By 芳姐 ( 23 3 月, 2014 at 12:01 下午)
· Filed under 外感/頭痛/呼吸道病, 小兒常見病
近日患感冒的人非常多,我自己亦因工作太忙休息不足患上感冒咳,咳嗽是最辛苦的,陣發性嗆咳令橫膈膜都咳到疼痛,早前有位朋友更因劇烈咳嗽而咳斷了肋骨,真是頗嚇人的!
昨晚用五味子3錢搗碎,加生薑3片,甘草1錢加水煮20分鐘服,整晚都没有咳,但清晨就咳嗽頻頻,女兒從網上取得一方,叫我蒸一個洋葱吃,今早試試,發覺如果不加水蒸煮只得很少的洋葱汁,於是加了幾湯匙水再蒸片刻服用,果然神奇,可以鎮得住咳,而且味道清甜可口,對怕苦藥的小兒應該容易接受,家有小兒咳嗽不止的不妨試試.
用料是: 洋葱1個.
做法: 洋葱去衣,切片,放入大碗中,隔水蒸30分鐘即可供服.
~ 小貼士: 圖中我加些4湯匙涼開水,女兒來電提醒：洋葱放入碗後完全不必加水,蒸半小時後只能得出大約1湯匙左右的洋葱汁,這些精華服後才有用,加了水效果大大遜色.看來我要再蒸一個洋葱服用才成!
Permalink
Sally:
如有發燒就暫時不要飲羅漢果水,可能喉嚨發炎或感冒,要看醫生治理.
芳姐，
我仔仔（三歲）飲完羅漢果半個,桔梗3錢,菊花3錢,甘草2錢,5碗水煮20分鐘一劑之後好似咳得勁左，剛剛還開始發燒，應不應該繼續飲？
Sally
Sally:
你試用羅漢果半個,桔梗3錢,菊花3錢,甘草2錢,5碗水煮20分鐘,你和仔仔可以分服.連服3劑.
芳姐，
我而家喉嚨痕，咳左2日，未有痰和鼻水，鼻和喉嚨都有些慶慶地，成日想咳想咳咁，夜晚睡覺也會咳嗽。我仔仔都有相同病症，有乜野湯或茶可以止咳止癢呢？
Sally
Lai:
你試用蘇子,萊菔子各3錢入茶包袋中煲瘦肉粥供仔仔服,連服3劑,對小兒痰咳有幫助.洋葱水可以繼續飲,至症狀好為止.
芳姐你好，我個仔17個月大，有咳有鼻水，飲左三日洋蔥水，有好轉，但係今日咳時反而有痰，應繼續飲洋蔥水嗎
Winnie:
仔仔9個月大,每次飲半碗,一天飲2次差不多了.
我想問每次要飲幾多？
Winnie:
鼻水倒流要用辛夷花6朵拍碎,陳皮1塊煲瘦肉湯供服.連服3劑,看能否改善?
我個仔９個月大，因為鼻水倒流咳左成５個星期，咳聲有痰，飲洋蔥水有幫助嗎？
law:
你試用川貝末3錢,蘋果1個,去皮,去核切片,3碗水煮成1碗供服,可加少許蜜糖,連服3劑,有助袪痰止咳.海底椰必須用正宗非洲海底椰才有效,坊間多數是假的棕櫚果冒充,没有化痰止咳功效.可以用雪耳,百合,南北杏,無花果,雪梨煲排骨湯供服,用量隨意,全家可飲.
芳姐你好，女兒兩歲，感冒未清，早上夜晚都有咳，有痰聲，可唔可以煲海底椰嘅湯水？除海底椰，可以推介其他食療嗎？謝謝
Alice:
幼兒久咳不止,有痰,可用紅蘿蔔1個切薄片,紅棗6粒去核,陳皮1塊,4碗水煮成碗半供服,連服3劑.
Maggie:
洋葱水是食物,幼兒兩三個月大都可以服.
小兒四個半月大久咳不止有痰可飲洋蔥水？
芳姐，妳好，請問洋蔥水小孩多大可以喝？
芳姐，我女11個月大，咳得好厲害，又有痰，有什麼食療可以幫到她？
Sylvia:
你試用蘇子,萊菔子各3錢入茶包袋煲瘦肉粥供囡囡服,連服3劑,有助化痰止咳.
sherman:
小兒久咳不好,試用紅蘿蔔1個,去皮切薄片,北杏3錢,紅棗6粒去核,5碗水煮成2碗供服,連服3劑.鼻涕多可用辛夷花6朵拍碎泡茶供服,能收鼻水.
