By 芳姐 ( 26 6 月, 2017 at 9:42 下午)
· Filed under 外感/頭痛/呼吸道病, 小兒常見病
菜檔或山草藥檔經常有新鮮的龍脷葉賣，龍脷葉性質平和，味甘淡，對肺熱咳喘痰多，或口乾，便秘人士均適合，而且據藥理研究，其煎劑對金黃葡萄球菌、溶血性鏈球菌有抑制作用。配蘋果，紅蘿蔔等煲湯，對肺熱咳嗽，喉痛失音均有幫助。
用料是：鮮龍脷葉1兩，蘋果2個，紅蘿蔔1個，南北杏1兩，瘦肉適量。
做法：龍脷葉沖洗淨；蘋果、紅蘿蔔洗淨，去皮，切塊，蘋果需去核；瘦肉切片，出水；全部材料用8碗水煮個半小時成4碗即成。
~ 小貼士：此湯藥味不重，老少及孕婦可服。對小兒感冒後咳嗽，不知是寒咳還是熱咳，只要喉嚨微紅不適都適合飲此湯。
Permalink
芳姐，你好，小女三歲，4月底感冒發燒咳嗽，看了幾次西醫，最後說有點氣管炎，吃了一個禮拜抗生素，退燒了，但是間中會有一兩聲咳，5月8號又開始咳的有點多了，有痰聲，白天晚上都會咳，晚上咳的比較多，咳起來要咳好一陣，咳的嗓子有點沙沙的，有點低燒，請問芳姐，有適合小女止咳的湯水嗎？
芳姐，補充一點，我女兒還很熱氣，感冒這段時間，大便很硬，有時都是一粒粒的。
訪客:
你試用羅漢果(金羅漢果味道更佳)1/4個,龍脷葉1兩,南北杏1兩,紅蘿蔔1個,5碗水煮成2碗供服,連服3劑,有助化痰清熱止咳.
芳姐，你好！仔仔2歲7，一個禮拜前發燒喉嚨發炎，宜家咳左成個禮拜都未好。醫生話有D氣管炎，咳有痰，痰聲好犀利，有流鼻水。請問可以可以煲D咩調理？食西藥食到面色好蒼白，謝謝！
Peggy32:
你試用蘇子,萊菔子,辛夷花各3錢,入茶包袋煲瘦肉粥供食,有助袪痰止咳收鼻水,可連服3劑.
芳姐，你好！
我懷孕兩個月，近几日晚晚有几聲咳，今晚開始有D痰白而稀，但冇其他症狀，呢個湯啱唔啱我飲？謝謝！
芳姐，仲想問下桔餅可唔可以落埋一齐煲？南北杏可否改用蜜棗？
Jiu:
你可用紫蘇葉3錢,生薑3~4片,紅糖少許,3碗水煮成1碗服,有助袪寒化痰止咳.紫蘇葉有安胎作用.
芳姐你好！又係我，之前好返D前两日開始又严重咗，宜家日頭同早晚都咳，我已經盡量忍住唔咳，但喉嚨咳時都有D痛，濃痰带黄，咳時會有少少鼻水，唔咳就冇，係唔係病毒感染？我唔想睇醫生住，希望有啱我湯水。萬萬分感謝！
Jiu:
你喉痛試用金羅漢果1/4個,雪梨1個,去核,甘草1錢,4碗水煮成2碗服,連服3劑.
芳姐，你好
小兒六歲，三星期前有發燒，發燒過後開始有咳（小痰）到現在，最近三日
咳密加上多痰（黃痰），西醫話小兒肺有痰，請問可煲什麼湯水能清肺內黃痰
芳姐，你好
小兒六歲，三星期前有發燒，發燒過後開始有咳（小痰）到現在，最近三日
咳密加上多痰（黃痰），西醫話小兒肺有痰，請問可煲什麼湯水能清肺內黃痰
Kam:
你試用鮮龍脷葉1兩,羅漢果1/4個,雪梨1個,去核,甘草1錢,4碗水煮成2碗供服,連服3劑,有助清熱化痰.
