By 芳姐 ( 11 4 月, 2012 at 6:51 上午)
· Filed under 小兒常見病
小兒肺氣弱,患上感冒後會咳嗽一段時間,甚至喘咳不休,故平時可以煲些有益肺氣,具化痰止咳功效的補益湯水作調理,以增加抗病能力.
[海底椰川貝杏仁鱷魚肉湯]湯味清甜可口,有滋補肺腎,化痰止咳功效.對小兒肺氣弱容易咳嗽,哮喘很有幫助.
用料是: 海底椰3錢,川貝母3錢,南北杏1兩,急凍鱷魚肉6兩(乾品2兩)陳皮1塊,蜜棗2枚.
做法: 鱷魚肉洗淨,出水;其餘材料浸洗;將全部材料放入煲內,用8碗水煮約3小時成4碗即成.
~ 小貼士: 此湯温補,全家可飲.圖中的是正宗非洲海底椰,邊緣有鋸齒狀,果肉雪白有果肉紋.
Permalink
你好芳姐，
請問川貝是否 寒咳 唔可以飲? 可以蟲草花 或者 五指毛桃嗎? 寒咳, 孕婦可飲?
謝謝
意思係呢個鱷魚肉湯, 川貝 可以改 蟲草花 或者 五指毛桃嗎?
PAT:
川貝性涼,浙貝才性寒。由於川貝能減少氣管痙攣咳嗽，所以無論何種咳都可以放些川貝末，放些少寒咳都没問題.
早晨芳姐，請問此湯可否加茯神？謝謝
Baby:
可以加茯神5錢.
吾該曬🙏🏻
芳姐你好，小朋友18個月，早前咳同流鼻水已2個星期，依家冇流鼻水，但仲有咳同痰，可唔可以飲該湯，或可以飲啲咩好？唔該晒，麻煩晒
Fanny:
小朋友有痰咳,宜用蘇子,萊菔子各3錢入茶包袋煲瘦肉粥供食,食量隨意,對小兒痰咳有益,可連服3劑.
你好芳姐，感冒有咳同痰＇可以用以下這些材料煲湯／水嗎？
非洲海底椰、川貝、虎乳𩆜芝、鱷魚肉，謝謝🙏
A姐:
感冒未清不宜用補益湯水,以免病邪坐大.可以煲些粉葛赤小豆薏米陳皮排骨湯以解表,袪痰.感冒清了才用海底底湯.
Hi 芳姐，
我小朋友就黎5歲，早兩，三星期感冒、咳，以家日頭有時都咳1,2聲，夜晚就2,3點會咳，咳聲獅吼咁，之前都吸左兩星期氣管藥，這款湯水可以嗎？因為佢依1,2年平時就好地地，一感冒就咳好耐，夜晚成晚都咳，希望飲多d湯水調理下，驚佢第時變哮喘><另外如果這款湯水適合，有冇介紹邊度有材料包可以買，因平時都好少買依d同落廚，唔該哂芳姐
Stephanie:
這款湯對肺氣弱小朋友很有益,可連服2~3劑.平時可用白果15粒,去芯,核桃肉1兩,南北杏1兩,紅棗5粒煲鵪鶉、鷓鴣或其它肉湯,全家可飲,有助補益肺脾腎臟,減少咳喘.
女兒今年5歲，之前肺炎好後隔了一個月突然時不時咳嗽，只是白天時咳，晚上睡覺不咳，看了醫生吃藥都沒用，能喝這個湯嗎？那個海底椰能不加嗎？效果會不會沒那麼好？還是能有其他的能替換？除了這款湯，還有沒有其他湯能喝？
Jessica:
這款湯主要是强壯肺氣,海底椰如果不想用,可以改用蟲草花5錢,蟲草花不貴,煲湯亦好味.
