By 芳姐 ( 13 6 月, 2016 at 10:56 上午)
· Filed under 外感/頭痛/呼吸道病, 小兒常見病
川貝是潤肺止咳的名貴中藥材，但品種甚多，有松貝、珍珠貝、青貝、爐貝、平貝、岷貝等等，以松貝、珍珠貝、青貝質較優。川貝母不僅具有良好止咳化痰功效，而且能養肺陰、潤肺、清肺熱、減少氣管痙攣。對治療急性氣管焱、支氣管炎、肺結核病都甚有療效。
今天介紹這款「川貝陳皮燉雪梨」有止咳化痰、潤肺養陰功效，對痰多咳嗽、陰虛咳嗽、咯痰帶血、支氣管炎者均很有幫助。
用料是：川貝3錢，陳皮1個，雪梨1個。
做法：川貝、陳皮浸洗，陳皮切絲，雪梨去核，切塊。將全部材料放入燉盅內，注入開水，隔水燉1小時即可供食。
~ 小貼士：如小兒服食，可用川貝2錢研成末來燉雪梨，雪梨核有小毒，一定要去除。
Permalink
芳姐你好
兩個小朋友一個6歲一個4歲，這兩星期開始病，間中有低燒，連續兩星期都係流黃綠濃鼻涕，哥哥有鼻塞情況，有幾聲咳不太多，有少許痰但唔識咳出來，請問以上湯水適合嗎？為什麼會兩星期都係黃綠濃鼻涕，有跟你介紹煲龍利葉湯個的但都無好轉，好苦惱！
因為我地一家在外國，材料有限，不過乾龍利葉、乾枇杷葉、川貝個的有帶過嚟，可以煲咩俾佢地飲？謝謝你！
祝：新年快樂！身體健康！
Cherry:
可用乾品龍脷葉,枇杷葉各5錢,蘋果2個,去核切塊,如有杏仁可加1兩杏仁同煮半小時供兩個小朋友服.川貝化痰功效好,最好研成末,燉雪梨服,對痰稠熱咳有幫助.鼻塞可以用棉紙巾沾温鹽水,扭緊後幫小朋友通鼻,一日2~3次.記得不要用棉花棒,會傷鼻黏膜的.用棉紙巾剪成條狀用較佳.
芳姐
謝謝回覆，請問蘋果可以改用雪梨嗎？杏仁是否南北杏？以上份量如果一家四口用多少？用多少水去煲呀？因為我同老公都一齊病。
川貝粉我都有呀，用幾多去燉雪梨呀？燉幾耐呀？
謝謝你！
芳姐你好
囝囝十歲，反覆咳咗好耐，最近又咳多咗。
醫師話囝囝係熱咳。
請問陳皮適合熱咳嗎？
還是只是用川貝及雪梨便可？
謝謝芳姐
May:
陳皮微温,但理氣化痰功效佳,配川貝雪梨可減寒涼之性.
謝謝芳姐
請問此湯可連續喝多少天？
另外可作日常保健喝嗎？
May:
可一星期2~3劑,乾燥季節及有痰咳可作保健品服用.
請問小朋友三歲半，10月頭睇左中西醫之後，宜家有時咳聽到痰聲，今日打流感針，可以飲此汤？川貝5克？雪梨1個，陳皮1片？水1碗？謝謝
訪客:
小朋友打流感針可飲這款湯.
芳姐你好，我中新冠後一直咳，已經好多個月了，現有白天喉嚨痕乾咳，有時有些帶泡稀痰，晚上常咳醒，請問這湯水合適嗎？
Joejoe:
如果有痰可以飲這款湯,連服3劑.如果没痰的話,可用烏梅3粒,菊花1湯匙,甘草5,6片泡茶服,可沖泡至淡,對喉嚨痕風咳有良效,可連服一星期.
Hi, 芳姐，
外國不易買到雪梨可用雪梨乾或蘋果代替嗎？謝謝🙏
訪客:
可以用雪梨乾或蘋果代替的.
