By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
你好！我囝囝兩天前晚訓覺時11點至2點內，及5點至七點內咳，睡醒後有咳幾聲（無傷風）。
第二天多了咳，不論日夜及訓時都有幾聲咳。
第三天，咳再次增多了，而且見他有時明明想咳，好似喘氣兩聲咁，之後嚥下口水，忍住無咳出黎。但有時就忍唔到，喘氣兩聲，咳出黎。
這種情況，應飲什麼？蘿蔔蜂蜜水可以嗎？
補充：他3歲
芳姐：
你好，小朋友3歲，早晚都有幾聲咳，有時乾咳有時帶痰聲，曾試過嘔奶時嘔出黃痰，亦曾睇過中醫調理，情況未見好轉。情況已持續一個月了，甚擔心會慢慢變慢性疾病。請問有什麼湯水適合小朋友呢類情況？龍利葉？非洲海底椰？鱷魚肉？請回覆！
Chan:
你試用枇杷葉,龍脷葉各5錢,雪梨1個,去核,北杏3錢,橘餅1個切碎,5碗水煮成2碗供1天服,連服3劑,看能否改善?
試了，有少少改善，但仍未斷尾…
有其他方法嗎
Chan:
可用虎乳靈芝,川貝各3錢,百合1兩,雪耳2錢,無花果3~4粒,南北杏1兩,煲鷓鴣或鵪鶉湯,全家可飲,8碗水煮2小時,連服2~3劑.有助補肺止咳.
請問川貝係指邊種？我見有幾種..價錢？
Chan:
川貝價錢貴些那種會好些,不太苦.
芳姐，你好：
我仔仔9個月大，咳左個幾月，有痰有鼻涕
看過醫生話佢可能係氣管敏感，請問三棗茶佢可以飲嗎？
定係用咩煲粥比佢食會好d🙁
謝謝！
Wendy:
三棗茶最好病好後飲,有助抗過敏.但現時外感咳,氣管敏感,有痰,可以用蘇子,萊菔子各3錢,入茶包袋煲瘦肉粥食,連服2劑,對痰咳有效.
芳姐，您好！
小兒10個月大，嘶哮症，現有時反覆發燒，有咳，無胃口食野，沒精神， 請問煲那個對他有幫助？
小山:
你試用枇杷葉5錢,雪梨1個,去核,北杏3錢,4碗水煮成1碗供服,連服3~4劑,看能否改善?
謝謝🙏
請問月經期間是否可飲三棗茶？ 另外此款是否燥熱？ 因我一家都不可以飲太寒涼， 亦不可飲太補的湯水及飲料。謝謝回覆！
jovita:
三棗茶温補,紅棗你可減成3粒,黑棗或南棗加多兩粒就不燥熱了.
芳姐，
請教你，我仔仔5歲半幾日前咽喉發炎致發燒，現差不多康復
又有幾聲咳（乾咳），仔仔屬氣管敏感，可否飲三棗茶？
謝謝
denise:
乾咳適合用雪梨,百合,蘋果,無花果,南北杏各適量煲湯服,三棗茶是没有咳時作保健用,以減少氣管敏感的.
芳姐，你好。个囡囡3岁，气管敏感咳咗好多，日头干咳。食药唔见好。舌苔有小小白白嘅。静静地又唔会咳，跑或者玩得激小小就咳得犀利。想问下您煲的咩汤水好呢。唔该哂
Jessie:
你可以用雪梨,蘋果各1個,去皮,去核,百合1兩,無花果4粒,南北杏1兩煲瘦肉湯,全家可飲,有潤肺止咳功效,這季天最合飲.
多谢您的及时回覆
芳姐你好：兒子有支氣管炎，目前滿四歲，只要感冒就咳不停，有什麼可以感冒好之後做為保養支氣管的食療呢？
小慧:
你仔仔病好後可以用虎乳靈芝3錢,川貝3錢,雪耳2錢,百合1兩,紅棗6粒煲鵪鶉或鷓鴣湯,8碗水煮成4碗,全家可飲,仔仔一星期服2劑.有助補肺氣,增强體質.
