By 芳姐 ( 20 4 月, 2012 at 8:11 上午)
· Filed under 外感/頭痛/呼吸道病
感冒後很多時出現咳嗽,有些朋友肺氣較弱,加上平時少運動,體質差,往往咳了一段時間仍未痊癒,可以用些川貝,麥冬煲雪梨湯供服,有化痰止咳,清熱潤燥等功效.
用料是: 珍珠川貝3錢,雪梨2個,麥冬4錢.
做法: 川貝,麥冬浸洗;雪梨洗淨,去核,切成塊;用5碗水煮約1小時成2碗即可供飲.
~ 小貼士: 珍珠川貝售價稍貴,但味不太苦.此湯可加少許冰糖同煮.對肺陰不足,口乾咽燥,失眠多夢,大便秘結人士都適合.
Permalink
請問我仔仔快五歲,最近比家中既妹妹傳染左咳
岩開始咳左兩日帶痰,請問可以煲乜野比佢飲?謝謝
牙瑩:
你可以用川貝末3錢,蘋果1個,去核,陳皮1塊,4碗水煮成2碗供一天服,連服3劑,有助化痰止咳.
芳姐,
我個女2.5月大, 睇了西醫同中醫但日頭都總有咳同痰. 煲過魚腥草龍脷葉/又燉過雪梨川貝. 有咩可以煲比佢試?
芳姐，
此茶可唔可以轉雪梨乾後用保溫杯焗黎飲？
Angel:
保温杯焗川貝未必出到藥效,麥冬,雪梨乾可以,但要去核.
芳姐，想請問，我個囡2歲，喉嚨有些發炎，有幾聲咳又有痰聲，又有發燒，睇左醫生，無嘜燒了，可以煲此湯？
芳姐，你好，請問我女兒2岁，依家咳嗽時有些痰聲，半夜都會有些咳嗽，但又唔似係感冒，可能係飲水太少，又有食糖，所以攪到有咳嗽有痰，想問有什麼湯水介紹，依家立秋，係唔係最好煲梨水湯水，但應該係雪梨或是鴨嘴梨好？
訪客:
有痰一定粟戒吃糖,否則很難清痰.可以用龍脷葉1兩,金羅漢果半個,鴨咀梨2個,去核,南北杏1兩煲瘦肉湯供服,全家可飲,煲1小時.
多謝，芳姐
多謝芳姐
芳姐：兒子20個月，流鼻涕及咳嗽丶有痰已10天，有蠶豆症，請問有什麼食瘵？謝謝！
Anna:
你試用蘇子,萊菔子各3錢,入茶包袋煲瘦肉粥供食,連服3劑,有助袪痰止咳.蘇子是紫蘇的種子,萊菔子是白蘿蔔的種子,對蠶豆症患兒没影響.
芳姐，你好
BB8個月大，剛發燒完好番，不過仲係咳及多啖。
本身有蠶豆症。
請教煲咩湯水好？
Rachel:
你可以絲瓜1條,去皮切塊,隔水蒸20分鐘,用湯匙壓絲瓜汁供BB飲,大約得幾湯匙,有助清熱化痰止咳.
你好芳姐：
小兒四歲，自六月病後傷風咳後，到現在咳都未好，睇咗中西醫也不好，西醫要佢聞氣，聞完個療程後，幾日又咳返，主要是夜晚同臨起身後咳！唔知可以煲什麼湯水比佢好呢？請指敎！
Candy:
你試用紅蘿蔔1個,去皮切薄片,紅棗6粒,去核切片,北杏2錢,4碗水煮成1碗供服,連服3劑,看能否改善?此湯好味,對小兒百日咳有效.
多謝芳姐
芳姐，我孫女３歲早幾天有流鼻水及晚上咳到不停！我煲了龍利葉蘋果湯同川貝燉梨都仲不停咳，請教妳有無咩湯水可以煲比孫女人飲，是否而不可吃魚？
訪客:
你試用紫蘇葉,辛夷花各3錢,生薑3片,紅糖少許,3碗水煮成1碗供孫女服,有助散寒止咳收鼻水.可連服3劑.
芳姐, 你好!
