By 芳姐 ( 20 4 月, 2012 at 8:11 上午)
· Filed under 外感/頭痛/呼吸道病
感冒後很多時出現咳嗽,有些朋友肺氣較弱,加上平時少運動,體質差,往往咳了一段時間仍未痊癒,可以用些川貝,麥冬煲雪梨湯供服,有化痰止咳,清熱潤燥等功效.
用料是: 珍珠川貝3錢,雪梨2個,麥冬4錢.
做法: 川貝,麥冬浸洗;雪梨洗淨,去核,切成塊;用5碗水煮約1小時成2碗即可供飲.
~ 小貼士: 珍珠川貝售價稍貴,但味不太苦.此湯可加少許冰糖同煮.對肺陰不足,口乾咽燥,失眠多夢,大便秘結人士都適合.
Permalink
訪客:
BB可以用6朵辛夷花拍碎泡茶供服,有助收鼻水.蘋果雪梨湯煲1小時已夠.如有南北杏,可加5錢同煮.記得蘋果雪梨要去皮,去核.
請問我囡9個月大
咳同鼻水成2星期都唔好
飲蘋果雪梨湯可以嗎？
因家中無川貝麥冬
雪梨一定要煲2小時才可以止咳嗎？
或者改為燉湯有效嗎
請問點煲？🙏🏻
May陳:
你可買定一些蘆根,生石膏,淡竹葉,生薏米,各買1~2兩,用來煲水後取汁煲粥供仔仔食,能清熱退燒.薏米1兩,蘆根5錢,淡竹葉3錢,生石膏5錢,5碗水煮成2碗.現時可以用辛夷花,麥冬,桔梗各3錢,甘草1錢,4碗水煮成2碗服,有助止咳收鼻水.
芳姐，你好，仔三歲半，之前流鼻水，有几聲咳氣管有聲，食藥后鼻水少有時見吾到鼻水，不過好像鼻塞，前幾天發燒咳犀利，咳到流眼淚喉嚨小小紅，睇醫生食藥都系沒咩改善，我聽咳又好像是干咳，仔未識吐痰出來，有時分辨吾到，宜家咳有小小清鼻水，請問食咩野有幫助？再問發燒後煲什麼湯水幫他調好的。多謝！
Wen:
你可用紅蘿蔔1個,去皮切薄片,紅棗6粒,去核切片,陳皮1塊,4碗水煮成碗半供服,連服3劑,對小兒久咳有效.
芳姐，聽咳聲好像還有點痰
聽咳聲好像還有點痰
小兒15個月大，咳了3星期，初時有鼻水，現在已沒有，只有咳，晚上咳得較多，但不算嚴重。煲過幾次川貝果皮無花果蘋果/雪梨但咳仍持續，還可煲點怎麼嗎？
謝謝你芳姐！😊
Vivian:
你試用桔梗,麥冬各3錢,烏梅2粒,菊花3錢,甘草1錢,3碗水煮10分鐘服,連服3劑,有助袪風止喉癢.
Yammy:
仔仔可以用鮮龍脷葉2兩,蘋果1個,去皮,去核,紅蘿蔔1個,南北杏1兩,陳皮1塊煲瘦肉湯,全家可飲,有助清熱去痰止咳.鼻水多可以用6朵辛夷花泡茶服,可加少許蜜糖.
芳姐你好！我感冒后仍然有小小鼻塞同小小鼻水、日頭感覺喉嚨好干、但晚上勁咳、冇痰、喉嚨有痕癢，請問可以煲D乜飲、等你指點🙏
芳姐你好！小兒三歲，上星期有輕微肺炎，吃了消炎藥已沒有咳和喘，醫生再給一星期消炎藥。現沒有咳但痰和鼻水還有，請問可以服什麼湯水呢？同時可以飲竹庶馬蹄水來增加水量嗎？
Abby:
你可以用鮮龍脷葉2兩,蘋果1個,羅漢果1/4個,南北杏1兩煲瘦肉湯服,有助化痰止咳.