謝謝芳姐
芳姐你好，女兒三歲有咳有鼻涕、請問可以煲什麼給她飲？謝謝
Ada:
你試用辛夷花6朵拍碎,枇杷葉,龍脷葉各3錢,桔餅1個切碎,4碗水煮成碗半供一天服,連服2劑,看能否改善?
你好！ 芳姐,
小妹近期出現了紅色腫腫一塊一塊(似蚊咬完之後腫),不很不痛情況, 出現位置是手及大腿。請問怎樣好處理 ?
謝！
多多上
9-10-2017
多多:
你可能出風疹,如果買到樟木碎,用1兩煲水作外洗劑,沖涼後很快消疹.建議看醫生,了解是什麼症狀好些.可以煲些綠豆薏米海帶糖水服,能清熱解毒,去濕.
你好芳姐，我小女三歲半睇三次醫生，小女支氣管炎又敏感多痰咳唔出，鼻水又多，日頭晚間瞓不到不停咳，請問可以教我煲咩湯水比小女飲
Moon:
你試用蘇子,萊菔子,辛夷花各3錢,滾瘦肉湯供囡囡服,有助去痰,收鼻水.連服3劑.
你好！芳姐！
我囡囡四歲半，兩個月前感冒大病完，直頭依家都斷斷續續咁咳，唔知係咪變左敏感咳，有時夜晚一訓低就咳，有時又早上訓醒咳，每次咳咳下都變到有痰咳。直至見到你網上教川貝蘋果水，試飲三劑就無咳。幾日前佢又開始再咳反，由入夜後開始痰咳變到無論日間，夜間都咳，成日都有痰咁，但訓著左就得1，2聲咳。另外，發覺佢一進入冷氣地方，雙手變得好冰冷，佢係咪身體變得好虛弱？
依家佢咁樣咳，係咪照煲川貝蘋果果皮水？我想問紅羅蔔紅組北杏水呢個又岩唔岩佢飲？好反後應該飲咩調理反？
希望收到芳姐答覆，因為俾女女煩惱左兩個月
心急媽:
川貝能減少氣管敏感痙攣,蘋果有益正氣,陳皮化痰,故你可以繼續用這款食療,一星期2次.另外可用虎乳靈芝3錢,芡實1兩,雪耳3錢,南北杏1兩,紅蘿蔔1個,陳皮1塊煲鷓鴣或鵪鶉湯供囡囡服,一星期1~2次,有助强壯肺氣,減少痰咳.此湯全家可飲,8碗水煮2小時成4碗左右.
多謝芳姐你既答覆。如果長期飲用既食療，會再有較經濟既食療比到我女女？因較難搵到新鮮鵪鶉
另外仔仔三歲，較早前聶襯，踢被，之後流少量清鼻水同乾咳幾聲，第二日多左鼻水，咳都多左，體溫較平時高，但未去到低燒，燉左洋蔥蘋果蒜水二日左右，佢體溫回到正常，鼻水變左時白時黃綠鼻涕，同埋仲係有咳，咳時有少量痰聲不論早晚，但訓覺時無該的。佢又應該飲咩比較好？
謝謝芳姐再次回覆
心急媽:
你可以用白果10粒,核桃肉1兩,南北杏1兩,紅蘿蔔1個煲瘦肉湯,全家可服,有助補益肺,脾,腎臟.你仔仔可以用辛夷花6朵,葱白3棵滾瘦肉湯供服,連服3劑,有助收鼻水.
謝謝你給的食療。
今天女女放學後我煲了川貝蘋果陳皮水俾女女飲，但事後佢整個晚上都流鼻水（都幾多），應該在校著涼我唔知，其實仲可飲川貝嗎？我應該要轉煲啲咩俾女女？感激！
唔好意思，芳姐，我問得太多問題
我另外忘記問辛e花蔥白瘦肉湯係幾多碗水煲成幾多碗，個湯煲幾耐左右？
心急媽:
辛夷花水可用3碗水煮10分鐘服.能收鼻水.着涼都可以飲川貝蘋果陳皮水,加兩三片薑同蒸.
