By 芳姐 ( 22 2 月, 2013 at 7:45 上午)
· Filed under 外感/頭痛/呼吸道病, 小兒常見病
小朋友傷風、感冒後咳嗽,由於小兒不懂吐痰,痰涎積聚,容易引致咳嗽不止。所以平時要引導小朋友多飲開水,當患上傷風、感冒時,大量飲水有助將痰排走,否則要幫小兒拍背,然後飲水,減少併發肺炎的機會。
中藥蘇子、白芥子、萊菔子有降氣豁痰,止咳定喘功效,用這三種化痰藥來煲粥,對痰多咳嗽者很有幫助,尤其是因吃得西藥多令脾胃虛弱,痰壅氣滯的小兒更是有益。
用料是: 蘇子3錢,白芥子3錢,萊菔子3錢,白米2兩。
做法: 三子搗碎,入茶包袋,與白米煮成稀粥,隨量服食。
~ 小貼士: 此粥適合痰多咳嗽小兒服食,對咳嗽喘逆,痰多胸悶,食後腹脹的老人家亦很適合。但如果没痰,只有乾咳者就不適宜服用。
Permalink
Mickey:
鼻敏感你用北茋,防風,白朮,辛夷花各3錢,甘草1錢,5碗水煮成2碗服,服西藥後2小時飲就成.一星期2次.
芳姐,你好,我今朝帶左小兒去睇西醫,話係鼻敏感所以流清涕,而且喉嚨(近食道)有飛滋,醫生話可能係口腔性潰瘍,開左D抗病毒藥俾佢食,我仲未開始煲,係咪繼續煲呢個俾佢飲丫,麻煩你芳姐!
MICKEY:
你試用紫蘇葉,辛夷花各3錢,葱白3棵,3碗水煮15分鐘供服,有助散寒解表,收鼻水,可連服3劑.
芳姐，小兒鼻水好多，日頭好少咳！夜晚成日道流咳，流清涕，飲左兩日辛夷花水都好似無作用！謝謝
MICKEY:
你試用白果15粒,去芯,益智仁,覆盆子各3錢,煲瘦肉湯供你奶奶服,飲湯吃白果,有助縮尿,減少夜尿.
謝謝!芳姐,另外想問一問,我奶奶經常性夜晚去小便,就算無飲水都每晚1~2次,咁係咪腎虛丫,有咩湯水可以煲俾佢飲,謝謝
MICKEY:
你試用茅根1扎,馬蹄6粒,鮮蓮藕節3個,4碗水煮成2碗供服,連服2劑,有助止鼻血.仔仔常挖鼻可能是鼻管過敏不舒服,要常用生理鹽水洗鼻,另外用6朵辛夷花泡茶,加些少蜜糖調服,連服3劑,看能否改善?
芳姐,你好,小兒最近流左兩次鼻血,因為佢好鐘意挖鼻,而且鼻涕經常黃,之前都有睇西醫,而我每日都有用生理鹽水同佢洗鼻,有咩湯水可以飲防止佢成日流鼻血同流黃涕,我之前都有煲過一,兩次辛夷花 蒼耳子 白芷 各3錢,薄荷1錢俾佢飲,仲有無其他湯水俾佢飲丫~謝謝
芳姐，好的，謝謝你
MICKEY:
鼻涕黃綠色表示有炎症,要看醫生才成.可以用三子湯+茯苓,北杏,再加辛夷花3錢同煮,有助收鼻水.仔仔必須多飲水,不要再吃甜食,否則易惹痰惹咳.
芳姐,你好,小兒有咳,夜晚有一,兩聲咳,夜晚訓覺好似有ke ke聲,好似有痰透唔到氣咁?朝早8點幾起身又開始咳多D,有痰有鼻涕,其實我唔知係咪痰,因為有時候會有鼻涕,而且黃綠色,請問係咪熱咳?因為小兒前排成日食好多朱古力,小兒有睇西醫,我都有煲三子湯(各3錢),而且加埋茯苓(5錢),北杏(3錢)一齊煲,但兩個小朋友飲,份量會否不夠?另外需要煲辛夷花飲嗎?謝謝
芳姐：
囡囡食左四日三子粥，痰清得七七八八，也很少咳了。真的感謝你每次耐心的解答。
多謝芳姐，我地已經睇過醫生食完西藥架喇……! 唔該!