芳姐你好，小妹感冒未清，有痰干咳，請問可以煲咩湯水？謝謝！
謝謝你！
你好！芳姐，我個仔4歲，哩一兩日有綠色鼻涕、鼻塞、有咳、痰，但好似咳唔起d痰，早兩日仲氣喘，聞左氣好左好多無咁咳，請問煲咩湯水可以幫到佢？
Maggie:
如鼻涕綠色有炎症,要用辛夷花6朵,葱白3~4棵,白芷2錢,3碗水煮7~8分鐘供一天服,有助收鼻水.
謝謝您
訪客baby:
煲15分鐘就成.
芳姐忘記問您，要煲几耐呀？謝謝
多謝芳姐解答.
訪客baby:
紫蘇葉,桔梗,甘草中藥店有售.痰白清稀,晚上,晨早咳多屬寒咳,日間咳多,痰黃稠,喉嚨紅屬熱咳.
那紫蘇葉，桔梗和甘草可以在那里可買到？謝謝
哦，甘如果早上和晚上咳得勁d，下午就小小咳，請問芳姐，那應該是寒咳定熱咳呀？吾該
訪客baby:
此湯較適合熱咳,痰黃黏稠者服用,晚上都可以飲.寒咳就不同,宜用紫蘇葉3錢,桔梗3錢,甘草1錢,3碗水煮成1碗供服,有助散寒止咳.
忘記問，要加瘦肉嗎？
您好，芳姐，請問这湯水是否寒咳和熱咳都合適？如不加冰糖，可加其他嗎？我老公放工回到家都晚上12點，有冇話什麼時候飲？謝謝
蛋蛋:
你試用蘇子,萊菔子各3錢紫蘇葉3錢,甘草1錢,4碗水煮20分鐘供服,連服3劑,有助散寒止咳.
芳姐，
我小朋友22個月大，一個月前開始咳，流鼻水，發燒兩日。已退燒及無流鼻水，睇醫生話佢敏感引致，已睇四次醫生，但依家每晚訓覺，個人一醒就咳得好利害，有痰聲，但朝早只有一兩聲咳，夜晚咳得嚴重，之前燉過雪梨川貝俾佢飲，但都仍然咳，已經咳左一個月，請問煲咩可以止咳，謝謝
訪客:
你可用烏梅3粒,菊花1小撮,甘草4,5片泡茶服,連服4~5劑,有助止喉嚨痕,止咳.
感冒開始好番，沒有沾寒沾凍。
但現在要大力呻鼻涕，喉嚨痕，日夜都有咳嗽。請問該吃什麼？
訪客:
你可用羅漢果1/4個,胖大海3粒,3碗水煮15分鐘供囡囡服,流鼻血可用鮮茅根1扎,鮮蓮藕節3個,雪梨1個,去核,4碗水煮成2碗服.
芳姐，您好，我個女5歲，最近呢幾個月成日都話喉嚨痛，特別系朝早起身果時，感覺好似喉嚨有痰，但咳唔到出來甘，今朝起床果時仲流鼻血，請問有冒D湯水可以幫到呢？謝謝您🙏🙏
芳姐你好，
我(成人)三星期前開始感冒加腸胃炎，睇左3次西醫，食晒d 藥，而家停左食西藥，至今還有鼻水(透明),少量喉嚨痛，喉嚨會痕癢，早上/晚咳得比較多，有凊痰，但咳不到出來，
請問我應該可以煲什麼湯水？
謝謝芳姐
ying:
你試用辛夷花3錢,薄荷2錢,菊花2錢,甘草1錢,3碗水煮7分鐘成2碗,一天分服,如見效,多服2劑.
Mrs Kong:
你試用絲瓜1條,削皮後切塊放碟中,隔水大火蒸20分鐘,用湯壓絲瓜汁供BB飲,有助清熱化痰,利咽喉.可連用3天.