小兒10歲, 咳了好幾個月都唔斷尾, 時好時壞。
有時好重痰聲, 喉嚨痕, 有時又乾咳, 但晚上瞓覺就無咳, 最多只有一兩聲。。 中醫西醫都睇過晒, 我都無晒辦法😭😭
西醫有唔同講法: 1) 氣管敏感, 2)鼻敏感影響, 拎佢鼻水倒流, 至會咳。
中醫就話支氣管炎, 肺弱
我都有煲羅漢果水, 無花果雪梨干水, 魚腥草等等
芳姐, 請指教🙏🙏
蘇菲:
你試用枇杷葉,龍脷葉各5錢,桔餅1個切碎,南北杏1兩,陳皮1塊,5碗水煮成2碗供一天服,連服3劑,如有改善,停2天再服2劑.
芳姐,
這幾天, 只有乾咳, 有些喉嚨痕, 久不久就 “嗯嗯” 聲。 之前我也煲類似的, 我再試試你的湯料, 多謝指教🙏
P/S: 請問這時什麼咳?
芳姐,
你好, 小兒6個月大, 1星期前開始有咳嗽及感冒, 之後開始有痰, 每當飲奶後就不停咳, 有時還回嘔奶, 請問有什麽化痰成藥或㷛什麼給他飲呢? 謝謝你.
Winnie C:
你試用蘇子,萊菔子各3錢,入茶包袋煲瘦肉稀粥供仔仔食,連服3劑,有助袪痰.
芳姐，你好！我女仍然都喺咳，早上經常打噴嚏，睇中醫說她是寒咳，肺比較虛，氣管敏感。 夜晚咳得特別嚴重，連訓覺果時可以聽到氣管呼吸的聲音，帶有痰聲！
咳果時用的白花油同她搓心口同氣管部位之後又咳少好多！請教有什麽湯水可以治療？
Yuki:
寒咳,肺虛,你試用白果10粒,去芯,核桃肉1兩,南北杏1兩,無花果4粒,陳皮1個煲瘦肉湯,全家可飲,有助補益肺脾腎,減少咳喘.連服2劑,看能否改善?
好，唔該你，我試下！
修改：咳嗽的時候聽到有輕微痰聲！請問煲什麼湯水好？謝謝！
Yuki:
你可用蘇子,萊菔子各3錢,入茶包袋煲瘦肉粥供食,對小兒痰咳有療效,連服2劑.
好，唔該！
請問小朋友3歲半,自從感冒後咳很久都不好，已經1個月多了，睇醫生都是不斷尾，現在大部分是6pm.後咳嗽比較多，但咳嗽的時候又無
聽到有痰咁！請問煲什麼湯水好？
Yuki:
你試用枇杷葉5錢,龍脷葉5錢,桔餅1個切碎,陳皮1塊,4碗水煮成2碗供服,連服3劑,好味易入口,有助止咳.
小朋友夜晚咳多 煲咩好
訪客:
晚上咳多,如有痰,可用蘇子,萊菔子,紫蘇葉各3錢,甘草1錢4碗水煮成2碗供服,連服3劑,如無痰,可不用蘇子,萊菔子,改放一個桔餅同煮.
阿仔兩歲半有流鼻水咳，咳有好多痰聲，黃黃綠綠顏色，可以飲咩湯？鱷魚肉可以嗎？
補充：喉嚨有發炎
Apple:
喉有炎症不宜用鱷魚肉.可以用鮮魚腥草1兩,桔梗2錢,桑葉3錢,甘草1錢,4碗水煮成碗半供1天服,有助消炎止咳.連服3劑.如鼻水多加6朵辛夷花同煮.
Hi 芳姐 你好
如果我現在流感 咳嗽不停又有痰（是黃綠色的）
吃粥吃了幾口又想嘔
我應該可以煲點什麼簡單清淡的來吃呢？
Thank you
Daniel:
你可以去山草藥檔或好上好一類農塲直銷店買些鮮魚腥草,用2兩,南北杏1兩,蜜棗2粒,4碗水煮半小時成2碗服,連服3劑,有助清肺熱解毒,化痰.服西藥後2小時飲.
芳姐你好！請問女兒早上起床經常會咳嗽，是什麼原因，可以喝些什麼？謝謝
Po:
早上起來咳,可能對冷空氣過敏,可以先給囡囡飲杯暖水舒緩.試用枇杷葉5錢,龍脷葉5錢,雪梨1個,去核,桔餅1個,5碗水煮成2碗供服,連服3劑.
你好，芳姐，仔仔3歲幾，斷斷續續好反覆（特別轉天氣）前後咳左2個月左右，照左又唔係肺有事，都睇左好多次醫生，話氣管問題，有時咳到想嘔（尤其半夜）有鼻水，好似成日呑返落去，可以有咩燉或煲比佢？之前有燉過珍珠末，唔該哂
但又唔知佢係寒定熱咳
kathy:
你試用白果10粒,去芯,核桃肉1兩,南北杏1兩,無花果4粒,陳皮1塊,生薑3片煲鷓鴣或鵪鶉湯,全家可飲,連服3劑,看能否改善?此湯能補肺脾腎,止咳定喘,增强肺氣,可常服.
