘返發，咳得頻密。最近又發現高血壓，加上工作令睡眠不足。友人介紹五行湯降壓，但又怕寒涼令他更咳。請問有什麼食療可不相衝，但又可治他的哮喘及高血壓呢? 五行湯煲了仍可飲嗎?家裏有少許鱷魚肉，加虎乳靈芝煲湯有同嗎?在此亦非常多謝之前你介紹的龍脷葉三果湯，真的幫了我家很多，謝謝!
Rita:
已作了回覆.
芳姐
我個小朋友三歲，十一日前咳嗽一曰就發燒，再過一日流黃綠色鼻水，照過肺，話佢小支氣管炎，隔4日再照話發炎好左，但現在還曰咳夜咳有好多痰咳唔出，還有小小鼻水，胃囗好差。請問吃什麼好。唔該。
weand媽咪:
你試用蘇子,白芥子,萊菔子各3錢,入茶包袋,與白米煲瘦肉粥供小朋友服,連服3天,對痰多咳嗽有療效.另外要幫小朋友拍背,整個背輕輕拍,然後飲水,有助將痰排走.
芳姐,
我十分厳重咳和痰,但正懷孕中期,雪梨涼飲得嗎?
仲有冇其它食譜介紹？
Thanks
Valerie
Valerie:
雪梨寒涼,你可改用蘋果.用川貝末2錢,陳皮1塊燉蘋果食,對痰多咳嗽有益.晚上咳多的話可用紫蘇葉,北杏各3錢,生薑3片,3碗水煮10分鐘飲用,有助散寒止咳.紫蘇葉有安胎作用.
流鼻涕是昨天開始，已食緊藥水~13m都可以食你說的粥嗎？除此之外還有其他嗎？例如：淮山、百合呢d呢？唔該晒
陳翠:
外感未清暫時不宜用百合.可以服用我推介的粥.
請問bb咳同流鼻涕可以煲咩粥佢食？係咪加塊果皮好d?有咩生果可以食？
陳翠:
bb流鼻涕是外感未清吧?用北茋,白朮,防風各3錢煲瘦肉粥服,有助增强體質,抵抗疾病.陳皮可以加一小片的.生果以蘋果,梨,木瓜這類大路一點的生果適合.橙,柑等有咳嗽不宜吃.
唔該晒芳姐。。。唔好意思麻煩晒下次我會詳細講出之前問題架啦
同埋想問如果好番又可以煲咩俾佢清下呢？麻煩晒
陳翠:
下次麻煩你要詳細講出以前問過的問題,今次由於我在控制室見到你之前所問才能答,否則要跳出版面找就困難了!
仔仔好番可以用西洋菜或霸王花,煲紅蘿蔔杏仁無花果豬展湯服,有助清肺熱.
好彩睇到你回覆，我已經煲佐為有自己屋企人飲~甘請問我呢個湯適合剛剛病好飲嗎？
陳翠:
剛病好飲没問題.
我仔仔13m有流鼻涕(黃黃綠綠甘)+咳(晚上多d)，同埋夜晚訓覺見佢張開少少口抖氣，請問可以飲龍脷葉沙參玉竹南北杏蘋果蜜棗豬展湯嗎？剛剛藥材鋪幫我執既~除此之外仲有咩可以做？
陳翠:
你仔仔流黃綠色鼻涕,表示有炎症,建議看醫生服藥.可以飲龍脷葉羅南北杏蘋果蜜棗豬展湯,但不要放沙參,玉竹,因為外感未清不適合.建議用辛夷花3錢泡茶飲,有助通鼻.但都是看醫生較理想.
謝謝芳姐
本打算煲蘋果雪梨豬展清肺熱，又見家中尚有早前在藥房配的開胃茶飲: 茅根/炒麥芽(各5錢)/谷芽/麥冬(各3錢)。
是否可將此份量茶飲與雪梨蘋果豬展蜜棗同煲？
老公喉嚨發炎剛起，自己懷孕未足三月，亦可同飲？謝謝。
Elmas88:
蘋果雪梨湯可以加茅根麥芽谷芽麥冬一齊煲水,有清熱化痰功效.加無花果4粒,對喉嚨不適有幫助.此湯懷孕都可飲.懷孕後期就不要用麥芽,有回奶作用.