By 芳姐 ( 30 10 月, 2010 at 6:40 上午)
· Filed under 保護視力/耳、鼻、喉疾病
天氣乾燥,打噴嚏,流清涕,鼻塞不通人士大增,有些可能患上感冒,感受了風寒引致急性鼻炎,但大多數噴嚏頻作人士都是鼻敏感發作.
[辛夷蒼耳湯] 能袪風解表,通竅止痛.對鼻炎,鼻敏感,噴嚏頻作,流清涕,鼻塞不通,頭痛頭脹人士很有幫助.
用料是: 辛夷花4錢,蒼耳子4錢,白芷2錢.
做法: 材料洗淨,辛夷花用刀背拍扁;將材料放入煲內,用4碗水煮成2碗供服.
~ 小貼士: 此湯3歲以上小朋友可服,用量減半.可在湯料中加些冰糖,易於入口.
Permalink
芳姐您好
小兒五歲，反覆咳，痰聲很重，請問辛夷蒼耳湯可以配蘇子萊菔子陳皮和川貝一起煲嗎？謝謝
芳姐您好
小兒五歲，反覆咳，鼻水倒流，早前煲蘇子萊菔子陳皮水有助咳少了，但鼻水還是反覆，請問辛夷蒼耳湯可以配蘇子萊菔子陳皮一起煲嗎？謝謝
Yy:
可以一齊用的.
芳姐你好
小朋友四歲半，感冒咳，好多鼻涕，倒流引致咳得犀利，可用辛夷花煲水嗎？
謝謝
Sylvia:
可以煲圖中這款水供小朋友服,有助收鼻水止咳.如果咳少了只流鼻水,可單用辛夷花朵剪開泡茶供服,加些蜜糖好味些.
你好!因為仔仔最近說話有鼻音，加上看到他一邊的鼻膜有紅腫，我想煲以上的湯给他，可以嗎？另外此外，他亦吃了一些熱氣的食物，想同時幫他清熱，可加什麼材料於以上湯裏同煲？謝
Nanman:
你可以在湯料中加1湯匙菊花,就能清熱氣及改善鼻敏感.
仔仔6歲的，請問以上湯料是否減半？thx
Manman:
辛夷花,蒼耳子各用3錢,白芷2錢,菊花1湯匙.
請問仔仔可以飲用此湯最多是多少天？thx
Namnam:
用4劑應該可以.
小朋友4歲，呢個星期每晚一訓落床就鼻塞，搞到訓得唔淋，每朝都唔精神，已經飲左幾日用辛夷花焗水，但都冇好轉，之前鼻塞飲兩三日辛夷花焗水就好返，但今次唔得，仲有咩方法？
Yvonne:
你可能要用圖中這款茶,辛夷花要加蒼耳子及白芷了.效果會較顯.
份量是否減半？
Yvonne:
小朋友份量可以減些,白芷用2錢吧,1錢太少了.
請問要飲幾多劑？
飲左之後當晚有好轉，第二日無飲又鼻塞，需要連續飲幾日嗎？
Yvonne:
可以隔日飲,連服兩星期.因為鼻敏感關乎體質,很難一下子好的.
小朋友4歲，每晚瞓覺到半夜就鼻塞打乞嗤，又好似訓得唔淋，可以食咩？
Yvonne:
你可以單用辛夷花6~8朵泡茶供小朋友服,花蕾要剪開才出味,可加蜜糖,早,晚各飲1杯,服4~5天,看能否改善?因為鼻塞才睡不好,只要鼻通了就可安睡.
你好芳姐
我小朋友1歲九個月
鼻敏感好西利
鼻塞得嚴重
同埋有時會聲沙
便便爛
可以飲咩湯水？
Yan chan:
你可以用辛夷花6朵剪開泡茶供服,可加少許蜜糖,有助潤肺改善鼻敏感,先服3劑,看能否改善?
小朋友4歲，每晚瞓覺都鼻塞，頭又出汗，訓訓下會突然打幾個乞嗤，之後就冇嘢，早上起身又有小小鼻塞，打幾個乞嗤，請問可以食乜嘢可以改善下？
芳姐你好！請問陰虛內熱、血壓偏高可以飲上面的湯嗎？平時有隔日食保健品（活心丸、蟲草膠囊、肝油丸）也可同日吃嗎？謝謝！
Cole:
陰虛內熱鼻塞是吧?可以飲這款湯的.
