By 芳姐 ( 8 8 月, 2020 at 12:51 下午)
· Filed under 外感/頭痛/呼吸道病, 家常湯餸／雜病
爭秋奪暑，是指「立秋」和「處暑」之間的時間，雖然秋季已經來臨，但天氣仍然非常炎熱，故民間才有「秋老虎」之稱。不過立秋後清晨和晚間仍然有些少涼爽的感覺，一直要到「處暑」時節，氣温才開始變涼，同時亦表示炎熱的暑天真的要結束了。
立秋後的飲食宜以潤燥益氣為主，盡量少食辛辣、刺激、煎炸或燒烤類食物，宜多食水果蔬菜。白菜及白菜乾最適合爭秋奪暑季節食用，因為白菜能解熱除煩、通利腸胃。而白菜乾經加工曬製，除了清熱除燥，對天氣乾燥引起的咳嗽亦非常有益，所以新鮮白菜和菜乾煮的湯，俗稱為「金銀菜湯」，有除燥止咳療效，是乾燥季節的好湯水。湯料加入杏仁同煮，理咳之效尤佳，而中醫着重以形補形，金、銀菜配合豬肺，更有治療肺虛咳嗽、肺熱咳嗽、咯血之效。
用料是：白菜4兩，白菜乾2兩，杏仁粉1湯匙，豬肺1個，排骨4兩，生薑2片。
做法：白菜、菜乾浸洗；豬肺沖洗乾淨，切成塊後用白鑊略炒，再洗淨；排骨出水；先將排骨，豬肺用10碗水煮至大滾，加入白菜、菜乾，及一碗調成糊的杏仁粉，用中慢火煮2小時成5~6碗，即可連湯料同食。
~ 小貼士：現在很多豬肉檔有灌水沖洗乾淨的豬肺賣，買回家只需用生粉和鹽略洗，切塊後用白鑊炒片刻，將豬肺內的水迫出就可煲湯。煲好湯後的豬肺非常好味，可以做一味湯餸。如無杏仁粉，可用南、北杏1兩代替。
Permalink
芳姐，請問我買的菜乾“au au脆”咁，唔知係唔係晒乾，是否無咁好？唔該！
訪客:
菜乾只要聞起來很清香,無生蟲,無發霉就成.
芳姐，
本身唔食內臟，有無其他代替？☺️
另外唔係好習慣網頁變左，張相跌左落下面😑
Bobby:
可以用鷓鴣或鵪鶉代替.張相可以放上放落的,我初初因為網站做了些更改不太懂應用張相才會最後才放.
芳姐，
如果加左鷓鴣或鵪鶉，係米唔使加排骨？定話可以照加？但又好似太多肉甘。白菜仔就見有，大棵白菜好似唔多有，菜膽都見有，甘係米無所謂邊種？🤔
習慣左睇相，吸引左先睇文章，一般人嘅壞習慣☺️
Bobby:
現在較少大棵白菜,可以用白菜仔.放了鷓鴣或鵪鶉就可以不用放排骨,除非家庭人很多才加多些肉以增加鮮味.
芳姐除了街市那裏可買到菜亁
Amy:
海味店,裕華等大間超巿都有菜乾賣.