By 芳姐 ( 14 2 月, 2012 at 8:33 上午)
· Filed under 小兒常見病
有些小朋友感染傷風,感冒後餘熱未清,會出現心煩口乾,睡不好,愛哭鬧等情況,最好用些具有養陰清熱,及養心健脾的食療品來作調理.
[蓮子百合麥冬湯] 具有清熱,養陰,安神,潤肺等的功效. 對小兒熱病傷津,心煩口渴者很有幫助.
用料是: 蓮子,百合各1兩, 麥冬3錢.
做法: 將材料浸洗後,加水煮約1小時,即可連湯料同食.
~ 小貼士: 小兒如年紀尚幼,可以用這些材料煮成粥供服.此湯對心悸,失眠,煩躁人士亦同樣適合.
Permalink
芳姐：你好！請問6個月大BB可以飲此湯嗎？還有就是如果我用白蓮子沒有蓮心的可以嗎
YOKO:
小朋友可能心火盛,可以試用蓮子連芯1兩,百合1兩,燈芯草6扎,4碗水煮成2碗供服,連服3劑,有助改善哭鬧情況.蓮子有健脾功效.要多與囡囡傾談,可能要上唱遊班未習慣,要多贊賞,多鼓勵.
芳姐，你好，我女三歲，近排成日無胃口食飯，所以令身體容易傷風感冒，近呢兩個月好容易發脾氣喊就大叫，有時可能大人駡過佢，令到佢宜家訓覺成日醒係到喊，應該係嚇親，請問妳有咩湯水可以安神定驚？同埋想佢開胃食飯，可以煲咩湯水？thanks!
Yoko
mimi:
你試用玄參3錢,羅漢果1/4個,雪梨1個,去核,4碗水煮半小時供服,有助清熱利咽.
芳姐:你好，我女三歲，反復燒一個禮拜，尋晚冇燒，口有飛滋，喉發炎，咳，吃左一個禮拜西葯，請問煲d咩湯水俾佢飲😊thanks
多謝你回覆，
但我見藥材店有分白蓮子和有衣蓮子，請問邊種適合此湯？
我會比心機凑佢，謝謝你！
cathy:
一般有衣蓮子療效好些,白蓮子煲糖水貎相佳.你用有衣蓮子,有埋條心才能清心火.
cathy:
幼兒易心火盛,你可以用麥冬3錢,蓮子連芯1兩,燈芯草6扎,5碗水煮成碗半供服,要有耐心服用.要多讚賞,別喝駡,幼兒知道有人讚,有人愛惜脾氣會好些少.
芳姐你好，
小兒33個月大，最近一個月，經常發脾氣，好惡，小小事就大哭大叫，又無胃口，半夜訓覺會發開口夢大喊，眼底鼻樑發青！
已連飲3劑連子白合燈芯草湯，但無效。
請指教！謝謝！
陳太太:
你可以去大間中藥店買花旗參,石斛,磨粉,你先生每次各服1茶匙,温水送服,一日2次,有助益氣養陰生津.另外可以用天麻,白芷,菊花,酸棗仁,柏子仁各3錢,5碗水煮成2碗供服,有助補血安神,止頭痛.連服3劑,看能否改善?
芳姐：
妳好 我先生去年鼻咽癌 經過化療及電療之後 已經復原 但現在他的後遺症現在一一出現
例如口渴 失眼 頭痛等 所有想請問你有什麼湯水可以幫助他呢？希望你可以早點回復我 謝謝你！
心急人 陳太上
芊芊:
糖尿病者去圓肉就成,甚它没問題,老少及血壓高者可服.
carrie:
如買不到竹葉芯,小兒又發燒,宜用生石膏5錢代替,有助加快退燒.
芳姐，请问制首烏，桑椹子，杞子，黑豆，圓肉，家人有糖尿病，血压高或小孩可饮此湯吗？非常感谢！
芳姐，
請問買唔到竹葉芯，可以用馬蹄代替嗎？
謝謝!
芊芊:
建議你都是看中醫調理一下孩子的體質.兩個都脫髮?中醫認為[髮為血之餘],應該是血虛現象.可多用制首烏5錢,桑椹子,杞子各3錢,黑豆1兩,圓肉4錢煲瘦肉湯,7碗水煮成3~4碗,兩個孩子一天分服,一星期3次.
carrie:
小兒有低燒可以飲蘆根這款湯,可連服2劑.
