By 芳姐 ( 22 3 月, 2018 at 3:17 下午)
· Filed under 婦科病／產前，產後／不孕, 老人病/骨傷/關節病, 養顏潤膚／消脂瘦身
「桑寄生蓮子雞蛋糖水」是舊日普羅大眾價廉物美的保健茶飲，能補肝腎、袪風濕、强筋骨、養顏、安胎。對風濕痺痛日久、筋骨不利、腰膝痠痛之症頗具療效，尤其是懷孕及產後婦女，容易腰骨勞損，可常飲用桑寄生茶。
近年有些中藥店有蒸製過的桑寄生賣，一大盒，售價較普通桑寄生貴一倍有多，但仍然算便宜，煲湯後少了苦澀味，加蓮子、紅棗或圓肉同煮，甘甜順滑，非常可口。
用料是：桑寄生1兩半，蓮子1兩，圓肉10粒，雞蛋2隻，片糖適量。
做法：雞蛋烚熟，去殼備用；桑寄生、蓮子浸洗；將桑寄生、蓮子、圓肉用6~7碗水煮45分鐘，加入片糖及雞蛋，煮至糖溶即可供食。
~ 小貼士：圖中的是製過的桑寄生，顏色較未製過的深色些，枝葉又較乾淨。此茶老少皆宜，常服更能養顏美肌。但孕婦不宜用圓肉，改用紅棗6~8粒就成。
Permalink
芳姐你好，請問來經時腰痛可以煲咩舒緩呀？
訪客:
來經腰痛可用杜仲,桑寄生各5錢,栗子3兩,南棗5粒煲西施骨湯,全家可飲.連服2劑.
芳姐，請問我自己一食熱氣野就好容易脷痛，生痱滋，係咩原因呀？有冇湯水可以改善呢個問題呀？因為我而家完全唔敢食熱氣野，有朋友約bbq,食燒肉我都唔敢去。想睇下有冇方法可以改善，唔該哂。
訪客:
你可能有點陰虛火旺,較易上火,簡單的用石斛粉,花旗參糖,每天或隔天各服1茶匙,温水送服,有助滋陰清熱潤燥火.如有朋友約燒烤,可以煲定一些羅漢果雪梨乾水或沖泡一些花旗參菊花茶飲用,都有助減少發熱上火.
多謝芳姐回覆🙏🙏
訪客:
花旗參糖陪月學生請我吃過,但我都不知道哪裡有售?
明白了，謝謝芳姐回覆😊
芳姐你姐，請問花旗參糖係邊到有得買架?謝謝!
你好芳姐，請問12歲嚟咗15日經期，咀唇白，脾胃差，氣血都唔好，可以煲咩比佢飲呀？
Tracy:
你可用鮮茅根1扎,鮮蓮藕節3個,生地5錢,5碗水煮成2碗供服,連服3劑,有助涼血止血.停經後可以用紅豆1兩,紅衣花生2兩,杞子3錢,紅棗6粒加紅糖煲糖水供服,一星期2劑,能補血調經.
謝謝芳姐
芳姐:
很喜歡這個桑寄蓮子圓肉蛋茶, 但朋友話我血壓低, 唔可以飲此茶!
請問加什麼可以飲呢？
Zara:
桑寄生有降血壓作用,只要用量少,例如用5錢左右,加圓肉,蓮子就對血壓低人士亦可以飲.
多謝芳姐回覆🙏
芳姐你好！
我中新冠後已一個月多，每日朝頭早起床刷牙時有少少黃色痰，到10點左右胸口就會感覺到有啲嘢好深度咳，咳出白色痰，咳時會聽到痰聲，每日上午都係這樣，睇咗中醫幾次了，都無改善，夜晚瞓得唔係咁好，請問芳姐有咩食療可以改善呢！謝謝🙏
小漫:
你試用法夏,茯苓,白朮各3錢,陳皮2錢,甘草1錢,5碗水煮成2碗服,連服2劑,有助袪痰.材料在中藥店有售.
