By 芳姐 ( 20 4 月, 2012 at 8:11 上午)
· Filed under 外感/頭痛/呼吸道病
感冒後很多時出現咳嗽,有些朋友肺氣較弱,加上平時少運動,體質差,往往咳了一段時間仍未痊癒,可以用些川貝,麥冬煲雪梨湯供服,有化痰止咳,清熱潤燥等功效.
用料是: 珍珠川貝3錢,雪梨2個,麥冬4錢.
做法: 川貝,麥冬浸洗;雪梨洗淨,去核,切成塊;用5碗水煮約1小時成2碗即可供飲.
~ 小貼士: 珍珠川貝售價稍貴,但味不太苦.此湯可加少許冰糖同煮.對肺陰不足,口乾咽燥,失眠多夢,大便秘結人士都適合.
Permalink
佢咳到出黎既係白痰，同想問是否燉既功效比較好呢？謝謝
瑩:
如果痰白,川貝麥冬適合加蘋果同用,蘋果性質平和些,不寒涼.要去皮,去核,燉要燉1小時,蒸就大火蒸半小時可服.連服3劑.痰多可加塊陳皮.服西藥後2小時飲.
你好，想問下小朋友4歲半可以飲嗎？佢早幾日氣管炎有燒，而家食完藥，冇再燒，但有咳同痰（好難咳出痰的）
小女一向有氣管敏感，夜晚要食抗敏藥？想問呢啲湯會否算有中藥成分？要否相隔數小時再食藥？
謝謝
Vikki:
你可以用雪梨川貝麥冬湯供服.喉嚨發炎,可加羅漢果1/4個同煮,連服3~4劑.
PS:小女14個月大
小女睡觉時只有一兩声咳，但起身时就好用力地不停咳，但過了一陣就只有一兩声，剛剛睇完医生，医生說她喉嚨及鼻膜有炎症，開始起痰，但未落肺部，開了消炎药及抗生素。但我暫时不想食抗生素住，請問雪梨川贝麥冬湯能幫她改善嗎？
cam:
幼兒一上學,必定會感染上呼吸道疾病,要待身體[儲夠]一定抗體才可減少感染.期間可教囡囡勤洗手,有同學仔咳要擰轉面或站開些.你試用白蘿蔔1個,洗淨,去皮切條,用3湯匙純蜜糖醃5小時,會滲出很多蘿蔔汁,用半杯蘿蔔水,加半杯暖水調勻供囡囡服,一日可服2~3杯.用剩的蘿蔔不能存放第2天,以免變質,要當天用當天醃.對痰黃,熱咳幼兒有效.
芳姐:
小女2歳多,自去年11月上幼兒班後常很易感冒，咳同發燒，星期—開始又係咁,發燒時上時落,已看了３次醫生,近兩天咳到成日嘔，有撕裂感覺，半夜會咳醒,有聲,醫生說有氣管炎,１月曾因此而入院,佢可以嘔到Ｄ黄痰出來，請問現在可以怎様令佢冇咳得咁辛苦同淸痰？
jennifer:
小朋友一上學必定會受感染,要身體儲夠一定抗體才能減少感染.如痰多,可以用川貝末3錢燉蘋果+蜜糖供服,有助減少痰涎及減少氣管敏感.蘋果要去皮,去核,蒸半小時就成.
芳姐,
我女3歲, 自從返學後, 好多時都病傷風感冒好長時間都唔好, 之前試過發高燒抽筋入院.
放完年假後返學..呢兩日又有咳…夜晚咳, 有啲痰. 應該煲咩好?
同埋平時可以煲咩湯可以保健下. 唔該晒.
梁太:
你可以用川貝末3錢燉蘋果1個,去皮,去核切塊,燉好後加很少蜜糖調味就成,不宜太甜,否則惹痰.用龍脷葉1扎,羅漢果半個,蘋果1~2個,南北杏1兩煲瘦肉湯,全家可服,有助化痰止咳.囡囡可一天分服2碗.你如餵人奶不宜吃燥熱煎炸食物.屁股仔發紅可以塗些娥羅納英軟膏,或萬金油少許都有幫助.
