By 芳姐 ( 26 6 月, 2017 at 9:42 下午)
· Filed under 外感/頭痛/呼吸道病, 小兒常見病
菜檔或山草藥檔經常有新鮮的龍脷葉賣，龍脷葉性質平和，味甘淡，對肺熱咳喘痰多，或口乾，便秘人士均適合，而且據藥理研究，其煎劑對金黃葡萄球菌、溶血性鏈球菌有抑制作用。配蘋果，紅蘿蔔等煲湯，對肺熱咳嗽，喉痛失音均有幫助。
用料是：鮮龍脷葉1兩，蘋果2個，紅蘿蔔1個，南北杏1兩，瘦肉適量。
做法：龍脷葉沖洗淨；蘋果、紅蘿蔔洗淨，去皮，切塊，蘋果需去核；瘦肉切片，出水；全部材料用8碗水煮個半小時成4碗即成。
~ 小貼士：此湯藥味不重，老少及孕婦可服。對小兒感冒後咳嗽，不知是寒咳還是熱咳，只要喉嚨微紅不適都適合飲此湯。
Permalink
小朋友痰咳，不懂吐痰，咳出來是淺黃色痰，她沒有分什麼時間咳得多，無時無刻都會咳，請問是煲虎乳靈芝湯還是龍脷葉水給她飲？
劉太:
有黃痰先煲龍脷葉湯,黃痰少了才煲虎乳靈芝湯服.
芳姐 您好。我的妹妹2個月前確診，康復後仍然會咳嗽到喘氣，濃濃的白痰導致她的喉嚨不時會癢難耐加咳嗽，影響睡眠。 勞煩您賜教。感恩。
蘇太:
如有咳喘,建議用白果15粒,去芯,核桃肉1兩,南北杏1兩,無花果3~4枚煲瘦肉湯服,有助止咳定喘.連服3劑試試.
芳姐 早晨。謝謝您朝早回覆。妹妹最近去照肺，情況良好，但是醫生說她的情況是長新冠症狀。勞煩您賜教有關的湯水食療，感恩。
蘇太:
魚腥草能防治肺炎,可以用鮮品4兩,南北杏1兩,蜜棗2粒滾瘦肉湯,滾20分鐘就夠,不能久煮,連服3劑.用靈芝3錢,百合1兩,雪耳3錢南北杏1兩,紅棗5粒煲鷓鴣湯供服,有助增强體質,改善不適症狀.
芳姐：您好！
我啊爸斷斷續續咳左差唔多成兩個月，睇左西醫、中醫，但未完全好返，仲有啲尾未斷。初初開始咳無痰，但依家開始有痰，啲痰好似痴係喉嚨咁，需要用力先可以咳出來。而且喉嚨一痕，就會想咳。本身有高血壓，請問有可以褒些什麼化痰止咳？
另外，下牙牙肉有啲發炎現象，食左消炎藥，好左少少，但都係有啲痛，未完全消炎，食野時，咬合會痛，可以褒些什麼消炎止痛？
謝謝🙏
芳姐, 你好
我囡囡3歲，病好冇耐又病，都係咳,鼻痕打乞CHER, 流鼻水, 多數夜晚會明顥咳聲多, 及有痰, 痰有少少色, 可以煲咩比佢飲等佢身體強D, 生病自番學後就病完過1星期又病, 咳流鼻水打乞CHER~請幫忙，謝謝!!
sa:
小朋友剛上學一定會經常受感染上呼吸道疾病,待身體儲夠[抗體],就不易病了.最緊要日常飲食營養均衡,不偏食.感冒高峰期可以用薏米1兩,冰糖少許煲水40分鐘,之後加入鮮檸檬片2~3片,焗片刻供他一天飲用,有助增强抗病能力.生薏米有少許殺病毒功能的.虎乳靈芝有强肺氣功效,又没有藥味,可用來配合杏仁,雪耳,無花果等煲鵪鶉湯供服.
