By 芳姐 ( 12 5 月, 2013 at 9:00 上午)
· Filed under 養顏潤膚／消脂瘦身, 高血壓／冠心病/中風
今天是母親節,祝各位母親身體健康,青春常駐,笑口常開!
紅菜頭是抗氧化之王,是女性不能不吃的天然護膚佳品,生吃榨汁飲功效最佳。在有機菜檔買了兩個紅菜頭,外皮光滑又結實,貴些少都值得。
紅菜頭含豐富的礦物質和多種不同的胡蘿蔔素，纖維又高。它獨有的甜菜鹼，有助保持肝臟機能健康，具抗癌功效。用紅菜頭搾汁飲，有助淨血保肝。
[紅菜頭蘋果汁]有抗氧化,延緩衰老,補血養顏及通血管功效。對中、老年人、患有血壓高、膽固醇高人士最為適合。
用料是: 紅菜頭半個,蘋果2個。
做法: 紅菜頭去皮,用涼開水洗淨,切塊;蘋果去皮,去核洗淨,切塊;同放入榨汁機中榨成汁,5分鐘內飲完。
~ 小貼士: 鮮榨蔬果汁必須盡快飲完,才可保持大部分維生素及營養。常服此汁,有助通血脈防血管栓塞,對大腦神經及對骨骼亦甚有裨益。
Permalink
芳姐：
我想問紅菜頭可以同蕃石榴一齊榨汁飲嗎？
或者同麒麟果一起榨汁飲嗎？
Yammie:
紅菜頭和番石榴或麒麟果榨汁我未試過,如本身寒底,麒麟果不宜榨汁.番石榴就不寒涼.
榨汁機有什麼介紹
芳姐,
請問食薄血葯, 可否飲五指毛桃虫草淮山意仁鷄湯? 和五指毛桃牛大力朱剪湯?
ching yi:
服薄血丸可用五指毛桃虫草淮山薏米雞湯,五指毛桃牛大力豬展湯亦可以飲.
芳姐,
咁響螺虫草花淮山薏仁鷄湯, 食緊薄血葯又可否飲呢?
ching yi:
通常含維生素K豐富的食物和薄血丸有抗衡作用,故不宜服,如深綠色的蔬菜,黑木耳,牛油果,木瓜等.你可上網找維生素K的食物,少用些就成.無需逐個湯問.
如何選擇紅菜頭呀?
ching:
紅菜頭最好頂部葉及葉柄新鮮的最佳.
請問紅菜頭可加奇異果, 蘋果香蕉一齋炸汁可以嗎?
另外, 我想問紅菜頭可加士多梨橙一齊炸汁嗎?
可提議下紅菜頭可配甚麼生果炸汁呀?
ching:
如果通完波仔,有吃薄血丸的,紅菜頭,奇異果最好少用,因為含維生素K豐富,會和薄血藥抗衡.蘋果,香蕉齊榨汁可以.建議覆診時找醫生問清楚較佳.
芳姐,
食緊薄血丸是否不可以飲紅菜頭呀? 如食左葯之後隔左好耐才飲又可以嗎? 另外, 如不飲紅菜頭水, 又應飲甚麼好, 士多啤梨汁可以嗎? 每日一蕉可以 嗎?可給些建議嗎?
＿
訪客:
紅菜頭間中飲可以,服藥後2小時飲.士多啤梨汁可以,每日吃一香蕉没問題.
芳姐,
請問紅菜頭, 可同橙汁一齊炸嗎?
另外木瓜可加紅菜頭一齊炸嗎?
因我一星期炸兩次, 因家人通完波仔, 吾想佢番發””””””””
芳姐,
請問紅菜頭, 可同橙汁一齊炸嗎?
另外木瓜可加紅菜頭一齊炸嗎?
因我一星期炸兩次, 因家人通完波仔, 吾想佢番發
ching yi:
紅菜頭可配橙汁,或木瓜,没問題,但一星期飲2~3次就夠.
請問紅菜頭蘋果汁, 因通波仔後有支架在內, 如整三人份量, 是否一個紅菜頭, 兩個蘋果, 加多少水呀? 太濃可以嗎?D汁對支架有映响嗎?
ching:
3人份量可以一個紅菜頭,2個蘋果,加1杯涼開水就成.應該對支架没影響.
訪客:
紅菜頭產婦可飲,補血又活血.
