By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐你好。
我囡囡2歲之前多次支氣管炎入院
最近天氣轉涼，又不斷咳，怕再次入院
食左好多某牌子既猴棗末，蛇膽川貝現成藥，都未好轉。又煲鱷魚湯等等都未見效。
現在晚上睡覺咳唔停，有什麼湯水可介紹?
謝回覆
SILLYLAI:
你試用白果5粒,去芯,核桃肉1兩,百合1兩,北杏3錢煲粥供服,有助補益肺脾腎,止咳嗽.如痰多咳嗽,可先煲三子粥服3劑.
芳姐，最近我同囡囡都相繼續感冒了。我就大致上好了，只是偶爾有兩聲咳。而囡囡仲有痰，咳得比較厲害，有清鼻涕流。早兩日還出風疹，現睇醫生食咗藥無事了。因為醫生話系感冒引起風疹，我擔心囡囡感冒未好會再引發風疹出來。請問我可以點幫囡囡？謝謝！
Yingying:
囡囡應該是風寒感冒,你試用芥2錢,蘇葉2錢,生薑3片,片糖適量,3碗水煮15分鐘供服,如担心出風疹,可加2錢蟬蛻同煮.連服2劑.感冒要自身免疫力去消除,多飲水,多休息自會痊癒.可以用白菜亁兩,南北杏1兩,陳鴨腎2個,紅蘿蔔1個煲湯供全家服,10碗水煮2小時成4~5碗.
芳姐，你好！請問有什麼食療或湯系有清感冒的作用？薏米得嗎？謝謝！
芳姐：
請問有甚麼簡單方便食療，改善失眠。因平時工作
很忙，較難煲湯水。
Tamela:
你可以去中藥店買酸棗仁,柏子仁,買回來用白鑊炒香儲存,每樣各用1湯匙入茶包袋,每天取一包回公司泡茶飲,最好加6粒圓肉同泡.對神經衰弱,失眠者均有益,可每天沖服一包,症狀改善即停.
芳姐你好：我仔仔有鼻敏感，敏感咳了一个几月，请问有咩湯水介绍？
yuen:
你試用桔梗,菊花,麥冬,杞子,辛夷花各2錢,甘草1錢,3碗水煮15分鐘供服,連服3劑,如見效,可再飲劑,對久咳有效.
芳姐你好,
我個仔兩歲半,咳左大約兩星期, 睇左3次醫生,最後果次又話佢中耳炎同氣管敏氣，多痰有鼻水，晚上瞓覺仲咳得多。請問可以煲咩湯水?
Ting:
你試用花旗參,桔梗,杞子,甘草,麥冬各1錢,3碗水煮10分鐘供服,有助清肺虛火,止咳.
芳姐你好:
我個仔3歲半連續咳佐2個月，睇西醫醫生話距气管敏感同有少少鼻敏感，食住藥就無咩點該一停藥又不停咳同有鼻水，甘有咩湯水好介紹吖?
Li:
你可以用辛夷花3錢,北茋,防風,白朮各3錢,甘草1錢,紅棗6粒,5碗水煮成2碗服,連服3劑,看能否改善?
嗯，明白。唔該你，芳姐！
Chuchu:
你試用桔梗,杞子,麥冬,花旗參,甘草各1錢,放入真空壼內,先用開水沖洗1次,再注入開水,焗7分鐘供飲,可沖泡至淡.這款茶有益氣養陰,防氣管咳功效,可每天服.為方便可將材料入茶包袋,讓你先生拿回教室沖飲.
芳姐，你好！
呢幾日煲咗你教煲的桑菊水，芫荽薑蔥魚片湯，還有燉橙湯，兩歲囡囡的止咳效果唔大，反而變咗日夜都咳，且有痰，噴嚏密咗，一次連續打3~4個。會有可能轉為鼻敏感嗎？之前未曾有過鼻敏感的。我應否試再煲法夏白术茯苓紅棗果皮湯俾囡囡止咳？還是百合雪梨？謝謝！
Yingying:
囡囡咳不停,建議要看醫生了.法夏湯主要是袪痰,並非止咳用.
