By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
我現在煲了4日川貝萍果陳皮水給他,感覺好點!可否再煲3日!
WING:
川貝蘋果陳皮水很平和,可再服2~3劑.
wing chan:
小兒久咳,可以用紅蘿蔔1個,切薄片,北杏3錢,紅棗6粒,去核,4碗水煮成2碗供服,連服3劑,看能否改善?
小兒現3歲3個，自从9月份上學後,感冒咳,到現在5個月都有咳,有睇好多次醫生,話沒什麼!但一直咳不,我不知如何好了?運動後咳几下,晚上咳几下,有時4點咳十下,早上咳几下,芳姐!請求你!
芳姐你好!
我先生氣管敏感咳咗個幾月,看過醫生食極西藥都止不了,昨晚片糖加薑煲水,還可以有什麼湯水療法??
MRS FOK:
你試用花旗參3錢,桔梗,杞子,麥冬各3錢,甘草1錢,5碗水煮成2碗服,連服3劑,看能否改善?花旗參宜後下.此茶有助清肺虛火,因為久咳必虛.
大眼妹:
你可以買虎乳靈芝,用3錢,麥冬3錢,雪耳2錢,百合1兩,無花果4粒煲鵪鶉或鷓鴣湯服,一星期2次,有助潤肺止咳.平時可以用白果6粒,去芯,核桃肉6粒,南北杏1兩紅棗4粒煲粥供仔仔服,有助補益肺脾腎,改善氣管敏感.
小兒現3歲有多，本身有氣管敏感，轉天氣時咳過不停，請問有咩可止咳潤肺化痰，咳時有痰，好難清
西瓜:
歡迎常來瀏覽!
芳姐﹕
收到了，太謝謝你啦，在你這裡真是學到好多野。
我這個新任媽媽全靠有你才識得煲野比仔仔飲黎幫佢。好感激你呀!!!
芳姐你好!
我仔17個月，之前傷風咳好返後，至今仍然有少少咳，經常係訓覺和夜間咳。
咳緊可否飲三棗茶呢？
同埋佢呢兩日飲緊淡竹葉薏米粟粒，因佢小便有壓味，大便又比較乾結。適宜再飲三棗茶嗎？
西瓜:
令兒暫時不宜飲三棗茶,因為味較甜會惹痰,淡竹葉薏米粟米湯較適合,可加無花果4粒,有滑腸作用.有少許咳可以加南北杏1兩同煮.
譚太:
出風疹可以飲青紅蘿蔔豬展湯,没問題.最好買到些樟木碎,加水煮10分鐘作外洗,很快消疹.
我個細女出風癩可唔可以飲青紅蘿蔔豬展湯呀
carmen:
令兒如果喉間有哮鳴聲,要留意有没有哮喘?經常流鼻血,可用鮮茅根1扎,鮮蓮藕節3個(蓮藕中間那個節,洗淨就可用,其餘可以煲湯煮餸),4碗水煮半小時供服,有助涼血止血.另外可用辛夷花6朵,剪開泡茶,可加些蜜糖,連服3天,看能否改善鼻水倒流?
你好.小兒5歲近黎成日出現怪獸聲, , 但好乾既聲, 答親MTR,的士果D, 去到書局, 同係屋企打開個廁所門都係咁, 睇醫生只係話NOSE水倒流, 同敏感, 但食藥都唔好
, 而家搞到流NOSE血, 因我小朋友食親西藥都係流架, 但因睇中醫睇唔好, 所以轉西醫, 但食左兩日就流NOSE血啦
有咩可以佢快D好呢?
THANKS
楊太:
你的孫子尿床,必須去看家庭醫生,由家庭醫生轉介去看政府泌尿科,因為長期尿床必須找出真正原因治理.食療只能起輔助治療之效,要根治必須看專科.如果延誤治理,會大大影響小兒心理,令其自卑,家長必須正視.
食療可用白果5~8粒(小兒一歲食一粒最佳),去芯,芡實1兩,益智仁3錢,覆盆子3錢,紅棗6粒煲瘦肉湯服.一星期2~3次.飲湯吃白果,芡實.
訪客:
氣管敏感咳,試用烏梅3粒,菊花2錢,甘草1錢,3碗水煮10分鐘供服,連服3天,看能否改善?没咳時可用這款三棗茶以增强抗敏功效.
我的孫差不多每天都尿床,有何方法阻止吗？
儿子4岁老是气管敏感咳，煲什么汤水好？
CECI:
囡囡痰白色應屬寒咳,你去桑葉,菊花,改用紫蘇葉3錢+其他北杏,桔梗,甘草同煮15分鐘供服就成.
