By 芳姐 ( 3 10 月, 2012 at 7:18 上午)
· Filed under 家常食療
石崇魚功能健脾滋腎,對手術後傷口深層癒合很有幫助,但這種魚並不常有供應,大條的往往賣到二,三百元1條,但今天在上環街巿見有細條石崇魚賣,48元1斤,雖然不是游水的,但非常新鮮,魚鰓鮮紅,買了4條,才40元,用來配北茋,杞子,紅棗煲湯,對提高身體免疫力,增强體質很有裨益,對手術後,病後或產後體弱人士更為有益。
用料是: 石崇魚12兩,北茋4錢,杞子4錢,紅棗6粒,生薑2片.
做法: 石崇魚劏洗淨,用少許油煎香;其餘材料浸洗;將全部材料放入煲內,用6碗水煮個半小時成4碗即可供飲.
~ 小貼士: 石崇魚的鰭刺有毒,被刺後會產生劇痛,故必須要魚檔代為劏好,回家處理時亦需特別小心.手術後飲用此湯,可加快傷口癒合,令身體更快復元.
Permalink
ainnie:
白背黑木耳較優質,可以常用.可用豬肉代替牛肉.
謝謝芳姐不厭其煩復，真心感激，謝謝！
芳姐黑木耳是否白背果種，另無食牛肉可以用豬肉代替！
ainnie:
只要有胃口可以食少量花膠,海參.但如患感冒,傷風就不宜.
早晨，謝謝芳姐，她可以食花膠，海參嗎？
ainnie:
白血球偏低,可以用黑木耳2朵,雪耳2錢,紅棗10粒,去核煲瘦肉湯服,飲湯吃湯料.連服3劑,另外紅菜頭湯亦有幫助,例如配紅腰豆,紅蘿蔔,紅棗煲牛肉湯亦有益,可常服,紅菜頭連枝帶葉一齊煲,洗淨去皮榨汁飲亦佳.但必須注意清潔衛生,因為病人身體較弱,不能感染任何細菌.
芳姐你好，上次問過你朋友做了十二脂腸手術，要化療，目前朋友抽血白血球扁底，應該有D食什麼食療可以提升白血球！
芳姐請問？石崇魚新鮮或冰鮮有沒有分別？剛做完子宮切除！飲幾多次比較好？謝謝！
謝謝芳姐，祝福你身體健康！
Annie:
化療必定傷氣血,故可以用北茋,黨參各5錢,紅棗6粒,圓肉4錢,杞子3錢,陳皮1塊煲瘦肉或鮮魚湯服,一星期2次,有助補益氣血,增强體質.另外可以用黑木耳,雪耳,紅棗煲水服,飲湯吃湯料,有助刺激造血細胞生長.少吃肥膩高脂肪食物,否則一吃就肚瀉.
芳姐你好：朋友做左個十二子腸割除肌瘤和膽囊手術，現要食標巴藥化療，現手術己二個月可以什麼湯水調理同食療！謝謝芳姐
mingming:
你可以用鮮淮山4兩,蓮子,芡實,茯苓各5錢,雪耳2錢,紅棗8粒煲雞湯,或瘦肉湯服,一星期3次,飲湯吃些湯料,有助增磅.
芳姐你好，我今年43歳，請問今天已做完子宮切除手術第14天，手術後廋了8磅，得92磅，有胃口食嘢，請問有咩湯水適合呢？
糖:
你可以用白蘿蔔半個,陳皮2個,5碗水煮成2碗供服,有助舒緩不適.
芳姐，您好！
我爸爸前兩天做完切肝手術，呢兩日只係飲水，醫生話只可以飲流質嘅野，爸爸今日話肚脹，請問可以煲d 咩？
珍珍:
大手術後要依照醫生指示,大約多少時候才可以飲流質飲食?一般可以用白蘿蔔1個,陳皮2個煲水供服,有助加快將麻醉藥排走.之後可以將糙米白鑊炒7分鐘,加紅棗幾粒切片,泡茶供服,當可以服半流質飲食,可以用北茋5錢,煲瑤柱陳皮粥食.花膠,石崇魚湯要3,4天才可以服.甲狀腺手術後可以煲些陳皮蘿蔔水供服,有助去藥氣.
芳姐
先生將會做換心辨手術,是個大手術,手術後會在深切治療昏迷三天,醒時第四天,可以食/飲什麼除去手術藥氣呢?第幾天可以飲石崇魚呢?應該加什麼配料呢?又第幾天可以加埋花膠落石崇魚湯呢?我現在每星期煲淮山次實百合蓮子石崇魚幫先生打底,有用嗎?