早晨呀芳姐:
我個bb16個月大，佢之前係發燒，之後差唔多好返點知就輪到咳，好多痰，食過西藥又飲過蘿漢果胎菊加梨乾煲水飲，飲第二次就仲更咳，跟著仲有埋鼻水，而家仲有埋好濃嘅鼻涕添，煲咩湯水比佢飲至好呢？謝謝 ! 另外我自己都傷風咳，一瞓低就咳冇得瞓同埋好難咳出啲痰，鼻涕同痰都係黃綠色，食過西藥都冇效，有湯水啱我哋一齊飲嗎？謝謝!
Ms Chan:
你試用蘇子,萊菔子各5錢,辛夷花4錢,葱白6條滾瘦肉湯,5碗水滾20分鐘成3碗,BB1碗,你一天分服2碗.連服2劑,看能否改善?如有改善,再服2劑.
你好芳姐，小女上个星期也要发烧，跟住自己退烧，到下午又燒，不过不高，然后亲戚介绍我比小朋友喝连翘加桔梗煮水泡小柴胡喝，喝了两次之后小朋友都烧高到39.7，跟着都停在39.2左右。之后小朋友咳嗽，看了医生说喉咙发炎，现在在吃西药，吃了药之后就退烧，但过了8到10小时又烧了到现在。都是还有咳嗽。可以煮點什么给她喝吗？小女现在6岁
你好芳姐，小女上个星期也要发烧，跟住自己退烧，到下午又燒，不过不高，然后亲戚介绍我比小朋友喝连翘加桔梗煮水泡小柴胡喝，喝了两次之后小朋友都烧高到39.7，跟着都停在39.2左右。之后小朋友咳嗽，看了医生说喉咙发炎，现在在吃西药，吃了药之后就退烧，但过了8到10小时又烧了到现在。都是还有咳嗽。可以煮點什么给她喝吗？小女现在6岁.
Sarah:
你囡囡燒不肯退表示病邪趕不走,要繼續吃藥.可以用蘆根5錢,雪梨1個去核,生薏米1兩,羅漢果1/4個,淡竹葉3錢,5碗水煮成2碗供服,連服3劑,有助清熱消炎退燒,服西藥後2小時飲.
芳姐你好,
女兒2歲半， 早前發燒後變咳， 食左好耐西藥， 而家只有間中咳, 但好多痰，咳唔到出來，可以飲這款鮮龍脷葉蘋果湯嗎?
謝謝!
Water:
小朋友痰多可用蘇子,萊菔子各3錢入茶包袋煲瘦肉粥供食.這款龍脷葉蘋果湯煲來全家飲,囡囡可飲1碗,有助清熱熱止咳.
妳好芳姐，
小女3歲，寒底，初發傷風，白鼻涕少咳，沒發燒。可否食此食療?
翊:
你可以煲這款湯給囡囡飲,很平和,寒底,熱底都可以飲.
芳姐你好
小兒5歲支氣管炎，
食4日西藥抗生素後己無鼻水
但早上起床及跑步後有咳多痰聲（因不懂吐痰，不知痰色）
這個病也差不多一個月
只是痰困於體內也清不到（也用過猴棗散也不好）
請問有何湯水可以化痰
青欖桔餅可以？
之後可煲什麼調理身體
謝謝你
Agnes:
你可用蘇子,萊菔子,茯苓各3錢,陳皮1塊煲瘦肉湯供仔仔服,有助袪痰止咳,連服3劑,煮半小時就成.之後可用淮山,茯苓,蓮子,芡實各1兩,陳皮1塊,紅棗6粒煲排骨湯,全家可飲,有助健脾助吸收,滅少痰涎.
多謝你的回覆
因為奶奶不太清楚給了
川貝枇杷葉羅漢果鱷魚肉煲豬展湯孩子喝
會不會不太好
叧外可以吃蕃茄雞蛋嗎？
Thanks
Agnes:
既然煲了給孩子喝也没多大問題.番茄蛋可以吃以增加營養.
芳姐，你好
我女兒3歲半，琴晚有少少鼻塞，到今朝起床呻到有黃涕，同少少咳嗽，感覺喉嚨有痰，
眼屎黃色…請問飲尼個岩嗎？初起流涕…來緊去旅行，請問夏商菊或板藍根沖劑岩巨飲嗎？有無話邊個牌子會好些少
emily:
你試用辛夷花,菊花,金銀花,茯苓各3錢,陳皮1個,甘草1錢,3碗水煮15分鐘供囡囡飲,有助清熱明目,收鼻水.連服2~3劑.去旅行可以帶皮藍根防感冒,喉痛.去華潤堂或裕華買好些.