謝謝芳姐
你好，芳姐，囝囝8歲之前感冒發燒，中西醫已經睇佐，但現在還不停咳，差不多1個月，特別訓教會咳，有痰，咳不出來，氣管敏感太嚴重，有咩方法可以解解決？thx
man:
蘇子,萊菔子各用3錢入茶包袋,對痰咳的小朋友有益,可連服3~4劑,粥可加些仔仔喜歡的粥料.痰少了後可以用紅蘿蔔1個,紅棗8粒煲水代茶服,對咳不停及氣管敏感小兒有療效.
芳姐，
小兒10歲，感冒流鼻水後有痰液及咳。
想煲川貝陳皮蘋果水给他。
是否每天服用3錢川貝母粉？
3錢即约多少茶匙？謝謝！
Gi Gi;
3錢大約一茶匙半左右.鼻水多可以用8朵辛夷花泡茶供服可加蜜糖.川貝陳皮水亦佳.
謝謝你！
芳姐你好，
我之前感冒，中西醫已經睇佐，但現在還不停咳，條氣不太舒服，已經咳了一個多月了。主要白天的時間咳得較多，夜晚回家後好d。請問我可以飲陳皮燉雪梨的嗎？謝謝你
Winnie:
久咳傷肺,可以用雪梨,陳皮,加個桔餅同煮.連服3劑.
一係燉半小時，是嗎？謝謝
Winnie:
如果燉桔餅要切碎些,易出味.煲半小時出味些.
好的，謝謝你☺️
芳姐 您好小囡5歲, 每朝早訓醒都咳2次黃痰有泡泡，反覆持續一個月，有時無黃色，可以飲此湯嗎？我燉盅只可以放2碗水，唔加雪梨用2碗水燉可以嗎？謝謝
但佢成日都覺得口乾要飲水，朝早咳完後，全日都唔咳
十十:
你囡囡有黃痰應該有熱象,可用金羅漢果1/4個,雪梨乾6~7片,去核,南北杏5錢,4碗水煮半小時成2碗供一天分服,連服3劑,有助清肺熱袪痰止咳.
你好，芳姐:
已經睇過中醫，仍然早上咳到黃色痰帶少少血絲，因為我咳了差不多一個月及E幾日嘴唇有D紅及有乾皮。我適合飲此湯嗎？
謝謝
鄭小姐:
久咳試用花旗參3克,桔梗5克,杞子3克,麥冬5克,甘草2克,4碗水煮20分鐘服,花旗參後下,連服3~4劑,看能否改善?
謝謝
你好，芳姐:妟之
小兒今年9歲，已經睇了2次中醫，中醫說他:(脾虚困濕、外感風寒化熱夾痰),但日間，睡覺時都咳得好頻密，仍然聲到D痰，卡住喉嚨咳不出來及有磨牙，大便要3日才有，今日有鼻水。請問飲川貝陳皮燉蘋果適合他嗎？還是煲其他呢！
謝謝芳姐幫忙
May:
川貝陳皮燉蘋果適合,如果大便秘結,加3粒無花果同燉,無花果要切片.連服3劑.
你好，芳姐:
飲完了此湯，咳了很多白色痰出來，但日間仍然咳得好頻密，會5會是氣管炎呢？我是否繼續煲來飲，還是再加非洲海底椰加强食療呢！中醫話他不適合鱷魚湯。
謝謝幫忙
May:
痰多可以用法夏,白朮,茯苓各3錢,陳皮2錢,生薑3片,烏梅2粒,5碗水煮成2碗服,連服3劑,有助清痰止咳.
謝謝
芳姐你好，2歲小朋友岩岩中左Rsv ( 呼吸道合胞病毒感染) ，已經差唔多好番，但仲有咳同埋痰好多咁，燉呢個岩嗎？或者有介紹更好的湯水？謝謝
BIZ:
你可以用川貝末3錢,蘋果1個,去皮,去核切片,陳皮1個,4碗水煮成碗半供一天分服,連服3劑,有助袪痰止咳.蘋果較有益正氣.
芳姐您好，
請問是一個果皮嗎？因為果皮味太重我女兒唔太飲？
Natalie:
你放1/3個陳皮,試試囡囡肯不肯飲?