By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
BECKY:
可以作開奶茶.如汗止,有鼻水和咳,可以用薄荷葉1錢,生薑3,4片,紅糖少許,碗半水煮7分鐘服,有助改善.
謝謝芳姐回覆，黑豆1兩,浮小麥5錢,南棗或黑棗6粒,5碗水煮成2碗，可否用來開奶?
如晚上無再出汗，鼻水，咳可會改善?或要煲其什麼?
謝謝
芳姐你好:
小兒兩歲，5號開始有鼻水(無色，希)，7號間中有咳，日間著厚衫無汗，夜晚瞓時著1件薄衫頭脛有汗(無味)，已睇西醫食藥但無改善，可煲咩飲呢?晚上出汗是因為熱到出汗?請問如何照顧呢?
謝謝.
BECKY:
夜晚無故出汗稱為盜汗,多屬陰虛,可以用黑豆1兩,浮小麥5錢,南棗或黑棗6粒,5碗水煮成2碗供服,連服3劑,應可改善.
kay:
你可以用蘇子,萊菔子各3錢,入茶包袋,紫蘇葉3錢,生薑3片,肉碎適量,先將茶包袋料,紫蘇葉,生薑與白米煮成粥,將材料拿走,加入肉碎煮10分鐘供囡囡食,連服3天可袪痰止咳.要多飲水,在兩餐之間幫囡囡拍背,拍到有咳時表示該處積痰,要多拍兩下,然後飲水,有助將痰排走.
芳姐
小女2歲,自10月感冒,傷風咳好後,咳嗽一直都唔斷尾,現在晚上睡覺約至零晨,就咳嗽起來, 有時還會嘔痰,嘔痰後會好一點,日間幾乎沒有咳嗽, 有咩湯水可以止咳呢? 謝謝.
ERIN:
片糖即紅糖.可用冰糖代替,用少量就成,否則惹痰.
芳姐: 之前你建議我女兒試煲-紫蘇葉2錢,麥冬3錢,生薑3片,紅糖少許,3碗水煮成碗半供服,可一天分早,晚服,有助散寒止咳.如痰多麥冬改用蘇子3錢用. 請問紅糖是否調味而已? 有沒有特別作用? 可否用冰糖或片糖代替? 謝謝 !
DAISY:
你可以用淮山5片,雞內金3錢,紅棗6粒煲瘦肉湯供仔仔服,連服3劑,如見效,一星期2次,至症狀改善為止.
芳姐
小兒5歲 脾胃虛 晚上睡經常番來覆去 (似半醒 醒時又經常吞口水) 可以有什麼湯水適合
謝謝芳姐
DAISY
芳姐： thank you very much for your recipe.
ERIN:
你試用紫蘇葉2錢,麥冬3錢,生薑3片,紅糖少許,3碗水煮成碗半供服,可一天分早,晚服,有助散寒止咳.如痰多麥冬改用蘇子3錢用.
芳姐：女兒1.5歲,只從12月份感冒,傷風咳,鼻水已收,但咳嗽一直都唔斷尾,現在晚上睡覺咳嗽較多及密, 日間比較少, 有咩湯水可以止咳呢? 謝謝.
gawei:
如鼻血已止,可以煲鱷魚肉湯.
芳姐，可否煲鳄鱼肉个款止咳汤饮呢？
芳姐，你好，我女女前日流鼻血，昨晚煲了你推荐的茅根，莲藕节，雪梨水比拒饮，昨晚睡觉时候就咳，请问为什么呢?
gawel:
可能太涼都未定,你滾些生薑紅糖水供服,看能否改善?
你好，小女六歲，之前發燒流鼻水，持續兩日，出一身汗後，症狀消失，但是開始咳嗽，是喉嚨痕乾咳冇痰，好似是氣管扯住咁，多是入睡後咳，持續5日了，試過 焗果皮水， 飲咗一次後身體竟然發風疹，（之前飲用果皮水，是沒有問題的），皮膚突出一細細粒的非常痕癢，導致不能入睡，風疹維持左一日半之後散去但是咳嗽嚴重了，請問有什麼湯水合用呢？謝謝
pippy:
囡囡如果乾咳,試用麥冬3錢,北杏3錢,紅蘿蔔1個,馬蹄6粒切片,5碗水煮成2碗供服,有助止咳.
BLUE:
你試用辛夷花6朵,桔梗,麥冬各3錢,甘草1錢,5碗水煮成2碗服,連服3劑,有助止咳,收鼻水.
