By 芳姐 ( 1 2 月, 2017 at 2:21 下午)
· Filed under 口腔病/便秘, 小兒常見病
嬰幼兒容易因媽媽懷孕時未能清胎熱，出生後很易煩躁不安，夜睡不寧，哭鬧不休，令身為父母者很擔憂。
有味「黑豆安神茶」很好用，性質又平和。黑豆性平，功能滋陰補血、明目安神、補益肝腎、養血疏風。配甘草及有清心火、利小便的燈芯草同煮，對小兒夜啼、煩躁不安、嬰兒胎熱驚悸很適合。
用料是：黑豆5錢，甘草1錢，燈芯草6扎。
做法：將材料浸洗，用5碗水煮成2碗作開奶茶即成。
~ 小貼士：此茶嬰幼兒夜睡不寧可服，對小兒或成人心、胃火盛，口舌生瘡都有幫助，黑豆用量宜加倍。
Permalink
芳姐妳好,
若冇燈芯草,可用雪梨乾代替否?
謝謝🙏🏻
Juliana:
如無燈芯草,改用百合5錢好些,因為百合有清心安神作用.
芳姐您好。請您賜教如何舒緩3週多的幼嬰脹氣？ 餵奶粉之後脹氣更加嚴重。 勞煩您。
蘇太:
你可以在兩餐中間替BB輕輕按摩肚仔,順時鐘方向輕按,有助將脹氣排走.
妳好芳姐！
請問6個月大bb可否飲用此茶？bb每到夜晚用很長時間才入睡，身上出熱痱可否飲用？
謝謝！
KK:
6個月BB可以飲此茶.生熱痱可用洗淨的黃瓜切片,幫BB塗患處,一日2~3次,有助消熱痱.
請問用黃瓜塗患處後，要不要再用清水抹乾淨？用後可否再塗熱痱水？
謝謝芳姐！
KK:
青瓜片塗抺後15分鐘可用濕巾抺乾淨.之後可塗熱痱水.
謝謝芳姐！
芳姐，你好👋
我有兩個小朋友1歲同2歲
1歲小朋友好食得乜都食，但係脾氣都差，夜晚趴住瞓同喘氣聲有d大。有時會喊，見到佢鼻窿有少少紅。小便都有d黃。
2歲小朋友好挑食，好多嘢都唔會去嘗試，2歲4個月先身高89cm體重24磅。都係鼻窿紅，夜晚瞓覺有時會喊幾聲。
請問有什麼食療方法可以幫到小朋友减少唔舒服？謝謝🙏
cherry:
你試用有芯蓮子1兩,百合1兩,燈芯草8扎,蘆根5錢,蜜棗2粒,6碗水煮1小時成3碗,兩個小朋友一天分服,有助清心火,健脾胃.如鼻塞可用6朵辛夷花泡茶供服.
十分感謝🙏一個星期可服用幾次？再請教飲食方面可多食食物有哪些？
Cherry:
你先給小朋友連服3劑,如有改善,停2天再服3劑就成.小朋友最重要是飲食營養均衡,以容易消化的鮮魚,豆腐,新鮮蔬果為主要食物,少給零食及過甜,煎炸香脆之食物,以免影響正餐胃口.
芳姐，
你好，我個仔4歲半，近幾日半夜總是痰上頸，令他煩躁難睡好，會哭啼，聞到有口氣，請問有什麼簡單湯水可以給他飲？之前飲虎乳靈芝沙參玉竹湯都無幫助
Windy:
你試用金羅漢果半個,青欖15粒,南北杏1兩,百合1兩煲瘦肉湯,煲2小時,全家可飲,有清熱袪痰,清心安神.連服3劑.
芳姐，我仔仔46日，一個幾月，佢訓得唔好，好淺睡，常常哭醒，有時很忟憎
請問可以飲咩既湯水？
Yan chan:
你可以用有芯蓮子5錢,百合5錢,燈芯草6扎煲水飲,然後餵奶,或作開奶茶供BB服.5碗水煮成1碗即成.連服3劑.
這個會否很涼？我害怕自己受不了
Yan chan:
此湯不太寒涼的.有芯蓮子性平的.百合,燈芯草也只微涼.
芳姐，你好，BB一個月大，有蠶豆症，面上，背部，頸都有類似暗蒼小粒粒，夜晚又吾肯瞓覺，請問有何辨法？
芳姐，你好，BB一個月大，有蠶豆症，面上，背部，頸都有類似暗蒼小粒粒，夜晚又吾肯瞓覺，請問有何辨法？
Yu:
BB可能胎熱未清,如餵人奶,你可以多飲些清潤湯水,如茅根竹蔗紅蘿蔔馬蹄水,蓮子百合燈芯草湯之類,飲完才餵奶,有助清BB熱氣.另外可以用熟香蕉連皮洗淨,剝皮後用白色那面的皮替BB塗擦患處,15分鐘後用濕手巾抺乾就成,一日2次,有助消除暗瘡粒粒.