訪客:
你和仔仔都可能有炎症,應該看醫生治療,不要延誤治理.食療只能起輔助治療之效,痰黃綠色,鼻涕黃色表示發炎,必須看醫生.可用鮮龍脷葉1兩,羅漢果1個,雪梨2個去核煲瘦肉湯供全家服,有清肺熱,化痰止咳功效.
芳姐，你好! 小兒6歲同我一齊感冒，咳了一個月有多，上星期已煲川貝,蘋果,北杏,麥冬飲了兩日都仲未好…… 請問有什麼湯水可以飲用？小兒一起床就會有痰聲一路咳（白痰有泡 ）鼻涕黃色，本人就清晨乾咳，起床後會有痰咳出，（黃綠色痰）
感謝您!
ceci:
甜杏仁即南杏,有潤肺潤腸功效;北杏入藥,有化痰止咳功效,但北杏有小毒,故作為小兒日常食療,建議用甜杏仁.
芳姐：
明白了，感謝！另外你建議的粥（白果,核桃,南杏煲粥），請問用南杏和北杏有什麼不同效用嗎？
芳姐：
請問三子買回來如何清洗呀？我清洗時大部份都浮上來，好難再隔返上來，流失左好多份量。另外吾攪碎得嗎？
CECI:
如要清洗,可以入袋後才沖洗的,就不會流失.或用咖啡隔將浸在水中的中藥撈上來入袋中亦可.通常入了茶包袋才稍沖很容易的.
待小朋友外感咳好了,可以經常用白果,核桃,南杏煲粥供服,有助補益肺脾腎,止咳定喘.
芳姐：
感謝你如此快的回覆。兩個小朋友成日感冒咳，令我好煩惱，好怕佢地會變哮喘。再次感謝你無私的幫忙。
ceci:
惠康,吉之島都有茶包賣.你用魚湯袋都得,米用量隨意,稀些,稠些都得,如吃不完可留明天吃,但那包料要去掉.
芳姐：
我買不到茶包袋，請問用煲魚湯果種隔袋得嗎？米的份量方面，用大半杯米多嗎？可以煲完今晚一餐，剩下的明天再食得嗎？
ceci:
囡囡痰多,可用三子粥,對痰多咳嗽有幫助.如屬熱咳,可用茯苓3錢,白朮3錢,冬瓜仁3錢,扁豆5錢煲水代茶飲,有助化痰.
芳姐：
你好！囡囡咳嗽痰多。之前煲了紫蘇葉茶，點知飲左兩晚都一路咳無停過，可能因為囡囡熱咳不應飲紫蘇葉吧？食了西藥依家咳少了，但一咳就聽到好多痰聲，但佢吾識咳出來，仲聽到佢抖氣時會發出hehe聲。請問囡囡適合飲這三子粥嗎？因為見你寫過蘇子是紫蘇的籽，所以有點擔心囡囡飲了不適合。
Fiona:
你囡囡情況宜用川貝未燉雪梨1個,去核,加些少蜜糖供服,連服3劑,有助清熱化痰.因囡囡有黃痰,宜先清熱.鮮龍脷葉羅漢果雪梨湯都適合.
芳姐：
我女兒由11月開始，斷斷續續咁病。今次西醫話氣管炎，有黃痰、鼻水、喉嚨痛，有咳，痰有血絲，咀紅又乾。請問可以煲三子茶嗎？還有什麼潤嘅茶適合小女飲呢？
芳姐：
我女兒由11月開始，斷斷續續咁病。今次西醫話氣管炎，有黃痰、鼻水、喉嚨痛，有咳，痰有血絲，咀紅又乾。請問可以煲三子茶嗎？還有什麼潤嘅茶適合小女飲呢？
KARMEN:
小朋友感冒吃得藥多無胃口,又多痰咳嗽,多鼻水,可試用北茋,防風,白朮,北杏,辛夷花各3錢,生薑3片,紅棗6粒,5碗水煮成2碗供服,有助改善,可連服3劑.