芳姐你好，我女兒經常流鼻水，上星期開始咳，咳到夜晚訓唔到，呼吸聲好大，輾轉反側都訓唔到，睇左一次西醫後咳嗽好左啲，但仍有痰聲，鼻水。想問點先可以改善佢成日流鼻水？
芳姐，你好。Happy New Year！！
小女今年八歲，由平安夜那天咳到現在，好似沒有好轉，已看了醫生及食西藥一星期，途中煲了青欖青蘿白杏仁花果湯 2 天各飲了2杯及桔餅+龍脷葉+羅漢果1/4個+百合+南北杏1天飲2杯。這些湯水是否適合？
她全日都會咳而且好多痰聲，間中可吐到少許淡黃色痰，睡著時特別咳得厲害，但又不會咳醒。請問算不算寒咳，還有，可煲什麼湯水給她飲，謝謝芳姐。
JOYCE:
你囡囡痰有少許黃應屬熱咳,試用川貝末3錢燉雪梨一個,要去核,可加1塊陳皮,2碗水蒸燉半小時,加少許蜜糖調服,連服3劑,大助化痰止咳.
PINCK:
你試用川貝末3錢,蘋果1個,去皮,去核,2碗水大火蒸半小時,加些蜜糖調勻供服,對舒緩氣管敏感有幫助.鼻塞可以用6朵辛夷花拍碎泡茶服,可加蜜糖.1日1杯,至鼻塞好為止.
芳姐：我個女3歲幾了，只從9月份感冒后咳未好，成日反復咳，食錯也又咳，睇過西醫，醫生話距氣管敏感食過氣管敏感藥（小青蛙）食晒藥都無效。呢排變成早、晚咳，日頭無咳，早上未起床就咳醒了，我可以煲什麼湯水可以止久咳吖？仲有呢几日夜晚訓教果時一訓低就鼻塞打哈欠，到佐半夜又鼻塞又打哈欠，枕頭已經抬高了，搞到距成晚訓唔倒。有什麼方法幫幫我
PINOCCHIO:
夜晚咳,試用紫蘇葉3錢,生薑3,4片,蘇子2錢,甘草1錢,3碗水煮15分鐘服,有助散寒化痰止咳.睡前替寶寶通鼻.可用棉紙巾剪成條狀,浸温水後扭乾通鼻才睡.
芳姐，您好！
我囝仔十三個月，早兩曰開始咳同有鼻水，夜晚尤其嚴重，開始有鼻水倒流，咳有痰聲，跟網友Bel囝仔的情況相似，但由於我身處外國，未能找到辛夷花，請問還有什麼食療可以對夜咳有幫助呢？
謝謝！
YUKI:
你試用紅蘿蔔1個,切薄片,紅棗8粒,去核切片,4碗水煮半小時供服,連服3劑,對小兒久咳有幫助.
芳姐,
女兒3歲,兩星期前傷風咳,鼻水一早已收,但咳嗽一直都唔斷尾,晚上睡覺咳嗽較多,乾咳.試過燉川貝蘋果,白蘿蔔水都唔止咳,有咩湯水可以止咳呢
謝謝
TRACY:
你可以用蘇子,萊菔子各4錢,法夏3錢,茯苓3錢,陳皮1個,生薑4片,甘草1錢,5碗水煮40分鐘供服,連服2劑,有助袪痰止咳.另外可以手紅蘿蔔1~2個,麥冬5錢,馬蹄8粒煲瘦肉湯飲,亦大助清肺熱止咳.
芳姐你好!
我小兒3歲＆小女2歲，各人在個多月前已經開始斷續傷風，咳嗽已經差不多三星期，已經試食猴棗散／未都未見功效，他們早晚咳得比較嚴重，咳時有痰聲，想問問可以煲什麼呢？謝謝！
李太:
你試用麥冬3錢,馬蹄8粒,切片,紅蘿蔔1個,4碗水煮成2碗供服,連服2劑,看能否改善?
芳姐你好!
女兒7歲半，前兩個星期有鼻塞，服了一次兒童幸福感冒藥，前兩天有喉嚨痛，現有咳，多數在9:00後出現，睡著了就沒有咳，應飲甚麼湯治療呢？
Thx 再試試
冰糖ok?
bel:
可以用冰糖.
BEL:
可以加些少紅糖,好味些.
他飲了20ml唔肯飲了！😫
在藥房買到了？泡多久？
謝謝芳姐
BEL:
泡5分鐘可服.
bel:
你可以用辛夷花5朵,拍碎泡茶供仔仔服,連服2劑,有助收鼻水.幼兒不用加調味.