謝謝芳姐, ^^
芳姐你好，
家父為中風臥床老人，75歲，得了肺炎，已服抗生素1星期，痰結而且黃，請問可以飲用什麼湯水幫助排痰？謝謝回覆
訪客:
你試用鮮龍脷葉1兩,石黃皮1兩,南北杏1兩,雪梨2個去核,陳皮1個煲瘦肉湯供服,有助清熱袪痰.
謝謝芳姐，請問此湯可用蘋果嗎？一般煲幾耐呢？
可加准山嗎？
訪客:
可以用蘋果的,一般煲1小時就成,但我平時很少加淮山.
芳姐你好，
我大女個、細仔都有咳嗽。
大女9歲，四天前喉嚨痛、有鼻塞，這兩天就開始有痰咳，她說痰可以給出來，有些黃色，經常要擤鼻涕。
小兒子6歲，兩天前有鼻水、打乞嚏，但昨天也開始咳，而且有痰，說是白色的。
想請教有甚麼食療可以幫助他們止咳？
他們似乎是不同類型的病徵。
Thanks
Helen
Helen:
龍脷葉性平,你配蘋果無論寒咳,熱咳都適合,痰白色多屬寒咳,可加盛起後在碗中加少許蜜糖調勻供細仔飲.痰黃屬熱咳,你可以趁熱盛入碗中,加1/6個金羅漢果焗5分鐘供大女服就有清熱化痰功效.
你好，芳姐，我女12岁，平时有鼻敏感，早上会鼻塞。喉咙痒咳无痰已有一星期，偶尔会咳一声，想问有什么汤水可以帮女女改善呢
HONG:
你囡囡可用辛夷花錢拍碎泡茶,飲時加蜜糖調服,每日1杯,至症狀好為止.
芳姐你好
從昨天早開始 我喉嚨有啲嘢， 但未至於很痛， 有少少痰部分是黃色的 ，有少量鼻涕，整日都是打過一兩次乞嗤，沒有其他感冒的跡象。 之前牙肉腫痛，有粒好大嘅飛滋 ， 剛好返了。
請問有什麼食療可以幫助到? 十分謝謝你
Helen
Helen:
你可用金羅漢果1/4個,胖大海3錢,板藍根3錢,4碗水煮成2碗服,連服2劑,有助袪痰利咽
芳姐你好，
請問懷孕15週，剛肺炎康復，但仍有痰的話，可以煲咩湯水來請肺熱除痰以及強壯肺部呀？
謝謝！
Priscilla:
你可以用枇杷葉,龍脷葉各5錢,蘋果1個,去核,雪梨1個去核,無花果4粒,5碗水煮1小時成2碗服,連服3劑,有助清肺熱袪濕.
芳姐, 你好
我女1歲,之前有鼻水倒流,咳, 但食左西藥後已冇咳, 但瞓覺時仲有鼻聲, 醫生話由得佢等佢自己好, 但都2星期, 鼻都係有鼻聲, 想問有咩湯水食療可以幫佢？及增強抵抗力。
謝謝
Sara:
你可以在囡囡睡前用剪成條狀紙巾棉涼淡鹽水後扭緊,幫囡囡通鼻管.另外用5朵辛夷花泡茶供服,連服3劑.
早晨芳姐,
阿女7歲, 昨日有咳有鼻水, 清的（白色）, 昨日亦有睇中醫, 吃了2次藥粉, 今朝一早起身鼻涕已變綠色, 痰綠色, 今日想煲個湯水比佢飲, 應該煲咩好？ 飲既湯水會唔會影響中藥藥粉？
謝謝
Chin Family:
痰轉綠色表示症狀嚴重了,有炎症.你試用辛夷花6朵,葱白3,4棵,金銀花3錢,4碗水滾15分鐘供一天分服,有助清熱解毒收鼻水.服藥後2小時飲.如果情況没改善要看西醫吃消炎藥才成.
唔該哂芳姐
芳姐, 你好
我仔仔5YRS O, 最近晚上1點多就咳, 不過食左西藥, 而家冇咳, 但有時咳會有痰聲, 佢可以把痰吐出, 另外每天早上起床都乾咳, 想問有咩食療或東西可以煲比佢飲？THANKS,增強抵抗力
Sara:
你可用桔餅1個切碎,陳皮1個,蘋果1個去皮,去核,4碗水煮半小時成2碗供仔仔服,連服3劑.