芳姐你好，小兒因發燒全身出疹（包括頭部）已看西醫，醫生話係上呼吸道有炎症，導致發燒同出疹！現在已沒有發燒，只是還有疹和咳，這幾天因沒有胃口食野，令面色都好差，想請教現在可以煲d乜野比個仔飲可幫助到佢呢？萬分感謝！🙏🏻
祝 身體健康、事事如意！
Wai lam:
你試用紅蘿蔔1個,去皮切薄片,紅棗8粒,去核,北杏3錢,5碗水煮成2碗供仔仔服,好好味的,連服3劑,有助止咳,抗過敏.
好！我今日煲比佢飲！唔該曬芳姐！😘
芳姐
你好，我仔依家18個🈷，啱啱睇左西醫，醫生話佢少少喉嚨發炎，氣管炎，但我仔有流鼻涕，有鼻塞，有多痰，瞓覺鼻塞到瞓唔到，d痰塞到瞓到呼呼聲，塞到佢喊足一晚😭😭😭
咁我可以保咩湯水佢飮？唔該芳姐🙏🙏🙏
elsie:
你試用桔梗2錢,羅漢果1/4個,辛夷花6朵,甘草1錢,4碗水煮成碗半供仔仔一天分服,有助化痰止咳,收鼻水.睡前宜用棉紙巾剪成條狀,沾淡鹽水幫仔仔通鼻管.
芳姐
請問要幾時支可以保龍脷葉或川貝或虎乳靈支或鰐魚肉飲啊？今日咳多左，同一咳好多痰，一瞓又耐不耐咳清，俾d痰倒流塞著好難呼吸
Elsie:
龍脷葉湯,川貝湯較適合日間咳多,痰黃黏稠屬熱咳者服用.虎乳靈芝湯或鱷魚肉湯較適合肺虛及寒性咳嗽者.痰咳可用蘇子,萊菔子各3錢煲瘦肉粥食,有助化痰止咳.但食療只能作輔助治療,如咳不停要看醫生.中、西醫都可以.
芳姐
請問瞓著就耐唔耐咳，一咳就咳到醒，係咩咳？我保左辛夷朵水佢飲，佢唔肯飲，睇左西醫，次次吃藥都嘔曬出來，唔該芳姐
🙏🙏🙏🙏
Elsie:
你仔仔可能是痰多或鼻水倒流引致睡時咳嗽,故要先清痰及清走鼻涕.你先試用蘇子,萊菔子各3錢煲瘦肉粥供食,能治小朋友痰咳,先服3劑,看能否改善?睡前用棉紙巾剪成條狀,沾淡鹽水替仔仔通鼻,有助安睡.
你好！小朋友3歲，初頭係甘打噴嚏，有少許鼻水，鼻塞，食完西藥後第二日，就開始咳，曾嘔吐過，痰係黃色的，日頭唔多咳，但咳時總聽到痰聲，晚上係半夜時份總有一兩聲咳，依然有鼻塞。
請問煲什麼湯水適合？龍利藥適合嗎？
謝謝解答！
Chan:
你可用枇杷葉,龍脷葉各5錢,辛夷花6朵,雪梨1個,去核,桔餅1個,切碎,5碗水煮成2碗供小朋友一天分服,連服3劑.
芳姐：
我已經試左
但依然有鼻塞，少許鼻水（清的）、一兩聲咳（帶痰聲）
如何是好？
Chan:
鼻水多可單用辛夷花3錢泡茶服,連服3劑.痰咳可能鼻水倒流影響吧?如未有改善要看醫生.
芳姐您好！我女女15個月，之前有鼻水，而家好返但有痰，聽到痰聲加一兩聲咳，佢條脷有白色厚脷胎，請問有咩湯水啱佢？
Christy:
你可用茯苓3錢,白朮3錢,陳皮1塊,麥冬3錢,甘草1錢,3碗水煮成1碗供囡囡服,有助健脾化痰止咳.