芳姐你好！
我囡囡19個月大，10日前喉嚨發炎發燒和咳嗽看過西醫食完兩日藥後已見回復精神和胃口，但一直痰多，晚上郵得不好，聽到她呼吸時有很大的痰聲。我已經每天煲些湯水俾佢飲，有蘋果無花果南北杏果皮水（發燒那兩天不放蘋果改用馬蹄，之後有試過用幾片花旗蔘、加幾粒龍眼乾及瘦肉），這些湯水適合她嗎？ 她屁股經常發紅，我奶奶總是說我餵人奶質量唔好所以影響BB（因為最近有打邊爐和煎蘿蔔糕這些熱氣食物，但近兩個月已減少至只有睡前才吃四安士人奶，日間飲一餐奶粉和吃粥或通心粉）。
煲什麼湯水可以讓bb化痰？ 謝謝你！
梁太
louise:
你可以用蘇子,萊菔子各3錢入茶包袋,與白米及肉碎煲成粥供服,有助化痰.可連服3劑.
芳姐，
我個囡（16個月）鼻水少了，但仍有好多痰，又咳到嘔，這兩天燉蘋果川貝但未見有效，請問還有什麼湯水適合呢~謝謝
游太:
你可用法夏3錢,茯苓4錢,白朮4錢,陳皮2錢,甘草1錢,生薑3片,5碗水煮成2碗供服,連服3劑,如有改善,停兩天再服2劑.可清痰.
看咗兩個中醫，重有有白黃痰，可清到嗎？我個女就困裏有綠痰。再看西醫食抗生素6日同胃酸倒流樂，抗敏感樂，咳藥，鼻水藥，化痠藥，九種咁多。成個人廋咕15pounds.現在還咳，耳痛，她話痰走到耳仔到，感塞住。有乜食物或湯水可補救？我又飲乜好呢？麻煩曬。
YANNA:
痰綠色表示有炎症,要看醫生治理.食療只能作輔助治療.可以用鮮魚腥草2兩,北杏3錢,4碗水煮半小時服,有助消炎化痰.
芳姐我先生本身己經有鼻敏感。食煙。
前兩日感冒。傷風喉嚨痛。今日就話抖吾到氣。痰咳不到出來。卡住了氣管呼吸困難
鼻涕透明帶點綠。前年開始一轉天氣就系咁。有咩辦法？
LOUISE:
川貝能減少氣管敏感痙攣,故無論寒咳,熱咳都可以用,配不用材料就有不同療法.囡囡可能鼻水倒流引致咳都未定,所以可用些收鼻水的辛夷花.例如用紫蘇葉2錢,辛夷花5朵拍碎,生薑3片,紅糖適量,4碗水煮成碗半供服,有助散寒止咳收鼻水.連服2劑,看能否改善?
芳姐，
我個囡16個月大，起初只有一兩聲咳，後來有鼻水，鼻塞，有痰，咳咗十幾日，日間，瞓覺都咳，瞓覺時咳得多啲，半夜咳到嘔，痰同鼻水係透明，睇咗兩次醫生都唔得，有咩湯水啱呢？佢係咪寒咳？寒咳係咪唔可以食川貝？謝謝
芳姐，
我囡十個半月大，反覆咳，起身喉嚨發炎，鼻塞，流鼻水，睇左3次西醫好返少少，咳少左，食左西藥冇餵口食野，停左西藥，有返餵口食野，但早晚仍然有咳，日頭間中一二聲斷唔到尾，可以飲咩湯水好嗎？
VIVIEN:
你試用白蘿蔔1個,洗淨去皮,切條,用3湯匙蜜糖醃5小時,會滲出很多蘿蔔水,用半杯,加半杯温水調勻供服,早,午各飲一些,晚上咳就加少許薑汁拌勻服.試2天,此食療能理氣和胃消滯,止咳.