您好，我兩個仔（5 歲同歲半）最近經常流鼻水、咳、有痰聲，大仔啲兩晚仲會突然體溫升到37.8 度，訓醒第二朝又無事回復正常，唔知係咪長新冠⋯想請問啲個湯佢地可以飲嗎？無花果可唔可以取代蜜棗呢？麻煩晒🙏🏻🙏🏻
Cindy:
你可以替仔仔做個快測,便知道是否中了新冠,不要估估下!先用蘆根5錢,淡竹葉2扎,雪梨1個去核,冰糖少許,5碗水煮成2碗供大仔一天分服,有助清熱退燒.另外可用蘇子,萊菔子,辛夷花各3錢,4碗水煮半小時成2碗供兩個仔服,有助袪痰止咳,收鼻水.
芳姐～多謝您既解答啊🙏🏻🙏🏻
其實我意思係「長新冠」😅 因為我地一家四口喺 5 月尾既時候齊齊中左招，自此之後兩個仔就經常出現流鼻水、咳同多痰 🥲 試過煲龍利葉湯水，蘋果雪梨乾桔餅，又試過喉棗散，都係時好時壞⋯
Cindy:
如果是長新冠,没有發燒可以煲圖中這款湯作補肺氣之用,一星期2劑,至症狀好為止.亦可以買些蟲草花作湯餸,蟲草花售價不貴,但有些少冬蟲草的物質及功效,能補肺腎,要耐心調理才成.
多謝您既耐心解答呀芳姐🙏🏻我努力試下～
芳姐你好！請問如果用燉嘅方式係咪落4碗水就可以？
Jiuli:
没錯,燉不消耗水,放4碗水就成.
謝謝！
你好，小朋友15個月大，呢兩個月已經三次比家姐傷風傳染演變成小支氣管炎，入了三次醫院，請問䲔魚肉湯適合嗎？謝謝
芳姐, 你好
我囡囡3歲半, 食西藥2星期, 之前有咳及黃痰及鼻有啲聲, 食藥後咳及痰已沒有, 但鼻持續有聲,應該鼻有倒流所以佢成日呻鼻,不過佢係向入面呻,不是向出呻出來, 所以將鼻呻到的東西由口吐出來, 佢成日打咳CHER, 今早帶口罩一打克CHER, 有一條帶有淺黃色的鼻涕, 想問可以煲咩比佢飲, 因食左成2星期藥連抗生素都食左,但鼻的問題都係解決唔到, 佢之前鼻沒有這樣, 係上個月開始咁, 唔知係咩鼻敏感,有時都會摖眼，請幫幫忙, 謝謝你!!
sasa:
你可以用辛夷花8朵剪開,菊花1小撮,開水泡茶供服,可加少許蜜糖,好味些,每日1杯,服一星期,有助改善鼻及眼睛敏感.
您好芳姐～
我先生老菸槍的咳嗽，可以喝這款湯改善嗎？
家家:
長期吸煙肺部一定受損,没辦法逆轉的.煲這個湯對肺有益,可以服用,好過完全不飲補益湯水.
芳姐，你好，仔仔傷風感冒，醫生說他感冒菌入腸，也有敏感咳，現在是否可以飲此湯？還是等好了之後才可以飲？
Fiona:
先等感冒好了才飲補益湯.現在可以蒸些蒜子糖薑茶供服,有助殺腸的菌.
你好芳姐，
女兒27個月，已經咳咗1個月，睇左左3次醫生話氣管敏感，而家一到零晨或者朝早就咳，或者喊完都咳得勁，有痰聲，有鼻涕透明，請問飲呢個湯可以嗎？
Ming:
你可以試煲這款湯給囡囡,連服3劑.隨量飲就成,BB尚細個.
唔該晒🙏🏼係咪連續飲3曰？
芳姐：
瘦肉可否改腰果代替？
謝謝
訪客:
可以用腰果代替瘦肉.但這款是鱷魚肉來哩!
芳姐，以上的湯適合糖尿病人喝嗎？謝謝，🙏
訪客:
糖尿病者可飲此湯.但蜜棗改用椰棗更佳,椰棗不升血糖.
芳姐你好，
女兒10歲，由年初起，有咳，中午1時至3時及晚上睡覺前時開始咳得嚴重，有鼻水。其他時間比較少咳。
可以飲什麼湯水幫她。
謝謝。
陳太:
你試用桔餅1個,桔梗3錢,麥冬3錢,甘草1錢,4碗水煮成2碗供服,連服3劑,看能否改善?
