By 芳姐 ( 27 5 月, 2010 at 7:36 上午)
· Filed under 小兒常見病
很多小兒上幼稚園後便經常感染呼吸道疾病,且病情反覆,感冒初愈,又開始咳嗽,到咳嗽稍好,又從學校惹了傷風,感冒,又開始咳,令家長們非常憂心!
肺氣虛的小朋友易感染傷風咳嗽,平日不妨多用虎乳靈芝,雪耳,杏仁,百合,川貝這類對肺臟有益的食物作調理,有很好的效果.
虎乳靈芝屬白靈芝,功能補益肺氣,提高免疫力.[虎乳靈芝雪耳杏仁湯] 有補肺益氣,潤肺止咳的功效.對肺弱人士特別適合.
用料是: 虎乳靈芝3錢,雪耳3錢,南,北杏5錢,百合1兩.
做法: 雪耳浸洗,去蒂;其餘材料浸洗;將全部材料放入煲內,用8碗水煮約2小時成4碗即成.
~ 小貼士: 此湯鹹甜皆宜,補而不燥,全家可飲.虎乳靈芝少藥味,用來煲湯,小兒不會抗拒.作為家常湯水,可加瘦肉同煮.
Permalink
SILLY:
如尚有痰,可以煲淮山,蓮子,芡實,百合,虎乳靈芝瘦肉湯,加紅蘿蔔同煮亦佳,全家可服.
芳姐 ~ 女兒連飲兩天還有痰 ~ 有點咽喉唔上唔落咁~ 繼續飲用虎乳靈芝嗎？ 此湯我女不太愛(可能沒什麼味道), 我可以煲 淮山蓮子茨實百合瘦肉紅蘿蔔 加進虎乳靈芝嗎？
SILLY:
你囡囡可以服此湯,可加4~5顆核桃肉,以補腎氣,止咳定喘.
芳姐 ~ 女兒4歲哮喘底咳左3星期~ 有痰聲 ~
呢幾日有點喘需要聞氣 ~
食左2日鱷魚肉湯好左小小仍未清~
可飲此湯嗎？化痰嗎？
CC:
你試用鮮橙兩個,外皮要洗擦得很乾淨,然後切開頂部,加些少食鹽入兩個橙內,放入碗中,隔水大火蒸半小時,待温,用湯匙壓榨橙汁供兩個仔仔服,當中的橙皮素能化痰止咳.鮮橙生吃反而惹痰,故必須用蒸熟食,而且要加少許鹽,讓具療效的橙皮素釋放出來才見效.反正好味的,又不是藥,試試看.可一日2次.
芳姐:
本人一對仔女,一個三歲多, 一個9個月大. 他們兩數星期前感染了流感, 已吃完所有西藥. 表面上鼻水都沒有了. 但晚上熟睡時會無固咳嗽厲害, 略帶痰聲. 大概會咳10-20多分鐘, 有時一晚一次, 有時兩次. 請問是感冒未清嗎? 還是敏感咳? 可有湯水或食療幫忙? 9個月大那個已根據你的指引, 連食三次萊服子及蘇子, 未見有好轉, 謝謝。
訪客:
已服中藥就無而需服此湯了.脾胃弱,平時可以用淮山,茯苓,蓮子,芡實各5錢,紅棗6粒,陳皮1塊煲瘦肉湯供服,一星期2~3次.健脾就能減少痰涎發生.
請問食緊中药，可否飲用?
訪客:
你可以試用法夏,茯苓,白朮各3錢,陳皮2錢,甘草1錢,5碗水煮成2碗供服,連服2劑,有助清痰.生果蒸熱可以食,如蘋果,木瓜没問題,咳不要吃橙和柑桔,但蒸煮吃就可以.
補充，醫師話她脾胃弱，食野要好小心，鳮，生果，飲料也不能食用，那麼呢段時間，最好煮什麼食
芳姐您好，女兒3歲了，上個月開始咳嗽，之後喘咳，由早咳到晚，睡覺也咳，睇了中醫，她說女兒心火盛，肝熱兼且細時有痰積住，所以而家積積埋埋變得嚴重了，星期五本身已經好得七七八八，但可能在外食野，食了味精或者雞湯，星期六早上又喘咳得嚴重了，所以又再睇中醫，昨晚食完葯，晚上也是發開口夢在喊，今早見小左喘咳，浮到痰上喉嚨，但都不易咳出，請問什麼湯水可以幫助一下，謝謝
你好，我大女三歲半，自返幼稚園開始從八月到現在，只感冒後咳，好幾日又重覆病，睇了N咁多次醫生，都係話佢氣管敏感加上有鼻敏感，經常咳同有鼻水，上月尾仲感染埋肺炎入院，食完抗生素好返唔咳約十天，又咳過，到現在都keeo住咳，多數睡時有咳得較多，已聽醫生講避免開冷氣睡覺，而且咳時啖聲好重，有什麼湯水可有助減輕？要多久飲一次較好？醫生話佢呢啲係一年四季都會keep住咳。好易發病，已介凍飲，真啲很困擾！
MIYA:
你可以用蘇子,萊菔子,法夏,茯苓各3錢,甘草1錢,辛夷花6朵,5碗水煮1小時成2碗,連服3劑,有助清痰,收鼻水.平時可以用川貝末3錢燉蘋果1個供服,可加些蜜糖.2碗水蒸燉半小時可服,有助强壯氣管,減少痰咳.