请問產婦可以飲？
芳姐！想請問紅菜頭汁是否要與其他果汁一併飲，例如檸檬汁！絕不可其一紅菜頭汁！謝謝！
jane:
紅菜頭可單獨榨汁飲,而紅菜頭葉及葉柄含葉酸及維生素等最多,但一齊榨汁有苦澀味,故最好加些調味的蘋果,檸檬等好飲些,維生素亦多些而已.
Jane:
紅菜頭補血,可改善面色,似乎無淡斑功效.
Hi, 芳姐﹕我想請問紅菜頭可有淡斑的功效嗎？謝謝！
Jeff:
下巴生暗瘡多屬內分泌失調,不要捱夜,飲食宜清淡,少吃煎炸燥熱食物.可以飲紅菜頭汁清熱氣,或用紅菜頭1個,番茄2個,薯仔1個煲瘦肉湯服.,煲些綠豆薏米海帶糖水飲,一星期2~3次,有助改善.
芳姐 你好！
小弟下巴位置經常出暗蒼，聽聞紅菜頭能改善腸胃，
請問有什麼方案可提供！
少吃熱氣東西！
May:
紅菜頭蘋果汁糖尿病人可經常飲,但無需日日飲,例如一星期4次左右已很足夠.蘋果如太甜都不適合,青蘋果好些.飯前飲.
芳姐:請問红菜頭青蘋果或红蘋果打成汁.糖尿病人可否飲用又或可每天飮嗎？飯前喝有用嗎？—
芳姐:請問红菜頭青蘋果或红蘋果打成汁.糖尿病人可否飲用又或可每天飮嗎？飯前喝有用嗎？—
SAM:
紅菜頭用剩可以入煲鮮袋放雪櫃,不過最好快些用完.
請問如果用剩的紅菜頭可以怎麼保存? 謝謝:)
芳姐：
我爸有肝癌及脹大和癌細胞擴散，能否喝紅菜頭汁和湯嗎？
紅菜頭對他會否太甜呢？
謝謝！
carol:
令堂可以飲紅菜頭汁,如怕太甜,可加生薯仔1個,蘋果1個同榨汁供服,有助抗癌.
芳姐：
請問紅菜頭蘋果汁如用攪拌機是否需要加水，如要加幾多水？
劉小姐:
攪拌機攪要加少許涼開水,半杯左右.
陳小姐:
紅菜頭蘋果汁可早上空腹服,有助降血壓.
芳姐.
您好.請問紅菜頭蘋果汁適宜早上空腹飲嗎?.本人有血压高。
訪客:
蘑菇雖然能抗癌,對肝好,但因容易含重金屬,故不建議常用.你可以用紅菜頭,蘋果,紅蘿蔔各適量榨汁飲,血壓低加少許肉桂粉調勻服就成.
打化療針後, 白細胞低, 網上查閱可飲紅菜頭+白蘑菇升白湯, 但患者血壓較低, 可否飲用?
ADWINA:
蔬果榨汁或攪拌不多不少會破壞少許營養,最重要是攪了汁後5分鐘內飲完,否則很多維生素會消失.
芳姐，請問一般攪拌機(不是名牌)，會否破壞红菜頭或其他蔬果等營養？
HELEN:
紅菜頭只要適量吃,糖尿病者可以飲此湯的,不吃湯料就成.
芳姐，是否紅菜頭糖分較高，糖尿病患者不宜吃? 我也是在網上看到的，我想給有糖尿病的家人喝可以嗎?
FISH:
紅菜頭湯有感冒都可以飲.
感冒未清可飲紅菜頭湯嗎
感冒未清，可以飲此湯嗎
芳姐：您好。因為一個紅菜頭做的果汁很多，只我一人喝不完，可以放在冰櫃一到兩天嗎？
另外，我做的汁很濃很稠，要放比較多水，不知道不同榨汁機是否會有不同效果？
謝謝！
ellen:
用榨汁機没有渣一齊,會好飲好多,但用攪拌器連紅菜頭肉一齊攪拌會有益些,不宜存放雪櫃,最好即製即飲.
芳姐，您好。請問這汁，寒底子的人可飲嗎？謝謝賜教！
ELLEN:
紅菜頭蘋果汁寒底人士可以飲,加兩片薑用榨汁更佳.
YANNES:
葉子可以煲湯;葉柄切粒可做沙律,其它榨汁就成,其實紅菜頭生用更有益.
芳姐,
請問癌症病人可點飲? 如搾汁那些葉子一起搾嗎? 如不是怎麼辦?
訪客:
血壓偏低紅菜頭蘋果汁宜早餐後才飲.
芳姐.
您好.請問紅菜頭蘋果汁適宜早上空腹飲嗎?.本人有點血压偏低.