我先生已經乾咳了一個月多，
他工作做老師，經常講野，講說話多就氣管敏感咳，
現在咳有時胸骨痛，
芳姐有無食療可以幫我？
好，我都試下。唔該曬你，芳姐
芳姐，你好！
囡囡呢兩日熱咳有痰，伴有噴嚏，請問我系咪可以煲白蘿蔔蔥白薑片水距飲？估計作感冒了。而橙，奇異果，西瓜等之類水果要戒口嗎？謝謝！
YINGYING:
可以煲些芫荽葱生薑魚片供囡囡服,或用桑葉,菊花煲水代茶飲,對風熱咳外感有幫助.西瓜不要冰冷吃,室温的可以吃些少.奇異果可以食,橙有咳不宜吃,蒸熟吃反而能止咳.
芳姐，我現在煲緊粉葛扁豆湯了，另外還買咗霍香，佩蘭等翻來打算聽日煲。兩種湯輪住來煲，煲一個星期，希望可以幫到老公快D病好。多謝你，芳姐^_^
芳姐，你好！最近呢個酷熱星期，老公都長時間在室外工作，休息不足，昨天感冒了。有食藥，但時好時壞。有痰有咳兼頭痛！請問我呢幾日可以煲D咩湯幫距舒緩下？我試過煲冬瓜去濕豆同魚頭豆腐芫荽湯。另外，我同2歲的囡囡都有喉嚨不適，頭痛的作感冒現狀。有無什麼湯水系適合我地飲的。謝謝！
Yingying:
你試用粉葛1斤,扁豆,薏米各1兩,無花果6粒煲鯇魚尾或瘦肉湯服,10碗水煮成5碗,全家服用,有助改善不適.可連服3劑.另外用藿香,佩蘭各3錢,薏米1兩,扁豆1兩,先將扁豆,薏米用6碗水煮1小時,加入藿香,佩蘭,煮10分鐘即可供飲,有助消除不適.可連服2劑.
芳姐，你好！我煲咗一次菊花甘草茶囡囡。只是距唔多鍾意口感，飲好少！請問可以加少許片糖一齊煲？謝謝
yingying:
菊花甘草茶可加少許糖煲的,但糖最好少一些,以免惹痰.
明白！我現在就去買。唔該曬你，芳姐！^_^
芳姐，晚上好！
最近一星期都出街食飯，少食水果，作息比較亂，所以兩歲嘅囡囡呢兩日聲沙了！間中咳下，打下噴嚏。系咪作感冒？可以煲你之前教的紫蘇葉北杏蔥白紅糖水囡囡飲嗎？飲咗兩晚蜜蜂水，效果唔大。還請芳姐再指教，謝謝！
Yingying:
你可以滾些芫荽葱生薑魚片水,加4條茶瓜同滾,對喉嚨不適有益.茶瓜即小醬瓜,在醬料店或雜貨店有售.要趁温熱服,有助發汗解表.紫蘇葉茶喉嚨痛不宜.通常喉嚨不適多屬風熱外感.用桑葉,菊花各3錢,甘草2錢,3碗半水煮成3碗供服更有效.
Daniel:
南棗較補益,現在售價大約190元1斤,而黑棗是36元左右斤,價錢相差這麼遠,療效當然有分別.不過如果作長期飲用,都可以用黑棗的,用多一兩粒,加6朵辛夷花就成.辛夷花對鼻敏感有療效,可一齊泡茶飲.