那可以用莞茜給BB冲涼嗎？
Yu:
如果感到BB皮膚痕癢就適合用芫荽水沖涼.
感謝芳姐，我試下
女兒今年七歲小便 黃有咪請問煲什麼湯水畀佢飲
隻眼有啲籃嘴唇有啲紅
Thanks
Lucina:
你可以用蘆根5錢,生薏米1兩,粟米鬚1兩煲水,5碗水煮成2碗供服,連服3劑,有助清熱利尿.眼藍可能風重,少吃甜食及冰凍飲品.
明白了芳姐！仲想知道這個黑豆茶有沒有幫助呢？
因為我開刀關係，暫時沒開始進補，我平常飲木瓜章魚通草湯+杞子南棗圓肉焗水飲+紙包飲品有無糖豆漿和黑芝麻鈣思寶，請問哪一款飲品出現問題呢？🤔
yuko:
你試將圓肉改南棗,因為圓肉較温燥.黑豆茶有助催奶,但亦較温燥,你加兩,三粒切片無花果同泡茶會潤些,又催奶.
hi 芳姐，想請教一下，我開刀生的bb 現在3周大，全人奶。
他經常谷紅面仔好似好辛苦咁，瞓教時尤其嚴重，好似瞓唔冧咁，大便正常有屁放，我家人話佢有肚風，我都聽到佢肚仔咕嚕咕嚕。
請問我可以食咩飲咩（啱開刀），令到人奶幫到bb祛風同冇咁多肚風？
謝謝你！
yuko:
你可能飲了補品湯水,令BB燥熱上火,可以在兩餐中間幫BB輕輕按摩肚仔,順時鐘方向按摩,有助袪風.你可以用紫蘇葉3錢,陳皮2個,紅糖適量,4碗水煮15分鐘,一天飲用,飲完半小時餵奶,有助BB袪風.
明白了芳姐！仲想知道這個黑豆茶有沒有幫助呢？
因為我開刀關係，暫時沒開始進補，我平常飲木瓜章魚通草湯+杞子南棗圓肉焗水飲+紙包飲品有無糖豆漿和黑芝麻鈣思寶，請問哪一款飲品出現問題呢？🤔
你好芳姐！小兒剛5個月！近日胃口欠佳脾氣大！
可以煲些甚麼給仔飲？同埋佢有濕疹有咩方法可以舒緩這皮膚問題？謝謝
敏敏:
你可用白蘿蔔半個,穀芽、麥芽各5錢,5碗水煮成2碗作開奶茶供仔仔飲,有助理氣健脾消食.濕疹會令BB不舒服,所以才覺得仔仔脾氣大,可用白癬皮,地膚子,側柏葉各5錢煲水作外洗劑,煲20分鐘即成,可一天分3次,用藥棉沾藥液塗患處,不用清洗,没太大藥味的,能止癢消疹,連用3天,看能否改善?
芳姐你好，我想請教你，我小朋友9個月大，最近2個月內試過3次便秘，我自己煲開奶茶，佢唔鍾意陣味，唔肯飲，唯有買即沖開奶茶，點知飲完爆濕疹，佢唔太鍾意飲水，我想問可以煲咩比佢飲，等佢便便好d呀？我奶奶聽人講生熟薏米加燈芯花煲，有無用呢？麻煩芳姐你解答🙏
Evasoso:
你可以去超巿買西梅乾,每次用4粒,加少許涼開水後搗爛供食,有助通便.生熟薏米燈芯草水有清熱袪濕作用,但不能通便,間中飲可以.
感謝芳姐，我試下先🙏🙏
芳姐，你好，想請教下，我女兒十個月大，經常半夜四點左右會醒，吵一兩聲，只需比我隻手佢捉住，佢就唔吵，但係佢就係唔瞓，眼光光，有時見佢眼瞓，捉住後有合眼，但都瞓好差。請問有咩湯水可以比佢飲？因為佢好衰架，湯就肯飲，其他除蘋果煲水之外都唔肯飲，佢仲係埋身，一滴奶粉都唔要嗰隻隻🙏🙏
Jasmine:
你試用蓮子1兩,百合1兩,燈芯草6扎,蜜棗2粒,5碗水煮成碗半供一天服,連服2劑,看能否改善.