小朋友4歲，每晚瞓覺都鼻塞，頭又出汗，訓訓下會突然打幾個乞嗤，之後就冇嘢，早上起身又有小小鼻塞，打幾個乞嗤，請問可以食乜嘢可以改善下？
Yvonne:
你可以用辛夷花8朵,葱白3~4棵,生薑3片,3碗水煮10分鐘供服,有助改善鼻敏感,可一星期3劑,症狀好即停.晚上盜汗,可用浮小麥5錢,黑豆1兩,南棗4粒,5碗水煮成2碗服,連服2~3劑應可改善.
請問係兩種一齊飲？
Yvonne:
可以同一日飲.
辛夷花飲兩日已經有好轉，但停左兩日冇飲又黎過鼻塞、打乞嗤，係咪繼續飲？
Yvonne:
辛夷花茶可以飲多幾天.它是玉蘭花的花蕾,能令鼻黏膜收緊,減少鼻水分泌,很平和的.
芳姐：
請問這辛夷蒼耳湯是幾多人份量，需要飲幾耐先可以？一日要飲幾多？
Annie:
此份量成人1天份量,小朋友2天份量.
芳姐
我小朋友1歲半 這幾天鼻塞 由其訓覺 鼻塞嚴重 引致用口呼吸 訓得唔好 但無其他病徵 請教可以煲咩飲？
謝謝
芳姐
我小朋友1歲半 這幾天鼻塞 由其訓覺 鼻塞嚴重 引致用口呼吸 訓得唔好 但無其他病徵 請教可以煲咩飲？
謝謝
訪客:
你可用辛夷花5朵,剪開,泡茶10分鐘供小朋友服,1歲半可加少許蜜糖,連服3劑.
芳姐
一天3劑？
Yuki:
1天服1杯就成,連用3天.
芳姐你好！
我仔10歲，已經開咗冷氣睡覺，每晩睡熟睡後背及頭好多汗，白天亦好大汗額頭兩邊汗珠淋漓，夜晚睡得唔係咁好，翻來覆去。每日早上睡醒打乞嗤、有白色鼻涕，鼻頭有紅粒點，以上情況已經有一段時間了，亦都煲過辛夷花茶俾佢飲過幾次，但未改善，请教方姐有咩嘢食療適合佢呢？麻煩回覆🙏🙏
玲:
你可用北茋3錢,浮小麥5錢,黑豆1兩,南棗5粒,5碗水煮45分鐘成2碗供仔仔服,連服3劑,有助止虛汗.如兼有鼻敏感,可以加3錢辛夷花同煮,後下煮5分鐘就成.
多謝芳姐！🙏🙏
芳姐:
妳好，小女可能有鼻敏感，時常痕癢，流鼻水
，鼻塞，晚上非常鼻塞和流鼻水，請問飲D乜野好？謝謝。
Man
man:
如你囡囡10歲以內,可以試用辛夷花3錢,蒼耳子3錢,甘草1錢,4碗水煮20分鐘成2碗,待温調入蜜糖服,一天分服.連服3~4劑,看能否改善?
芳姐
妳好，小女有P6GD，有鼻敏感，見到鼻兩邊息肉比較大同紅腫，會痕癢，經常鼻塞，請問飲D乜野好?
Lili:
你可用辛夷花3錢拍碎泡茶焗5分鐘,加入蜜糖供你囡囡飲,連服3劑,如有改善,隔日1劑,至症狀改善為止.
謝謝!
芳姐你好，因為我好少煲中藥的，想問辛夷蒼耳湯㷛的時間是幾多呀？要幾耐時間煲成兩碗水呢?又要麻煩你解答。謝謝你
Sandy:
4碗水煮半小時成2碗.
知道，非常感謝你。
芳姐你好，想問喝了這辛夷蒼耳湯，有沒有某食物或湯水不適宜同一天食用呀？謝謝解答。
Sandy:
飲辛夷花蒼耳子茶應該没有什麼要特別戒口的.
知道了謝謝你
自一月初感冒後，一直每日都仲有流鼻水，鼻水杰而且是透明的，請問是否可飲用辛夷蒼耳湯，需否加其他材料？
請問我小朋友三歲，夜晚訓覺時有鼻塞同打鼻鼾，早上起身會有一兩聲咳，未知是否有鼻涕倒流，有少少鼻水同見她用手捽鼻，請問還可煲什麼湯水舒緩？如煲上述湯水，份量多少適合她飲用？
Agnes:
你可以用辛夷花6朵泡茶供服,可加蜜糖,連服3~4劑,有助收鼻水.