想請問下呢種煲幾耐的？
Kikochan:
你指哪一種?茯苓白朮麥冬湯就煲20分鐘可服.
芳姐請問我大女兩歲半， 有咳有痰有鼻水，抖氣時有啲喘，睇咗醫生藥都就嚟食完，都仲係有少少未斷尾！已經煲過龍利葉吉餅枇杷葉青藍，請問仲有啲咩方法？
另外我細女七個月有鼻水，飲咗洋蔥水都未有好轉，麻煩芳姐睇吓有冇咩方法？
Hyyi:
你試用白蘿蔔1個,雪梨1個,去核,葱白3~4棵,5碗水煮半小時供兩個囡囡服,葱白後下,連服2劑,看能否改善?
芳姐, 你好.
我BB 8個月大, (餵母乳) 最近佢有鼻水, 所以鼻水倒流導致有痰咳,
而且我最近都有些喉嚨痕咳及乾咳, 請問有沒一些湯水是我同BB都可以喝的呢?!
(食過西藥仍未見好轉, 又不想再要BB食太多西藥)
小南:
你可以用辛夷花3錢,葛根5錢,芥菜半斤,6碗水煮成3碗,你和BB可以飲.連服2劑,看能否改善?
明白, 謝謝你芳姐!
我另外都想問問, 因為餵母乳, 依一兩個月, 月經已正常回復
但就令奶量愈來愈少, 平時都有喝水及魚奶湯, 還有什麼湯水是可以增加奶水?
感激!!
小南:
可用北茋5錢,通草2錢,王不留行3錢,無花果4粒,蜜棗2粒煲瘦肉湯服,有助催奶.
謝謝你
請問用晒乾的龍利葉代替新鮮的都可以嗎？thanks!
Ta:
可以用乾龍脷葉,用3~5錢.
芳姐你好：小女本身每朝起身咳同流鼻涕，日間只有幾聲痰咳，痰濃帶黃，昨晚最後用新鮮龍利葉煲此湯。服後佢即時有咳幾聲，半夜4點佢就開始不停咳，有吐穠黃痰，難眠…咁適合再煲此款湯還是什麼可以改善？謝謝！
芳姐 你好
我女3歲半病完咳左成個月都未好
本來好好多 但食完西藥啲痰又起返
一早起身係乾咳 之後間中有啲痰咳
啲痰咳係好多痰吐唔出 之前有飲開龍利葉吉餅青欖
但飲完可能一路鼻水倒流所以無好到
依家鼻水倒流應該好左 但訓覺都有小小鼻塞 呼吸聲大
咁應該煲咩湯水好 真係咳太耐
醫生話氣管同肺無事
芳姐，你好，本人小兒返托兒所後不久就鼻炎，食西藥後好返，跟著咳，煲川貝海底椰鱷魚無花果南北杏湯，第二日無咳，但一星期仍然起床時有痰，咳清就無事，是否肺熱咳所以清不了痰？我見尼款湯熱咳寒咳都適合，見痰不清，昨天今天煲予小兒飲，但飲後有清鼻水和咳多左，晚上都咳，有時乾咳有時痰咳，是否不適合？應煲甚麼湯？
Helen:
我猜測你仔仔可能鼻水倒流引致咳,可用辛夷花3錢,葱白3條,生薑3片,滾瘦肉湯服,滾15分鐘可飲,有助解表,收鼻水.服2劑,看能否改善?
芳姐，你很厲害！鼻炎後就鼻水倒流咳，但實在不想服西藥，以為止咳化痰湯有用，怎知停服兩天後，昨晚又再鼻水倒流咳，將試服看效果，感謝！另請問鼻炎及返托有甚麼湯水可以增強抵抗力？病一星期好一星期…
Helen:
你可以試給仔仔服[玉屏風散],玉屏風散包括北茋,防風,白朮3味中藥材,有助增强抵抗力,減少傷風,感冒.在上環皇后道西149號我見有瓶裝的,一瓶只售35元,不貴的,給仔仔一星期服3次,有助減少發病.當然日常要飲食營養均衡,教他勤洗手,多去戶外活動以增强體質.