謝謝芳姐，我立即試下🥰
小朋友18個月大，半夜常訓訓下叫，差不多每晩多數4點多叫下，睡不安，飲這個可以嗎？飲幾多劑？涼嗎？飲七星茶當天可同時飲用嗎？
Yvonne:
這款茶不寒涼,BB可以飲3劑,有助安睡.七星茶可隔1~2小時飲.
請問黑豆要吾要浸？係咪普通超市就買到？
Yvonne:
黑豆最好用清水浸1小時,將水倒走才用最佳.青仁黑豆在雜貨店一定有售,超巿間中有青仁黑豆賣,普通黑豆多數有售.
芳姐你好,
小兒一個半月大，半人奶半奶粉餵哺，面上有bb暗瘡, 日夜容易煩躁不安，一半睡眠時間容易驚醒，要抱著睡，大小便無問題，多放屁，但經常在零晨12-2點大便，請問這個食療可改善嗎，聽說可服蓮子水開奶，煩請指教，謝謝🙏🏻
Maggie:
你可以用有芯蓮子5錢,百合5錢,燈芯草6扎,5碗水煮成2碗作開奶茶,有助清心火,連用2天.多屁可能腸胃消化力弱,可以在兩餐之間幫仔仔輕輕揉肚仔,順時鐘方向搓揉,會有幫助的.
芳姐，請問這也能改善零晨大便嗎? 零晨大便是否因為熱氣?
謝謝你 🙏🏻
Maggie:
你仔仔每天零晨大便可能有些腸胃濕熱,試用雲苓,白朮,扁豆衣煲水作開奶茶,連服2劑,看能否改善?
多謝芳姐🙏🏻請問材料份量應該多少?
Maggie:
每樣材料用3錢就夠.
請問芳姐, 要用多少碗水煮成多少碗開奶茶? 謝謝你😊
Maggie:
4碗水煮半小時成1碗半作開奶茶.
芳姐你好
女兒十個月大，半人奶半奶粉餵哺，最近有口氣、尿黃現象，而最近又飲奶粉比較多，不知道是否熱氣上火呢？請問有何食療可改善，謝謝🙏🏻
Yuki:
奶粉可能有點熱氣,可以用蘆根3錢,生薏米1兩,雪梨1個,去核煲水餵服,大人,BB一齊飲.很平和的,此茶打防疫針前都可以連服2~3劑,可減少不適症狀.
芳姐，仲想請問幾多碗水煲埋一碗呢？謝謝你
Yuki:
5碗水煮成1碗,一天分幾次餵服.
芳姐你好，我跟你煲左燈芯草蓮子蓮心比bb 飲，連續飲了三日，但過了兩天，bb 瞓覺又變番不斷大喊，我睇過你講最好飲五日先可以清心火，咁我應該再一次煲連續五日還是煲多兩次就可以呢？這款水是否可以連續飲五日？謝謝解答。
訪客:
連服3劑如果情況未改善,可再服3劑.
謝謝
芳姐你好，我仔仔出世20日大，面，身頸都有好多暗瘡仔，食人奶，可以飲這茶嗎？比佢飲得嗎？還是我飲左，係人奶到都有幫助，謝謝
Elaine:
你飲後餵奶給BB,寶寶會從奶水中吸收到藥效,飲後半小時餵.
好，謝謝
你好，芳姐，小女一歲半，有咳及痰，可用此湯嗎？
Ryan:
你可以用蘇子,萊菔子各3錢入茶包袋煲瘦肉粥供囡囡食,能袪痰止咳,連服2~3劑.
芳姐你好，我女都差不多兩歲，最近晚上九至十點才訓，五點就起身，日頭合共都只訓兩小時左右，有冇湯水可以等佢訓得好啲，食得唔多但好瘦，仲未有20磅
文:
你試用有芯蓮子1兩,百合1兩,燈芯草6扎,5碗水煮成2碗供一天服,連服3~4劑,有助清心安神,健脾.
芳姐你好, 謝謝你的回答, 請問一般在樓上買的湘蓮子係咪即係有芯蓮子? 還是要買鮮的?
另外, 如果我用燉盅來燉可以嗎?
文:
有芯蓮子是整粒的,你要問中藥店,講明是有芯蓮子才成.開邊蓮子多數去了芯.可以燉服.
好的, 謝謝你, 芳姐
唔好意思, 仲想問是否燉2.5小時左右?
文:
一般燉2小時差不多了.
芳姐, 非常感謝你呀
芳姐，BB 7星期大，餵人奶，胃仔細小，開奶茶的意思是在每次食奶前餵適量嗎？ 因兩碗水的分量比一餐飲的奶好像還多。
又是否可以經母乳過給BB？對我的身體有影響嗎？ 我這幾天在飲黨參無花果海參響螺冬蟲草燉雞湯，會否太燥熱影響BB？
感謝
曾太:
你餵人奶,開始茶你可以餵奶前1小時飲用,有幫助的.BB都可以餵幾口的,没問題.哺乳媽媽如進食有補益作用的藥材湯,最好餵完奶才飲,就不太會影響BB了.