芳姐，
請問鮮鱷魚肉出水要出幾耐？
要落蔥同薑一同出水嗎？
謝謝
Hannah:
鮮鱷魚肉要出水,見水面浮泡沫就可撈出沖水煲湯.可放兩片薑出水.
芳姐，
我家姐肺癌四期現吃緊標靶藥康復中。最近天氣轉咳巳有一個月，看了三次西医已差不多算好番唯偶然咳兩聲及咳有痰聲及白痰。想知可煲甚麽湯水呢？
Tracy:
你可用法夏,茯苓,白朮各3錢,陳皮2錢,生薑2片,紅棗4粒,5碗水煮成2碗供服,連服3劑,有助袪痰.
芳姐，
多謝您！
家姐飲了您建議的湯水三天後今不覺咳只是喉乾才咳。想問是否煲多嘢飲好些？
另外家姐可能肺癌所以講嘢不夠氣。想問有甚麼日常湯水建議可補吓氣。
謝謝！
Tracy:
喉乾可以泡些花旗參杞子茶飲.加些少無花果切片更佳,不夠氣也適合飲用.日常可以多用太子參,沙參,玉竹,雪耳各3錢,南北杏1兩,無花果4粒煲鷓鴣湯服,有助益氣養陰,潤肺燥.
芳姐多謝回覆
家姐覺前介绍的湯水有薑好舒服半夜無因喉乾而咳醒。想問可否煲多天定轉你今介绍的。
另外今介绍的可否用瘦用代替鷓鴣？因鷓鴣難買。那處可買如不能替代。
謝謝
Tracy:
如令姐飲合適她的湯水感到舒服可再煲來飲.無鷓鴣可用瘦肉代替.
你好芳姐，近期空氣污染嚴重，我一家三口氣管敏感，咳得利害。由其夜晚，三個都咳到收吾到聲，喉嚨都損，d痰又結又綠。仔仔啱啱3歲，請問e隻湯啱我地一家三口飲嗎？
訪客:
這款湯由於鱷魚肉温性,你們氣管發炎應該用涼藥,所以不要用鱷魚肉,改用瘦肉,等病好後調補.現在用金羅漢果1個,青欖15粒,蘋果2個去核,7碗水煮20分鐘,全家飲.有利咽消炎作用.
芳姐，多謝你提醒。請問青欖喺藥房買到嗎？
訪客:
青欖在一些菜檔及山草藥檔有售,你去街巿問問.
已經買到，吾該晒
芳姐，多謝你的湯譜，我地一家三口終於有覺好訓，d痰亦由黃黃綠綠轉做清痰，我諗飲多幾次就會好了
小兒3歲 剛病好 但仲有小咳同小痰 夜晚乾咳就勁啲 這款湯水適合嗎？
Yan Yan:
如果仔仔没發燒可以煲這款湯.
芳姐你好，
女女剛滿1歲，早幾日因為嘶吼症住院，依家有幾聲咳同有少少氣喘，適合飲哩個湯嗎？
yan:
你囡囡可以飲半碗這款湯,連服3天,看能否改善?
芳姐，
您好！老爸90歲，上星期五晚上突然發燒氣喘，入醫院照肺後，原來患上了肺炎(普通肺炎，不是新冠肺炎)，現需吃一星期抗生素，如無問題才可出院，請問出院後有什麼湯水適合他喝呢？謝謝您
Pinky:
可以用虎乳靈芝3錢,雪耳2錢,南北杏1兩,無花果3粒,煲瘦肉湯供服,有助補肺氣.如有咳喘,加白果10粒,去芯同用.
謝謝您！
另想問燉鱷魚肉可以嗎？ 要加些什麼同燉？謝謝
Pinky:
可以煲鱷魚肉,或配鷓鴣煲湯亦對咳喘有益.
可以放鵪鶉？
訪客:
可放鵪鶉.