芳姐你好 ：我個女2岁 早兩日嘔咗兩次 到第日就肚屙3次 的屎好酸臭 ，唔知係咪吃錯嘢 呢兩日瞓覺嗰時 個頭出好多汗 啲汗係淡嘅， 面色都唔係咁好 請問有啲咩可以幫到佢。 仲有佢個胃好似消化唔到， 佢嘔嗰日 夜晚六點鐘食咗飯 到凌晨五點幾嘔嗰時啲嘢全部都係原狀嘅冇消化過。 多謝你！
愛:
又吐又嘔可能患腸胃炎,如有發燒一定要看醫生.可以用蒜瓣6~8粒,生薑3~4片,青莧菜4兩,滾瘦肉湯,大約滾20分鐘供服,有助殺菌止瀉止嘔.連服3劑.
我先生喉嚨痕咳了成個月,請問飲咩對佢有幫助?謝謝!
陳小姐:
可用烏梅菊花甘草泡茶服,對風咳有幫助.
謝謝
我先生喉嚨痕咳了成個月,請問飲咩對佢有幫助?謝謝!
芳姐，
我仔仔感冒後，晚上咳得利害，引致睡眠好差。咳的時候有少少痰聲，可以煲咩比佢等佢止咳同睡好些呢？
吳太
吳太:
你試用紫蘇葉3錢,生薑3片,甘草2錢,3碗水煮10分鐘供仔仔服,有助散寒止咳.
你好芳姐！
小女三歲多，剛上幼稚園，就咳了快兩個月，一直有痰聲，咳出的痰有時黃，有時白！一路不好！吃過川貝，雪梨，洋蔥萍果水，龍利葉湯水，連鱷魚肉湯都剛飲了，都未好！想問還可以怎做？？西醫也看了兩個！又不知鱷魚肉是涼性還是熱性！都不知適合如否！另外，連猴早散也吃了也不好！多謝！！
Zuki:
鱷魚肉性温的.如痰黃就不適宜.中醫認為[脾為生痰之源],小朋友痰多皆因脾虛,所以最好多煲些健脾湯水,例如用淮山,蓮子,茯苓,芡實各1兩,陳皮1個,紅棗6粒煲瘦肉湯供服,一星期2~3次,煲2小時,全家可飲,囡囡最好吃些湯料,連服2星期,看能否改善?要繼續看中醫治理.
謝謝芳姐！
芳姨你好！小兒3歲，上星期飲完龍脷葉蘋果湯，咳嗽有好轉。但返學後又嚴重了，前晚發燒，係睡覺先燒，咳嗽鼻水轉黃，已經看了醫生吃緊西藥，請問有甚麼湯水，可以舒緩病情？謝謝
Mrs Ho:
你試用枇杷葉,龍脷葉各5錢,辛夷花3錢,雪梨1個,去核,橘餅1個,5碗水煮成2碗供服,有助清肺熱,止咳,收鼻水.
早晨，芳姨！
尋日仔仔飲了2碗茶之後，晚上睡覺已經沒有發燒和咳，今早起床還有點咳和鼻水，鼻水變白，此款茶可以繼續飲嗎？
Mrs Ho:
可以飲多兩劑.
謝謝你！
Hi 芳姐,
你講緊呢個枇杷葉,龍脷葉各5錢, 係新鮮定係乾?
Kimi:
枇杷葉,龍脷葉是乾品.
咁要煲幾耐？
Kimi:
煲45分鐘.
芳姐你好！囡囡三歲咳左成個月仲未好，有痰聲、西醫睇左兩次話氣管敏感，今次開左「青蛙仔」氣管藥、仲可以煲咩會對氣管敏感、去痰好、有咩湯水可以飲、大半個月冇煲湯水俾佢飲了。謝謝
雲:
你試用虎乳靈芝3錢,川貝2錢,雪耳2錢,百合1兩,陳皮1個煲鷓鴣或鵪鶉湯供服,8碗水煮成4碗,可分2天服,連服2劑(飲4天),看能否改善?此湯屬補益湯,平時可一星期1劑煲給囡囡飲,全家飲加些紅蘿蔔,及瘦肉同煮就成.
謝謝回覆、依家有咳同痰、可飲止補益湯？
雲:
没有發燒就可以飲此補益湯.
仲想問下同西藥隔幾耐？謝謝
雲:
和西藥隔2小時服.