芳姐你好，仔仔(3y)咳左成個月，有流黃杰鼻涕，多痰
試過飲蒜頭水初初有用但依家都未能止咳
請教可以如何止咳化痰？
謝謝！
芳姐你好，女兒現三歲，一個月前發燒感冒，食了兩星期西藥感冒已除但一直咳嗽不止，又食了兩星期中藥，上星期中醫覆診後藥方稍作更改後咳嗽反而比之前還嚴重，少氣喘但冇啖，陣咳時咳得非常嚴重以致作嘔，清晨時段亦會陣咳差不多半小時，每日如是，西醫診斷是支氣管炎，請問可喝甚麼改善
carmen:
如你姪女細個,可用蘇子,萊菔子各3錢(入茶包袋),陳皮1個,煲瘦肉粥供服.連服3劑,有助清痰止咳.
芳姐你好， 我姪女咳左一個月了，好多痰，但夜晚咳時又覺得佢氣管不好，請問有咩方法可幫她止咳化痰又順氣管？
Peggy:
你可以用洋葱1個蒸給仔仔服,一日可以蒸兩個,壓洋葱汁供服,其實總共得幾湯匙,有助止咳.
芳姐，您好，小兒一歲半，昨晚他訓覺時，有咳嗽有痰聲。
請問芳姐，小兒應該喝點什麼開防止咳嗽。謝~
ADA:
你可以用芫荽葱生薑各適量,辛夷花6朵,2碗水煮10分鐘供服,可加少許蜜糖.連服2劑,看能否改善?
芳姐你好，
小兒19個月大，今早起床後有流清鼻涕同間中有半聲咳和打噴嚏,請問可煲甚麼？謝謝
晨曦:
你可以用紅蘿蔔半個至1個,馬蹄4~5粒,切片,麥冬3錢,4碗水煮成碗半供囡囡一天服,有助清熱止咳.
芳姐，您好，小女一歲半，昨晚她睡著時，有幾聲咳嗽，沒聽到有痰聲。
早上五六點時，連續咳了好幾聲，感覺像是干咳，不知道她是否有點熱氣，
請問芳姐，小女現在要喝點什麼開防止咳嗽。
嘻哈:
你可以去裕華買[玉屏風散]沖劑或[玉屏風茶],開水沖泡時加入6朵拍碎了的辛夷花同焗水供仔仔服,一星期4次,有助增强體質,減少鼻敏感,可服兩個月.
芳姐，你好！小兒有鼻敏感，早上狂流鼻水，晚上鼻塞到不得了，睡眠質量很差，想問有咩食療或者方法可以舒緩塞鼻？情況已持續兩年，睇醫生只靠食藥舒緩症狀，只能治標不治本，鼻塞得好利害。
IAN:
你試用白果6粒,去芯,核桃肉6顆,南北杏1兩,陳皮1塊煲瘦肉湯供服,有助補益肺脾腎,止咳定喘,可連服3劑.
芳姐，囡囡2歲，已經咳了一段時間，集中係夜晚咳，無痰，氣喘喘地，睇左好多醫生，醫生話氣管敏感，請問有什麼食療介紹？
nicole:
你試用洋葱1個,去衣,切塊後放入碗水,隔水大火蒸半小時,用湯匙壓洋葱汁大約3湯匙供BB飲,一日可用兩個洋葱,早,晚各1個,有助止咳.試兩天看效果如何?記得要給BB多飲水,可以煲些蘆根薏米水供飲,有助清熱退燒.蘆根5錢,薏米1兩,雪梨1個,去核,5碗水煮成2碗,一天內飲完.
EVA:
鼻水嚴重又發燒要看醫生.如未發燒,可以用辛夷花6朵,葱白4~5棵,生薑3,4片,3碗水煮10分鐘供服,連服2劑.