芳姐，唔好意思呀，我屋企人話鷓鴣或奄鶉好難搵，有無其他野可代替？
kathy:
如難找這些食材,可用瘦肉代替.
家人肺有白點，可飲這湯嗎？(可能肺線癌)
感激芳姐！
Michelle:
肺有毛病可以飲這款湯,一星期2~3劑.
Hi 芳姐,
這個湯, 我想煲比全家5個人飲, 同想加埋辛夷花, 咁材料要點預?
同埋, 我見你回覆寫要飲3劑, 係點計? 連飲3日, 每日一碗?
Kimi:
你指哪款湯?如圖中這款川貝雪梨麥冬茶,5人量,川貝6錢,雪梨3個,麥冬1兩.辛夷花有鼻水,鼻塞才用,可單獨每杯用6朵泡茶服.每日1杯,連續服用3天.
芳姐，請問用幾侈水煲
芳姐，要落幾多去煲
Mendy:
你可以將材料放入杯中,注入開水焗15分鐘飲,飲完可以再注入開水,1劑份量1日可沖泡3次.
本人有咳大約巳十天，冇咳醒，咳在白天，有白色的痰，這是寒咳定熱咳，口有痱滋
Mendy:
白天咳,有痱滋多屬熱咳,可用羅漢果1/4個,麥冬1湯匙,無花果3粒切碎泡茶服,焗15分鐘飲,可沖泡多1次.
我仔10個月，飲奶粉，每晚訓覺同早試起身都十分多痰，咳唔出，。喉嚨不停發出聲音，有時有咳。請問可以飲咩湯水？
Jane:
你可以用蘇子,萊菔子各3錢入茶包袋,煲瘦肉粥供仔仔食,連服3劑可袪痰.
謝謝，每天一次？因仔仔除了早晚其他都食粥，是否一天三餐？那是一餐的份量？
Jane:
此粥可一天分2次服,隨量食用就成.如仔仔肯食,可加入其它粥料.
芳姐你好, 小兒昨晚開始有一兩聲咳,今朝都係一兩聲咳,不知是否天氣凍,吸入冷空氣,但怕病情會繼續嚴重,請問可飲什麼簡單湯水? 這個湯適合? 謝訟
Man:
這款湯對熱咳者較適合.如吸入冷空氣咳,或燥咳,可用玉竹3錢,蘋果,雪梨各1個,去核,南北杏1兩煲瘦肉湯服.煲1小時,全家可服.
芳姐，
這湯可以化痰嗎？
Kathy:
你指圖中這款湯?有清肺熱及化痰作用.
芳姐你好，喉嚨有痰成日好似卡住咁，睇左2次醫生都未好，有時咳出啲痰係黃黃地，有時就透明，請問有咩可以煲黎飲呀？謝謝
Step:
你可用法夏,茯苓,白朮各3錢,陳皮2錢,生薑2片,5碗水煮成2碗服,連服2劑.
如果餵緊人奶可以飲嗎？謝謝
Step:
餵奶都可以飲.
芳姐你好！仔女傷風好番，但夜晚間唔中不停咳，有咩湯水可以煲比佢地飲？
訪客:
你試用洋葱1個,蒜瓣8粒拍碎,冰糖少許,5碗水煮成3碗,仔女分服,連服3劑,有助治傷風,感冒咳.
你好芳姐，小兒3歳，咳左成個月，咳聲聽到好多痰，訓覺都聽到咕咕聲，未睇西醫前晚上咳得多，看了西醫後咳少了，但仍有好多痰，鼻涕青青白白色，請問煲甚麼湯水可以助他止咳化濃痰，謝謝！
訪客:
小朋友痰多可用蘇子,萊菔子入茶包袋,與白米煮瘦肉粥供服,有助袪痰止咳.蘇子是紫蘇葉的種子,萊菔子是白蘿蔔的種子,能有效袪痰,食多幾次就成.很平和的,故小朋友合用.如鼻涕多,另外用辛夷花6朵,拍碎泡茶供服,可加少許蜜糖,每日1杯.