芳姐, 如果歲多小朋友發燒完之後, 多痰咳嗽, 多鼻水
食得西藥多唔開胃, 咁應該飲咩好呢
芳姐:
請問密蒙花有什麼功效? ,加入什麼同煎 ? 什麼體質的人宜服/不宜服
石上柏的功效? 鮮石上柏何處可買到? 什麼體質的人宜服/不宜服
羅燕媚
羅燕媚:
密蒙花性味甘寒,有清肝熱,明目退翳功效,可配菊花同泡茶,對目赤腫痛,多眼屎等有效;鮮石上柏我在旺角長旺街街巿一檔山草藥檔見過,味甘苦,微涼,功能清熱解毒；祛風除濕；抗癌；止血。用於癌症；咽喉腫痛，急性扁桃體炎；目赤腫痛，眼結膜炎；肺熱咳嗽，肺炎；乳腺炎；濕熱黃疸；風濕痹痛；外傷出血。體質偏寒人士慎服.
SENG:
如無茶瓜,可用皮蛋1~2個代替.
芳姐，如果無茶瓜，可以用咩代替，謝謝！
芳姐，小兒聲沙，有鼻涕，可以飲咩～謝謝
seng:
你試用芫荽葱各3棵,茶瓜4條,(醬料店有售)滾魚片水供服,有助改善.或煲些皮蛋鹹瘦肉粥作早餐,有清熱降火功效.
MAN:
你可以用白朮,茯苓,扁豆衣各3錢,甘草1錢,4碗水煮20分鐘供服,有助健脾袪痰.
囡囡食左3日3子粥, 咳明顯少了, 但整日會”ke ke”聲, 好似有痰係喉嚨唔上唔落, 有什麼方法可以幫佢清晒喉嚨的痰。
芳姐~
您好~又要麻煩您了~我仔仔夜晚仲係好咳~我煲紫蘇葉茶佢飲第三日就唔肯飲啦~食西藥食到佢無曬胃口~真係好擔心~請問芳姐川貝蒸杮餅佢可唔可以食呀?另外鱷魚肉湯可以嗎?可以煲D咩湯佢飲呀?謝謝~
芳姐您好~
我個仔歲半~呢幾日瞓著之後咳~咳得好厲害~有少痰聲~咳完成晚就無咳~日頭會有幾聲咳~餵咗三曰西藥都無乜見效~今日仲有少少鼻水~係咪算寒咳呀?請問應該煲咩佢飲好D?麻煩芳姐指教~謝謝~祝芳姐身體健康!
BBfrene:
你仔仔可能感受了風寒咳,你可用紫蘇葉,北杏各3錢,生薑3片,片糖少許,2碗半水煮10分鐘供服,有助散寒止咳.另外不妨煲些薑水,用7~8片生薑煲水,加入暖水給仔仔沖涼,有助袪走身體寒氣.當然沖涼後要馬上用大毛巾擦乾身體並穿衣,以防着涼.我昨天在一間專賣台灣食物的店鋪見有生薑粉賣,44元一瓶,用薑粉置温熱水中沖涼亦有很好效果.
芳姐，不知道猪脚煲多长时间？另外放水多少合适？因为加了有通草之类的，我想问的细一点，这样或许能更好的煲出更有效的汤水来。。。。
芳姐你好，仔仔最近几天好很多了，真幸运遇到了你！学了很多保健知识，食疗好过吃药，以后还会经常关注的！谢谢你噢！
帮我弟媳问一下，她刚生了BB，刚半个多月，之前宝宝有点肺炎住保温箱两个星期，住院的时候靠挤奶器挤奶送医院喂宝宝，现在宝宝出院了，感觉奶水不够，特别是晚上，宝宝感觉吃不够饱特别吵闹，家常产妇汤水都有煲来喝，鲫鱼汤，炖猪脚，鸡汤，都一直喝，但是奶水还是感觉不够，且弟媳感觉宝宝吸乳头的时候乳房有点痛，问了医生说没事，想请教一下芳姐，顺便麻烦推荐点合适的汤水，感谢噢！
子焱:
你弟媳如果是氣血虛弱奶水不足,可用北茋5錢,當歸2錢,通草1錢,無花果6粒煲豬脚湯服,有助補益氣血,催乳.如伴有肝氣鬱結,情志不舒,可在湯料中加絲瓜絡3錢同煮.可連服3劑.