謝謝芳姐！
芳姐，不好意思又要麻煩你，我BB2個半月大食人奶，有7天未呵大便(平時是4至5天排一次大便)，放的屁好臭。
我有帮佢按摩肚仔， 有什麼方法和食療可帮BB容易排便？
Joyce:
有些BB腸蠕動較慢,你都要繼續在兩餐之間幫BB搓揉肚仔,順時鐘方向搓.如7天未大便建議去看醫生.因為BB得2個月,否則可餵些西梅醬汁供服,有助排便.
谢谢芳姐的回覆。
芳姐，你好，我的BB已餵人奶兩個月了，但發覺她經常要抱着才肯入睡，每當放在牀上便很快醒來，且日間睡眠醒來的次數很頻密，請問有何辦法。
补充:芳姐，BB睡得不好常常梦中惊醒，可否饮此款黑豆茶？
Joyce:
BB入睡後醒來試不要抱起,只輕拍BB安撫,當然要看是否尿片濕了,或肚子餓?排除這方面就要誘導BB安睡,要硬住心腸不要抱.可試用此茶.
谢谢芳姐回复！
非常感謝芳姐，BB饮了黑豆茶睡眠好很多，2個月多的BB一星期可以饮几次？
Joyce:
BB飲了黑豆水有改善,可一星期飲3劑,症狀好就停.
7個半月人奶BB,一晚醒六,七次,成日訓唔冧,日頭訓好少,可以飲此茶?
elaine:
你試用有芯蓮子1兩,燈芯草6扎,百合5錢,5碗水煮成碗半供一天服,連服3劑.
我小兒飲左睡眠改善，訓冧左，醒少左，請問平時可以一星期可以飲幾次
Elaine:
一星期2劑可作保健茶飲,症狀完全改善就停服.
芳姐你好，請問這茶會很涼嗎？也是可以當開奶茶嗎？謝謝
請問6扎是多重？謝謝！
Joyce:
此茶不寒涼.6扎我没有秤過,大約4~5克吧?
謝謝芳姐。請問黑豆要炒過的嗎？
Joyce:
黑豆煲就不用炒,如泡茶飲就必須炒至夠熟才成.
我在台灣沒賣一扎扎的燈芯草。買了2克而已，量看起來比您的圖多很多，大概像這樣：http://blog.livedoor.jp/yame_tesigoto/archives/2817707.html .如果4，5克就兩倍多了。而且它看起來跟您的不太一樣，還是我買錯嗎？
Joyce:
我没有秤過,燈芯草很輕秤的,所以通常我用6扎供網友參考,可能是2克未定,因手頭没有燈芯草故提供不到數據.燈芯草可以不是一扎扎,只要你見到有草,有條燈芯樣的東西應該是這種草了.
小兒蠶豆症，可以飲嗎？是否不可飲甘草的？
竣媽:
蠶豆症患兒,甘草可以用,可飲此茶.
芳姐！我小朋友兩歲五個月呢個星期都發夢驚醒大喊！係咪都可以飲此湯？
同埋呢兩日有幾聲乾咳可以點做？謝謝
hyyi:
你家小朋友可以飲此湯,或加5錢百合同煮,有助清心安神,潤肺燥.
芳姐！我小朋友兩歲五個月佢成個星期夜晚都發夢醒跟住勁喊！係咪都可飲哩個湯
唔好意思呀芳姐我講漏咗 佢仲有濕疹請問都可以飲呢個茶嗎？
陳太:
有濕疹都可以飲.加黑豆1兩,甘草2錢同煮有助解毒消疹.
陳太:
你試用麥米1兩,茯神5錢,圓肉3錢,百合1兩,燈芯草3錢,冰糖適量,7碗水煮成3~4碗,小朋友一天分服2碗.連服3劑.
芳姐，我仔13個月大，可以用此材料煲俾佢飲嗎？又係成日都喊，好似嚇親咁。
Bee:
可以煲此湯給嬰幼兒,連服3劑,看能否改善?
多謝芳姐！我可以平時當開奶茶每星期煲一次俾阿仔飲嗎？
Bee:
你可以用此茶作開奶茶供仔仔飲,一星期2劑,症狀改善就停.
芳姐你好： 我小朋友差唔多兩歲 早前喺公園跌親 可能吓一吓而家日日都喊 夜晚瞓覺都喊醒 出街又要抱住先得 請問有啲咩可以煲畀佢飲畀佢定一定驚 多謝！