謝謝芳姐您，我試試。
芳姐，忘記問白果10粒,核桃肉1兩,南北杏1兩,紅蘿蔔1個煲瘦肉湯。這款湯要煲幾耐？一星期飲一至兩次夠嗎？謝謝你！
心急媽:
白果核桃湯煲個半鐘就成,一星期2劑.
芳姐，你好！小兒今年5歲半，自小有氣管過敏同鼻敏感，近呢兩個月半夜簡中狂打噴嚏鼻水流，或咳嗽到瞓吾到，我相信同開冷氣有關。如果平時係冇冷氣情況就冇事，請問此三棗茶對佢有幫助嗎？
annalei:
三棗茶如痰少咳可以日間服用.晚上氣管敏感,試用紫蘇葉3錢,辛夷花6朵,生薑3片,紅糖少許,3碗水煮10分鐘供服,有助散寒止咳,收鼻水.
謝謝芳姐！請問要服多少天？
annalei:
飲3劑,如有改善就停.
請問一下我女(3歲)流鼻水&咳(醫生話佢喉嚨有d紅+似氣管敏感)依個紅蘿蔔1個,紅棗6粒去核,4碗水煮成2碗岩佢飲嗎?因為佢咳到會想嘔同埋佢咳到一完全訓唔到覺!!謝謝~
Sarah0509:
如感冒初起,可以用芫荽葱各3棵(連鬚根),生薑3片,茶瓜4條,鯇魚肉1條,4碗水煮成2碗供一天服,有助解表,利咽.茶瓜在雜貨店有售.或用白蘿蔔1個,洗淨去皮切條,用3湯匙蜜糖醃5小時,會滲出很多蘿蔔汁,用半杯蘿蔔汁加半杯暖水調勻供飲,一日2~3次,都有幫助,連服2劑.蘿蔔是生用的,不要煮熟.
芳姐：我仔今年15歲 最近幾星期無咩胃口 食少少就飽 請問可以煲咩比佢飲？ 謝謝！
Maggie:
你試用白蘿蔔1個,山楂2錢,陳鴨腎2個,蜜棗2粒煲湯供服,有助開胃消積.
芳姐: 謝謝妳!
芳姐，您好！如有傷風，感冒可飲三棗茶？
celia:
傷風,感冒不宜飲三棗茶,飲[三冬茶]較佳.屈臣氏,萬寧有售.
芳姐你好🙏🏻我個女7個幾月，有氣管炎咳左個幾兩個月仲有ee聲，有咩可以食到好番🙏🏻🙏🏻
芳姐🙏🏻想問一下你，我個女7個月氣管炎，咳左個幾兩個月仲有ee聲，要食咩先好🙏🏻🙏🏻🙏🏻
So Hiu Lai:
你試用川貝末2錢,蘋果1個,去核,去皮切塊,2碗水燉1小時供1天服,無需加調味,連服3~4劑,有助減少氣管痙攣.
川貝同川貝末1樣嗎，我5識我係新手媽，因為我有去買川貝但職員話BB太細5⃣️啱食，thx芳姐🙏🏻🙏🏻🙏🏻🙏🏻
Si Hiu Lai:
川貝末即買好川貝後搗成細末,方便幼兒服用.其實川貝用量少,嬰幼兒都可以用.著名的[保嬰丹]就有川貝,主要是化痰止咳.如拍用藥,可以用紅蘿蔔1個,去皮切薄片,紅棗6粒,去核切片,4碗水煮成碗半供服,對嬰幼兒百日咳或久咳不好有幫助.
另外在兩餐之間可幫BB輕輕拍背,拍到有咳表示該處積痰,要多拍幾下,然後飲水,有助將痰排走.
我只係想佢快D好，因hehe聲得耐我怕變成哮喘，所以請教芳姐幫忙食咩小女氣管再冇ee同咳🙏🏻🙏🏻🙏🏻
So Hiu Lai:
喉間有hehe聲多數痰多咳不出來引致,嬰幼兒不懂咯痰,唯有幫助拍背,飲水將痰排走.如囡囡肯食粥,可用蘇子,萊菔子各3錢入茶包袋煲瘦肉粥供食.蘇子,萊菔子很袪痰.