你好，請問南棗跟黑棗是否一樣呢？我在中藥行都問不到說＠＠
我最近過敏鼻炎跟氣管都很不舒服，想去買來飲用
謝謝芳姐
你好, 請問紅棗北茋是否很熱氣, 不可連飲數天? 曾為女兒用紅棗北茋煲水, 連飲數日, 然後大病一場呢. 女兒本身易病, 剛到幼稚園返學, 常有鼻敏感的
JS:
北茋並不太温補,紅棗有點燥,可改用南棗.北茋紅棗水飲後不會大病一塲的,應該有其它原因的.有鼻敏感可用辛夷花3錢泡茶飲,可加些蜜糖,好味些.
芳姐你好,
想請問我仔仔現在4歲, 由於我們現在是冬天,我仔仔就開始咳了3-4天,全日就是這樣咳,(有時1-2分鐘就咳一聲,停大約4-5分鐘又咳), 睡覺時就會不停咳.
早上咳沒有痰,睡覺時,他咳,會聽到一些痰聲.
西醫話他有鼻敏感及開始有些哮喘.
請問他應該飲什麼湯水會幫他止咳?
謝謝
珊珊:
你可用紫蘇葉,北杏各3錢,生薑3片,紅糖適量,2碗半水煮10分鐘供服.有助宣肺散寒止咳.另外如無發燒,可用白果5粒,去芯,核桃肉1兩,北杏3錢,紅棗6粒煲粥供服,有助補益肺脾腎,止咳定喘.可一星期2次.
芳姐你好,
想請問我囡現差不多3歲, 近日有鼻塞、鼻涕 (杰), 唔夠力呻出, 引致有咳, 身體有時微熱但又未致發燒。可有什麼湯水姇療合用? 見到你上面介紹的”紅蘿蔔紅棗水” 啱用嗎?
謝謝
Millie:
你可用金銀花,菊花各2錢,辛夷花6朵,拍扁,2碗半水煮10分鐘,加少許蜜糖調勻供服,有助改善鼻塞不適.
芳姐，您好！
想請教下，血氣不足會令到皮膚出現墨屎嗎？最近我發現自己面部，身體，直頭系由頭到腳都出現咗好多針孔般大小的墨屎。朋友說是我身體血氣不足所致！有食療可以幫助去除嗎？謝謝
Yingying:
身體突然出很多黑點或痣,建議最好看醫生,了解是否皮膚病變,如果没這方面的問題,可以多用南瓜,番茄,紅蘿蔔煲瘦肉湯服,這類含果膠豐富的蔬果有助身體排毒.
芳姐，你好。今天想褒给他喝，但是他有发烧，可能是发牙引发的，因为他一直流口水。那紫蘇葉,北杏各3錢,生薑2片,紅糖少許滾湯还可以褒给他喝吗？ 谢谢你。
芬芬:
紫蘇葉糖薑茶發燒暫時不要飲.可用蘆根3錢,薏米1兩,雪梨1個煲水供服,有助清熱退燒.
紫蘇葉,北杏各3錢,生薑2片,紅糖少許滾湯。需要放肉吗? 或者只用以上的材料滾。要放多少水呢？滾多久？不好意思，因为我来自大马，所以写的会以华语。
芬芬:
不要放肉.2碗半水煮15分鐘即可供服.
芳姐，
昨晚，我给仔仔喝了2小杯三棗茶… 可是晚上睡觉时他咳嗽而且听到好像有痰声。前晚他没喝，就没有这样咳嗽。这三棗茶满甜下，会惹痰吗？
芬芬:
三棗茶如果煮得濃會太甜惹痰的.建議病好後才間中煮給仔仔飲,作增强體質用.現時不妨用紫蘇葉,北杏各3錢,生薑2片,紅糖少許滾湯供服.有助散寒止咳.
芬芬:
紅蘿蔔紅棗水煮45分鐘就成.
紅蘿蔔紅棗水, 也係煲半小时吗？
芳姐，你说用紅蘿蔔1個,紅棗6粒煲水飲，一天需要飲几次？吾热咗需要整翻热吗？吾记得讲我仔仔现在10个月适合吗？吾好意思，麻烦你。
芬芬:
紅蘿蔔紅棗水幼兒可以服,一天可以分2~3次服,隨量服用就成.宜温服.