SHAN:
你可以用簡單泡茶法,將這些茶料放入真空壼入,先用開水沖洗1次,再注入開水,焗15分鐘供服,就不用煲太多儲存,因為怕茶料浸在湯內起不好化學變化.
芳姐，
連服3剤是否每天一飲一次，連續三天？
另外，我可否煲多點然後放在雪櫃保存三天？
謝謝芳姐
SHAN:
你試用烏梅3粒,甘草1錢,菊花2錢,3碗水煮10分鐘供服,連服3劑,對風咳喉癢有幫助.
芳姐你好，
我老公前排傷風好了之後，就開始乾咳了差不多兩星期了！
醫生之後話係氣管敏感，
在夜晚咳得特別厲害，喉嚨會痕癢但沒有痰！
請問我應該可以煲什麼湯水？
謝謝芳姐
您好，芳姐！4歲半小孩感冒5日了，痰有點黃，結，鼻涕有點黃，咳嗽，能喝川貝麥冬雪梨湯嗎？還有其它湯水適合他喝嗎？目前在吃西藥中，多謝芳姐答複～～
GUO:
痰黃可以用川貝麥冬雪梨湯.如鼻水太多,可以另外用6朵辛夷花泡茶供服,可加蜜糖.吃西藥後2小時服.
BETTY:
你試用蘇子,萊菔子各2錢,辛夷花5朵,紫蘇葉2錢,3碗水煮15分鐘供服,連服3劑,有助清痰,收鼻水止咳.
BB 2歲, 反覆咳, 流鼻水, 有痰. 咳到嘔痰, 夜晚咳到聲沙。
反覆左成個月, 食西藥好返唔夠幾日, 又咳或流鼻水, 請教有咩湯水可以幫助, 謝謝
玲玲:
你試用蘇子,萊菔子各3錢,麥冬3錢,辛夷花5朵,甘草1錢,5碗水煮成2碗,連服3劑,看能否改善?
囝囝三十三個月大, 病左十日左右，起初傷风，勁鼻塞，咳，喉嚨發炎，嘔吐，唔食唔飲幾日，已睇 西醫生兩次，但现在仲有痰有嘔吐兼間中咳醒，有鼻水，冇胃口，飲夜奶嘔吐，聲音有沙啞， 有冇湯水可飲用？
SARAH:
你試用紅蘿蔔1個,麥冬3錢,馬蹄6粒切片,5碗水煮成2碗供服,有助清肺熱化痰止咳.連服3劑.
芳姨你好。3歲囝感冒剛好食完西藥。但還有痰及咳，已食了2劑川貝雪梨水，未見有好轉。前後已經咳了約2星期。應該再煲什麼給他？
訪客:
你試用紅蘿蔔1個,麥冬3錢,辛夷花6朵,馬蹄6粒,5碗水煮成2碗服,連服2劑.
芳姐你好
我個仔（3歲）病咗個几星期發烧勁咳吃西药先好返D，但係未清我又唔想再俾佢吃西药，宜家鼻涕少杰白白哋，几声咳，听落仲有痰，今朝燉咗個川貝冰糖雪梨，谂住化下痰，但佢個鼻就不停係咁吸下吸下未停过，有冇配方改善個症狀？唔该晒！
KINGKING:
你先生可飲此湯.
芳姐，請問我先生感冒有咳，有黃痰（好結），請問可飲此湯嗎？
CATHY:
你可以用川貝末2錢,雪梨1個,去核切粒,2碗水蒸半小時供囡囡服,有助袪痰,清肺熱.在兩餐之間可以幫囡囡拍背,輕輕拍,拍到有咳時多拍兩下,表示該處積痰,拍好了給囡囡飲水,有助將痰排走.