你好芳姐！
我仔9歲，喉嚨發炎，前2天有低燒，佢食左特效蓮消丸，現在無燒，
昨天煲左金羅漢果、竹蓆、魚星草、麥冬、南北杏茶给他飲，但早上瞓醒時口好乾喉嚨有少痛，少少痰，舌尖紅、脷苔少黃厚，瞓得唔係咁好，睡著後有好多汗，咋日煲的茶可否再繼續給他飲？請問有咩野食療適合他呢？麻煩芳姐回覆，🙏🙏
玲:
你試用桑葉,菊花各3錢,南北杏1兩,蜜糖少許,3碗水煮10分鐘成2碗,飲時加蜜糖,連服2劑,看能否改善?
芳姐你好, 我個囡之前感冒發燒喉嚨發炎食藥好返, 之後就好多痰兼少許咳, 只係日頭咳, 持續1個星期多, 但近哩4日就咳多左連睡覺都咳, 但就唔覺有痰, 同埋總有些鼻水, 佢本身都有小小鼻敏感, 甘應該煲咩湯止咳, 唔知是否天氣問題, 夜晚睡覺又會身痕, 攪到睡覺都睡得唔好. 請芳姐指教.
rainbowlam:
你試用紅蘿蔔1個去皮切片,紅棗10粒去核,5碗水煮成2碗供服,連服3劑,對小兒久咳有幫助,同時紅棗能抑制過敏細胞,減少過敏.如不見效,要看醫生.
芳姐您好，請問如果熱感冒有咳，煲D咩飲好？thanks
kary:
風熱感冒有咳可用枇杷葉,龍脷葉各5錢,南北杏1兩,蜜棗2粒,5碗水煮成2碗服,連服2~3劑.
請問芳姐，這個孕婦能喝嗎？
kary:
此湯孕婦可飲.
阿女兩歲半，感冒流鼻水同少許咳反，食左西藥三日已經好好多，冇點咳，但返完學又來少許鼻水，咳多左，有時咳時有痰音。但訓覺時冇點咳，請問可以煲咩食？
Carriechung:
你可用桔餅1個切碎,陳皮1個,辛夷花6朵,4碗水煮成2碗供一天分服,連服3劑.有助止咳收鼻水.
你好芳姐
仔仔21個月有痰咳同鼻水，吾識吐痰，每逢食野 咳得特別嚴重。已經睇左西醫吾見有好轉，請問我應該煲什麼湯合適？謝謝您
ysandiks:
你試用蘇子,萊菔子各3錢,辛夷花6朵滾瘦肉湯供服,有助化痰止咳收鼻水,連服3劑,煮30分鐘就成.
芳姐, 你好
我囡囡7個月大, 之前病左食左西藥好耐, 但都係止唔到鼻水倒流, 弔致咳, 及佢眼晴之前細菓感染, 眼屎係綠, 但而家冇~但有時會有眼水好似好敏感, 而家鼻聲好重, 夜晚瞓聽到佢鼻水聲倒流, 狂咳,同變痰 想問可以有咩食嘢湯水幫下佢??及想問買喉棗散 OR 保嬰丹邊個可以比佢食？邊款啱而家多D>?>>??謝謝
Sara:
你試用辛夷花5朵,蘇子,萊菔子各3錢,入茶包袋,煲瘦肉粥供囡囡食,連服3劑,有助化痰止咳,收鼻水.猴棗散較適合.
芳姐,你好!
女兒2歲,上星期發燒, 有鼻水, 少許咳, 睇了醫生吃了藥退燒了,已停藥. 但這2天咳多了, 還有流鼻水, 是清鼻.
吃完奶咳得好勁有時咳到嘔, 日抖間唔中都有咳下,好似有D痰音, 晚上睡覺都會咳2-3次. 聞到她有少許口氣
請問可以煲咩給她止咳收鼻水呢?