文:
你試用川貝3錢,蘋果1個,去皮去核,2碗水蒸半小時服,可加蜜糖,連服3劑,看能否改善?川貝能減少氣管痙攣.
你好芳姐，我太太感冒剛好但氣管敏感依然無好過，食西藥都無效，仲越來越咳，想問問有什麼湯水可以煲比佢飲呢？我太太係手腳冰冷的人。
yen:
原粒川貝都成,但因為川貝現時售價貴,故最好磨粉,全部吃下肚.
另想問如果用原粒川貝可以嗎?還是要磨粉比較好?
感謝芳姐,我會試下
YEN:
小朋友不用吃燕窩的.敏感咳可以用川貝末3錢,蘋果1個,去皮,去核,2碗水蒸燉半小時服,如歲半以上,可加蜜糖調服.或用冰糖燉雪耳食亦佳.現時坊間太多假燕窩,不如買優質雪耳食更佳.
你好芳姐,小兒因為近來經常一瞓上牀或者清晨5,6點時候咳所以去睇中醫,中醫話佢係敏感咳,我問中醫平時可以食咩佢話可以比D燕窩佢食強肺,請問如果肺虛除左燕窩仲可以食咩?
感謝芳姐～～～
GUO:
如仔仔没發燒,可以用虎乳靈芝雪耳湯.
你好，芳姐！請問阿仔感冒咳喘期間能喝虎乳靈芝雪耳湯嗎？多謝芳姐賜教～～～
芳姐:
感謝資料. 我會照妳的指示給我囡服食.
謝謝!
REBE:
你可以用虎乳靈芝3錢,北茋,防風,白朮,辛夷花各3錢,生薑3片,紅棗6粒,5碗水煮成2碗供服,一星期2~3次,有助增强體質,改善鼻敏感.
芳姐:
妳好!
我囡今年27, 有鼻敏感, 時常感冒, 小時曾患肺結核. 身體應是寒底.
請問有何湯水可改善她的鼻敏感和感冒呢?
那虎乳靈芝可以嗎? 應怎樣服食呢?
請指示. 謝謝!
HING:
你試用辛夷花6朵,蒼耳子2錢,4碗水煮半小時供服,可加點蜜糖.連服3劑.
GUO:
你先將黑豆浸水2小時才煮,黑豆就可以食,小朋友飲湯就得,但黑豆你可食,很有益的.
芳姐，我仔仔4歲，近日流鼻水同有一、二聲咳，睇醫生食左3日藥未有好轉，鼻水帶有少少黃，請問煲乜飲好?
好，唔該你，我會去做嘅，係未飲湯就得，因為黑黑豆煮水後都係硬嘅，我想會不好吃入口。我問多句，脾虛、肺氣虛小朋友，可以吃咩？
你好，芳姐，我個仔4歲，成日夜晚訓覺出汗多，背部多汗，開左冷氣都係咁樣，睇過醫生話肺氣虛，有的醫生話陰虛內熱，我唔知係哪一種原因，很容易感冒，行路多就話好累，無力，唔知點算好，希望你可以卑建議我，好唔該你！
GUO:
你可以用黑豆1兩,浮小麥5錢,南棗或黑棗6粒,5碗水煮成2碗供仔仔服,有助止盜汗.連服3劑,如見效,一星期3次.
Angel:
你可以用辛夷花6朵,拍碎泡茶供仔仔服,加些蜜糖好味些.咳可能是鼻水倒流引致,故要先收鼻水.痰多要用健脾湯,如淮山,蓮子,茯苓,芡實各5錢,南北杏1兩,紅蘿蔔1個,陳皮1塊煲瘦肉湯供服,一來能增强體質,二來健脾就能袪痰,可一星期2次.
