By 芳姐 ( 28 3 月, 2017 at 2:00 下午)
· Filed under 婦科病／產前，產後／不孕, 養顏潤膚／消脂瘦身, 高血壓／冠心病/中風
蘆筍近日當造，在灣仔街巿見12元1扎，22元有2扎，有些較粗壯的也是13元1扎，1扎起碼200克重。蘆筍為蔬菜之王，味道清香，無論入饌炒菜或放湯都很美味，而蘆筍並非越粗壯越好，因為筍頭活性物質含量高，表皮營養成分也高，故不用追求又粗又長的，幼身可能療效更佳。
蘆筍配紫菜、草菇等滾湯，含豐富蛋白質、維生素、纖維質及人體所需微量元素等，能促進胃腸蠕動幫助排便，可加强排毒、消脂減肥，及有降血壓功效，適合減肥人士飲用。
用料是：蘆筍4兩，草菇2兩，紫菜1小撮，雞蛋1隻。
做法：蘆筍洗淨，削去些少老皮，切段；草菇洗淨，剖開對半；紫菜沖洗；雞蛋打散；燒熱3碗水，加入蘆筍、草菇、紫菜，滾7分鐘，加入蛋汁及調味，滾起即可供食。
~ 小貼士：此湯老少咸宜，營養豐富。對三高症及剛生產第一週的產婦也非常適合，能促進排便，清熱利尿。但尿酸高患者不宜服。
Permalink
芳姐你好，我最近又成日因為有風而頭痛，以前都成日頭痛但飲完天麻魚頭湯就好反，而架我懷孕14週，頭痛位置會變，頭痛亦會令我嘔，吹風扇都會令我頭痛，飲疆水會好少少，但飲得多對bb有無問題？有試過煲疆水沖涼但效最都係無煲飲天麻魚頭咁有效，但上網睇話懷孕唔可以飲天麻魚頭湯所以唔敢煲，有睇過中醫但飲完藥轉頭就嘔，所以想問下你有無湯水或者焗茶介紹俾我可以去風或者去風又去濕！因為比較鐘意飲湯！多謝你
Sandy:
天麻孕婦可以用的,你試用天麻3錢,黃精5錢,生薑3片,南棗6粒煲大魚頭湯服,連服3劑,有助改善.川芎這類中藥孕婦就不宜用.生薑煲水没問題的.
這是一人份量嗎？？我老公可以一齊飲嗎？
魚頭要用疆煎一煎嗎？因為我之前都無煎個魚頭就咁去煲可以嗎？謝謝芳姐！
Sandy:
如果你不怕腥,魚頭不用煎都得,你先生可以飲.屬補益湯水.
芳姐你好，我岩岩懷孕滿3個月，無胃口又成日失眠，飲奶會嘔，唔鐘意飲奶粉，唔鐘意食肉魚同反，鐘意飲凍0茶(黎到會自已走冰) ，睇醫中醫話我濕氣重有心火，請問有咩湯水可以岩我飲？平日都有煲桑寄生連子茶但無加蛋只係呢2樣煲完加庶糖！有時都會煲巴戟杜仲黑豆湯！因為搬左新屋附近中醫都未睇過唔知邊個夾自已，睇過2個都覺得唔不好，所以唔想睇，食完中藥更加唔舒服同會嘔！我重有便秘問題！所以想煲湯水俾自已飲下！謝謝！
Sandy:
懷孕無胃口,可以滾些番茄洋葱牛肉湯,蘆筍草菇紫菜蛋花湯,絲瓜豆腐肉丸湯等不肥膩易入口又營養豐富的湯水.不要飲凍飲了,會令脾胃更弱更無胃口,要暖飲暖食,可以滾些糖薑茶飲,有助暖胃止嘔,或用生薑3,4片,番薯2個,紅糖適量煲糖水食,有助止嘔又滑腸.有番胃口就用蓮子,百合各1兩,雪耳2錢,紅棗6粒,生薑2片煲雞湯飲,有健胃清心安神功效.飲湯吃湯料,一星期2劑.