我仔14個月，開始有少少鼻水可能而家有d鼻水倒流所以有d咳，咳有少少痰聲，請問煲咩比他飲好？實在不想食西藥！謝謝
Rebecca:
你試用紅蘿蔔1個,切薄片,北杏3錢,紅棗8粒切片去核,5碗水煮成2碗供服,連服3劑,對小兒久咳有效.如有鼻水,可以加6朵辛夷花同煮.
芳姐，你好！小兒3歲半，已经咳了快4個月，中西醫都睇晕了！最近连續食中藥快食左1個月了，好過些最近两日又咳重左！日头夜晚都有咳，夜晚一般睡前同凌晨3㸃后咳，有時聽到痰声有時冇，而且早上起床有鼻塞！但睇唔到鼻水同痰的顔色！請問該如何食療？？？
YOYO:
你試用蘇子,萊菔子各3錢入茶包袋,與白果,肉碎煮粥供囡囡服,對痰咳有良效,可連服3天.
你好~~..
小女6個月大, 自上月中至今仍然早上或晚上持續有幾聲咳聲, 咳聲帶有痰聲, 但她還少, 還未懂得吐痰出來, 看了西醫二次, 也給過二次川貝燉果皮, 近日嘗試食猴棗散, 只是有一點好轉, 請問有没有湯水可以幫助佢呢??
您好！
小女自小有心漏，今年2歲11個月大，自小瞓覺都好大汗，自從上個月發燒又流鼻水又咳又痰好多(痰帶綠色) 及鼻敏感，睇了西醫，見她有時早上咳幾聲，有小小痰聲，咳不出來，夜咳仍然未好，夜咳了有差不多三個星期了，當每晚上出大量汗時候，會咳得比較利害，今日我整了新鮮淮山煮飯，燉咗川貝萍果，請問還有什麼可以善她的體質呢？謝謝！
您好！
我仔仔2歲半咳了差唔多2個幾月都未好返。30號晚上七點又帶佢睇醫生。醫生話佢係氣管敏感+鼻敏感。但係又流鼻水又咳又痰好多咁。返到屋企只食咗1次藥就發咗燒。請問您有冇湯水咁佢飲？謝謝
芳姐,
女兒3歲,兩星期前傷風咳,鼻水一早已收,但咳嗽一直都唔斷尾,晚上睡覺咳嗽較多,乾咳.試過燉川貝蘋果,白蘿蔔水都唔止咳,有咩湯水可以止咳呢？
謝謝
ADA:
你試用白果10粒,去芯,南北杏1兩,核桃肉6粒,陳皮1塊煲瘦肉湯供服,5碗水煮成2碗,白果最多可以吃3粒,有補益肺脾腎,止咳定喘功效.
芳姐，我仔將近3歲，上個月第一次哮喘要聞氣，宜家仲食緊青蛙仔（氣管敏感藥）。因為返學關係，鼻涕不斷都仲有，有痰有咳，最近晚上一睡著半小時就會咳醒，成晚不時個零兩個鐘就咳醒，好似有痰有鼻涕向鼻腔入面，令佢難以再入睡，不停輾轉反側，間唔中仲發惡夢咁叫喊。佢食欲麻麻，偏瘦，大便爛。昨日煲左紅蘿蔔紅棗水晚上似乎咳的更厲害。
偏涼的我都唔敢比佢食，請芳姐幫忙！
慧:
你試用北茋3錢,浮小麥3錢,辛夷花5朵,麥冬3錢,5碗水煮成2碗供服,連服2劑,看能否改善?
小兒1歲，係咁流鼻涕同鼻塞得好勁，夜晚會乾咳
個頭係咁出汗但個身又冇汗，請問可以煲啲咩俾佢？
EVA:
你可以用白蘿蔔1個,洗淨去皮,切粒,用3湯匙蜜糖醃5小時,會有很多蘿蔔水滲出,用半杯,加半杯温水調服,一日3次,有助化痰止咳.
芳姐，請問我個仔，發燒三日後，日頭打噴嚏才流鼻水，干咳，晚上冇咳，但有痰聲係喉嚨度，應該煲咩？謝謝！
芳姐,你好….
兩歲半仔仔有氣管敏感,經常咳嗽和流鼻水,可以吃些甚麼?
李太:
你試去裕華或其他地方買[玉屏風散]沖劑,每次用2茶匙+辛夷花5朵拍碎泡茶供服,可加少許蜜糖,有助增强抗病能力,減少鼻敏感,氣管敏感.一星期2~3次.可服用一段時間,至症狀改善為止.