芳姐， 请问一下， 我五岁孩子很容易伤风，一直不好，最近还连续喉咙痛发烧，吃了药好了以后，伤风还是没断根，那要喝什么好？ 三枣茶OK吗？ 我两岁孩子也是先发烧喉咙痛，好了以后，现在会有点咳有痰声，请问要煲什么饮？
Alison:
你試用青欖10粒,青蘿蔔1個,雪耳2錢,南北杏1兩,無花果4粒煲瘦肉湯,8碗水煮成4~5碗,一星期2劑,有助清熱解毒,防咽炎.全家可飲.另外去裕華或農本方買[玉屏風散]沖劑,一星期服2~3次,有助增强體質,減少傷風,感冒.
我媽80歲經常突然會咳得很勵害,特別在晚上, 有時講講下又咳,是否氣管敏感,
應該煲咩比佢飲好
MW:
你試用烏梅2粒,菊花1小撮,甘草4,5片泡茶供令堂服,連服4~5劑,對風咳有幫助.
芳姐
仔仔13個月大，尋日開始流鼻涕，鼻塞，瞓覺會咳。今日體溫開始偏高，有咩湯水介紹？仔仔出世時肺部唔好，依家好容易傷風感冒氣管咳，今次好番後，有咩湯水可以保健？
唔該你
monqq512:
你試用洋葱1個,蒜子6粒,生薑2片,3碗水煮成1碗供仔仔服,連服3劑,有助殺菌抗病.
可用作開奶或焗粥仔嗎？
monqq512:
由於洋葱,蒜子味道頗濃,不宜作開奶茶,煲粥仔加肉碎可以.
你好芳姐，我個女依家4個月大，呢幾日都間唔中會咳幾聲，一咳就咳幾下，請問有沒有辦法幫下佢？謝謝！
Gigi:
你試用洋葱1個,去衣,切塊,放碗中,隔水大火蒸半小時,用湯匙壓洋葱,大約有3湯匙洋葱精華汁供囡囡飲,連服3天,有助止咳.
芳姐，你好！我想問下～而家我囡囡得六個月大，係感冒之後有氣官敏感。囡囡大多數都係早上咳有時會有痰有時冇同有少少鼻塞，可以煲d咩俾佢飲？謝謝
Janna:
你可以用紅蘿蔔1個,紅棗6粒去核,4碗水煮成2碗供囡囡飲,對氣管敏感咳不好的幼兒有幫助,連服3劑,好味的.
4歲容易氣管敏感，請問大火加蓋煲嗎？還是中火？
nikylo:
大火煮滾,加用慢火煮,可加蓋.
芳姐:你好我有個孫係好容易支氣管炎請問有勿湯水可改善
Cykwan:
你可以用川貝末2~3錢,蘋果1個,去皮,去核,4碗水煮成2碗供服,一星期2次,有助減少氣管痙攣咳喘.
芳姐：
你好，仔仔19個月，咳了兩個月，睇了10幾次醫生仲未好，醫生話氣管敏感，現在要早晚聞氣，現在白天少咳，夜晚多咳，有時無端端都會咳，有少痰，有什麼改善湯水適合飲，請指教，謝謝
ADA:
你可以用川貝末2錢,蘋果1個,去皮,去核切片,陳皮1小片,4碗水煮成碗半供一天服,連服3~5劑,有助減少氣管痙攣咳嗽.
謝謝你
可以給他飲紅蘿白，紅棗，北杏嗎？
你好，芳姐
女女兩歲半，有鼻敏感，不時打乞痴，有清鼻水，又有氣管敏感，已咳了兩個月，有時乾咳，有時痰咳，咳聲非常重，食西藥冇用，我可煲什么俾佢飲呢？她只喜歡飲有甜味嘅湯，不知如何是好，另外，有咩生果她可吃？要特别忌口食咩呢？
kayi456:
你試用紅蘿蔔1個,北杏3錢,紅棗8粒,去核,5碗水煮成2碗供囡囡服,連服1星期.對百日咳,小兒久咳都有幫助.
你好，may姐
女女痰咳多左，需加配點什么治療嗎？
kayi:
痰咳多,可以用川貝末3錢,蘋果1個,去皮去核,陳皮1塊,4碗水煮成2碗供服,有助袪痰止咳.