芳姐，你好﹗
我囡囡8個月大，一向有痰，間中咳嗽。上星期四朝早起來，打噴嚏有鼻水。到上星期五晚微燒，幫她用搵水抹身後退燒了。到第二天星期六帶她看醫生，醫生說痰多積聚於喉嚨久了，令到喉嚨發炎，所以發燒，開了抗生素、咳藥水和化痰沖劑。
我想問有什麼湯水可以改善/舒緩病情，或有助於康復，因為我不想她服用太多西藥。麻煩晒﹗﹗
vicky:
乾咳可以用麥冬3錢,馬蹄6粒,紅蘿蔔1個,5碗水煮成2碗供服.
我女女才對今年3歲
芳姐！我水今早申鼻水青色而稠吸乾咳可以煲咩
JIULI:
仔仔鼻涕黃綠色,必須看醫生,因為有炎症.麥冬馬蹄紅蘿蔔湯可以服.麥冬3錢,馬蹄6粒,紅蘿蔔半個,5碗水煮成2碗服.
芳姐你好
又來麻煩你了…上次你教整個蜂蜜羅卜有效兼好味，我仔好鐘意飲。
近排天氣轉我個仔又來過…今次鼻涕黃淥，咳，聲沙，就冇燒
其實由佢返幼稚園開始個作息就未調整好，夜瞓兼早起，早幾日佢扭計大聲叫咗好耐唔知有冇關系(PS.唔順佢意就發爛咋算唔算係燥底?)我昨晚用珍珠川貝蘋果燉俾佢吃，唔知係咪份量唔啱定冇飲曬，冇乜見效．今日買咗D麥冬馬蹄可唔可以用呢個配方，份量幾多適宜?(我仔3歲)
謝謝!
你好，小女咳了兩個月有多，有十分多頑痰，抖氣不順暢，食了西藥、中藥還未痊癒，請問有什麼食療？
ANN:
你試用白果10粒,去芯,北杏3錢,陳皮2塊煲瘦肉粥供服,有助化痰止咳.
JESSICA:
你可以用辛夷花5朵,生薑3片,葱白3棵,3碗水煮10分鐘供服,有助改善.
芳姐你好，小兒19個月大，一星期前感冒菌入腸致發燒、肚瀉，第三天退燒，第四天開始流青涕、咳嗽有痰。現沒有流鼻水，但有鼻水倒流致痰重咳嗽。請問有什麼食療可治鼻水倒流並化痰止咳？謝謝！
BONNIE:
乙肝帶菌者,可以用靈芝3錢,雪耳2錢,紅棗6粒煲瘦肉湯供服,有護肝作用.8碗水煮2小時成4碗,可分2天服.
芳姐：
你好，我亞嫂係乙型肝炎帶菌者，又經常要輪班工作同食無定時，又常感覺困倦，請問有什麼食療或湯水可輔助？
如有要多少成份同製作時間？謝謝妳。
(更正內容)
芳姐，我是對上一個留言的 Karen，唔好意思，我再問清楚我媽的詳細狀況，原來她的痰是黃色，很 “杰” 而且是一舊舊的，好像是由氣管流出來，謝謝。
**之前內容**
芳姐你好，
我媽66歲，曾患肺結核已經吃藥半年並醫治好，但現在仍然有很多痰及喉嚨痕癢而且咳嗽，媽說那些痰好像由鼻腔流入喉嚨，但又不太肯定，痰是白色的，沒有血，請問可以煲什麼湯水飲呢 ? 十分感謝。
芳姐你好，
我媽66歲，曾患肺結核已經吃藥半年並醫治好，但現在仍然有很多痰及喉嚨痕癢而且咳嗽，媽說那些痰好像由鼻腔流入喉嚨，但又不太肯定，痰是白色的，沒有血，請問可以煲什麼湯水飲呢 ? 十分感謝。
芳姐，請問我感冒傳染佐家人，想問可以煲乜湯水改善下，謝謝！