芳姐：
囡囡有時嘔飯出來時有連部份痰嘔出來，比較稀，白色的。是否屬寒咳呢？
ceci:
你囡囡日夜都咳,又看不到痰是否白色,之前有發燒,屬風熱咳吧?可用桑葉,菊花,北杏各3錢,甘草1錢,桔梗2錢,3碗水煮15分鐘供服,有助化痰止咳.
芳姐：
囡囡兩歲前幾日半夜開始咳，第一晚係無痰，好似喉干咁咳了幾聲，第二日開始起身咳，日間又咳，有痰聲，但佢太細吾識咳出來。一路都無流鼻水，但訓覺時有發出啲似鼻寒聲的聲音，應該有鼻塞，望入去只係有啲乾鼻屎，又無鼻涕鼻水。因為早兩日夜晚發燒到40.3度，尋日睇左醫生，食緊西藥，但咳嗽無乜改善。半夜同日間都有咳，請問佢係寒咳定熱咳呢？可以煲咩俾佢飲呢？
芳姐，你好！小儿五岁，有气管敏感，近来更咳了成个月。我想试白果核桃粥，但儿子生吃过核桃有过敏情况，请问可以找其他材料代替吗？
DD:
氣管敏感,可以用白果甜杏仁陳皮紅棗煲粥服用.久咳不癒,可用紅蘿蔔1個,北杏3錢,紅棗6粒,4碗水煮半小時供服,連服3劑,看能否改善?
芳姐，
明白了，我明天會試試。另外想問問，紅蘿蔔粟米蜜棗豬骨湯，囡囡適合飲嗎？其實這湯係咪好涼架？
ceci:
紅蘿蔔粟米蜜棗豬骨湯很平和,不寒涼的,全家老少皆可服.
Ceci:
你囡囡可能有點燥熱,試用鮮龍脷葉1兩,羅漢果1個,雪梨2個,去核,南北杏1兩煲瘦肉湯.這款湯全家可飲,有清熱潤肺止咳化痰功效.白果杏仁核桃陳皮粥較温性,現時囡囡喉嚨痛不宜,可用白果,馬蹄,腐竹,冰糖煲糖水供服,反而適合,用量隨意,白果一歲吃一粒,兩歲吃兩粒…..煲糖水可以放多些少,吃就不宜吃太多.
芳姐：
囡囡半夜好似喉嚨干，有幾聲咳，朝早起身咳幾聲，有點痰，好似喉嚨痛，吾知係咪尋晚飲左三棗茶有點燥呢？請問可以煲什麼俾佢飲呢？白果核桃北杏陳皮粥可以食嗎？
唔该晒，可以连飲两至叁日
Jessica:
可以連服2~3天.
JESSICA:
燒烤宜手金銀花,菊花,冰糖煲水飲,有助清熱氣.每樣3錢夠2人飲,人多飲份量你照加上去.你可以用辛夷花5~6朵,拍扁後泡茶供服,如歲半以上可加些蜜糖.有助收鼻水.
芳姐，烧烤煲D咩凉茶或者糖水飲无甘熱氣.…。仲有细仔呢排流左4至5日鼻水，头一日好希，第二日流就有D黄，我就比左猴棗散他吃，跟住就连续流左几日都系希鼻水啦！有D咩可以煲比他吃，唔该
carole:
你試用紫蘇葉3錢,北杏3錢,生薑3片,辛夷花3錢,陳皮1塊,4碗水煮半小時供服,有助止咳定喘,收鼻水.
我仔仔2歲半，以前有濕疹，體質濕熱，
現在氣管發炎，有氣喘，鼻塞及流鼻水，
請問有甚麼食療或湯水適合他食用？
jessica:
你試用白果6粒,去芯,核桃肉1兩,北杏3錢,陳皮1塊,紅棗6粒煲粥供服,有止咳定喘功效.
芳姐，我个仔4岁几，无瑞瑞半夜咳到不停，条氣仲有小小响，他原本都有氣管敏感，請煲D咩先得呢
芳姐，係咪一日飲晒兩碗連飲三日呀？仔仔依家食緊西藥，應該停咗西藥先飲定可以照煲嚟飲架？謝謝！
coofy:
吃西藥都可以飲紅蘿蔔紅棗茶,隔1小時飲就成,一天分2次服,連服3天.