芳姐你好，两孩子体质都不同，一个怕冷喜欢热饮睡眠差，脱发便秘，另一个怕热喜欢冷饮，盗汗脱发泄瀉，他们属于哪类体质，应该怎么调理？谢谢！
芳姐，您好!
小兒25個月(g6pd仔),早上開始微燒37.2℃-37.6℃，沒有其他症狀，只是大便比平日稀爛，請問下面食療適合他嗎？早兩天比較熱氣有眼屎，嘴唇比較紅，飲過竹蔗甘筍馬蹄水及蘋果雪梨瘦肉湯的。
[小兒發燒時可以用蘆根5錢,生薏米1兩,雪梨1個,去芯,竹葉芯3錢,5碗水煮成2碗服,有助退燒.]
謝謝芳姐!
芳姐
你好！ 小兒7歳，晚上睡覺平常有磨牙擦眼，經常轉身反身，請問可以有什麼湯水或茶適合?
謝謝妳！
JILL:
你可以用麥冬3錢,蓮子連芯1兩,燈芯草6扎,浮小麥5錢,無花果3粒,5碗水煮成2碗供服,連服3劑,有助清心火,止虛汗,潤肺止咳.
芬姐,
您好, 我家小女孩2歲9個月, 由上年9月中起反覆2-3次咳嗽, 痰多, 黃鼻涕, 口氣, 憫憎(生積), 睡覺有汗(頭&脛), 睡覺時多咳嗽, 日間咳嗽較少(晚上比較),
此期間吃西藥和中藥(粉劑), 好一陣又再復發, 十分困擾和心急, 請幫忙, 十分謝謝!
daisy:
你試用玄參3錢,羅漢果1/4個,甘草1錢,3碗水煮成碗半供服,連服2劑,有助消炎利咽,消痱滋.
芳姐
補允***
呀仔今早起身喉嚨痛 同埋鼻塞
謝謝芳姐
DAISY
芳姐
小兒五歲 燒了一星期 已退了 一 兩 天 請問有什麼湯水適合飲用
1. 口有2粒痱滋(可以食豆腐嗎)
2.有鼻涕(有鼻敏感)
3.有磨牙(訓著時)
4.冇胃口食嘢
謝謝芳姐
DAISY
玲:
仔仔可能心火或肝火熱,試用蓮子連芯1兩,麥冬3錢,百合5錢,5碗水煮成2碗供服,可作開奶茶,連服3劑,如有改善,再服3劑,有助清心安神.
芳姐你好,
小兒剛13個月, 由出世至今幾乎未試過一晚訓天光, 每晚也會醒幾次. 近期醒了還大喊至要抱著才可再入睡. 我們都快瘋了. 請問有什麼食療可幫到他? 謝謝
KIKI:
如果已退燒可以服用.可以煲些青蘿蔔,馬蹄,杏仁,無花果排骨湯供服,用量隨意,全家可飲.對喉嚨好,又健脾.
芳姐 你好 女兒兩上歲多啲 喉嚨發炎 已退燒 但還是沒胃口 這個湯可以飲嗎？
winnie:
你可以用麥冬3錢,馬蹄6粒,去皮切片,紅蘿蔔1個,5碗水煮成2碗供服,連服3劑,有助清熱除煩.
芳姨，你好，我囡現在11個月大，飲人奶，最近發現她口臭，抹舌頭時發現黃苔，及經常煩燥，請問可以煲什麼給她吃？謝謝
YEN:
可以煲蓮子百合麥冬湯,有助清心潤肺.
你好芳姐，試完三劑你教用五味子麥冬甘草煲比我仔飲後朝早暫時無咳，請問如果我想煲呢款蓮子百合麥冬湯比佢清熱可以嗎？因為佢今日入院檢查前食完啲瞓覺藥個人好燥咁
YY:
蓮子百合麥冬湯天冷都可以服.喉嚨腫可以加羅漢果1/4個同煮.
芳姐你好，這蓮子百合麥冬湯，冬天可飲用嗎？近日有點喉嚨腫，可否繼續飲這湯水？謝謝！
芳姐，
請問18個月BB有 蠶豆症同食物敏感症（對雞蛋，牛奶，麥的食物）可否飲此湯，因為最近半夜常突然醒大哭，如不可以飲此湯，請問有甚麼湯水可煲呢？謝謝！
ANGEL:
蠶豆症可以服蓮子百合麥冬湯.你流鼻水,鼻塞可以滾些芫荽葱皮蛋瘦肉湯服,芫荽,葱用多些,鼻水多可用辛夷花銀花,菊花蜜茶服.蠶豆症患兒不能用金銀花.