芳姐您好,
小女感冒後, 咳嗽氣促, 最近更經常咳嗽至嘔吐, 晚上又是鼻塞及咳醒。
看西醫已有個多月, 但一直未見好轉。她又很怕食藥。
請問可以煲甚麼湯水給她舒緩?
謝謝.
Naomi:
你試用紅蘿蔔1個,切薄片,北杏3錢,紅棗6粒,去核,5碗水煮成2碗服,連服3劑,對久咳不好有幫助.
請問用龍梨葉乾或枇杷葉乾煲可以嗎？
Ms cheung:
龍脷葉,枇杷葉乾可以一齊煲,對熱咳,痰黃者較適合.
芳姐您好，小兒氣管敏感，每次感冒氣管就收窄，自從兩個星期前感冒發燒，到現在還有咳，喝了几劑龍利葉桔餅蘋果湯，這幾天都是晚上睡一會兒，就開始咳，一晚要咳幾次，早上5點多咳得特別利害，有黃痰，在外面跑了跑，就咳不停，請問有什麼湯水可以幫助調理下，小兒三歲半，有蠶豆症，麻煩您了！多問一下，小兒有點燥底，玉屏風散都可以服的嗎，現在這樣能服嗎，還是等好了再服，中環華潤堂有賣農本方的，一尊3.4百，期待您的回覆，謝謝了！
補充一下有鼻涕，黃色的，這兩天沒那麼嚴重，不過還是鼻塞塞。
劉平:
你可以買川貝磨粉,配雪梨1個,去核,北杏2錢,2碗水蒸燉半小時供仔仔一天服,連服3~4劑,有助清熱化痰止咳.玉屏風散黃痰清了可以用.我在上環皇后大道西149~162號一帶見有磨成粉的玉屏風散,一瓶大約40~45元,不貴的.玉屏風散主要是北茋,防風,白朮三味藥製成,有助防治傷風,感冒,提高抗病能力.
謝謝芳姐！
芳姐您好，剛剛燉了川貝梨水，小兒不肯喝，請問可不可以加冰糖，或者用來衝奶粉喝，麻煩了。
劉平:
可以用來作開奶水.
芳姐你好請問玉屏風散喺邊度可以買得到， 裕華話呢隻藥冇得賣了。
訪客:
我在上環皇后大道西149~162多間中藥店見有玉屏風散藥粉賣,35元~45元1瓶,不貴的.農本方的診所亦有售,質量會好些.
您好芳姐，又來麻煩您了，請問小兒有蠶豆症可以服玉屏風散嗎，三歲半小童一次要喝多少了，每星期要服幾次，要介囗嗎，謝謝，麻煩了！
劉平:
玉屏風散主要成分是北茋,防風,白朮三味藥,蠶豆症小兒可服,每次服半湯匙左右,温水送服,一星期2~3次,有助增强體質.無需特別戒口,但少吃煎炸及生冷寒涼東西較佳.
多謝芳姐！
芳姐, 你好, 仔仔鼻水沒有了~但不知為何早上起身會咳有痰聲~及晚上瞓時都有少許咳, 想問可以整咩比佢飲？THANKS玉屏風係有冇啲不是一樽樽買？因一樽好多~可以自制？THANKS~及冇病都可以飲？咩體質人都飲得？
sara:
裕華好像是一包包沖劑,你有時間去逛逛.仔仔冇病一星期可飲2~3劑,以强壯體質,減少傷風感冒.晚上睡有咳,有痰,可用蘇子,萊菔子,紫蘇葉各3錢,甘草1錢,4碗水煮20分鐘供服,連服2劑.
你好芳姐，
女兒2歲半，氣管敏感依家間唔中有幾聲咳，夜晚瞓覺咳得勁啲而且咳時好重痰聲，聽到鼻都塞咁，請問可以煲咩湯化痰止咳?好返後可以煲咩湯健體一轉天氣就會病
Ling:
你試用蘇子,萊菔子,紫蘇葉各3錢,甘草1錢,4碗水煮成2碗供服,有助化痰止咳.睡前用棉紙巾剪成條狀,沾淡鹽水後扭緊,幫囡囡通鼻,有助安睡.病好後用白果10粒,去芯,核桃肉1兩,南北杏1兩,紅蘿蔔一個,生薑3片,紅棗6粒煲鷓鴣或豬展湯服,一星期2劑,有助補益肺脾腎,減少咳喘.