芳姐，
你好，我两個囡2歲半和1歲有咳，有啖聲，有綠色鼻涕，睇左6次西醫生，成個月都唔好，可以飲此湯?
vivien:
鼻涕綠色表示有炎症,如果看西醫不好,要轉看經驗好的中醫,幾間大學的中醫門診有經驗好的中醫師,不妨去看診.食療可以用此湯,有助清熱化痰止咳.鼻涕可試用辛夷花6~8朵,拍碎,葱白4棵,滾瘦肉湯供兩個囡囡服,4碗水滾15分鐘成3碗,連服3劑,看能否改善?
多謝
芳姐你好，小兒4歲，這個食療有鼻水可服嗎？
Jessica:
有咳有點鼻水可服此湯,加5~6朵辛夷花一齊煮,有助收鼻水.
你好，芳姐，女这次饮紫藓叶都没效，都是下半夜咳多有痰，早上都有声咳，希望你有汤水适合女，多谢
美麗:
痰多你試用蘇子,萊菔子各3錢,煲瘦肉湯或煲粥供食,有助化痰止咳.
仔仔3歲半咳左成個月，都重有重痰聲，成日吞返d痰落肚。又間中話個肚仔痛。不過胃口又冇特別差到。姐姐話曾見過佢d痰好似綠色咁。有什麼湯水啱，謝謝
Joe Ling:
痰綠色表示有炎症,建議要看醫生治理.你試用枇杷葉,龍脷葉各5錢,北杏3錢,陳皮1個,雪梨1個,去核,5碗水煮成2碗供服,連服3劑,看能否改善?
你好，芳姐，我细女三岁11个月，已咳一个多星期了，都是下半夜与早上咳，有少痰没鼻水，请问有什么汤水适合女女呢，多谢
美麗:
你試用紫蘇葉3錢,北杏3錢,生薑3片,紅糖少許,3碗水煮成2碗供一天服,連服3劑,有助散寒止咳.
芳姐，你好!之前傷風咳氣管炎，傷風好了，但咳還沒有好，有痰白色，還有淋巴炎，食完藥喉嚨下還痛，前2日食左D昆布，喉嚨好了d，繼續食好嗎？有甚麼湯水適合我？川貝雪梨可以嗎？
windy:
痰白但喉痛,可以飲此湯.川貝燉雪梨都得,但痰白加塊陳皮好些.
謝謝芳姐！
芳姐，小兒昨天開始有幾聲咳，無痰，多數在早上咳，夜晚睡覺沒有，不想看醫生，可飲什麼湯水。
謝謝你！
Crystal:
你可以用白蘿蔔半個至1個,洗淨去皮,切塊,用1湯匙蜜糖醃5小時,用滲出的蘿蔔水半杯,加半杯暖水調勻供服,有助止咳,一日2~3次.
唔該芳姐💋
你好，芳姐，我細女三歲9個月，咳了一個星期睇西E無效，有鼻水，白天有咳，.休溫有試過37`3度，有很多眼屎白色，唇有點干，下半夜咳多，又磨牙，请問你有什麽燙水幫到女女呢?希望你能回復，萬分多謝!
美麗:
你試用羅漢果1/4個,麥冬3錢,菊花2錢,燈芯草6扎,4碗水煮成2碗供服,連服2劑,看能否改善?
你好，芳姐，多謝你。我大女飲過蘇子，萊菔子，紫蘇葉，桔餅幾劑好多了，但早上起床還有幾聲咳，女說喉干，请問要再飲嗎?还是有其它的燙水呢?多謝!!
請問我仔仔喉嚨發炎口臭， 有痰已經兩個月， 有什麼 湯水適合他
今天街市EE介紹煲魚腥草, 叫我至少煲兩小時, 現在才看到你說不宜久煲😖 我加了龍利葉枇杷葉 麥冬 柿餅 青欖 石皮 果皮 川貝 會否太多
軒媽:
魚腥草不要煮太久,可加龍脷葉,麥冬,杮餅一齊煲.青欖,石黃皮等太多材料啦.
已經煲左啦🙈🙈 係咪要到咗佢
軒媽:
如煲好就飲啦!
芳姐你好,
我女3歲，咳同鼻水左2星期，之後發燒左2日，鼻水有黃色，宜家冇燒了，但仲係鼻塞，訓得唔好，鼻水變返透明色，但咳得好勁，有時會咳到回唔倒氣，但精神有胃口，可以飲D咩? 謝謝!
Zoe:
你試用桔梗,麥冬,辛夷花各3錢,甘草1錢,4碗水煮成2碗供服,有助止咳,收鼻水,連服3劑.