Carrie:
你試用桔餅1個切碎,陳皮1塊,辛夷花6朵,4碗水煮成2碗供囡囡飲,連服2劑,看能否改善?
芳姐，你好，我囡飲左兩日已經收左鼻水同咳少左，多謝你。但仲未斷尾，成日咳一聲，好似喉嚨痕咁痕一下。次數都幾多，但唔係長咳。請問可以再煲什麼湯水？
Carrie:
你試用烏梅2粒,甘草2錢,菊花1小撮泡茶服,可沖泡至淡,有助袪風止咳.可連服3~4劑.
芳姐, 你好!
阿囡已經好返好多好多, 請問病後可以煲咩吃? 如平時煲太子參适合嗎? 會不會太燥?
阿囡比較瘦易病, 有咩可以增加抵抗力?
Carrie:
不時可用淮山,茯苓,蓮子,芡實各1兩,陳皮1個,紅棗6粒煲瘦肉湯,8碗水煮成4碗,一星期2劑,全家可飲,有助健脾胃,助吸收,强體質.
芳姐
乾咳加上鼻塞，八個月大，可飲這湯水嗎？謝謝你！
Janice:
8個月大BB可飲半碗這款湯水.另外可用洋葱1個,去衣切片,放蒸碟中,大火蒸20分鐘,用湯匙壓榨洋葱汁供BB服,大約3湯匙左右,有助改善.
洋葱需每天服用多少次？謝謝
Janice:
BB細個,一個洋葱可以用2次,即蒸完壓榨洋葱汁,然後隔半天,用1碗水煮7~8分鐘成小半碗供BB服.洋葱可以買大個些少的.
家中60歲老人剛得了肺炎，適合飲用嗎？感謝
MM:
肺炎長者可飲此湯.
用雪梨代替蘋果，可以嗎？
訪客:
可以用雪梨的.
Hi 芳姐 如果我咳嗽嚴重了有黃痰
請問龍利葉南北杏瘦肉湯，我可否飲用？thanks
Ting:
鮮龍脷葉湯你可以服,痰黃加1兩石黃皮更佳.
芳姐 我今天買不到龍利葉
請問如果我用蘋果雪梨南北杏豬展煲湯可以嗎？
或是要加什麼沙參肉竹之類的東西？
Ting:
没有龍脷葉,可放沙參,玉竹各3錢.
我買到龍利葉啦, 但如果我有鼻涕, 煲這湯水都岩飲對嗎？請問石黃皮要怎樣處理，需要浸嗎？
Ting:
石黃皮浸洗一下就成,它是一種蕨類植物的球狀莖,所以看來不太乾淨似的.鼻涕多加6朵辛夷花同煮.
芳姐你好，
女兒2歲半，最近一星期有咳，有痰聲，咳不到出來，已經燉過鷓鴣/鱷魚肉川貝海底椰南北杏湯俾佢飲，但痰都是清不到。請問你之前提過的蘋果川貝果皮水可以煲給她飲嗎？這個可以清痰嘛？謝謝🙏🏻
eunice:
你可以用蘇子,萊菔子各3錢入茶包袋煲瘦肉粥供囡囡服,連服3劑可清痰.蘋果川貝陳皮水都有幫助.
如果女女不喜歡食粥可以用來煲飯嘛？
eunice:
囡囡不喜食粥,可以滾瘦肉湯服.
芳姐，這款可能味度太濃，女兒不肯飲😓😓除了這個還有其他可以化痰嗎？
eunice:
試用蒸了去了皮的絲瓜,用湯匙壓榨絲瓜汁供服,能清熱化痰.好清甜的.
謝謝芳姐🙏🏻
你好，芳姐
感冒左1個星期，夜晚喉嚨又痕係甘咳，朝早訓醒個鼻有啲痛，咳啲痰同鼻涕係黃色仲有少少鼻水，請問可以煲些什麼湯?
謝謝
Doris:
你試用桔餅1個,切碎,陳皮1個,辛夷花3錢,甘草1錢,4碗水煮成2碗服,連服3劑,看能否改善?