請教芳姐
3周前小孩3歲感冒後吃西藥咳嗽有好些, 但是痰多. 但這幾日清晨咳嗽不斷
醫生說遺傳daddy氣喘過敏體質, 好了也不能吃冰吃炸物
要吃些甚麼讓小孩治咳化痰? 還有怎麼調理體質
謝謝
佳芳:
你可以用川貝末3錢,蘋果1個,去皮,去核,陳皮1塊,4碗水煮成2碗,連服3劑,如見效,一星期2劑,有助袪痰止咳.
芳姐，你好！我仔9歲，成日都係咳，有些氣管敏感，又鼻敏感，要煲咩食療好呢？睇中西醫都睇到頭痛，睇極都醫唔好。都唔知有咩幫到佢。😩
Emily:
你可以用川貝3錢,蘋果1個,去皮去核,陳皮1塊,4碗水煮成2碗服,連服4~5劑,有助改善氣管敏感.鼻敏感就用6朵辛夷花拍碎泡茶服,可加蜜糖.一星期4劑,至症狀好為止.
芳姐，請問要煲幾耐時間？是否水滾後細火煲？
Emily:
煮半小時就成.
芳姐，感冒後有黃痰，喉嚨受冷氣就會痕，咳嗽。飲左幾日陳皮檸檬都無好轉！
Mandy:
試用龍脷葉1兩,羅漢果半個,雪梨2個,去核,南北杏1兩煲瘦肉湯,全家可飲.煲1小時.
我怕寒！
芳姐·你好我仔仔今年3岁8个月大’因为之前伤风感冒之后开始干咳同埋喉嚨痕而咳，没痰，吃药都不見有效，本身有气管敏感底，请问要煲点什麼汤水卑他饮?
winky:
你可以用川貝末3錢蒸燉蘋果蜜糖水供服,2碗水蒸1小時,飲時加蜜糖,連服4~5劑.
芳姐，你好，我仔仔昨天又开始咳了，之前都有燉川貝苹果陳皮水卑他飲，之后见他没怎咳就停佐2日，依家又气管敏感咳了，没痰，干咳，咳时听到气管发出点声，想问下煲虎乳零芝还是川貝卑他饮好点
winky:
你可以繼續煲多兩三劑川貝蘋果蜜糖水供仔仔飲.虎乳靈芝可平時配雪耳,百合,南北杏煲鷓鴣或瘦肉湯作保健湯水,有助强肺氣,減少咳喘.
芳姐，我仔仔呢几日夜晚经常咳，有痰要咳好耐才听到有痰，煲左几日的川貝陈皮都不見有效，请问还要继续煲?
芳姐：
您好，我囝依家11個月，我囝今日睇左醫生話氣管炎，可以煲d咩佢飲？同埋有d咩食物吃得同唔吃得？十日前冇啦啦發低燒一日度，退左就唇好紅，勁咳，我就俾左喉棗散吃左幾日好反少少，見佢今日又有鼻涕，又咳，又勁多痰，支帶佢睇西醫。
🙏🙏🙏
elsie:
你可以用白蘿蔔半個,雪梨1個,去核,葱白3棵,生薑2片,4碗水煮成碗半供服,葱白後下,對氣管炎有幫助.服2劑,看能否改善?
芳姐你好：
我女3歲半，就黎4歲，經常咳，有哮喘底，有時咳到氣喘，氣管敏感，我前2日不知道比左醋她食水餃，咳到好犀利，體西醫沒什麼好轉，是不是不能食酸的食物？有清鼻水，請問飲什麼湯水能治療這樣的病，謝謝
ELLA:
可能醋太酸刺激了囡囡喉嚨才會咳,暫時不要給太酸的東西她食用.可以用川貝末2錢,蘋果1個,去皮,去核,生薑2片,4碗水煮成2碗供服,連服3劑,有助化痰止咳.可加些少蜜糖,好味些.
妳好，請問川貝煲蘋果、果皮，可以原粒川貝咁煲嗎？謝謝！！
我囝囝現在四歲可以飲嗎？
Mok:
四歲小朋友可以飲三棗茶,一星期1~2次.
Mok:
可以原粒川貝一齊煲,没問題,因為川貝都頗貴,故最好食埋.