芳姐你好，我個仔呢兩日發燒加流鼻水加咳有痰，睇咗西醫今日退燒了但有咳同鼻水，想煲啲野比佢飲清下痰同鼻水唔知有咩介紹呢？鼻水痰是白色的，謝謝！
Mendi:
你可以用鮮龍脷葉1兩,枇杷葉5錢,蘋果2個,去皮,去核,南北杏1兩,橘餅2個,陳皮1塊,7碗水煮1小時成4碗,仔仔一天分服2碗,全家可飲,有助清肺袪痰止咳,連服3劑.鼻水多可用6朵辛夷花拍碎泡茶供仔仔飲,可加少許蜜糖.
你好，芳姐，我女8歲9個月，有鼻敏感，早上有鼻塞，已咳三個星期，睇過西E都沒效，白天咳少，晚上咳多有痰聲，特別是臨睡时咳最多(半夜都有咳)，喉嚨有點紅，我試過苹果川貝粉都沒效，请問您有什麽湯水可以幫幫女女早日康服嗎?就要開學了，好擔心，女兒從沒試過這樣咳，希望您可以幫到女，多謝!!
美麗:
如囡囡咳不停建議看中醫治理.食療試用蘇子,萊菔子,紫蘇葉各3錢,桔餅1個,4碗水煮20分鐘供一天服,有助化痰止咳.
芳姐，我係甲狀腺癌，，呢個月傷風過後有痰，黃痰加白痰，請問可有簡單食療？謝謝
yy:
你用枇杷葉,龍脷葉各5錢,橘餅2個,雪梨2個,去核,5碗水煮成2碗服,連服一週,有化痰散結作用.
謝謝，，，請問只買到龍利葉，，，杷枇葉買不到，，可有其他代替？每日二碗,連飲七日？！謝謝
YY:
用羅漢果1/4個代替枇杷葉.
你好，呀仔感冒左一星期，有咳，有鼻水，有痰，飲咩湯水可以化痰止咳？因食左4日藥都未清，鼻水係透明色的，有時打乞嗤就有小小黃
Tammy:
你可以用枇杷葉3錢,龍脷葉5錢,辛夷花6朵,北杏3錢,橘餅2個,5碗水煮成2碗供服,連服3劑,有助化痰止咳,收鼻水.
芳姐：
BB 7個月大流鼻水同咳超過一星期了，呼吸都好重痰聲，請問此湯適合嗎？或有其他更適合的湯水？謝謝！
Maronmy:
你可以煲此湯,加5朵辛夷花一齊煲,有助收鼻水.隨量飲就成.連服3劑.
芳姐：
今日試煲此湯給5歲家姐同7個月大細佬飲，家姐感冒後咳了兩個禮拜，有咳出黃痰，但飲此湯後大約2，3小時後，小朋友說覺得喉嚨很不舒服，好想咳又咳不出來，聲音亦變得有少許沙啞，不知道與此湯有否關係，是否不適合？
Maronmy:
痰黃稠應該是熱咳,此湯對熱咳很有幫助.如飲後不舒服就不要再飲,會否和川貝質量有關?你試用紅蘿蔔1大個,紅棗8粒,去核,陳皮1塊,5碗水煮成2碗供仔女服,仔仔細個飲半碗就成,好味的,對小兒久咳有效.
唔好意思芳姐啱在另一個湯水留過言，呢個適合小朋友還是另一個川貝陳皮燉雪梨？麻煩你
Mandy:
如有咳,痰黃稠肺熱咳就用這個.
我兒子兩歲之前感冒完就成日咳同有好多痰已經一個月了 睇醫生說氣管敏感 這個湯可以給他飲嗎 謝謝
訪客:
你可以用這款湯給仔仔飲,要飲3~5劑,有助化痰止咳,減少氣管痙攣.
請問我18歲女兒傷風咳已10天左右，
現仍有好多痰(女話黄黄地)，少咳，但咳時聽到多痰，請問可吃什麽化痰成藥?和㷛什麼給她飲
?
訪客:
你可以用鮮龍脷葉1兩,羅漢果半個,南北杏1兩,馬蹄半斤,去核煲瘦肉湯,全家可飲,有助清熱化痰.連服3劑.
jackie:
喉發炎可以飲此湯,加1/4個羅漢果同煮,有助化痰.
請問一下剛喉嚨發炎,有發燒,
但現在還有咳和痰非常多和濃,
飲這個湯可以嗎?
還有沒有其他可以煲呢?謝謝