芳姐你好！請問，小兒未滿三歲，感冒了將近一個月仍反覆發作，之前服西藥再加洋蔥蒜頭水共服三天，症狀改善多了也停服西藥，前天見他仍有少許咳，煲了龍利葉蘋果湯他飲，但飲後咳的比前頻密，咳出來的像痰又似口水，睡覺時仍有很重鼻塞情況，鼻涕帶少許黄，請問可以服什麼來改善？
可能不舒服，近月睡到半夜就哭泣，有時又會大哭大叫一陳子，請問芳姐，這情況可有湯水可－併改善嗎？還是需要分開處理？
ToTo:
你仔仔可能屬寒咳,洋葱水温性較適合.龍脷葉湯稍偏涼,所以可能不適合.如鼻涕多可以用6朵辛夷花拍碎泡茶供服,可加少許蜜糖,連服3天,有助收鼻水.睡前可用棉紙巾剪成條狀,沾淡鹽水後扭緊,幫仔仔通鼻管,有助安睡.
芳姐您好！囡囡6歲，近幾日早上起床感覺有痰，食完野有1，2句痰咳，舌尖紅，是否熱氣，請問有什麼湯水可飲用？thanks
Ling:
你可以用羅漢果1/4個,雪梨1個,去核,北杏3錢,4碗水煮成2碗供服,連服2劑,看能否改善?
芳姐, 你好
若佢仲有偒風感冒都可用玉屏風散？及佢有咳~早上起身, 晚上2-3點~~都有咳~有時有痰聲~有時冇~想問飲玉屏風散外還可吃什麼止咳？鼻水時有時沒有
sara:
玉屏風散主要是北茋,防風,白朮三味中藥材組成,如小朋友體質差,咳及流涕不停可以服.可以用洋葱1個,去衣,放碗中,大火蒸20分鐘,用湯匙壓榨洋葱汁供服,洋葱可番蒸多1次,有助止咳.
芳姐, 你好
我仔仔3歲半, 流鼻水斷斷續續, 早上起身會咳, 有痰, 吐出來的痰有黃色~~不知是否鼻水倒流~~~食左藥都仲有有咳及止不到鼻水~~想問我整太子參,麥冬, 龍眼肉, 甘草, 辛夷花, 焗茶比佢飲可以？請幫忙~~及我想幫佢調理身體~自番學後~~病一星期, 好一星期, 又再病一星期~~…..好苦惱~~我可以整啲咩比佢等佢身體好啲？THANKS~~
SARA:
如果外感未清,不宜用補益湯水.建議你去裕華或農本方買[玉屏風散]沖劑,每次用1包沖服時加6朵拍碎的辛夷花同沖泡,有助增强抗病能加,收緊鼻黏膜,減少鼻水.病好後才用太子參,淮山,蓮子,茯苓,芡實,圓肉等煲瘦肉湯,以健脾袪濕,增强體質.
芳姐，老公常年口氣很大很臭，請問是不是脾胃不好？有甚麼湯水可以介紹？謝謝。
睿:
口氣可能牙的衛生不太好,有牙周病,脾胃有濕亦易有口氣,可以煲些雲苓,白朮,扁豆衣水作調理,連服3~4劑.
芳姐你好:請問囡囡2岁經常喉嚨發炎，之后就發燒咳、流鼻水請問有咩湯水可改善，她仲有濕疹平時可以煲些什麼可以令她身體強壯冇咁么易病。多謝！
陳太:
你可以去裕華買[玉屏風散]沖劑,用1包,加羅漢果1/6個一齊沖泡,有助强壯體質,減少發病.玉屏風散主要是由北茋,防風,白朮3種中藥製成,主要預防傷風,感冒.一星期2~3劑.
芳姐你好：我小朋友2岁這两日打乞嚏同咳，佢啲咳好怪係一声一声咁咳好 清脆 有時會有痰，但大多數听唔到有痰，請問佢是感冒了，還是燥咳？有咩湯水啱佢飲。多謝！
訪客:
你可以煲這款鮮龍脷葉蘋果湯供小朋友飲,很平和的,大人,小朋友肺熱咳都飲得.