謝謝芳姐回覆🙏🙏
芳姐，請問癌症病人可以飲嗎？
Man:
癌症患者可以飲,但不要放糖.
芳姐, 請問, 此茶合更年期飲用嗎? (我已停經一年, 但仍有潮熱心悸心煩) 另外, 上月底確診並已痊癒, 但很易疲倦, 請問, 日常應多吃什麼? 謝謝你。
戴太:
你可以常用小麥米1兩,炙甘草2錢,紅棗5粒,茯神5錢,百合1兩煲湯服.有助改善更年期不適.圖中這款湯都可以飲.容易疲倦可以多用四神排骨湯作調理.
如用每天用桑寄生焗茶飲ok嗎？或者隔日
訪客:
桑寄生質地較硬,不宜焗茶,只能煲煮,無需日日飲,一星期2~3次已足夠.
如果日日飲會否不好？
訪客:
其實很好的補益食療也不宜日日飲,都要身體自己工作的是不是?
明白，謝謝你
芳姐，妳好！
請問做完子宮手術已一個月，可否飲桑寄生南棗茶？
Peggy:
手術後1個月可以飲桑寄生南棗茶的.
謝謝芳姐！
請問一歲半可否服用？
SIN ＹＩ：
１歲半可以飲的。
Thank you 🙏🏻
你好 芳姐
平時黎完月經 我都煲桑寄生 蓮子 圓肉再加d紅棗 但每次飲完 都會頭痛 …點解呢？？
你好 芳姐
平時黎完月經 我都煲桑寄生 蓮子 圓肉再加d紅棗 但每次飲完 都會頭痛 …點解呢？？
Jackie:
圓肉較温燥,你可能有點上火.你試改用南棗5粒代替圓肉,看能否改善?
芳姐：
請問此茶適合經期後煲嗎？
Maggie:
經期後飲適合.
芳姐：
請問食”抗凝血藥“薄血藥可飲﹣桑寄生鳥豆紅棗圓肉杜仲糖水嗎？
因家姐食這藥，我煲了這個又不知可不可以給她飲！？
是不是連新鮮”蟲草花“，總之草蟲花／杏仁都不可以？因有一次上網看到，是真還是假？
因不太清楚她食物上有什麼不能食和忌食！所以請教你。。。。
Julia
芳姐
你好
本人39歲高齡才懷上第一胎，頭13周一直來啡，嘔吐嚴重，食唔落任何食物；幸好到現時懷孕15周已好轉，但偶有便秘，請問平日可飲用 ＂杜仲,桑寄生,黑豆,無花果煲瘦肉湯＂嗎？除此湯外還可以煲什麼湯飲用養胎安胎呢？另外本人有乳線纖維瘤，醫生說不能食雞，這樣是否也代表不能飲＂滴雞精＂？
Gigi:
有乳腺瘤不宜吃含激素多的家禽,但如果有機雞例如嘉美雞,康保雞等無激素飼養的雞,自已燉湯服没問題.紫蘇葉能安胎,可以用2~3錢,生薑3片,原味砂糖少許滾10分鐘當茶飲,一星期2~3次.杜仲,桑寄生黑豆花果瘦肉湯能安胎,可以用.
請問男人也可用此湯
Crystal:
此湯男女老少可服.
芳姐你好
前幾日做家務時彎身扭親條腰，食了消炎止痛藥，好了點點但還是痛，請問這款茶適合有幫助嗎？謝謝你。
Naomi:
你可以煲這款茶飲,蓮子改青仁黑豆更佳.
Hi 芳姐，我有便秘，可否飲桑寄生, 加什麼材料適合我？
Joey:
有便秘可以飲桑寄生茶,加4粒無花果同煮.霸王花杏仁甘筍瘦肉湯很通便.
芳姐，我月經停咗三個月，剛剛第一天來，但很小很小，月經來時，可唔可以飲桑寄生蓮子蛋茶，有冇咩方法可以正常來月經？
訪客:
你試用益母草5錢,紅棗6粒,生薑3片,紅糖適量,4碗水煮半小時成2碗服,連服3劑.可以飲桑寄生蓮子蛋茶.