Thanks芳姐！！👍🏻👏🏻
我仔仔9歲, 氣管和眼都好易敏感, 同時常感冒,鼻塞,鼻水倒流, 可以飲三棗茶嗎? 或其他保健湯水.
芳姐，小女瞓觉个阵咳得犀利，日头夜晚瞓都咳。日头会有小小。有点气管敏感。鼻水清。可唔可以煲川贝苹果陈皮水？多谢晒您
Lilian:
你可以用川貝末蘋果陳皮水,要連服3~5劑才有效.
問題多多:
痰黃有咳屬熱咳,適合用白蘿蔔1個,洗淨去皮切條,用3湯匙蜜糖醃5小時,用半杯滲出的蘿蔔水加半杯温水兌服,一日2杯,有助清熱化痰止咳.
早！芳姐,
前日起小朋友早晚咳有痰(黃色) ,是否氣管敏感 ? (有考喘底)
是否敦洋蔥水 ?
謝！
多多上
26-4-2017
你好!多謝你芳姐，我細女已喝過5天的萍果川貝湯，現夜間睡不咳了，只是早上起來會咳幾聲，请問还要再喝嗎?另一個是我太女鼻敏感已有一年多，睇過多次的中西醫都不好，現是早上鼻塞，眼干常擦眼睛，不知道你有何種方法幫下我女，多謝你。
kary:
你試用白果15粒,去芯,核桃肉1兩,南北杏1兩,無花果4粒煲瘦肉湯服,8碗水煮2小時成4碗,可分2天飲,飲湯吃些湯料,連服3劑(飲6天),有助止咳定喘.
芳姐:
你好？我半個月前感冒氣管炎，吃了西藥後睇中醫。
現在説話時有D喘氣咳。
不分曰和夜咳帶少白痰。請問有什麼食療？
謝謝
美麗:
川貝能減少氣管痙攣,故你可以用川貝末3錢,蘋果1個,陳皮1塊,4碗水煮成2碗供一天服,連服3~5劑,有助化痰止咳.蘋果要去皮,去核.
你好!我女現三歲四個月，已咳有一個月了，多數是下半夜咳多，日頭沒怎咳，有痰声咳不出，没有鼻水，中西醫都睇過多次，說是氣管敏感，請問有什麽方法幫幫下我女女呢?
test
Ying:
你可以用川貝末3錢,蘋果1個,陳皮1塊,4碗水煮成2碗供服,可加少許蜜糖,好味些,連服3劑,看能否改善?另外用紅蘿蔔1個,去皮切薄片,紅棗8粒去核,5碗水煮成2碗供服,對久咳不好小兒有良效,兩款都可以試試.
芳姐， 你好，
仔仔3歲，咳左3個多星期了，開頭是清晨，凌晨時分乾咳，最近連日頭都咳埋，但沒有凌晨那麼嚴重，開始咳是有痰聲，沒有鼻水，請問可以煲什麼給他飲呢？
謝謝！
芳姐：你好！我囝囝依家10個月，醫生話支氣管發炎，成日咳，多汗，又唔肯飲水，請問可唔可以飲三棗茶？
菲菲:
支氣管炎又多汗,三棗茶你加4錢浮小麥同煮,有助止汗.
Sybil:
川貝要去有信譽的中藥店購買,只要是正貨,幾十元1兩都可以用.當然價錢貴些大粒及療效好些.
芳姐，謝謝！最後一個問題，川貝既價錢可以由68至300多元一兩，真的有分別嗎？
Sybil:
如咳好轉可以飲三棗茶,一星期2~3次.生痱滋主要是缺乏維生命B族類,亦可能是胃熱,平時可以用大豆芽菜半斤,雪耳3錢,豆腐2磚,蠔豉2兩煲瘦肉湯,全家可飲,有滋陰降心胃火功效.全家可飲,煲個半鐘就不寒涼.
謝謝芳姐！今天飲完已有好轉，一共要飲多幾日？同埋飲完之後，再可以飤三棗茶？另外本人經常生痱芝，是由生完小孩之後一直如是，現在食維他命B雜加C，可以介紹其他食療嗎？