By 芳姐 ( 21 12 月, 2013 at 12:59 下午)
· Filed under 小兒常見病, 手術後調理
醫學日益進步,很多手術已經可以用 [微創] 方式進行,減少了風險. 但無論做任何手術,都會失血耗氣傷身,病人或會出現頭暈神疲,面色蒼白,汗出,嗜睡,或煩躁不安等情況.
手術後如果用適當的飲食調理,能收很好的效果. 宜用健脾益氣,補益氣血之品,如黨參,北茋,大棗,首烏,阿膠,淮山,蓮子,芡實等補益之品.
[黨參北茋淮蓮瘦肉湯] 能健脾胃,益氣血.對手術後病人體質恢復大有禆益,更可令傷口加快癒合.
用料是: 黨參5錢, 北茋5錢, 淮山1兩, 蓮子1兩, 紅棗(去核)8枚, 瘦肉半斤.
做法: 將材料洗淨,用8碗水煮約2小時成碗即成.
~ 小貼士: 此湯很適合產後調補,同時亦適合小兒多動症的患兒食用.
Permalink
芳姐你好,
因右邊乳房發現有腫瘤，前兩天做完乳房切除手術,有甚麽湯水或食物建議作調理之用呢。
SUE:
手術後可以用北茋5錢,瑤柱3粒,陳皮1塊煲粥或煲石崇魚湯服,有助加快康復.有胃口可以燉些淮山,杞子,雪耳,無花果花膠湯服,亦有助康復.
芳姐你好，
我媽咪下月做切除子宮手術
想問下手術前飲咩湯水可提升抵抗力及手術後食咩可以加快令傷口復原？
謝謝
SIUTO:
手術前可以用些健脾益氣湯水,如淮山1兩,杞子3錢,黨參3錢,紅棗機粒煲瘦肉湯服,一星期2~3次.手術後用北茋5錢,瑤柱3粒,陳皮1塊煲稀粥供食,能加快傷口愈合.石崇魚煲湯亦佳.可參考網上石崇魚的湯水.
多謝芳姐賜教,感激不盡~ ^^
心急人:
不是黃薯,應該是黃蓍(俗稱的北茋).你可以用北茋5錢,陳皮1塊,瘦肉適量,浸發花膠1塊燉湯供服,可加田七粉2茶匙同燉,有助加快康復,可連服3劑.另外用北茋5錢,瑤柱3粒,陳皮1塊煲粥供食,亦有助傷口加快癒合.
同埋平時我唔識煮野煲湯,有冇啲湯水或食材容易啲製作而又對佢有明顯效用既呢?
人地教我果皮去囊,黄薯,花膠煲瘦肉加田七粉,係咪得架?黃薯白薯有乜唔同?去街市特登問人點知買返黎都係白薯…
仲有人教煲花膠雪耳療肉湯,但我覺得你專業好多,所以好想向你請教。
唔好意思,麻煩你了!!
心急人上
芳姐你好!!
我朋友撞車傷前額(眉心)傷口深而長,聯左至少十針,想請教你有咩湯水可以幫助快啲埋口或對佢有正面幫助?有咩唔食得?同埋想請教點分寒底熱底?
Thank you!
芳姐你好，
開腹手術後要戎蝦嗎? 要戒多久？ 兩個月夠嗎？
北萁紅棗水男女都合適嗎？
謝謝
KEY:
手術後一個月內最好少吃發物如蝦蟹,鵝,筍,無鱗魚,豬頭肉包括豬頸肉,芒果,菠蘿等,以免皮膚敏感,影響傷口.一個月後傷口內外都已癒合,應該没問題了.北茋紅棗水男女可服,有助加快傷口癒合.
FANNY:
你可以用北茋5錢,江瑤柱3粒,陳皮1塊煲粥供這位朋友服,有助加快傷口癒合,可連服3劑.如不煲粥,可以加淮山1兩,杞子3錢,紅棗6粒煲石崇魚或瘦肉湯供服都很有益.手術後第2天可以服.
芳姐你好！有位朋友因有乳癌今天割了兩邊乳房乳線，請問她可以飲得湯水未？什為湯水適合她呢？謝謝你！
芳姐你好，
開腹手術後要戎蝦嗎? 要戒多久？
北萁紅棗水男女都合適嗎？
謝謝
FANNY:
你可以用北茋5錢,猴頭菇2朵,無花果6粒,雪耳或黑木耳2錢煲瘦肉湯服,有助加快康復,潤腸通便.