奶奶會做切除甲狀腺手術,醒後可以食/飲什麼除去手術藥氣呢?之後係咪又可以同先生一樣,煲石崇魚呢?應該加什麼配料呢?
謝謝
珍珍
芳姐你好，我媽早前跌倒兩次膝蓋骨裂了，一隻做了手術，另一隻打了石膏，也差不多一個月，早前也煲了當歸田七湯，但患有腸癌做了手術多年，有做口袋及小長氣，所以她胃部消化力較弱，現在瘦了、心情不好及多憂慮，請問應什麼湯水，可以讓她調理身體及雙膝復元，謝謝伱的幫忙。
祝你聖誕及新年快樂！
SARAH:
你可用田七5錢,雞血藤1兩,淮牛膝3錢,紅棗6粒煲瘦肉湯供服,8碗水煮成4碗,可分2天飲,連服3劑(即飲6天),有助活血袪瘀,强筋骨.存放第二天飲的湯要撈走湯渣,服時加暖.先調理好雙膝不適,再調理其他問題.
前兩天額頭撞到爆裂，縫了針。請問禁吃什麼？而什麼食療及湯水適合呢？
謝謝！
KAREN:
縫了針不要吃太酸食物,亦不要吃鵝肉,無鱗魚,蝦蟹,筍等發物,另外生魚,山斑魚,田雞細胞活力太强也暫時不宜,10天後才服,以免長肉芽.可以燉些花膠食;或用北茋5錢煲瑤柱陳皮粥食亦可加快傷口埋口.
apple:
令堂手術後可以飲此湯,服3~5劑,有助加快傷口癒合.用北茋5錢,淮山1兩,杞子3錢燉花膠瘦肉湯供服亦佳.
想問媽今年64歳，剛做完直腸手術此湯水合用，可服多天？或有其他湯水可服？
囡囡:
你可以用北茋5錢煲瑤柱陳皮稀粥供令堂服,連服3~5天,有助加快康復.可以帶些炒米水供日間飲用.糙米用白鑊炒7分鐘,入2湯匙入茶包袋,茶包放入真空壼中,注入開水,可供一天服用.有暖胃助吸收作用.橙,蘋果,提子等生果可適量食用.
芳姐您好，
我媽咪57歳，下午2時剛做完甲狀線瘤(良性)切除手術。佢嗌好痛，又未食得野未飲得水，姑娘話今晚麻醉藥退了才可飲少少水。請問煲什麼湯適合媽咪？同埋應該帶什麼食物給她探佢？
謝謝您
囡囡
Hello芳姐，
我媽咪57歳，下午2點剛做完甲狀線瘤（良性)切除手術，剛剛探佢麻醉藥也未過，佢話好痛。請問可以帶什麼食物探佢，煲什麼湯水給她？
謝謝妳!
囡囡
想問下老公做完鼻中隔手術，鼻大量出血，飲咩湯水好？感謝你！
LOOKLOOK:
你可用鮮茅根1扎,雪梨2個,去核,鮮蓮藕節3個,5碗水煮成2碗供服,連服2劑,有助止鼻血.
芳姐，你好！請問，腸癌手術後，飲食要怎麼處理？可否介紹一些餐單？
LING:
腸癌手術後可以煲番薯粥食.用黑木耳2朵,紅蘿蔔1個,無花果4粒煲瘦肉湯亦佳.
芳姐妳好！
媽媽今年82歲，十天前做了肛周放膿手術，傷口深2cm長1寸，現在傷口很痛，請問可煲那些湯水給她好些，比較容易復原呢？
媽媽叫煲山班魚湯，她適合飲嗎？請指教！謝謝！
心急人:
可以煲山斑魚湯,配北茋5錢,生薑2片,無花果4粒煲湯供服,有助加快康復.藍莓,紫色矮瓜含有的維生素有助受損細胞修復,可多食.
MEMO:
你可以去西藥房買秀碧除疤膏作外塗,亦可問醫生取一些特別的膠布,貼在傷口上,這種膠布可以清洗的,洗後可再貼上,用很多次.你試問問醫生或西藥房的店員.因為我見過有人用.北茋有助加快傷口癒合,可以用北茋5錢,紅棗6粒,瘦肉或雞胸肉適量燉花膠供食都有幫助.