你好芳姐：
BB易家5個幾月..之前有時會有兩聲咳..但係近兩日成日咳到嘔..又有小小鼻水..今日帶左佢睇西醫..小小燒..有d感冒..但係我又唔想俾佢咁細個食西藥..想問有冇d天然d既療法可以幫到佢啊？（佢出緊牙仔唔知有冇影響呢）感謝！！
芳姐:有係我呀女現在鼻塞同流鼻水嚴重了很多有小小咳仲好似想發燒飲左2次玉屏風茶有沒有其她方法教我？
謝謝芳姐
芳姐:你好聽了你話煲左三劑用桔梗,辛夷花,麥冬各3錢,甘草1錢,3碗水煮15分鐘呀女已經好了很多非常感謝但現在仲有全日鼻塞少量鼻水咳仲有痰本身呀女有鼻敏感請問有無方法再教我呢？謝謝！
Eva:
鼻敏感不能一時三刻好,可以去裕華買[玉屏風茶],沖泡時加6朵拍碎的辛夷花同泡,一星期3次,有助增强體質,減少鼻敏感及傷風,感冒.如咳未清,可加1湯匙麥冬同泡,焗5分鐘可飲.
芳姐你好,小孩5岁皮膚敏感,皮膚乾燥,这是不是陰虚之像,有什么湯水可以改善?谢谢!
芊芊:
皮膚乾燥可能陰虛都未定,可以用沙參,麥冬,玉竹各3錢,雪耳2錢,百合1兩,無花果4粒,紅棗6粒煲瘦肉湯服,此湯全家可飲,有滋陰潤燥作用,一星期2~3次,至症狀好為止.
謝謝芳姐!!
Parrot:
麥冬大多數都有條心的,條心有强心作用,有心臟病患者宜去芯.普通不用去芯都得.如小朋友有心腎毛病就買開芯麥冬,否則用普通麥冬也成.
請教芳姐, 我去位X堂中藥店買麥冬, 店員說小朋友常用麥冬對腎狀不好, 她建議我買開冬 (即去心麥冬), 是真的嗎? 請問開冬是否好過麥冬?
芳姐:你好我個女10歲由4月1日開始流鼻水有痰有咳睇了4次西醫食左5支喉棗未都仲有鼻水有痰有咳有請問咩方法可教我?
EVA:
你試用桔梗,辛夷花,麥冬各3錢,甘草1錢,3碗水煮15分鐘供服,有助止咳,收鼻水,連服3劑.
好的，thanks
芳姐:你好，我女咳左半個月啦！開始淨系夜晚咳，宜家日夜咳，吃西葯吃唔到，請問有咩方法止咳，咳到面都青，謝謝！
MIMI:
你試用五味子4錢,搗碎,甘草1錢,紅棗切片4粒,大滾水泡10分鐘供服,可沖泡2次,每日1劑,連服3劑,看能否改善?此茶要飯後服.
芳姐你好
我bb七个月大，咳、流鼻水同面部敏感。係吾係蒸洋蔥汁飲都ok？
芳姐，
我個仔9個月大，上星期開始咳，有鼻水，次次都咳到嘔，嘔晒食過嘅野，可以點做？
訪客:
你可以燉梨或鹽蒸橙供服,因為橙皮素能化痰止咳,必須蒸熟才有效.但橙皮有農藥,故要浸洗20分鐘才用,切開頂部,加很少鹽,用筷子插幾下,置碗中蒸20分鐘,用湯匙壓榨橙汁供飲,一日1個橙,都有助止咳,對幼兒最適合.晚上另外用紫蘇葉2錢,生薑3片,紅糖少許,3碗水煮成1碗供服,有助散寒止咳,小兒可服.
芳姐, 你好,
想問小囡十個月大, 近日咳, 之前係咳得無噤密, 仲係夜咳, 宜家日頭都咳..
想問, 如果飲洋蔥水係咪寒咳同熱咳都飲得, 吾使理體質…係咪呢個只係止咳用…因為我見燉比佢飲後一日咳得仲多咗…
另外, 佢係咪咳就吾可以食生果呀, 如果係燉梨食吾食得, 因為我見我燉梨係前一日中午時間飲, 夜晚就整咗啲洋蔥水比佢飲, 跟住的一日就連日頭都咳啦…係咪吾應該燉梨比佢飲呢…??
angela:
你試用紫蘇葉2錢,鮮薄荷葉2棵,生薑3片,紅糖少許,2碗半水煮10分鐘供服,有助散寒止咳,收鼻水.