芳姐你好，7歲小朋友訓覺時狂打乞痴咳，鼻塞，流鼻水，可以飲咩湯水。小朋友吾肯食藥
Siubing:
小朋友可能鼻敏感,可以用辛夷花6朵泡茶供服,可加蜜糖,好味些,每日1杯,至症狀改善為止.
請問芳姐BB一個月未夠鼻塞，記得你之前講過用淡鹽水，仲有無其他方法呀？謝謝
Lily:
我在網上看到,BB鼻塞,只要將兩瓶細瓶的膠瓶飲品(例如蒸餾水那種)夾在BB左右手腋下3~4分鐘,交感神經作用下,鼻塞自然會通.但未知此法是否見效?反正安全完全没副作用,可以一試.
芳姐你好,
整日鼻塞已一星期，尤其夜晚趟下後鼻水倒流，兩邊鼻都塞哂又流鼻水，有時咳嗽後感覺鼻內會發脹，然後個鼻又塞咗，已睇中醫食中醫，但有甚麼可以平時飲用減輕鼻塞? 謝謝
Carol:
你可以去中藥店買辛夷花,每次用6~8朵,泡茶服,可加蜜糖,亦可沖泡至淡.
芳姐:
您好！
BB剛好9個月，今早起床流少少透明鼻水，今晚慢慢變多！初步判斷是天氣轉變鼻敏感導致，因今早我也一樣症狀，請問可以已之前您教我的方法沖辛夷花水給BB飲嗎？如果可以的話，應該服多少量？感謝芳姐
cherry:
9個月BB用辛夷花5朵拍碎泡茶供服,不宜加蜜糖,如BB不肯飲可加些少砂糖,因為不太好味.
芳姐早晨
我小兒子四歲， 這兩三天有 鼻涕 透明的 ，眼睛流眼水， 瞓覺有鼻塞 有些乞嚏。 早上 剛起床 時候有痰咳 都好犀利。
請問可以煲些什麼? 前一兩天是煲以上這一款辛夷蒼耳湯。
谢謝！
Helen
Helen:
你試用紫蘇葉3錢,菊花3錢,辛夷花6朵,生薑2片,桔餅1個切碎,4碗水煮15分鐘成2碗供服,連服2劑.
謝謝你芳姐
芳姐
你好，我有一位朋友，男性33岁，做送货司机，每天早上4点多起床工作，一直有鼻炎的问题，没有流鼻涕，但一直鼻塞，看过专科，医生说治不了，如用辛夷花6朵拍碎，泡茶飲，每日1杯份量会不会太少，请问芳姐可以介绍可以煮什么汤水帮助和改善鼻塞的问题?麻烦你了!
evat314:
你朋友可以用圖中這款茶飲,一星期3劑,連服1個月可見效.如單用辛夷花要用3錢才成,6朵可能太少.
芳姐
非常感谢你!
你好，想問蒼耳子是否有毒
訪客:
蒼耳子有小毒,但用2~3錢一般少副作用,大量服才有問題.
額眉心位紅，是否血管擴張？請問有咩飲食有助？
不留名:
額眉心位紅可能皮膚敏感,未必一定血管擴張.保持清潔乾爽,試看能否改善?
芳姐,
我女兒4歲半,平日容易傷風感冒和痰咳,所以我帶她去學游泳2個月,但身體沒有好,反而更容易咳, 這2個月幾乎天天都是感冒, 然後給她吃中藥好了2天又再來鼻水和咳(日間咳較少,夜晚咳很多(睡前半夜早上)而且不停要吐痰,有時晚上咳到嘔)。 最近已停了游泳一兩星期,這兩晚又開始鼻水和咳個不停, 聽到呼吸有很大很嘈的鼻涕聲音, 每咳一下就有白色泡沬的痰咳出來, 但鼻涕又呻不多出來, 會不會是鼻水倒流而引起的痰咳呢? 辛夷花可以收鼻水嗎? 謝謝您!