芳姐，請問BB1歲感冒,有低燒，喉嚨痛，有痰，已睇西醫俾左退燒藥，請問點樣清痰？瞓覺時會好容易被痰濁到，搞到喊，仲因為喉嚨痛冇胃口食野，苦惱中
winnie:
你可以用川貝末2~3錢蒸燉蘋1個,去核,2碗水蒸半小時服,可加蜜糖,連服3劑,看能否改善?
請問,四十歲男士,有食煙,感冒之後有咳,但咳唔出啲痰,有時夜晚會咳醒,應該煲啲咩飲?
金:
你可以用蘆根5錢,生薏米1兩,雪梨1個,去核,羅漢果1/4個,5碗水煮成2碗供服,有助清熱退燒,利咽喉.可連服3劑.
芳姐，BB剛打完1歲針，喉嚨痛，痰多，有低燒，可以煲咩湯好？金
30幾男，發燒後開始咳，早晚都咳，瞓著後每隔一兩個鐘就咳醒，有痰微黃，大便濕！咳了一星期，食左西藥未有好轉！要番夜，十一、二點先有得瞓，朝早6點要走身！
想夜晚有得瞓
可以煲咩湯？
Jess:
你試用麥冬3錢,馬蹄6粒,燈芯草2錢,甘草1錢,4碗水煮半小時供服,有助清熱潤肺,清心安神.
YOKO:
感冒流鼻水有咳,可以用蒜子6,7瓣,生薑4,5片,紅糖少許,紫蘇葉2錢,3碗水煮10分鐘服,有助改善,要趁温熱飲,連服2劑.病好後可以用淮山,茯苓,蓮子,芡實各1兩,紅棗6粒,陳皮1塊煲瘦肉或排骨湯服,全家可飲,有助健脾胃,助吸收.一星期2~3次,
芳姐你好，
我想問我女3歲，呢排成日感冒發燒，想問有什麼湯水可以j增強小朋友抵抗力？今個月尾返學，好擔心好容易病，另外感冒流鼻水同咳可以飲什麼？成日都無胃口食飯，唔知有d咩可以增加胃口？thanks!
Yoko
stella:
你可以用蘇子,萊菔子各3錢入茶包袋,與白米煮成稀粥供食,可加瘦肉等BB喜歡的粥料.連服3劑,有助袪痰止咳.
BB19個月，呢兩日咳到嘔，痰多，特別夜晚訓教咳到訓得吾好，有咩湯水適合
suki:
你試用紅蘿蔔1個,去皮切薄片,紅棗6粒,去核切片,陳皮1塊,4碗水煮成碗半供服,連服3劑,對小兒久咳不好有幫助.
Bb17個月大，咳左一個月，多痰，無鼻水感冒，煲咩湯水同飲幾多日呢? 唔識分寒咳熱咳，感謝!
Carol:
你可以用蘇子,萊菔子各3錢入茶包袋,與白米及肉碎煲粥仔供囡囡服,有助化痰止咳.
芳姐：我個囡八個半月大上星期喉嚨發炎發燒睇左醫生，差不多食晒d藥，但仲係有好多痰，半夜會少少咳！可以飲咩野會去到痰？
芳姐,
你好!
小女4歲3個月, 已乾咳差不多2星期, 日間只是間中有幾聲咳, , 最利害係瞓覺後, 每晚瞓後2小時就狂咳咳唔停, 之後每隔1小時多又咳! 睇左2個西醫, 1個話佢上呼吸道感染加鼻水倒流, 1個話佢係氣管敏感, 但食左藥夜晚都係咳, 沒有大改善, 請問可以煲川貝佢飲嗎? 可幫助半夜止咳嗎? 另外尋晚咳左一些帶白同好微黃既痰出黎.
Kennex:
你試用紅蘿蔔1個,麥冬3錢,紅棗8粒,去核切片,5碗水煮成2碗供服,晚上咳多加3片薑同煮.對小兒久咳有幫助,又好飲.連服3劑,看能否改善?