By 芳姐 ( 17 9 月, 2010 at 7:30 上午)
· Filed under 小兒常見病
近日開學後很多小朋友患上感冒,皆因天氣還十分熱,但乘搭校巴或交通工具的空調却開得太冷,幼稚園課室的亦是有空調的,一個不小心就容易着涼,患上風寒感冒了.
風寒感冒的特點是惡寒重,發熱輕,無汗,頭痛,時流清涕.今次介紹這款湯簡單易者,味道又佳,對風寒感冒,伴有咳嗽的患兒很有幫助.
用料是: 生薑5,6片,葱白4條,梨2個(水晶梨,豐水梨1個就夠),雞蛋1個.
做法: 生薑,葱白洗淨;梨去皮,去核,切厚片;先將生薑,梨片用碗半水煮20分鐘,加入葱白及蛋漿,大滾片刻即可供飲.趁熱服,服後蓋被休息,汗出後不適症狀即減.
~ 小貼士: 此湯大人,小孩都可服,尤其是體質較差的小兒,有解表理肺的功效.
Permalink
芳姐
你好！小朋友未到3歲有G6PD,最近連續3次相隔半個月就流鼻水，每次都要一個星期先停，請問可以煲d咩，重要味道可入口唔苦，小朋友應該本身有鼻敏感
JJ:
你可以用辛夷花6~8朵剪開泡茶,加些蜜糖就好味些,有助收鼻水改善鼻敏感,每日1劑,服一星期看能否改善?
用凍水沖嗎，焗幾耐
JJ:
用開水先沖洗一次,再注入開水,焗7分鐘左右,加蜜糖調勻可服.
芳姐
你好，由上星期二開始流鼻水咳，咳就得番1，2聲，鼻水尋日見佢瞓覺會鼻塞，日頭都鼻塞，但就冇流鼻水，幫佢用左海豚blocked nose通鼻，再吸鼻水，係吸到好多，今日再通再吸，今日第二次吸出黎嘅鼻水先開始相對地少左，之前前2日開始已經煲葱白薑水，夜晚已經焗左7次辛夷花加蜜糖，因為佢唔飲，所以我將d水黎煲飯，咁夜晚用辛夷花煲飯，夜晚瞓覺就冇鼻塞，咁之後係未都可以繼續用辛夷花加蜜糖水
JJ:
辛夷花是木蘭花的花蕾,有助收縮鼻黏膜血管,減少鼻水,可以服用一段時間,至症狀改善為止.
芳姐你好，
請問小朋友傷風初癒，但仲有鼻敏感，係冷氣地方會乞嗤流鼻水，到戶外就無問題，可以飲呢個湯水嗎？感謝🙏🏻
陳太:
傷風後鼻敏感,可以飲這款湯,加6粒辛夷花同煮能收鼻水.
芳姐，我自從個幾月前焗傷風之後，便一直每天有鼻涕，又不是很嚴重，全日都索索下鼻咁。好不舒服。
以為是鼻敏感(本身無鼻敏感的)，吃抗敏藥時得時唔得。
有甚麼湯水/飲品可以幫到手？請指教～
亞叉:
你可用辛夷花6~8朵拍碎泡茶飲,每日1杯,至症狀好為止,可加蜜糖.
芳姐你好！我囝6岁，噚日吹冷氣凍親，一直流鼻水。今朝煲咗呢個湯水佢飲，但佢嫌辣冇飲晒，有無其他适合佢嘅湯水？唔該！
Jiuli:
你試用紫蘇葉3錢,生薑3片,紅糖少許,3碗水煮成1碗供服,有助散寒解表.
SK:
你囡囡睡前可以用棉紙巾剪成條狀,沾淡鹽水後扭緊,幫囡囡通鼻管,通鼻後才睡.日間可以用辛夷花6朵拍碎泡茶供服,可加蜜糖.汗多可用黑豆1兩,浮小麥5錢,黑棗6粒,5碗水煮成2碗供服,連服3劑.
你好芳姐
囡囡5歳，訓覺有鼻塞，平時有冒汗，經常訓不好，成日周身郁，可飲咩湯水，謝謝！