Stella:
現在天氣轉涼,你囡囡體質較弱似乎不宜游水,宜夏天才游,或游泳後上水馬上用大毛巾包住索乾,然後換衫,以免着涼.現時她應該是感受風寒,可以用紫蘇葉3錢,辛夷花6朵,生薑3,4片,紅糖適量,3碗水煮10分鐘供一天服,要温熱服,有助散寒,收鼻水,止咳.連服3劑.
芳姐你好，想問下太約要煮幾耐啊
你好 請問芳姐如果孕婦 （懷孕2個多月）有很多透明鼻涕和鼻塞（應該是感冒了）本身都有鼻敏感，有咩焗茶/湯水可服用？
上網看到以下食療可以嗎？
姜糖茶
生姜3-5片（洗淨切絲）、紅糖5克，沸水500毫升泡煮5分鐘後，趁熱將茶喝完。服後宜蓋被子靜臥，讓身子微微出汗。
謝謝
B:
你試用生薑3片,蒜子5,6粒拍碎,紅糖適量,3碗水煮成1碗服,趁温熱飲,連服3劑.
芳姐，小兒鼻水難止，氣管又敏感，請問可飲什麼湯水？我曾經比辛夷花泡水加蜜糖佢飲，有成效？但今次小兒又傷風感冒，食西藥，因為症狀食西藥有改善，但鼻水依然不止及倒數，以致有厚痰，請問在食西藥期間，可飲辛夷花水嗎？可飲到有改變嗎？因網上說辛夷花最多連飲3-4日，不宜久服。唔該芳姐
Maruko:
服西藥隔2小時可以飲辛夷花茶,飲3天停2天,如未完全改善可再飲,不會有問題的.
芳姐你好，如果經常因為鼻敏感致鼻塞，瞓覺有大鼻鼾，呢款湯有幫助嗎？謝謝
Mei:
這款湯對鼻塞,鼻敏感有幫助,但要服一段時間.
要日日飲嗎？謝
可以每天飲嗎？謝謝
Mei:
可一星期飲3~4劑.
芳姐，
非常感謝您！我仔仔可經常飮辛夷花倉耳子白芷湯水嗎？
因為有飲就鼻塞減輕，冇飲鼻塞又來。
Shanshan:
鼻敏感最好給仔仔揀一樣他喜歡的運動,如游水,跑步,打球等,堅持做運動一段時間,有助治好鼻敏感.
芳姐，
我仔仔才3歲半
芳姐，您好！
謝謝您，我只用了辛夷花10朵加北祺半條和紅棗5粒
煲水給仔仔飲，有見效，但冇飲時，
瞓到半夜又開始鼻好塞，瞓唔到，要起身滴鼻，
我沒有加倉耳子和白芷，因為我仔仔有蠶豆症，
未知他可否飲？請教您，辛夷花，我仔仔能經常飲嗎？
Shanshan:
辛夷花,蒼耳子,白芷你仔仔有蠶豆症都可以飲用.你可以在我網頁右上角[搜尋]的空格內打[蠶豆症]三個字,然後再按一下[搜尋],即可見到該篇提及蠶豆症患兒不能服用的中藥材文章.
我仔三歲早晚鼻塞嚴重，沒鼻水，睇過醫生是腺樣體肥大，可否服用此湯？
鼻塞還有氣管敏感，運動就咳嗽，其他時間好少咳，可否服用此湯？
lxm2311:
你仔仔可以飲此湯,連服3劑,看能否改善?
芳姐，
女兒六歲半，從年廿幾開始鼻塞索鼻，冇鼻水嘅，佢話鼻痕，適合飲呢款湯？有幫助？
謝謝你🙏
JJ:
你單用辛夷花6朵拍碎泡茶,加些蜜糖供囡囡飲,每日1杯,至症狀好為止.
芳姐,
我仔4歲, 經常鼻塞訓覺透氣聲很大, 又成日扒係到訓, 請問可以煲甚麼飲?
我仔中左甲型流感後體溫一直偏低 35.X 左右, 訓覺又出好多汗, 請問是否適合飲這個湯?
謝謝
Gigi
May:
你可以煲這款湯,加5錢浮小麥同煮,有助改善鼻塞及流虛汗.
芳姐：
小朋友之前是感冒過後有點咳但不嚴重，又沒有戎口，咳變得嚴重，看了中醫，好一點，但突然又加多了晚上鼻塞和日間很多鼻涕，現在看了西醫，西醫說是敏感，我想問下有什麼合適湯水可煲？
Kristie:
你可以用辛夷花3錢,生薑3片,紅棗4粒滾瘦肉湯供服,連服3劑,有助改善.