芳姐好，
我仔12歲，咳左一星期，一咳就唔停，有啖聲，早晚都咳又冇胃口食嘢，有咩湯水可以試吓，麻煩你🙏
Yi:
你試用桔餅1個切碎,陳皮1個,甘草1錢,4碗水煮成2碗供服,連服3~4劑.
你好芳姐：我想問問如果冇咳，當保健湯水飲，洗唔洗放川貝？這款湯水燉定煲好？我女之前氣管麻麻地，想趁已家打好個底。如果唔放海底椰，就咁鱷魚肉乾，南北杏，陳皮，無花果，百合、淮山夠唔夠？謝謝🙏🏻
Ko:
氣管較弱,可以飲你所提這款湯,加些茯苓,芡實以健脾補腎更佳.
請問芳姐這湯產后婦可飲用嗎？喉嚨痛咳嗽又想胃人奶煲那些湯水好呢？
cheungphy:
此湯產後可飲,但有喉痛不要用鱷魚肉,加雪耳及瘦肉煲更佳.
我想問問如果冇咳，當保健湯水飲，洗唔洗放川貝？這款湯水燉定煲好？我女之前氣管麻麻地，想趁已家打好個底。如果唔放海底椰，就咁鱷魚肉乾，南北杏，陳皮，無花果，百合、淮山夠唔夠？謝謝🙏🏻
芳姐，想問問鱷魚肉煲湯同燉湯功效一樣嗎？
Ko:
鱷魚肉煲湯香濃些,燉湯清潤些.
燉同煲功效一樣嗎？謝謝芳姐🙏🏻🙏🏻
ko:
如果燉湯用名貴中藥材當然燉湯療效好些.但如果蔬果湯,鮮魚湯一定煲湯較出味.
芳姐，醫生話我女兒可能過敏性哮喘，怎麼辦，能好嗎，平時不能吃什麼，可以煲什麼？今年五歲
Joey:
你可以用這款海底椰川貝杏仁鱷魚肉湯,一星期2劑供服.只要飲食營養均衡,少吃凍飲及太寒涼食物,加上多運動,如游水等,體質改善就少發病.
芳姐，我寶寶一歲了，昨晚突然流鼻血？是上火嗎？要煲d咩好？平時要注意d乜？
Joey:
BB鼻膜很薄,稍為揩擦亦會損傷流血,可以用鮮茅根1扎,鮮蓮藕節3個,4碗水煮成2碗供服,連服2~3劑即可涼血止血.
你好芳姐：
我仔9岁有鼻敏感，早上起床時有少量白色鼻涕，日間無鼻涕，有時打乞嗤，間中有咳幾聲聽到有痰聲，有咩食療幫到佢呢？謝謝！
玲:
你可以去裕華或農本方買[玉屏風散]沖劑,每次取1~2茶匙沖服時加6朵辛夷花同沖泡,有助減少鼻敏感,增强體質.
好，謝謝！🙏🙏
芳姐, 你好
我囡囡7個月, 已經食左2星期藥, 但還有咳, 不知是否鼻水倒流,有痰聲， 眼有少少有黃色的眼屎，想問有什麼粥或什麼東西可以幫下佢, 謝謝
Sara:
你試用枇杷葉,龍脷葉各3錢,辛夷花5朵,桔餅半個,5碗水煮15分鐘,取汁煲粥供囡囡食,有助清熱化痰止咳,收鼻水.
芳姐，我女四歲半，最近她答復咳嗽一個月多都沒停過，超級多痰，有黃有白，半夜睡著突然狂咳嗽，早上間中有几聲，吃左好多藥未見好！怎麼辦！？？？
Joey:
你試用蘇子,萊菔子,桔梗各3錢,甘草1錢,4碗水煮半小時成2碗供服,連服3~4劑,有助化痰止咳.如未見改善,最好去幾間大學設有中醫門診看經驗好的中醫教授.
