By 芳姐 ( 13 1 月, 2015 at 8:17 下午)
· Filed under 口腔病/便秘, 外感/頭痛/呼吸道病
羅漢果能抑制喉痛，聲啞及治療咳嗽，相信大家都熟識。羅漢果有潤肺止咳、生津止渴等功效，而胖大海是治療咽喉疼痛之良藥，故如果風熱犯肺所致的急性咽炎、扁桃體炎，都可以用羅漢果、胖大海煲水代茶服。此茶對感冒時感到發熱、嗓子痛、口乾、咳嗽、便秘等都有效，有清熱瀉火、利咽生津作用。
用料是：羅漢果半個，胖大海3錢。
做法：羅漢果打碎，胖大海洗淨，用3碗水煮15分鐘即可供服。
~ 小貼士：羅漢果含有一種較蔗糖甜300倍的甜味素，但它不產生熱量、所以糖尿病者可以用。但此茶風寒感冒者及脾胃虛寒者不宜。
Permalink
慢性咽喉炎有什麼日常湯療，我已每天飲中药，中医說我陰虚内熱，加上更年期，又常失眠，工作需要多說話
訪客:
你可用青欖15粒拍鬆,雪耳3錢,金羅漢果半個,無花果3粒煲瘦肉湯服,一星期2劑,有助改善症狀.
扁桃腺發炎睇左西醫，食左7日藥，醫生有開抗生素，但仍然有點痛，有什麼食療可以幫助快些好返，謝謝
lilian:
你試用金羅漢果1/4個,玄參3錢,胖大海3錢,甘草3~4片,4碗水煮成2碗服,連服3劑,有助利咽消炎.
西藥要繼續食嗎？
Lilian:
炎症未好要繼續食西藥,羅漢果水隔2小時飲.
食完三劑可繼續服嗎？
Lilian:
服完三劑如感到症狀改善當然可以再服.
飲得多會吾會太涼？聽人講煲青欖魚腥草都可以，對嗎？
Lilian:
羅漢果茶偏寒涼,青欖平和,但魚腥草一樣寒涼,羅漢果茶加陳皮可減少寒涼之性.
早晨芳姐 我喉嚨痛三、四天， 說話好低、 冇辦法正常開聲，間中有痰想咳，痰 白色。 吞口水 喉嚨好似有啲嘢 仲係kick住咁痛 ，但不是劇痛刺痛。 有什麼食療可以幫忙？
謝謝你
helen上
Helen:
你試用金羅漢果1/4個,胖大海3錢,板藍根3錢,4碗水煮半小時成2碗服,連服3劑,有助利咽消炎開聲.
芳姐你好
先謝謝你 ，喉嚨好些 也開到聲， 不過 喉嚨 係仲有少少唔舒服而且 今早開始痕同想咳。 請問有什麼食療可以幫助謝謝
Helen
Helen:
你可能有點風,故喉癢想咳.可用烏梅3粒,菊花1小撮,甘草4,5片泡茶服,可沖泡至淡,連服3劑.
芳姐，囝囝3歲，昨晚外感風寒, 半夜開始高燒, 今天見扁桃腺炎，請問呢個方岩唔岩佢飲
Cherry:
扁桃腺炎可飲此湯,加5錢蘆根及雪梨1個同煮,有助退燒.
芳姐 我喉嚨痛左一星期 又成身骨痛 頭痛 耳仔痛 已食抗生素 沒甚麼效果 可以煲甚麼喝？本人脾胃 不太好 謝謝你
Wen:
痛不是病是個警號,表示身體有地方不妥,所以最好找出病因.你試用粉葛半斤,赤小豆,扁豆,薏米各1兩,蜜棗2粒煲瘦肉湯服,8碗水煮成4碗,可分2天飲,有助紓緩周身痛,頭痛等.
芳姐，
你好！請問可以只用羅漢果煲水飲用嗎？
需要煲多久呢？
因女兒有蠶豆症而且氣管非常敏感，有傷風感冒就容易有喘嗚……
今次有發燒、流鼻梯(小小黃色)、咳，西醫話扁桃線發炎
爺子媽:
可以單用羅漢果煲水供服,煲20分鐘就成.金羅漢果好味些.有鼻水可以加6朵辛夷花同煮.
請問餵母乳可飲此茶嗎？
kayi456:
餵母乳可以飲此茶.
你好，經期可以羅漢果胖大測海金銀花嗎？
芳:
來經如喉痛可用青欖5粒拍扁,羅漢果半個,5碗水煮成2碗服,胖大海,金銀花太寒涼不宜.
請問懷孕24週可飲此湯嗎？
Tammy:
懷孕可飲此湯.