多謝你芳姐！我本身怕涼又容易熱氣，滾湯都岩飲嗎？？身體同手耐唔耐都有1,2粒水泡仔，會癢癢地！係咪濕得制？
Sandy:
皮膚癢及間中有水泡多屬脾胃有濕,可以煲些雲苓,白朮,扁豆衣水飲,每樣3錢,5碗水煮成2碗服,可加赤小豆同煮,有健脾利濕作用,又不寒涼.
多謝芳姐
顺便再问问芳姐，我老公最近工作量大，经常加班导致腰酸背痛，他又是热底，怕上火，应该放什么材料比较好？(有肝炎)
小华:
你可以用鮮牛大力2兩,老桑枝5錢,黑豆1兩,南棗6粒煲排骨湯,8碗水煮成4碗,可分2天服,連服2劑(飲4天).
芳姐，白带多还有点宫颈糜烂可以煲点什么汤或者中药调理，不想吃西药（平时血压偏低，容易头晕）。谢谢
小华:
白帶多,宮頸糜爛要看醫生,可以看中醫治理,食療只能作輔助治療.可以用白果肉10粒,去芯,芡實1兩,生薏米1兩,陳皮1塊,紅棗6粒煲瘦肉湯服,8碗水煮成4碗,可分2天飲,飲湯吃些湯料,連服3劑(飲6天),有助改善.
芳姐您好：想問問依家懷孕7個月，醫生話個胎較細，可以煲咩湯水飲？？另外想問幾多個月要清胎毒？同埋煲咩湯水清胎毒呀？謝謝你呀
香:
懷孕可以少食多餐,多食含蛋白質豐富食物,如鮮奶薑汁燉蛋,白飯魚炒蛋,瑤柱肉碎豆腐等.這款蘆筍湯都合飲,番茄蘿仔紅蘿蔔瘦肉湯亦適合.鮮魚豆腐湯亦佳,總之少食多餐最佳.6個月開始清胎毒,用白蓮鬚5錢,蜜棗2粒,4碗水煮半小時服,一星期2劑,現7個月可以服,服3個星期左右就成.
謝謝芳姐詳細的回覆！
芳姐，你好！
本人四十多，近半年月經來的日子由之前的5天變為3天，是否步入更年期，所以有此致變？
有甚麼食療改善或可延後更年期？謝謝！
雯:
40幾歲如經期紊亂好有可能步入更年期,最準確的方法是去作婦檢,檢查荷爾蒙分泌就知道.可以多燉些海參來吃.海參含雌激素,膠原質,又不含膽固醇,可一星期吃2~3次.
芳姐，
你好! 想請問產後26天，惡露時有時無，是正常嗎？
請問可以怎樣調理此問題?
謝謝!
yee
yee:
惡露26天仍末清除,表示子宮未能完全康復,可以用益母草5錢,山楂3錢,紅糖適量,4碗水煮20分鐘飲,連服3劑,有助加快子宮康復.
謝謝芳姐的回覆!
如果餵母乳，其中一邊乳房有硬塊及腫痛，此湯可以加入通草調理嗎？
或是芳姐有更好的意見提供?
謝謝!
yee:
乳房有腫塊要及早治理,可能是乳腺發炎.可用熱毛巾作外敷,並按摩以消腫.可加通草2錢同煮.
芳姐你好，本人怀孕7个月，最近家人买了好多榴莲回来吃，朋友说榴莲毒素高到时候BB头皮会很脏，我真有点担心，请问吃什么可以清胎毒呢？麻烦芳姐指点，谢谢！
BOBO:
鮮冬菇,鮮蘑菇都可以代替鮮草菇.
芳姐你好
請問有什麼菇可以代替新鮮草菇呢?
Cola:
你試用香茅4支,青蘋果2個,4碗水煮半小時服,連服4~5劑,有助舒筋活絡,幾好味的.
芳姐你好，我因膝蓋痛看中醫，醫師話我是氣虛血瘀體質（血壓偏高），現時有吃中藥及針灸，效果不明顯，請問有什麼湯水是適合煲來飲呢？。謝謝！
本人懷孕22週，第一次量血厭，上壓143,下壓76；第二次左手上壓134,下壓72,右手上壓140,下壓70,是否屬於高血壓？請問我如何調理好？謝謝！
林小姐:
如經常鼻敏感,可以用辛夷花薄荷葉焗茶飲,一星期4次就成.都要讓身體自己工作的.