芳姐早晨！我仔仔3歲半，呢兩日訓教訓得吾好！有口氣，可以怎麼辦？我煲左羅漢果水比佢飲，飲完早上有兩聲咳！
daisy:
你可以用青蘿蔔1個,青欖10粒,南北杏1兩,無花果6粒煲瘦肉湯供仔仔服,對咽喉炎有幫助,8碗水煮成4碗,可分2天飲,連服2劑(飲4天).另外要多飲水,多休息.如想加快康復,可以另外用羅漢果1/6個泡茶供飲,可沖泡至淡.
芳姐
謝謝回覆 小兒五歲 痱滋都未好 又泥發燒加喉嚨痛 喉嚨兩則有兩舊肉仔紅腫了 好似有3個喉嚨”定” 咁 中醫話佢淋巴發炎(說話時像喉沙) 請問有什麼湯水啱飲
謝謝芳姐
Daisy
芳姐
小兒5歲 口上唇及近口角生痱滋 中醫話佢脾墟 請問平日有什麼沙水啱飲 (而家食緊中藥)
謝謝芳姐
Daisy
DAISY:
你可以用玄參,麥冬各3錢,無花果4粒切片,5碗水煮成2碗供服,有助滋陰降火.對脾虛小兒有益,可連服3劑,服西藥後2小時服.
ESTHER:
你試用蓮子連芯1兩,百合5錢,燈芯草6扎,5碗水煮成2碗供服,有助清心安神.連服3劑,看能否改善?
芳姐, 想請教下, 我bb 16個月大多d,
佢一路以來訓得比較差, 但15個月大左右, 有2星期可以一覺到天光,
但佢有晚發燒之後又變返原來咁樣,
半醒經常起身要揾我，醒左唔可以自己入睡，一定要見到我先可以自己去返個pillow 訓(唔使抱，但一定要我起身先得，訓係度叫佢訓都唔ok)
每晚2-3次都會醒, 我觀察係3-5點呢段時間佢醒得比較多,
1-2點都有, 但小d,
想請問佢係咪肝火盛?
可以做咩令佢訓好d??
RUBY:
囡囡可以用沙參3錢,麥冬3錢,馬蹄6粒,紅蘿蔔1個,5碗水煮成2碗供服,連服3劑可見效.流汗多,可以用花旗參3錢,老黃瓜1個,赤小豆,薏米各1兩,蜜棗2粒煲豬骨湯服,有助益氣生津,健脾袪濕.
方姐，請問囡囡有幾聲乾咳，尤其瞓著比較多，她屬於熱底，煲甚麼湯水給她？另外，老公每日要在戶外走動，流汗多，又俾太陽曬，可以煲甚麼給他補一補？
WALLANCE:
你試用辛夷花2錢,桑葉2錢,菊花2錢,甘草1錢,3碗水煮15分鐘供服,連服3劑,有助改善.
芳姐,
我仔剛14個月, 近幾日有痰同有黃色鼻涕, 如果唔想食西藥可以煲咩飲? 還有他近排經常卒眼, 好似好痕咁
謝謝!
Wallance
GIGI:
你可以用桑葉,菊花,金銀花各2錢,3碗水煮成碗半供服,茶渣趁温暖用紗布包住敷眼,有助消炎明目.不要太燙,只温暖就行,以免燙親幼嫩皮膚.一星期2次.
芳姐,
小兒13個月, 上星期發燒, 咳, 流鼻涕, 眼發炎, 已經睇左醫生
因為他有返育嬰院所以經常病, 請問可以煲甚麼給他飲?
他都經常有擦眼現象
謝謝
LEALA:
你試用浮小麥5錢,百合5錢,燈芯草6扎,無花果4粒切片,5碗水煮成2碗供服,連服3劑,有助止汗,通便.另外可以吃些美國西梅乾,每次吃4粒,然後飲大大杯水,有助通便.
芳姐，小女9個月大，晚上訓得不太好，一晚醒幾次，
日日成頭汗，一熱就喊，同埋好易發脾氣，而且便便有時會硬，隔日先有得痾，
有咩湯水可以飲呢？
謝謝芳姐的回覆!!