芳姐你好,
我個囡6歲, 今早發燒, 有咳有鼻水好多痰（痰綠色） 可唔可以煲這個湯？ 可以退到燒嗎？
Chin Family:
痰綠色建議要看醫生,因為有炎症,又加上發燒.食療可用蘆根5錢,淡竹葉3錢,生薏米1兩,雪梨1個,去核,5碗水煮成2碗服,有助清熱退燒.
謝謝
芳姐您好,
我仔仔11歲，白天間中咳，夜晚剛入睡時和早上5-6點咳得厲害(氣管有痰鸣音，但不懂咳出，看鼻水是清稀）已有三四個星期了，已睇佐西醫吃了五天抗生素和止咳水，好了一點，我也煲了川貝蒸蘋果和桔栟陳皮水喝，但現在還是很多痰，反反覆覆，有時一天一聲都沒咳，今早突然5-6點時一陣猛咳，特多痰，有痰鸣聲，又有些鼻水，平時有些過敏性鼻炎。請問芳姐應該煲些什麼湯水？謝謝🙏🏻
芳姐，等你答復啊，謝謝！
訪客:
你可用法夏,茯苓,白朮各3錢,陳皮2錢,甘草2錢,生薑3片,烏梅2粒,5碗水煮成2碗供仔仔飲,連服3劑,有助清痰.
謝謝芳姐！
芳姐：
你好，女兒11歲，喉嚨痕癢，流鼻涕，鼻涕黃色。請問煲什麼給她比較合適？謝謝
June:
你試用烏梅2粒,菊花,辛夷花各3錢,甘草1錢,4碗水煮成2碗服,連服3劑.有助袪風收鼻水.
謝謝芳姐
芳姐你好，
囡囡2歲半，呢3個月內兩次支氣管炎，好返後11月尾又感冒，食左抗生素好返個多星期，呢幾日天氣凍，她又常常咳嗽，但沒有痰及痰聲，似氣管敏感嗎？
可以煲甚麼俾佢舒緩咳嗽？
謝謝你。
eunice:
你可以用川貝末3錢,蘋果1個,去皮,去核,4碗水煮成1碗供囡囡服,有助健脾止咳.連服3劑.
謝謝芳姐🙏🏻
她咳的時候有少少喘聲，如果有吸氣時可以服用嗎？
eunice:
有吸氣都可以飲川貝蘋果湯.要服用一段時間才見效.
謝謝芳姐，另外囡囡已沒有咳，但她玩得厲害時才會”咳咳”兩聲，有少少聲沙及喘，會是哮喘嘛？還有甚麼可以煲給她改善？
蘋果川貝水要加果皮嘛？
eunice:
蘋果川貝水可加陳皮.平時可以多用虎乳靈芝,百合,核桃肉,紅棗煲鷓鴣或鵪鶉湯供囡囡服,有助補益肺脾腎,止咳定喘.一星期1~2次,全家可飲.
謝謝你🙏🏻
芳姐你好
我老公前幾天開著風扇吹住訓覺，起床後就開始傷風，到晚上就不停咳，睡著都會咳醒，請問這湯合適嗎？謝謝你。
Erica:
你老夫應該受了風寒,可以用紫蘇葉3錢,生薑4,5片,桔梗3錢,甘草2錢,4碗水煮成2碗服,連服3劑,有助散寒止咳.
芳姐，懷孕3個月，日咳、夜晚訓都會咳，是否都適合飲此湯?
natalie:
日夜都咳可飲此湯.忌食生冷寒涼及吃鮮橙,桔仔,香蕉之類惹痰生果.
芳姐
你好！我囡囡岩岩先稍微好番少少 不過仲有少少咳同鼻涕
但因為已經病左成個星期 食左成星期藥搞到無晒胃口 只肯飲奶
我想問下煲咩俾阿女飲？
Koey:
小米最健脾,可以用小米,紅棗煲瘦肉粥供囡囡食,加少許粟粉水煮得黏稠些易入口.用量隨意.