你好芳姐，想問下如果喉嚨發炎 咳和 輕微發燒37.9
此湯水可飲用嗎？！
或者如果煲竹參 肉竹 蘋果 雪梨 南北杏 無花果 瘦肉湯
這個湯水能喝嗎？ 謝謝🙏🏻
另外，有少少痰 ！
NAT:
喉嚨發炎,有燒,可以飲鮮龍脷葉湯,或沙參,玉竹屬補益湯水,不宜服,以免病邪坐大.
芳姐！不知道我是否下午吃了點燕窩粥
我晚上發燒嚴重了 38.8 度的還有咳和喉嚨發炎情況
我已經吃了藥和退燒藥！
我想問現在我的情況能煲點什麼湯水！？
或者煮什麼粥？（想問下煲新鮮淮山瘦肉粥適合嗎？）
謝謝你的意見🙏🏻
Nat:
發燒表示身體正在打仗,如果你此時吃補益東西,病邪一樣會吸收,到時病邪坐大就未必夠牠打了!(人體吸收補益東西有節制,細菌,病毒是有幾多吸幾多的)所以燕窩就不宜食用了.應該多吃些清熱殺菌的食療,如羅漢果胖大海板藍根茶,枇杷葉龍脷葉雪梨水等較合適.
好的！ 明白了 謝謝芳姐～
芳姐,
我個小朋友10個月大, 最近一直都咳同有痰聲，腳仔成日都冰冰凍凍咁。可以煲咩湯水適合佢飲啊?
Olivia:
你試用蘇子,萊菔子,紫蘇葉各3錢滾瘦肉湯供飲,4碗水煮成碗半供一天飲,連服3劑,有助袪痰止咳,散寒.
女兒五歲，有小小鼻水但係成日咳，無論早上或晚上都咳。煲了龍利葉乾湯給她喝，好像無有好轉，還有她告訴我牙肉有點痛，請問有沒有有别的湯水可介紹始？謝謝妳
San:
你試用桔梗,麥冬各2錢,甘草1錢泡茶供服,焗15分鐘飲,連服2劑,看能否改善?
芳姐你好，小兒感冒咳，有淡，食幾日西藥後，現在仍然咳有痰，有鼻涕，請問些湯水合式嗎？
lily:
你試用辛夷花6朵拍碎,羅漢果1/6個泡茶供仔仔服,連服2劑,看能否改善?
芳姐你好！我囡三歲近兩日有幾聲咳、冇痰、請問可以煲咩飲？謝謝您
Gigi:
你囡囡可以飲這款湯,連服2劑.
謝謝您
芳姐您好：仔仔呢兩有咳同鼻涕鼻水，咳無痰但咳到有啲想反胃，請問有咩食療介紹？
芳姐你好:我兒子13個月，近3日吃完嘢就嘔，開冷氣手同腳都凍，但手臂同背都暖，請問俾咩佢食好？
janice:
你試用紫蘇葉3錢,生薑3,4片,紅糖少許,3碗水煮10分鐘供服,有助散寒止嘔.
非常感謝您
芳姐，
小兒感冒咳，食4日西藥後變了鼻塞多咳，食了2日川貝水，仍鼻塞有咳多痰。請問有何燙水可以改善，斷尾。謝！
雯:
你試用洋葱1個,蒜瓣5,6粒,3碗水煮成1碗供服,有助通鼻塞止咳,連服3劑,看能否改善?
芳姐，
多谢你回覆！
請問以上食療，食用時可以加蜜糖嗎？
小兒不吃苦藥的！
ada:
你試用蘇子,萊菔子各3錢,辛夷花6朵,滾瘦肉湯供服,4碗水滾20分鐘可飲,連服2劑,看能否改善?
芳姐你好；
我小兒子近日被哥傳染，有咳，有鼻水，已經幾天了，食了西藥仍未見好轉，我奶奶煲了川貝水，亦無用
他日間間中有咳，有鼻水，咳時好像打古一樣，晚上睡覺時亦會咳，有啖，有鼻水
請問應煲什麼湯水給他喝呢？
謝謝你