谢谢芳姐，没想到回复得那么快。
我明天去药房抓药煮给仔仔喝下
芳姐你好，好多问题需要咨询一下：
1、我儿子两岁七个月，本月11日的时候急性扁桃体发炎，化脓，支原体感染，住院治疗一周，住院头三天反复高烧，第四天才稳定下来，前天出院了，医生开了阿奇霉素和咳喘宁还有头孢回来服用，他现在每天喉咙感觉有点响声，但是也没有见他常咳，偶尔咳一两声，似乎喉咙有痰黏住了，不知道什么汤水比较适合呢？谢谢芳姐给推荐一下~！
2、我之前感冒时间过长导致鼻炎，有很浓的鼻涕每天都源源不断，吃了几天消炎药感觉效果都不是很好，后来看到你那个方子（辛夷花+金银花+菊花焗水喝）喝了三四天非常见效，现在基本都没有流浓涕了，真的是非常谢谢你~
我现在遇到新的问题，不流浓涕了，但是喉咙感觉很干，经常咳嗽，而且咳嗽的时候经常能咳出浓痰，痰的颜色有带点青灰或者颜色比较黄，劳烦芳姐帮忙介绍合适的茶饮~
子焱:
痰咳你可以用三子粥,連服2~3天.亦可用茯苓4錢,白朮3錢,北杏3錢,陳皮1塊,4碗水煮成2碗供服,有助健脾袪痰.
你的情況其實要看醫生,因為痰青灰色或黃色表示有炎症.可以繼續飲辛夷花銀花菊花茶,加羅漢果1/4個同泡茶(最好煮5分鐘),可減輕喉嚨不適.
芳姐，真的謝謝你
芳姐，剛才看完醫生，話小兒喉嚨發炎聲帶發炎，而且有少少氣喘，而家是否需要飲之前的白蘿蔔+北杏+冰糖+辛夷花煲水丫，還有小兒仲有飲三子湯+茯苓+北杏丫，謝謝芳姐，麻煩你
mickey:
已服西藥,不用白蘿蔔湯了,可以用三子湯+茯苓北杏,主要是袪痰,服西藥後2小時才服較佳.
芳姐，不好意思，我想再問一問，小兒大便比較黏，好惡臭，點解呢？謝謝
mickey:
你仔仔可能脾胃有點濕熱,大便才會惡臭.可以用雲苓,白朮,扁豆衣,澤瀉各3錢,蜜棗2粒,5碗水煮成2碗供服,連服2劑,應有點改善.
芳姐，三子湯茯苓北杏還可以飲嗎？謝謝
訪客:
如果痰未清仍然可以服.
芳姐，你好，小兒聲沙，有咳帶有痰，有鼻涕，有飲三子湯，還有飲高麗蔘冰糖水，但現在有發燒,如果三子湯再加茯苓同南北杏可以嗎？分量多少？需要飲辛夷花吗？發燒可以飲嗎？謝謝
mickey:
小兒聲沙絕對不宜飲高麗參冰糖水,只會加重病情,不發燒先奇!而且高麗參亦不適合小兒用,以後都不要再給這些茶給仔仔飲了!你可以用白蘿蔔半個,北杏3錢,冰糖適量煲水供服,有助解人參燥熱,亦有助化痰止咳.如鼻水多可加辛夷花6朵同煮.
芳姐謝謝你的回覆！
請問此粥有味道嗎？加瘦肉可以嗎？
再次謝謝你
mm
mm:
此粥可加瘦肉同煮,不算太好味,但對小兒痰咳有療效.
芳姐
煲湯要煲二小時嗎?
金金:
煲湯個半小時已足夠.
芳姐
唔好意思，我見上頁有講三子加茯苓，北杏煲湯可以加強效用，打算煲比我14個月仔仔飲，我煲左兩餐三子粥比佢但應咳，所以想問一下三子加茯苓，北杏煲湯要煲幾耐，可以一家人飲
金金:
三子粥可加茯苓5錢,北杏3錢同煮,有助加强止咳及健脾功效,可以一家人服用.對痰咳有幫助.如天氣乾燥咳,應該用沙參,玉竹,麥冬,雪耳,百合,無花果煲鷓鴣或瘦肉湯較佳.
芳姐
請問加伏苓，北杏煲瘦肉要煲幾耐？
金金:
你指用茯苓,北杏兩樣食材煲瘦肉?煲半小時已足夠.還有其它材料?我看不到版面,你要詳細一點講之前我推介的是什麼食療才可答你.
芳姐:
請問食緊西藥，可以煲呢個粥俾小朋友食嗎？
謝謝！
mm
mm:
食西藥後2小時服就没問題.