想請問我個仔發高燒喉嚨痛，睇左醫生，開左喉炎，食左3日退燒，喉嚨又好好多，但鼻塞，跟住帶佢去覆診，醫生話扁桃腺發炎，開左抗生素，但依家係冇燒，喉嚨有點痛，咁可以唔食抗生素嗎
欣:
抗生素如果醫生指定要服完整個療程,必須依指示服完,否則以後再服此藥不會有效.可以用青欖6粒,羅漢果半個,4碗水煮成2碗供服,有助舒緩.服西藥後2小時飲就成.
芳姐你好，我女十七歲，一年沒發作，但上星期日開始扁桃缐痛，已睇西醫，但好左少少,係咪可以煲羅漢果胖大海？要煲幾多日
芳:
你女兒可以用羅漢果胖大海煲水飲,連服3劑,有助改善.
芳姐，
我仔5歳10個月，2號開始發高燒，醫生話扁桃腺炎，依家食緊抗生素，燒就退曬，但星期五
晚開始咳多左，咳到訓唔到,聽到有痰聲，但咳唔到出來，好辛苦咳到出來都係白色口水痰咁，
又便秘。佢日間也keep住咳，咳得好辛苦。你介紹個茶適合佢飲嗎？
Olivia:
你試用蘇子,萊菔子,麥冬各3錢,南北杏5錢,無花果3粒,切碎,5碗水煮成2碗供仔仔服,有助袪痰止咳,潤腸通便.服西藥後2小時飲,連服3劑.
芳姐，
我大兒子10歲，7月12日晚開始發燒，醫生說是扁桃腺發炎！開了抗生素給他服用。他現在除了頸部腫痛之外，還有少許痰和幾聲咳，服藥後精神不振！十分疲倦！口乾！請問有什麼湯水適合他呢？
芳姐, 請問此湯也適用於急性扁桃腺發炎嗎? 本人先生已在一星期內多次求醫，正在服用醫生處方的抗生素，但是仍感頭痛，持續發燒及手軟腳軟。另外，左面的扁桃腺位置明顯比較腫脹。
Vanessa:
扁桃腺發炎,可以用羅漢果半個,胖大海3錢,金銀花3錢,4碗水煮成2碗服,連服3劑,吃抗生素要隔2小時才飲.
慢性扁桃腺炎適合嗎？
meo:
慢性扁桃腺炎都適合飲用.
Polly:
你可以用羅漢果1/4個,胖大海3錢,甘草1錢,4碗水煮成2碗服,連服3劑,有助消炎利咽.餵奶後才飲.
芳姐 請問我坐月中
餵緊人奶 但咳嗽同埋喉嚨發炎 一咳成條頸中間喉嚨位好痛 聲都變埋 請問有咩可以餵人奶都飲得又醫得好
小兒6歲
扁桃線炎影响发烧。
有咳好多痰。
又咳唔出
可以煲什么？
THX
彤:
你試用桔餅1個,切碎,川貝3錢,4碗水煮成2碗服,連服3劑,有助舒緩.
芳姐你好！我之前喉痛，沒有咳嗽，鼻水，只喉痛，已食完了抗生素，但宜家喉嚨好似仲有少少野頂住甘，又吾係痛，是否未好返？我本身要喂人奶，請問有咩湯水可飲？謝謝
Rita:
你試用花旗參,麥冬,桔梗,甘草各2錢泡茶服,可沖泡至淡,每日1劑,至症狀好為止.對久咳傷肺陰有良效.
我已經咳了差不過2星期，喉嚨亦痛，好口乾，白天很少咳，只係喉嚨痕致咳一兩聲，夜晚不停咳，最近這幾晚半突然醒不停咳，昨天晚上喝薑水，沒有咳，沒有喉嚨痛，今晚喉嚨又痛起，這個我這適合嗎？謝謝
芳姐，我昨晚開始喉嚨痛，吞口水都痛，宜我又要喂人奶，請問可以飲羅漢果胖大海茶？謝謝
Ling:
你可以飲這款茶,只要哺乳後才飲就成.
玲:
你可用蘆根5錢,薏米1兩,雪梨1個,去核,淡竹葉2錢,冰糖少許,5碗水煮成2碗供服,有助清熱退燒.
芳姐，囡囡5歲，昨天開始有發燒，今早起身话喉嚨痛，咀仔好紅，可以煲咩湯水？謝謝
Rachel.Y:
你可以用蘆根5錢,生薏米1兩,雪梨1個,去核,北杏2錢,5碗水煮成2碗供服,有助清熱退燒.燒不退表示病邪趕不走,故要多飲幾劑.
芳姐，
我小兒3歲8個月，扁桃腺發炎, 鼻塞 , 沒鼻水, 少少痰, 一兩聲咳, 人是精神的, 食抗生素後就沒有高燒，但就有低中燒, 如38.1~38.5度之間。 請問可服用什麼湯水，小兒不肯食中藥，帶苦的湯水都不太肯飲，甜的可以。
MAY:
試用烏梅2粒,菊花1湯匙,甘草4,5片泡茶服,對敏感咳有幫助,每日1杯,至好為止.