芳姐, 早晨!
飲了辛夷花蜜水後, 晚上打噴嚏的情況有所改善, 請問辛夷花及薄荷葉可以每天飲用的嗎? 謝謝!
訪客:
此湯幼兒可飲.
芳姐
你好，請問這款湯一歲小朋友啱飲嗎？
謝謝。
芳姐，可否同日飲龍利葉蘋果湯和辛夷花茶，謝謝。
eva:
兩款食療可以同一天分服.
訪客:
尿酸患者不宜食蘆筍及菇類.我會作修改.
eva:
辛夷花拍碎,用開水泡焗5分鐘可服.玉屏風散可用2茶匙,用開水沖服.如鼻敏感,可加入6朵辛夷花一齊沖泡.龍脷葉石黃皮蘋果湯可以繼續服3劑.
芳姐：
想煲您推介的蘆筍草菇紫菜蛋花湯，聽講有尿酸人士不可食蘆筍及菇菌，是嗎?
謝謝!
芳姐，你好
女兒7歲，之前咳左差不多兩個月，食西藥食左一個月還没有好，之後我就煲左五日龍利葉石黄皮蘋果湯，咳少左好多，一日咳幾次，有痰，睡覺冇咳，但鼻涕有時黄，有時清，有鼻感敏，有咩湯水可以化痰和收鼻水？如果我焗辛夷花要焗幾耐才飲？如果食玉屏風散要点食法？謝謝。
eva:
農本方專賣店有玉屏風散賣,在皇后大道西有多間中藥店有玉屏風沖劑賣,35元1瓶,不貴的.149~160號一帶都有.
芳姐，我在裕華買吾到玉屏風散，還可以在那裏買？謝謝。
謝謝芳姐的指點。
林小姐:
你可以焗些辛夷花蜜水飲,連服3劑.
winnie:
小腿抽筋可能受了寒都未定,可以用香茅4支,青蘋果2個,去皮,去核,5碗水煮半小時服,連服3劑,有助改善.
芊芊:
你可以用鮮土茯苓2兩,赤小豆,扁豆,薏米各1兩,蜜棗2粒煲排骨湯飲,8碗水煮成4碗,可分2次服,連服2劑,有助清熱消疹.
芳姐, 你好!
近日晚上睡眠時略有打噴嚏情況, 請問焗蜂蜜辛夷花薄荷葉飲用有效改善嗎? 或有其他更好食療可介紹嗎? 謝謝!
芳姐你好，本人懷孕21周，昨晚睡到半夜左邊小腿有抽筋現象，請問這個是不是缺鈣呢？煲什麼湯水可以好些？謝謝妳！
芳姐你好，不知怎的最近皮膚痕癢，尤其是脚有很多红点好像蚊虫咬似的，有什么可以帮助改善？谢谢！
訪客:
由於近日教課工作較忙,故左手邊[近期廻響]如果已滿,其他見不到的就未必回覆到,抱歉!
你朋友試用桔梗,菊花,麥冬,甘草,羅漢果各1小撮泡茶服,(可沖泡至淡),連服3劑,有助清肺火,止咳.戒吃辛辣刺激及太甜食物及凍飲,飲食宜清淡.
Yan:
如果本身有胃腸氣脹,不宜吃太多牛肉,會飲胃脹加劇.白蘿蔔和牛肉不相沖的.
你好 芳姐，有看到我信息嗎？
訪客 said,
三月 28, 2017 @ 12:18 上午
你好 芳姐，我有個朋友今年大約30歲。
這幾天咳嗽比較嚴重，感覺氣管很癢，
間中會有痰程黃色的，請問有沒有食料可以吃？謝謝
另外要不要介口呀？
芳姐! 白蘿蔔不是化氣嗎? 怎麼吃完白蘿蔔加牛肉會有胃脹感?謝!
小敏:
你可以煲些蠔豉粥食,或煲些皮蛋鹹瘦肉粥食,有助滋陰降火,不寒涼的.
芳姐, 你好!虛火旺有脾胃差, 爆飛滋同口乾渴. 但有不受得寒涼食物?可以飲些什麼?謝!