芳姐，你好，我仔仔兩歳多，有鼻水，咳同有痰（咳時聽到d痰聲）睇左兩次西醫，食左藥都冇乜大改善，我煲過紅棗紅蘿蔔，又煲過龍脷葉北杏蜜棗羅漢果蘋果湯，但佢仍然有好多鼻水，同咳，加上佢又怕吃藥，有什麼食療可幫助他？食得西藥多，始終不太好，又有什麼湯水可在病後調理？因為他最近返幼稚園還未適應，常常喊，我怕他一喊入風，又再病重，希望芳姐能為我解答，感激不盡
芳姐：
我囡囡3歲半之前感冒後咳一直唔斷尾，睇咗幾次中醫有少少改善但依然咳有痰但咳唔出，尤其剛起身或跑跳完後就咳，呢個情況維持咗2個月了，期間有試過流鼻水但幾日就好返，只是咳唔好，夜晚睡覺質素亦麻麻，成日碌來碌去，有咩湯水有幫助？（試過煲三子粥但唔肯食）
MAVIS:
你試用紅蘿蔔1個,紅棗8粒,5碗水煮成2碗供服,連服3劑,對久咳有幫助,好好味的.
芳姐：
九個月大BB有鼻水有咳有痰，無發炎無發燒，還可以煲甚麼湯水？
ZOE:
你試用洋葱1個,切塊用大火蒸半小時,得洋葱汁3湯匙餵服,有助化痰止咳.
ZOE:
9個月大BB有咳,如没有發燒及流鼻水,可以服此湯.亦可用洋葱1個,去衣切片,放碗內,不要加水入碗,隔水大火蒸半小時,得汁約3湯匙,餵BB服,有助止咳.
芳姐：
九個月大BB有咳，可以服虎乳靈芝雪耳湯嗎？
或有沒有其他湯水可以建議？
謝謝！
芳姐：
九個月大BB有咳，可以服以上湯水嗎？
WING:
你可以用白果10粒,核桃肉6粒,南北杏1兩,紅棗6粒煲鵪鶉或鷓鴣湯供服,有助補益肺,脾,腎,減少咳喘.
謝謝芳姐丫，係唔係全部放落粥?
咁有冇湯水可提供? 佢本身一咳就易喘氣的。
WING:
你可以用蘇子,白芥子,萊菔子各3錢入茶包袋,紫蘇葉2錢,生薑2片煲稀粥供服,有助化痰,散寒止咳.
小兒2歲, 本身熱底, 但最緊咳, 日頭有咳, 但晚上咳過不停, 而且訓著都咳醒, 咳聲中好多痰, 唔知應該有什麼湯水或食療呢? 謝謝你!
芳姐
請問食緊西葯可飲這個湯嗎？
jobee:
服西藥後2小時飲就成.但如果尚有發燒就不宜服.
廷媽咪:
你可以用辛夷花6朵,拍碎泡茶,加蜜糖調勻供仔仔服,有助收鼻水.
芳姐你好，小孩5歲，昨日好多鼻娣 但無咳請問边種汤水比較好
瑤瑤媽咪:
虎乳靈芝湯可以飲3天,另外不妨在臨睡前1小時,滾些紫蘇糖薑茶供服,或會有改善.紫蘇葉3錢,生薑3~4片,片糖少許,2碗水煮成1碗服,有助宣肺散寒止咳.
芳姐，
七歲囡囡已敏感咳左十幾日，中西醫已睇過哂，當佢去玩，跑都無事，一到臨瞓就狂咳，日頭有嘢俾佢搞下就一聲都無咳過。我都已經無計可施…
剛準備左虎乳靈芝，鱷魚肉，川貝，陳皮，瘦肉，請問飲幾多日見效呢？
謝謝
SUKI:
你可以用川貝末2錢,陳皮1塊,蘋果1個,去皮,去核,2碗水蒸燉半小時供仔仔服,連服3劑,有助清熱化痰止咳.這款湯没發燒可以飲,有微燒表示病邪尚未趕走都不宜飲.
芳姐，我仔仔夜晚咳的厲害，日頭幾聲咳，睇中醫話小朋友肺弱
，吃左三劑中藥無好轉，跟住又低燒三日，睇西醫話感冒，痰多，依家燒退左，但咳未好返，
之前吃住止咳水就成晚不咳，但一停藥又咳返，朋友叫我煲d雪梨杏仁給他飲，
唔知得唔得，同咪我仔仔依家可以飲呢個湯水嗎？
ANGEL:
可以和木瓜淮山芡實蓮子同煮.
芳姐，
此湯可以加木瓜淮山芡實蓮子同煲嗎？