芳姐，你好！我仔仔2歲大，已經咳咗成個月，睇過兩次西醫，話係敏感咳，食住藥就好少少，唔食就又咳過，痰聲時有時無，瞓醒咳得好多，小兒唔識吐痰！請問可以煲咩俾佢飲好呢？謝謝謝謝！
coofy:
小兒久咳,可用紅蘿蔔1個,北杏3錢,紅棗6粒,4碗水煮成2碗供服,連服3劑.另外可幫仔仔拍背,飲些暖水,有助將痰排走.
謝謝!今晚就煲呢个啦！
芳姐，真系多謝你我和阿仔饮左都好左好多，我都想再问下我地午饭吃左炸野，晚饭又想打邊炉，请问有D咩糖水或者凉茶适合饮
jessica:
午飯吃炸東西,晚上又打邊爐,很易上火的.你試用金銀花5錢,甘草1錢,3碗水煮10分鐘成2碗.如4人飲用量加倍.
好的，謝谢你
jessica:
你的核桃陳皮薑茶合仔仔飲的,應該没問題.小兒有時感冒咳會較長時間,如久咳不止,可用紅蘿蔔1個切薄片,北杏3錢,紅棗6粒煲水供服,4碗水煮成2碗,一天分服,對小兒久咳有良效.
唔该晒，芳姐，要饮几多日呀！但是我之前煲左合桃肉，陳皮，薑比仔仔饮甘适唔适合呢！我是唔是比错左呢！
Jessica:
你試用紫蘇葉,北杏各3錢,生薑3片,片糖少許,3碗水煮10分鐘供仔仔服,有助宣肺散寒止咳.
你口苦聲沙眼矇,試用夏枯草1兩,菊花3錢,羅漢果半個,5碗水煮成2碗服,有助清肝熱,明目利咽.
芳姐，麻烦到你啦！我哩两日口有苦味同沙聲，周身好累眼有D蒙，請問有D咩适合我饮，唔该晒╯﹏╰
hi.芳姐請問我個仔4岁几，原本有气管敏感但是呢几日夜晚林近天光就系度咳都不停，我帮他拍背他都会嘔D有泡白色痰，請問有D咩可以饮
Donna:
沙參玉竹等並不太寒涼,屬滋陰潤燥食材,有滋陰潤肺,健脾等功效,如想安神,可加百合及圓肉.無花果含天然果糖,而蜜棗用糖製,甚或用糖精煮過,故用無花果健康些.放蜜棗主要是可緩和湯料的酸澀味或緩和燥性而已!
芳姐:
沙蔘 玉竹 麥冬 無花果 瘦肉, 這個寒涼的嗎 ? 有何功效, 可以安睡的嗎 ? 煲湯放入無花果有甚麼作用, 蜜棗同無花果的作用是否一樣, 即係未放蜜棗就不用放無花果, 或是兩樣也可一齊放入湯中煲. 有勞賜教. 先謝謝每一次愛心的幫忙!
好的，謝謝！
芳姐，您好！
最近夜瞓，今日感覺喉嚨痛，頭痛等作感冒症狀。請問可以煲什麼來控制？恰巧月經差不多時候來，腰痛厲害，行耐少少最明顯。有食療可以舒緩嗎？謝謝！
yingying:
作感冒可以用芫荽葱生薑茶瓜魚片水服,滾大約10分鐘服用.茶瓜在醬料店或雜貨店有售,對喉嚨痛好.或用桑葉,菊花,胖大海各3錢,甘草1錢,3碗水滾10分鐘服亦有清熱解毒,利咽作用.來經不適,可用益母草5錢,山楂3錢,片糖適量,4碗水煮20分鐘服,連服3劑.
芳姐，孕妇能喝吗？
Amy:
三棗茶孕婦可服.
謝謝芳姐！
芳姐，
想請問為何我飲佐三棗茶後隔日口乾舌燥，有點喉嚨痛的症狀？是不是我體質不適合？
我夜晚就會手腳冰冷，但平時容易發燒發熱氣，身體有點虛不受補，應該飲咩湯水？
DD:
你可能是陰虛體質,三棗茶有點燥,故你飲後有上火症狀,建議紅棗和南棗掉轉放,南棗不燥的,蜜棗滋潤,可放多一粒.手脚冰冷,可試用北茋,防風,白朮,桂枝各3錢,5碗水煮成2碗服,一星期2次,有助改善.平時可多用沙參,玉竹,麥冬,天冬,雪耳一類中藥材煲湯作調理.
芳姐，请問辛夷花一岁半的蠶豆症小孩可服嗎?
pigchi:
辛夷花岁半蠶豆症患兒可服.(金銀花,牛蒡子就忌用.)