芳姐你好！請問做完痔瘡切割手術12天，可以飲什麼湯水呢！謝謝你！
CANNY:
石崇魚可配北茋5錢,淮山5錢,杞子3錢,無花果2粒,生薑3片煲瘦肉湯供服,有助加快傷口愈合,降血糖.
芳姐 多謝你教導。但我仲想問，如果 煲 石崇魚湯 或 石狗公魚湯，係咪有幫助傷口癒合？而且煲 呢2個湯，可以加D 咩材料一齊煲？thank you .
多謝芳姐請教，下次番香港一定要買你本書!媽咪始終都仲有低燒，所以我冇咩煲補益湯水，有咩我可以煲幫助裡面傷口埋口？
DAUGHTER AND MUM:
如果表面傷口已埋口,可以用山斑魚或生魚,配北茋5錢,紅棗6粒,生薑3片煲瘦肉湯服,生魚或山斑魚煎香,加其它材料煲1小時供服,有助加快傷口埋口.同時亦能增强體質.
CANNY:
你可以用北茋5錢,瑤柱3粒,陳皮1塊煲粥供令尊食,有助加快康復.不要吃太酸東西,飲食宜清淡,梨子亦不要吃.可以煲些淮山,杞子,雪耳,百合瘦肉湯服,有助健脾潤肺.用量隨意.
芳姐, 有事想請教
我阿爸, 今個月做 [ 膝蓋關節換架] 手術 (現年65歲) , 本身有糖尿, 血壓 , 氣管麻麻 , 要限飲水 (怕佢 肺積水 ) … 想問下, 可以煲咩湯 ? 可以煮咩飯餸 ? 謝謝.
Daughter and mum:
令堂有低燒,暫時不宜煲補益湯水,黑豆紅棗瘦肉湯可以飲,當歸有低燒不宜用.
芳姐，媽咪體溫係36.6 致37.7。冇發燒但係醫生開左抗生素佢食，尿同血報告冇問題，但因為話唒都大手術。我可以開始煲北其黨蔘瘦肉湯末？定紅棗黑豆瘦肉湯？當歸又飲唔飲得？
daughter and mum:
如果燒已退,可以煲些滋潤湯水.汗多可以用北茋3錢,浮小麥1兩,紅棗冺南棗6粒5碗水煮成2碗服,連服3劑.清補涼瘦肉湯就很適合.
芳姐，媽咪前兩日做完子宮，雙側卵巢，輸卵管切除。唔係cancer.尋日開始成日出汗，有少少燒，而家退左。之前月經多，導致貧血。近呢兩個星期煲咩湯好？滋潤還是進補？thank you in advance
ABA:
你可以用黑木耳2朵,無花果6粒煲瘦肉湯服,飲湯吃湯料,有助潤腸通便,及活血袪瘀.
芳姐妳好：本人2月中已造外痔傳統手術，請問可以煲甚麼湯水飲用？因本身有子宮肌瘤
CHRISTINA:
你可以煲這款湯,或用北茋5錢,瑤柱3粒,陳皮1塊煲粥供服.如有胃口,可以用淮山,杞子等燉花膠湯,或煲些石崇魚湯供服,都有助加快傷口癒合.
您好，
我媽咪下星期要做微創手術切除子宮，呢隻湯啱嗎？請問仲有啲乜可以煲呢等我可以煲一個禮拜湯比佢？
Thanks!
Christina
kelly:
煲魚湯放薑好些.
石崇魚煲豆腐，落陳皮，需要落薑嗎？
KELLY:
石崇魚不像生魚,生斑魚及田雞般,劏了很久肌肉仍會跳動,這等活力太强的食物易引起傷口長肉芽,石崇魚一劏洗肌肉細胞就失去活力,故用來煲湯不會長肉芽.如怕長肉芽可買德國的[秀碧]除疤膏作外塗.
但有些人説傷口未癒合便煲石崇魚，會令傷口發芽，其實係應該傷口未癒合飲定癒合後才飲？
那幾時可煲石崇魚湯俾媽媽？
KELLY:
你買到石崇魚就可以煲,因為過年,未必有石崇魚賣.
kelly:
你可以用北茋1兩,瑤柱3粒,陳皮1塊煲粥或煲瘦肉湯供令堂服,有助加快傷口癒合.北茋能助長生肌及傷口埋口,它同時是味藥性雙向的藥材,大劑量降血壓,小劑量升血壓.(血壓正常者不影響的)3錢以內是小劑量,1兩以上屬大劑量.