我的仔仔，今天医生说他係气管敏感，因为吃了补肺药就好些。他都係断断续续好下又咳。现在通常都係早上睡醒咳5-6声。那三棗茶适合喝吗？
芬芬:
你仔仔可以服三棗茶,或用紅蘿蔔1個,紅棗6粒煲水飲都有幫助.
我女兒3歲，佢呢幾日定時晏晝不停咳，醫生話佢係敏感咳，呢個三棗茶啱佢嗎？一日飲一杯？還是當水喝？一星期飲幾多次？
GLORIA:
中午咳,可以飲三棗茶,亦可以用紅蘿蔔1個,北杏3錢,紅棗6粒,5碗水煮成2碗服,連服3劑,看能否改善?
芳姐，囡囡近日便便有改善了，已正常。實在感激您不厭其煩，一次又一次提供各種食療。謝謝
Ying YIng:
囡囡症狀改善就好.祝闔家健康愉快!
請問芳姐小兒3歲半 上星期六開始傷風咳嗽, 食了三天西藥已收鼻水, 但咳嗽依然持續 (間中有痰聲) 請問這款三棗茶現在適合他飲嗎?
另他本身有氣管敏感, 斷斷續續已經食了西藥差不多4 ~ 5 個月, 病好後不到半個月又因感染傷風感冒或天氣突然轉冷再出現氣管咳嗽病徵. 請問有什麼方法可改善?
我已經常給他食燕窩, 沒有食西藥時會煲川貝鱷魚肉湯, 淮山茨實蓮子百合湯.
CHOLE:
小兒久咳不癒,可用紅蘿蔔1個,切薄片,紅棗8粒,北杏3錢,5碗水煮成2碗,可吃些湯料,有助止咳.亦能增强質.三棗茶待咳好後一星期服1~2次,可防敏感咳嗽.
好的，我知道了。另外請教一下芳姐，雖然囡囡便便正常了，可今日兩次的便便成粒狀，且有一半系深黑色的。會唔會同我俾藍莓，玉米距食有關呢？謝謝！
Yingying:
可能是吃藍莓影響了囡囡便便顏色,應該没問題的.可以去超巿買美國西梅乾,囡囡每天吃4,5粒,然後飲大大杯水,有助大便正常.
芳姐，我連續幾日煲扁豆芡實湯，囡囡果真止瀉了，開始有正常便便呢。太開心啦！非常感激您的食療配方！^_^請問我該煲什麼幫囡囡調理身體呢？謝謝
YINGYING:
你可以用淮山1兩,蓮子1兩,杞子4錢,紅棗6粒,生薑2片煲鵪鶉或鮮魚湯供服,有助增强體質.此湯全家可飲.
原來如此。我現在就來再煲一次！這個湯確實好好味。囡囡止瀉後請問我該如何幫距調理好身體。今日見到囡囡面色蜡黃，嘴唇都白了，非常累。食咗野就要睡覺！謝謝！
芳姐，早晨！昨晚用湯底煮米線食，真的相當唔錯。囡囡食到一碗米線，還追加半碗湯。太高興了！^_^只系腹瀉還是未止，食咗無耐又屙了，今朝早醒咗繼續屙。請問今日系咪再煲呢個湯？另外，有朋友贈與紅西米芋頭粉，話對止瀉有好好效果。真的嗎？能與湯同時食嗎？還有囡囡目前的便便類似粥渣，距可唔可以食雞蛋，河粉，青菜之類的？謝謝！
Yingying:
你囡囡肯食健脾止瀉湯已經不錯,可以繼續食用,可加雞蛋,青菜(如菜心,西蘭花,椰菜等.)莧菜,菠菜,生菜等滑腸,暫不宜用.河粉可以食用,没問題.通常淮山、芡實、扁豆磨成的粉能有效止瀉,紅西米芋頭粉很少用到,因為翻查食療書没記載過,所以很難作正確回答.