芳姐你好，我和我個囝都成日咳，我囝就快十一月大，中醫和西醫都看過，都係話氣管敏感，有甚麼湯水適合我和囝囝飲，
如果飲鱷魚肉乾湯可以有甚麼材料，一星期可以飲多少次。謝謝
Yvonne:
你試用川貝末3~4錢,富士蘋果1大個,去核切片,陳皮1塊,5碗水煮半小時成3碗,你和仔仔一天分服.連服3~4劑,有助改善.鱷魚肉乾可配白果10粒,去芯,核桃肉1兩,南北杏1兩,紅棗6粒煲瘦肉湯,全家可飲,一星期2劑,有助補肺脾腎,減少氣管敏感.
芳姐:想問問鱷魚乾可唔可以白合，無花果，陳皮瘦肉咁煲，我囝和我氣管敏感咳可唔可以飲.謝謝妳
Yvonne:
鱷魚肉乾可配百合,無花果,陳皮同煮.
芳姐你好！小女7歲發燒3天，目前已退燒三天，剩下少許鼻涕和咳嗽，咳得頻密，時有痰但不重時乾咳帶喘，請問可否飲用此湯？或是另一種麥冬茅根馬蹄？人精神胃口正常。
不好意思，寫錯，應該是蘆根。
另外，鼻涕跟咳是主要問題，感覺咳得頻密她身體都有輕微熱熱的有點蒙汗但沒有燒。如果這個海底椰湯目前不適合，哪款湯比較適合。她體質瘦小很容易氣管乾咳。
Ty:
如果燒已退,可以用桔餅1個切碎,陳皮1塊,麥冬3錢,4碗水煮成2碗供服,連服3劑.病好了再煲這款海底椰湯,調理肺脾腎,强肺氣.
非常感激，如果煲錯這款海底椰湯，可以放雪櫃保存多久？
Ty:
可存放2天,可以家人先飲了此湯,待遲些再煲給囡囡飲.
已咳了多月， 睇醫西醫還未能治好， 一到夜上咳得更什，如果以上湯料比例不對， 偏多少水， 又加了兩片疆和少許廋肉， 會有什麼後果，另外要飲多少天才治好
玲玲:
你試用五味子3錢,甘草2錢,生薑3~4片,桔餅1個切碎,4碗水煮成2碗服,連服3劑,看能否改善?
我想問一下這湯的材料能減半去煲嗎？這南北杏一兩是多少克？
Jessica:
通常減的應該是鱷魚肉的量,其它不用減.南北杏1兩大若37克.
我想問一下南北杏共一兩，那比例要幾比幾啊？還有如果海底椰換雪耳的話，雪耳要用多少啊？
Jessica:
南北杏南杏和北杏是7:3較理想.南杏潤肺;北杏化痰止咳,但北杏有小毒,故用少一些.雪耳用3錢就夠.
這湯能天天喝嗎？一天能喝幾碗呢？
Jessica:
無論多有益的湯水都不宜天天飲用,一星期2~3劑已經不錯.一天可飲2碗.
你好，
請問新鮮海底椰和乾海底椰片有什麼分別？邊樣好些？
感冒和咳剛好番，而體質虛寒者適合嗎？
如不適合用海底椰，可用什麼代替？謝謝你
亞美:
鮮海底椰其實是一種棕櫚果,巿面的乾海底椰多數亦是這種鮮棕櫚果切片曬乾而成,有養顏潤膚功效,化痰止咳功效少.圖中這種是真正非洲海底椰,已賣到300多元1兩,太貴了,所以我現在甚少推介給大家.可用百合1兩代替.
你好芳姐，
爸爸今年75 歲，之前感冒，已經咳左個幾月，睇過中西醫，重係成日咳，有濃白痰，夜晚尢其咳得辛苦，一訓低就咳，只可以坐係度，有乜湯水可以改善？謝謝
Chocolate:
久咳試用桔餅1個,切碎,生薑3片,桔梗3錢,甘草1錢,麥冬3錢,4碗水煮成2碗供令尊服,連服3劑,看能否改善?如有改善,停兩天再服至好為止.
這個湯如果不加海底椰可以嗎？
Jessica:
不放海底椰也可以,可放些雪耳代替.
芳姐你好
家人前排感冒好返就咳，夜晚咳比較多，但又痰聲重，痰未清得晒，請問呢款湯都岩嗎？
wingchan:
感冒好了可以服此湯.