小朋友流清鼻涕, 打乞痴, 初起, 似係冷襯.
應該飲乜野好? 唔該芳姐
grace:
你可以用芫荽葱各3棵,生薑3~4片,紅糖少許,2碗半水煮10分鐘供小朋友服,有助發汗解表.
你好芳姐，已請教你好多次，謝謝您的幫忙，以下比較長篇，想由你試試判斷女女體質是否我自己認為的寒底咳嗽，從而提供食療湯水供女女服用，感激！
女女三歲，已咳嗽大半年，由朝斷續咳到晚，遇冷氣或夜晚唾後特別嚴重，每晚零晨3:30左右會狂咳五六分鐘然後聽到鼻塞和索鼻涕聲，之後斷續咳嗽直接起床，密度低的。朝早起身有時會打乞痴流清涕，之後咳，最近多了痰聲，咳聲頗重，感覺氣管好緊。女女手腳易凍，但手心熱，遇熱易出汗，臉蛋唇色有點偏白，易發怒。
她好易病傷風感冒，看了很多西醫，食到身體好虚致晚上時有頭汗。
將女女現身體狀況描述給您，望指點！謝謝！
kayi:
你囡囡主要是體質虛,吃西藥易發散,故易冒汗,手心發熱.川貝能減少氣管痙攣,故不妨買些好的川貝,研成末,每次用2茶匙蒸燉蘋果,可加塊陳皮,蘋果去皮,去核切塊,2碗水蒸燉1小時供囡囡一天服,一星期3劑,有助減少咳嗽,氣管過敏.日常可多用芡實磨粉煲瘦肉粥供食,芡實健脾補腎,脾腎好就可減少痰涎發生.一星期2~3次,要調理一段時間才見效,故要加點耐性才成.
她每晚入睡後都因鼻水倒流咳醒，是否沒有斷尾方法？女女夜夜睡不安隱，消瘦不少又面青青的，很心痛。
芳姐
我小朋友兩歲半 近依星期 鼻塞 由其訓覺 鼻塞嚴重 引致用口呼吸 但無其他病徵 請教可以煲咩飲？
謝謝
yuki:
你可用辛夷花6朵拍碎,泡茶供小朋友飲,可加蜜糖,每日1杯,至症狀改善為止.
可以開奶用嗎？
yuki:
可以開奶,不過不好飲的.
芳姐
我小朋友兩歲半 近依星期成日鼻塞 由其係訓覺突別鼻塞 引至用口呼吸 但無其他病徵 可以煲什麼飲？
謝謝
芳姐你好，小兒5歲前日退燒后一直有鼻涕少少綠，可以用哩個湯嗎？謝謝！
jiuli:
你可以用這款湯供你仔仔服,連服3劑.
太感謝您的意見。謝謝。
芳姐，您好！阿仔14歲，兩星期前開始，晚上睡覺有少少鼻鼾（一時時），早上起床刷牙時在鼻同喉嚨之間縮一舊黃色濃痰從口吐出來，白天沒有什麼症狀，只是偶爾鼻裡面一點點濕，沒有鼻水流出來，給他吃了枇杷膏後，他覺得的痰容易縮出容易吐出。想請教他到底是鼻敏感還是感冒呢，非常感謝！
芳姐，你好！請問此湯水可以加百合和薏米嗎？
Ca:
此湯主要治鼻敏感,我很少會加百合,薏米.
芳姨 小朋友4歲9個月 本身有鼻敏感底
剛服用完抗生素 還有少少透明杰鼻涕
請問適合飲此湯水嗎
Hailey:
你用辛夷花6~8朵剪開泡茶供小朋友服就成,可加蜜糖.連服3劑,有助收鼻水.
連服3劑是要一次過喝3碗？還是連續3天一天一劑？
IMTT:
每日1劑,即每日1碗(或2碗),連續飲3天.
IMTT:
你試用桔梗,麥冬,辛夷花各3錢,甘草1錢,4碗水煮20分鐘服,連服3劑.
想問問感冒初期，一開始喉嚨痛無法出聲，後期喉嚨好了就不停流鼻水，聲音帶鼻音，但沒有鼻塞，偶爾咳嗽有口氣，應該喝甚麼湯水比較好？！
鼻涕係黃色可以飲嗎