芳姐：
媽媽將要做換麒麟絞手術，手術後可飲什麼水及湯水令傷口癒合快一點？
媽媽有高血壓、膽固醇、甲狀腺問題，請指教
CAROL:
你可以用這款湯作調理,有助加快康復.北茋能幫助埋口及長肌肉,所以平時可以用北茋6片,最好煮10分鐘飲,之後加開水泡,可沖泡至淡供1天飲用.
本人身在加拿大，買東西不太多撰擇。
丈夫幾天前發生意外，手掌被切割机切傷，幸運地經手術後，駁回手指，請問可用什麼療方？
FANNY:
你可以多用北茋,吃些藍莓,有助加快傷口癒合.
芳姐早晨! 請問做完痔瘡切割手術後，有什麼食療可令傷口埋得好些呢？ 謝謝你!
YOYO:
小海魚如石九公,細條紅衫,青筋,鱲魚仔,牛鰍等魚,煎香才煲湯.煲粥全部材料一齊煲.
芳姐，煲粥係咪將所有材料和米一起煲呀？小海魚即係咩魚呀？sorry ar..因我好小有廚，所以唔係好識，請見諒，Thx
YOYO:
通常手術後6小時後才能飲水,可以拿個鮮檸檬給她聞,讓她清醒些,另外用北茋5錢,瑤柱3粒,陳皮少許煲稀粥供服,有助加快康復.有胃口可以用北茋5錢,淮山1兩,杞子3錢,生薑2片,紅棗6粒煲石崇魚湯供飲.(如無石崇魚,可以用小海魚代替)
Hi..我奶奶聽日早上7點做手術，個肚入面生咗個良性榴，要切除，我想奶奶聽日做完手術可以飲淡湯水，請問我可以煲啲咩湯呢？Thx u
CL:
孕婦易出現腰骨痛,可以用杜仲3錢,桑寄生5錢,黑豆1兩,紅棗6粒煲豬骨湯服,有補肝腎,强筋骨及安胎功效.可連服3劑,如見效可一星期2次.如有反胃,胃氣情況,可加砂仁3錢,陳皮1塊同煮.砂仁宜後下.
芳姐，你好，本人32歲剛滿12週，第一胎，未知是否年齡問題，一彎腰感到腰至尾龍骨好酸軟，仍有反胃和胃氣問題，請問有什麼湯水或其他食材可吃?
Thanks.
JOYCE:
手術後第2天就可服北茋瑤柱粥.如不用石崇魚,用牛鰍魚,石九公等都可以.
芳姐你好，請問做完子宮肌瘤微創手術要多久才可以吃北茋瑤柱粥呢？煲魚湯的話，除了石崇魚還有什麼魚可以煲？（因為石崇魚不好找）。謝謝。
芳姐, 你好!
想請教一下, 有屋企人做髖關節換較手術, 請問手術後有什麼湯水或茶水可喝, 有什麼是暫時不能吃?
謝謝芳姐!
KEY:
北茋煮粥後容易撈走,不用先煮汁煲粥的.用5錢,加些瘦肉或瑤柱,陳皮一同煲粥,有助傷口加快癒合.
你好芳姐，從你綱中得知北芪對手術後好，我一星期後開刀切除子官廇，有人告訴我做 北芪汁煲粥,怎樣做 北芪汁，有效嗎？謝謝。
芳姐您好，
我妹妹剛做完開眼角手術，她應該食什麼送菜及湯水呢?
不能食薑，但煲魚湯，蒸魚有醒味。怕刺激傷口，但可以用來煲湯蒸魚嗎?但不食它。
若不能，請教有什麼方法。不用酒，其他刺激的配料謝謝妳。
大妹:
眼角手術後,可以用花旗參,杞子,菊花各1湯匙泡茶飲,有益氣明目作用.另外如果有胃口,可以用淮山1兩,杞子3錢,紅棗6粒,瘦肉適量燉花膠服,有助加快康復.北茋能令傷口快些癒合,故可以用北茋5錢,江瑤柱3粒,陳皮1塊煲粥服,此粥手術後即可食用.魚湯只要你買新鮮的魚,煎香後煲湯不腥的.不放薑就放陳皮都得.