芳姐, 你好
想問仔仔4歲半, 每日早上起身都會乾咳幾下, 及打乞CHER 2-3次, 瞓覺時鼻有少許聲, 想問可以煲咩比佢飲, 我不知佢是否鼻有啲倒流及鼻敏感。謝謝
如何增強低抗力，可以煲咩湯水比佢飲？THANKS
Sara:
你可以用辛夷花6朵拍碎泡茶供仔仔飲,可加蜜糖.如想增强免疫力,可以去裕華或農本方買[玉屏風散]顆粒沖劑,能預防傷風,感冒,每次沖泡時加6朵辛夷花一齊泡服,一星期2劑,有助抗鼻敏感.
芳姐，妳好
小兒15個月大，鼻敏感，已連續一個月流鼻水，有鼻水及鼻涕，引起氣管炎及咳嗽，日夜均會咳，就算服用西藥都未能有效止鼻水，請教有關食療及中藥，謝謝
另外，試過煲辛荑花，但小兒不喜歡喝，請問可落較少水，濃縮一點服用嗎？
Jkmama:
你試用蟲草花3錢,辛夷花6朵,蒼耳子2錢,南北杏5錢,紅棗4粒,去核煲瘦肉湯供服,藥味少些,希望你仔仔能飲,隨量服就成.連服3劑.
芳姐：
你好！我仔咳左好耐！佢2歲四個月，請問可唔可以飲鱷魚肉瘦肉果皮燉川貝？謝謝！
菲菲:
如果你仔仔没有發燒,可以飲這款鱷魚肉湯.
你好！本人咳了20幾天，有黃白痰，喉嚨痕，睇了兩次西醫話氣管敏感，但食藥都唔好，請問食咩可化痰止咳？謝謝
Olivia:
你試用枇杷葉,龍脷葉各5錢,金羅漢果1/4個,陳皮1個,南北杏1兩,5碗水煮成2碗服,連服3劑.有助化痰止咳.
請問2歲半小朋友, 久咳有痰有鼻水可以飲呢款嗎?
Quin:
小朋友久咳有痰有鼻水,可以用桔餅1個切碎,陳皮1個剪碎,辛夷花6朵,4碗水煮成2碗供1天分服,連服3劑.
囝囝3歲半 今年4月頭去完韓國番黎就開始訓覺時間會咳
訓得唔好 維持左幾個月 中間都有睇醫生 但食完藥冇耐就會番發
到近期佢又夜晚訓覺咳 訓醒咳 仲有痰聲 医生就話佢鼻敏感
請問芳姐有咩湯水可以幫助小兒唔會咁易番發
Angel:
你試去裕華或農本方買[玉屏風散]沖劑,每次沖服時加6朵拍碎的辛夷花同泡茶供服就成,一星期2~3次,有助提高免疫力,防傷風感冒及鼻敏感.可加少許蜜糖,好味些.
芳姐，我囡囡3歲，之前傷風感冒，宜家好返，但係間中有咳，訓覺既時候多咳d。呢款湯啱唔啱佢飲？
另外我仲有個1歲既細囡，應該比家姐傳染左，冇發燒，今日收左鼻水，有痰，冇咩咳。可以飲嗎？唔該晒
lokyi:
你可以煲這款湯供兩個囡囡飲用.但發燒就不宜飲.
請問小兒2歲多，本身日日類固醇聞氣，食西藥未好，晚上臨訓醒後狂咳，鱷魚湯岩飲嗎，有沒有分寒底或熱底？怎樣煲好？謝謝解答
8個月BB咳同痰多可以食乜
Mingtsang:
嬰幼兒可用蘇子,萊菔子各3錢茶包袋煲肉碎粥供食,連服3劑,有助袪痰止咳.
你好芳姐，
小兒22個月大， 咳嗽有痰，早上咳到失聲， 下午就相對比較好，只有有鼻水， 適合飲呢個湯嘛？謝謝
Bernice:
你仔仔咳到失聲,暫時不宜用補益湯,試用蘇子,萊菔子各3錢,入茶包袋煲瘦肉粥供食,有助化痰止咳.