芳姐，炒扁豆芡實粥可轉煲成湯飲嗎？囡囡宜家非常抗拒食粥。之前依你教我，退燒後煲淮山芡實栗子粥，但食幾啖後就拒絕再食了。凡是粥都唔食！但十分愛食包。所以目前就煮米線，通粉等俾距食，避免俾包食，怕唔夠營養。
Yingying:
可以用扁豆芡實加紅棗生薑煲瘦肉湯,然後用湯底來煮米線或通粉都得,應該幾好味的.
芳姐，請教一下你，囡囡由開始屙稀便到宜家屙水狀便便，系代表嚴重咗還是好轉咗？謝謝
Yingying:
囡囡大便情狀主要看腹瀉次數及有没有發燒而定.如果大便溏薄又臭表示細菌尚未清,要繼續服藥及小心調養,如果便數減少,没發燒精神很好表示開始復原.可給炒扁豆芡實粥供服.
好的，明白了。十分感謝芳姐^_^
另外，家中老人買了石榴回來想俾囡囡食止腹瀉。真的嗎？囡囡可以食嗎？謝謝
Yingying:
石榴治瀉部分主要是皮,但皮很澀,囡囡未必肯食.可以給她吃石榴肉的,另外可用炒扁豆,芡實各1兩煲粥供食,有助厚腸胃,止瀉.
芳姐，早晨！
請問莧菜蒜頭湯系咪飲到囡囡止屙為止？因為高燒不退，昨晚睇急症了，醫生開咗退燒藥同時開埋止瀉沖劑smecta。同時與莧菜湯一齊飲有碍嗎？
Yingying:
莧菜能殺腸細菌,可以飲到囡囡止瀉為止,加蒜頭和瘦肉同滾,服西藥吃亦無妨的.因為不是藥,是食物.
明白，謝謝！
芳姐，醫生有開止瀉藥，囡囡今日已經腹瀉5~6次了，食唔食止瀉藥好啊？
Yingying:
如果醫生開的止瀉藥可以食,可能兼有殺菌功效.蒜頭莧菜湯很平和,全家都可以飲,囡囡服藥後1小時飲就成,一天分服2碗.蒜頭的殺菌能力是很强的,又安全.
芳姐，新年好！
囡囡一歲半了。呢兩日腸胃炎，又屙又嘔又發燒。睇咗醫生食藥後，效果一般。目前嘔吐停止了，但就繼續高燒不退，好反覆。食退燒藥就退一下，過後又高燒翻。腹瀉還不斷，基本食咩都好快屙了。知道栗子可以止腹瀉，整咗栗子蓉阿女食。可距好餓，宜家就煲緊蕃薯粥。芳姐，唔知我可以俾什麼阿女食，幫助止腹瀉？謝謝！
Yingying:
你試用蒜頭1顆,去衣,拍爛,莧菜4兩(最好有穗那種野莧,治腸胃細菌最佳)滾瘦肉湯供囡囡服.有助清熱解毒,殺菌.現時不能即時止瀉,因為胃腸尚有細菌未清,囡囡才會發燒不退,要繼續吃藥,如高燒不退要告知醫生.等燒退了可以用淮山,芡實,栗子各適量煲粥仔供服,有助健脾益氣.
多謝芳姐!
多謝芳姐,想多問囡囡21個月都可飲用?另外,怎可分辨蟲草花優劣?
YL Shek:
21個月幼兒可以飲用.蟲草花以乾身,氣味香,粗壯者為佳.
多謝芳姐,請問蟲草花是否可煲水飲?
YL Shek:
蟲草花可以泡茶飲,先用開水沖洗1遍,再加入開水,焗7分鐘即可供飲.或加水煮10分鐘就可飲,連湯料同食較有益.