芳姐,
你好，我仔上星期五開始就日日都咳，咳中帶有好重的痰聲，咳之前無其他病徵。試過西藥，但沒有改善，請問可以煲哪一種湯水俾佢飲?謝謝。
Mandy:
你試用枇杷葉,龍脷葉各5錢,金羅漢果1/4個,南北杏1兩煲瘦肉湯,全家可飲,仔仔連服3劑.
HI~,芳姐
仔仔4YRS O, 晚上瞓覺鼻有少許聲, 早上起身咳,先乾咳, 再有痰聲, 下午又冇乜嘢, 不過幫佢洗鼻有時會出啲黃色鼻水, 之後又白色~之後又冇~~及手有啲凍, 食左3星期西孳, 想問可以飲乜？THANKS
sara:
你試用辛夷花6朵,葱白3~4棵,生薑2片滾瘦肉湯,3碗水煮成1碗供服,連服3劑,有助收鼻水.
芳姐，龍脷葉我住的附近沒找到，我囡囡3歲，8月中發燒完，睇醫生好佐返學，而家發覺拒間中咳有黃痰，嘴唇偏白，舌头，舌苔都有點白，聽講話系積食現象，我幫拒控制食量，戒零食，但拒好似食吾飽一樣，成日要食野😓，肚仔又好大。（仲有食佐10多日化痰西藥啦，醫生話返學一定會交叉感染成日咳，平時几乎每日都湯，淮山湯，冬瓜湯，雪梨蘋果湯，茵陳夏枯草湯😪）請問我應該煲點咩来幫下拒？萬分感謝您🙏
訪客:
中醫認為[脾為生痰之源],故小朋友最着重健脾.淮山,蓮子,茯苓,芡實,陳皮最健脾,又袪濕,可常用來煲湯供服,配合掌瓜,紅蘿蔔等都適合.現時可以煲些白蘿蔔陳鴨腎山楂瘦肉湯以消食積.
芳姐：
你好！我仔半夜咳同早上咳，飲咩湯水好？睇中醫都唔好，見中醫開既藥裡面有枇杷葉同桔餅，開奶飲完好似咳多左。
菲菲:
你試用紫蘇葉3錢,生薑3片,桔餅1個切碎,4碗水煮成2碗供服,連服3劑.
芳姐，我老公喉嚨又乾又癢引起咳，無痰乾咳，晚上咳多，白天咳幾聲，請問有什麼湯水適合
芳姐，我女兒自從上次流鼻涕，發燒，咳完之後過咗10日左右又開始每日早上起身就咳，咳聲有痰音，但咳不出痰，全日咳唔多，就時不時兩聲，請問有什麼湯水適合
kiwi:
你試用枇杷葉,龍脷葉各1兩,桔餅兩個,南北杏1兩,蘋果2個,去皮,去核,6~7碗水煮成4碗供你囡囡及先生飲,有助清肺熱止咳.
芳姐，你好！
自從上年咳嗽完痰成日清唔晒，今年就好易咳嗽痛及咳嗽，平時，好返都日日早上有鼻塞及喉嚨有痰，其他時間又冇，請問有沒有什麼食療介紹。謝謝！
Joe:
你試用枇杷葉,龍脷葉各5錢,桔餅1個切碎,辛夷花3錢,4碗水煮成2碗服,連服3劑.
芳姐 我早兩天因為喉嚨痛發燒牙肉腫，
之後連續吃了兩天鹹蛋芥菜瘦肉湯。（已經退燒）
但不知道是否芥菜太寒涼，我昨天晚上開始咳得比較嚴重而且開始有痰。
請問我可以飲這個蘋果龍利葉湯嗎？？這個湯會否寒涼？
另外我媽媽在網上看到止咳湯水，
她明天準備煲 蘋果 百合 無花果 南北杏 蜜棗 豬展湯 給我飲
請問她煲這個湯是否對我止咳化痰有幫助？？謝謝你
Yannie:
大家都可能誤會芥菜寒涼,其實芥菜是温性的,有温中利氣,宣肺袪痰功效,治寒飲咳嗽痰多.喉痛,牙肉腫不宜用芥菜,因為屬熱病,應用涼湯涼水才對.蘋果龍脷葉湯性平,寒,熱咳都適合.蘋果百合花果等湯適合,性質平和.可連服3劑.