芳姐你好
我囡就2歲，7/10做了手部植皮手術，在大脾取了皮，這2處都有縫線，在19/10又全身麻醉拆線，請問我應煲什麼湯水或其他食物給她，因我怕她皮膚質地差，埋得唔靚，愈合後要否搽些什麽嗎？ 另珍珠粉要食嗎？ 謝謝芳姐
KEZIA:
可以用牛鰍或木棉魚,石九公等小海魚都得.另外可以用田七,丹參各3錢,紅棗6粒煲瘦肉湯服,有助活血袪瘀.
做了拇指外翻手術後, 可飲這湯水嗎？買不到山崇魚可用甚麼魚代替?
血液循環很慢, 未能去瘀, 腫及炎。
akib:
你可以用北茋5錢煲瘦肉粥食,有助加快康復.另外可以用北茋5錢,黨參3錢,淮山1兩,紅棗6粒,瘦肉適量燉花膠湯飲,亦有幫助.
你好，我今年16歲做完盲腸炎手術已經兩個禮拜，想問飲咩湯好，想個傷口快啲好番，謝謝。
再次多謝芳姐！
WONG:
如血塊縮細,可以田七湯加我推介的湯隔日1劑,反正都有活血袪瘀作用,又平和.
MING:
換了腎都可以飲此湯.
芳姐，我有睇緊西醫，就話要三至六個月才會完全散，好多謝您的建議，我會再睇埋中醫。如果喝完田七湯血塊有軟啲和縮細，咁是繼續喝，還是喝你剛介紹嘅湯水？多謝！
非常感謝芳姐的回答
想問下換左腎可飲嗎？
wong:
如血塊仍未散,建議要看中醫用藥治理.你試用桃仁(是水蜜桃的果仁,中藥店有售,能袪瘀)3錢,黑木耳2朵,北茋,黨參各3錢,紅棗6粒煲瘦肉湯服,連服3劑,看是否可舒緩不適?要看醫生呀!
芳姐你好，上次你教我用生田七煲瘦肉可去乳腺纖維瘤術後出血形成的血塊，現在個幾月血塊還未散，面色好差，好似氣血唔好，田七湯已加北茋，可在血塊未散再加紅枣落去一起煲嗎？多謝！
收到！！！多謝芳姐！！！！： )
芳姐，你好, 我先生於2/10 /2015在頸的部位做了切除手術(因為他頸入面的口水線塞咗, 造成水泡)
手術條刀痕好長, 有成12cm 咁長… (哭)
請問在手術後那天開始可以煲石崇魚給他飲?(可以每天飲嗎?)
其後可以飲那些湯會快康復??
謝謝芳姐!!!
小豬:
手術後6小時後可以用北茋5錢煲些瑤柱陳皮稀粥食,第2天可以飲石崇魚湯,可連服4天,之後可以燉些花膠供食,有助加快康復.配淮山,杞子,紅棗,瘦肉燉就成.
MAY:
你可以用巴戟,杜仲各3錢,淮牛膝3錢,栗子3兩,紅棗6粒煲豬尾骨湯供你奶奶服,有助補肝腎,强筋骨,加快手術後康復.8碗水煮成4碗,可分2天飲.
芳姐，請問奶奶剛做完換膝關節手術，除了你介紹的手術後湯水外，關於保護關節的湯水如淮山栗子合適嗎？謝謝
芳姐你好!我與先生於本月12号
一齊做左膽囊切除（佢做埋小腸氣)手術.
体力未回復而佢於下月7号又想做埋鼻中膈矯正
及削下鼻甲手術. 請賜教這段時間㷛那個湯可盡快
回愎精神，另做完鼻手術的頭兩天適合飲田七湯及
其后飲那些會快康復？ thanks
MARIA:
你可以用北茋5錢,杞子3錢,紅棗6粒,瘦肉適量煲石崇魚湯,或燉花膠湯供服,都有助加快康復及增强體質.手術後用北茋5錢煲瑤柱陳皮粥食可加快傷口埋口.田七湯過兩三天才飲.
多謝芳姐
WONG:
田七湯可以服用1~2個月,一星期2次.
芳姐你好，又係我呀，我唔記得問你田七湯要喝幾耐才有較，我啲瘀血已變硬了，多謝你用寶貴的時間答我
多謝芳姐再次回覆，田七瘦肉湯要加北茋嗎？如是田七牛秋魚可以嗎？因今日已煲咗