芳姐您好，
之前因喉嚨乾涸痕癢輕微乾咳了2天，以為少事所以飲現成川貝枇杷止咳茶，食喉糖舒緩…….點知惡化至勁咳兼大痰聲，咳到肋骨都痛，最後去睇左幾次中醫咳少了很多，但仍未能斷尾….現在舌頭好苦，偶而會因喉嚨、氣管好痕持續咳嗽，有時會有少量痰粘著喉嚨但未能咳出，有時乾咳，請問有什麼茶可以焗來飲呢？
排骨女:
你試用烏梅3粒,菊花1小撮,甘草5,6片泡茶服,連服4劑,有助袪風止咳.
芳姐您好，
我已連飲4天，但咳仍然反反覆覆，有時大半天都無咳，但有時又持續咳嗽一陣而且經常有痰粘著喉嚨咳吾出，每朝起身口特別苦，請問應該繼續飲烏梅茶？還是有其他茶適合呢？先謝謝你！
排骨女:
痰黏住不出,可用川貝末3錢,雪梨1個,去核,陳皮1個,4碗水煮成2碗服,連服3劑,有助袪痰,減少咳嗽.如不見效要看中醫治理.
芳姐早晨！ 我早排感冒一直都未清到而家差唔多一個幾月喇， 我有黃鼻涕同痰， 清早啲痰好黃好結， 鼻涕都結 有陣時會咳 我感覺多數都係啲鼻涕走咗去喉嚨到， 我個女九個月大同我情況差唔多佢好多痰 呼吸都聽到佢響聲， 有陣時好似鼻塞咁用口抖氣講嘢都聽到好多痰喺個喉嚨度，我哋已經飲咗5日 蘇子、萊服子加辛夷花湯啦， 請問我哋仲可以飲啲咩化痰， 呢款龍利葉湯啱我哋嗎？個女飲唔飲得， 唔該曬芳姐！
訪客:
鼻塞不暢其實已一個月應該看醫生治理.可用辛夷花4錢,蒼耳子3錢,金銀花3錢,甘草1錢,4碗水煮成2碗,你囡囡飲半碗,連服3劑,或有助改善.龍脷葉湯小朋友都可以飲.
芳姐我已經看過2次 醫生， 第一次話喉嚨發炎 第二次話係鼻敏感 食咗藥都係唔係幾得， 話嚴重又唔算係好嚴重但係一直都清唔晒好烦， 囡囡就真係好多痰 而我又唔想佢咁細個就吃西药都睇過醫生醫生話佢可能俾我嘢到
芳姐，女兒2歲最近每個月都氣管敏感睇醫生，今次仲係好多痰咳唔到出黎，請問有咩可以舒緩下？佢夜晚咳得多d,每次咳都有好多痰，小朋友以家食緊藥，thanks
Yanchow:
你可以用蘇子,萊菔子各3錢入茶包袋,煲瘦肉粥供囡囡食,有助化痰止咳,連服3劑.食藥後2小時食粥就成.
芳姐，我個囡兩歲半，每次食多咗熱氣野都會沙聲，然後感覺有啖痰引起咳，請問哪款湯水適合
kiwi:
可以用金羅漢果1/4個,雪梨1個,去核,4碗水煮成2碗供服,一星期2劑,有助清熱化痰.
芳姐，
你好呀！囡囡1歲多D， 近日有咳有痰及打噴嚏， 可否用龍脷葉、羅漢果、蘋果、南北杏及蜜棗煲水給他飲呢？
請問需要煲多久？
爺子媽:
你可以用龍脷葉羅漢果蘋果杏仁水供服,無需放蜜棗,以免惹痰.煲45分鐘即成.
芳姐，
謝謝謝你的回覆！
另有一個非常嚴重例問題想請教……小女經常便秘，已經睇西醫多次，醫生給她軟便藥及塞肛藥，試過服藥後仍然不能排出大便，非常困擾！她已經常飲水、食蔬果但情況仍然未有太大改善……
想問有什麼湯水可以給她呢？
爺子媽:
你試試早上煲些番薯粥供囡囡食,另外用3粒左右美國西梅乾搗爛,温水送服,有助滑腸通便.木瓜,香蕉,大蕉,火龍果,牛油果,西梅等都屬潤腸生果,可適量給囡囡食.
芳姐你好
小朋友怡家2 歲…哩兩日有痰咳~~夜晚可能咳多少少..想問芳姐可以煲咩湯水可以化痰止咳
謝謝
Minnie:
你可以用蘇子,萊菔子各3錢,入茶包袋煲瘦肉粥供食,連食3餐,有助化痰止咳.
芳姐請問蘇子及萊菔子可以邊度買到？
Minnie:
在中藥店有售.
請問芳姐，只放南杏可以嗎？分量又是多少？
coco:
南杏放5錢就成.
請問芳姐，唔放肉可以嗎？
coco:
可以不放肉都得.
我仔喉嚨痛咳嗽可以服此湯？
lxm2311:
喉痛可以飲此湯.加半個金羅漢果同煮,有助利咽消炎.
芳姐，我仔服左三日都未見止咳，他現在是日頭睡醒就咳幾聲重的，晚上偶爾也會咳幾聲，咳聲都很重，有少少痰吞嚥下去，白天基本上沒有咳，請問需吃點什麼湯？？
lxm2311:
你試用紫蘇葉3錢,蘇子,萊菔子各3錢,生薑3片,滾瘦肉湯供服,有助散寒化痰止咳.服2劑,看能否改善?
請問紫蘇葉3錢是乾品還是買新鮮的？仲有問下你要煲几耐？
唔該曬！
lxm2311:
紫蘇葉是乾品,4碗水煮20分鐘成2碗.
芳姐，
那天留言之後 病徵不同了， 不停流鼻水、喉嚨有啲痕，而且會咳有痰聲， 喉嚨有痕，而且好想咳。 持續這兩天 都有飲你提議的 不過可能病情不同了 飲的時候舒服 但沒有太大好轉。 謝謝
Helen:
你試用烏梅2粒,北杏3錢,辛夷花3錢,菊花3錢,甘草2錢,3碗水煮10分鐘服,連服3劑,有助止咳收鼻水.
早， 芳姐
我跟你所教飲咗之後， 真的收鼻水， 止咳也好些… 想問 如不用收鼻水我如何煲？ 之前你叫我買的材料仍然有，覺得仍然想咳，少少痕。
請問你叫我煲的份量，其實是三劑還是一劑的分量？
另外，小朋友有痰咳，除了用蘇子、萊菔子煲粥外，有冇其他化痰止咳的食療？ 因為我家小朋友不喜歡吃粥，食得很少。
謝謝你
Helen
Helen:
如果鼻水已收,可以減去辛夷花這味藥,其它照用就成.是一劑的份量,每天服一劑,連續服3天.蘇子,萊菔子可以滾瘦肉湯供小朋友飲,有化痰止咳功效.
芳姐早晨
我三天前突然喉嚨很痛，只多喝水吃喉糖， 好似好番，但隔天後，小小乞嚏鼻涕但不怕冷，到了昨天喉嚨又痛，有少少想咳，但不痕癢，而且講唔到嘢; 一間中有鼻涕、冇乞嚏。 今早喉嚨沒痛但說話 喉沙聲。 請問可以煲些什麼？ 謝謝你
另外，女兒有痰咳， 星期五她也說有喉嚨痛。 也是吃了喉糖 但現在他沒有喉嚨痛了。 請問小朋友我應該煲些什麼給他？ 十分謝謝你
Helen:
你可以用金羅漢果半個,胖大海3錢,甘草1錢,4碗水煮10分鐘成3碗,你和囡囡分別飲用.有助化痰利咽開聲.如買不到這種低温脫水的金羅漢果,用普通羅漢果都可以.連服3劑.